Tiranë/ Goditet grupi kriminal që hidhte në treg euro false, 4 në pranga dhe një në kërkim

Policia e Tiranës ka goditur një grup kriminal që hidhnin në treg euro false. Katër persona kanë rënë në pranga ndërsa një tjetër është shpallur në kërkim. Tre nga të arrestuarit janë identifikuar si Alesio Brungaj, Serxhio Lala dhe Enis Aliaj. Alesio Brungaj dyshohet se ishte personi nga Shkodra që kishte porositur shumat e eurove të falsifikuara. Dyshohet se eurot do të hidheshin në qarkullim në Shkodër dhe në Mal të Zi. Serxhio Lala dhe Enis Aliaj si dhe 17-vjeçari i arrestuar dyshohet se përmes faqeve në TikTok shisnin euro të falsifikuara, ku përmes mesazheve në këtë rrjet social kanë komunikuar dhe me të riun nga Shkodra. Krimi Ekonomik ka disa kallëzime për 17-vjeçarin pasi nuk është rasti i parë i tij në këtë skemë. Të arrestuarit nuk kanë pranuar...