Avokati i njohur Genc Gjokutaj ka reaguar pas deklarimit të Ramës për vendimin e GJKKO për Belinda Ballukun.
“Në fakt edhe vetë Rama e ka të qartë se vendimi i GjKKO është sipas Ligjit, Kushtetutës dhe Procedurës Penale që normon rastin!”. “Por dërgimi në GjK është manovra djallëzore e Ramës për ta shmangur Ballukun dhe për të ruajtur veten nga përplasja me të nëse e shkarkon!”, shkruan Gjokuataj në një postim në faqen e tij në facebook.
Mesazhi:
Sot KM Rama foli në lidhje me vendimin e GjKKO sa i përket pezullimit të Zëvendëses së tij!
As më shumë e as më pak KM tha se nuk do ta shkarkojë Zëvendësen e tij por do ta çonte rastin në GjK pasi ai çmon se vendimi i GjKKO është antikushtetues!
Në fakt edhe vetë Rama e ka të qartë se vendimi i GjKKO është sipas Ligjit, Kushtetutës dhe Procedurës Penale që normon rastin! Por dërgimi në GjK është manovra djallëzore e Ramës për ta shmangur Ballukun dhe për të ruajtur veten nga përplasja me të nëse e shkarkon!
Por e ka edhe 1 provim për ta kaluar! Sepse dispozita e nenit 134 të Kushtetutës së Shqipërisë në pikat “b” dhe “c” legjitimon për vënien në lëvizje të GjK vetë KM Rama ose 1/5 e deputetëve të Kuvendit! Por për fat të keq të KM Rama dhe për ironi të fatit të tij jurisprudenca e GjK në lidhje me pikën “c” te nenit 134 të Kushtetutës është ezauruar me rastin Berisha ku nuk janë legjitimuar 1/5 e deputetëve në lidhje me një kërkesë të tillë!
Dhe fati i KM qaset me prognozë të limituar pasi detyrimin e tij ligjor për shkarkimin e Zëvendëses do tja kaloje GjK për të mos u përplasur nga frika prej saj por njëkohesisht duke i ferkuar krahët e duke i thënë:
Unë timen e bëra nuk të shkarkova dhe rastin ta çova në GjK! Tani ti e di vetë sesi manovron me GjK për tu kthyer aty ku ishe!
Pra jo vetëm nuk kemi “grusht shteti” por qartazi jemi përpara një “grushti kushtetues” të Qeverisë ndaj Drejtësisë!
Pezullohet Balluku/ Gjokutaj godet Ramën: Manovër djallëzore për të shmangur Ballukun dhe për të shpëtuar veten
