Dyshohet se ka konsumuar medikamente bujqësore, humb jetën 36-vjeçari

Një ngjarje e rëndë është shënuar në fshatin Sherishtë të Vlorës, ku një 36-vjeçar ka humbur jetën pasi dyshohet se ka konsumuar medikamente bujqësore. Sipas Policisë së Vlorës, ngjarja ka ndodhur më 18 nëntor 2025. Shtetasi A. S., 36 vjeç, u dërgua me urgjencë në spital për ndihmë mjekësore, por pavarësisht ndërhyrjes së stafit mjekësor, ai nuk mundi të shpëtohej. Materialet e para janë referuar për vlerësim, ndërsa po vijojnë hetimet për sqarimin e rrethanave të rastit.