Presidenti ukrainas, Volodymyr Zelensky, ka zhvilluar një bisedë telefonike me Papa Leo XIV, siç njoftoi vetë ai në një postim në rrjetet sociale. Zelensky e cilësoi këtë bisedë si shumë të përzemërt dhe konkrete, duke shtuar se kjo ishte biseda e tij e parë me Papën.
“Fola me Leon XIV. Ishte biseda jonë e parë, por shumë e përzemërt dhe vërtet konkrete,” shkroi Zelensky në Telegram. Ai gjithashtu e ftoi Papën për një “vizitë apostolike në Ukrainë”, duke theksuar se kjo vizitë do të “jepte shpresë të gjithë besimtarëve dhe popullit ukrainas”.
I spoke with Pope Leo XIV. It was our first conversation, but already a very warm and truly substantive one.
I thanked His Holiness for his support of Ukraine and all our people. We deeply value his words about the need to achieve a just and lasting peace for our country and the… pic.twitter.com/4ocbA7jnMK
— Volodymyr Zelenskyy / Володимир Зеленський (@ZelenskyyUa) May 12, 2025
Presidenti i Ukrainës falënderoi Papën për mbështetjen që ka ofruar për Ukrainën dhe për popullin e saj, veçanërisht për fjalët e tij të shenjta që theksojnë nevojën për një “paqe të drejtë dhe të qëndrueshme” dhe për lirimin e të burgosurve ukrainas. Zelensky përmendi gjithashtu shqetësimin për mijëra fëmijë ukrainas që ndodhen në Rusi dhe kërkoi ndihmën e Vatikanit për t’i rikthyer ata në familjet e tyre.
Në fjalën e tij, presidenti ukrainas gjithashtu informoi Papën për marrëveshjen e arritur me partnerët e Ukrainës, që parashikon një armëpushim të plotë dhe pa kushte për të paktën 30 ditë. Ai theksoi gatishmërinë e Ukrainës për të vazhduar negociatat dhe përfshirjen e bisedimeve të drejtpërdrejta, duke shprehur dëshirën për t’i dhënë fund luftës dhe arritur paqen. Zelensky kërkoi masa konkrete nga Rusia për të përmbushur këto qëllime.
/vizionplus.tv
Leave a Reply