“21 janari”, Meta kërkesë SPAK: Dua të më merrni në pyetje në cilësinë e personit që ka dijeni

Presidenti i Partisë së Lirisë, Ilir Meta, ka kërkuar që të merret në pyetje nga SPAK si person me dijeni për rrethanat dhe faktet e ngjarjes së 21 janarit. Sipas njoftimit nga Partia e Lirisë, Meta ka thirrur avokatin e tij, Kujtim Cakrani, dhe i ka kërkuar që të dorëzojë një kërkesë pranë Prokurorisë së Posaçme Kundër Korrupsionit dhe Krimit të Organizuar, për të marrë pjesë në hetime si person në dijeni. Në njoftimin zyrtar të Partisë së Lirisë, theksohet se Meta ka kërkuar konkretisht nga prokurori A. Shehu që të marrë në pyetje për ngjarjet e 21 janarit, duke shprehur gatishmërinë për të dhënë informacion mbi çështjen. “Presidenti i Partisë së Lirisë, Z. Ilir Meta ka thirrur sot mbrojtësin e tij ligjor, Avokatin Kujtim...