Arrestohen 8 persona në Maqedoninë e Veriut për skemë korrupsioni të lidhur me klubin ‘Puls’

Autoritetet policore në Maqedoninë e Veriut kanë finalizuar një operacion të gjerë kundër korrupsionit, duke arrestuar tetë persona të dyshuar për përfshirje në keqpërdorime të pozicionit zyrtar dhe shmangie të kontrolleve tatimore. Operacioni u zhvillua nga SPB Shtip dhe DPB Koçan, në bashkëpunim me Departamentin e Policisë Kriminale dhe nën koordinimin e Prokurorisë Themelore Publike Koçan. Sipas Ministrisë së Punëve të Brendshme, janë ngritur kallëzime penale ndaj 11 personave të përfshirë në vepra korruptive të lidhura me funksionimin e klubit të natës “Puls”. Tetë prej tyre u arrestuan gjatë aksionit të sotëm, ndërsa tre të tjerë ishin proceduar më herët dhe ndaj tyre janë caktuar masa sigurie. Kontrollorë tatimorë të përfshirë në marrje ryshfeti Dy kontrollorë tatimorë nga Shërbimi i Kontrollit Tatimor në Drejtorinë Rajonale...