“ELI” sjell magjinë e teatrit për fëmijët e Bujanocit

Shfaqja për fëmijë “ELI” u prezantua në Shtëpinë e Kulturës në Bujanoc, duke krijuar një atmosferë plot ngjyra, energji dhe emocione të paharrueshme për dhjetëra fëmijë që mbushën sallën.Sipas njoftimit të Enkel Rexhepit, kryetarit të Këshillit Kombëtar të Luginës, performanca u prit me entuziazëm dhe duartrokitje nga të vegjlit, ndërsa historia e ngrohtë e shfaqjes e transformoi skenën në një hapësirë magjike dhe plot jetë.Shfaqja u zhvillua në kuadër të programit kulturor “NëntorLuginë”, me mbështetje të Ministrisë së Turizmit, Kulturës dhe Sportit të Republikës së Shqipërisë, nën monitorimin e Ambasadës së Shqipërisë në Beograd dhe me mbështetjen e Këshillit Kombëtar Shqiptar.“Pjesëmarrja e madhe është dëshmi e qartë se arti dhe kultura mbeten të mirëpritur dhe të domosdoshëm për komunitetin e Luginës së Preshevës”, theksoi Rexhepi.