Negociatori ukrainas: Plani origjinal i paqes “nuk ekziston më”

Plani i paqes me 28 pika i shpallur nga SHBA-të javën e kaluar “nuk ekziston më”, tha një këshilltar i kreut të zyrës së presidentit ukrainas. Në një postim në Facebook, Oleksandr Bevz, i cili ishte pjesë e ekipit negociator në Gjenevë, tha se Kievi pati “bisedime shumë konstruktive me Shtetet e Bashkuara”. Ai tha se sekretari i shtetit i SHBA-së, Marco Rubio, pretendoi se ishte takimi “më produktiv” midis Ukrainës dhe administratës së Donald Trump. Ukraina shqyrtoi çdo pikë të planit të propozuar me SHBA-në dhe se plani, “në formën që të gjithë e kishin parë më parë, nuk ekziston më”, tha ai. “Disa pika u hoqën, të tjera u rishikuan – asnjë nga shqetësimet e Ukrainës nuk mbeti pa u trajtuar”, shtoi ai....