“Të gjitha kontrollohen nga kryeministri”/ Reagon ashpër deputeti: Shkrirja e shtetit, me partinë në pushtet

Deputeti i Partisë Demokratike, Gent Strazimiri, i ftuar këtë mbrëmje në një studio televizive, deklaroi se e vetmja mënyrë për të rikthyer demokracinë dhe besimin te proceset zgjedhore është ndryshimi rrënjësor i ligjit elektoral dhe rikthimi te komisionet bipartizane. Strazimiri theksoi se ligjet zgjedhore janë ‘prishur dhe shkatërruar në mënyrë të njëanshme’ nga mazhoranca, duke sjellë si shembull ndryshimet e vitit 2020 që, sipas tij, u bënë në kundërshtim me marrëveshjen e arritur me garancinë e ambasadores së SHBA-ve në atë kohë. ‘Është e vetmja mënyrë për të ndryshuar ligjet elektorale që janë bërë në mënyrë, janë prishur, janë shkatërruar në mënyrë të njëanshme nga mazhoranca. Rasti i fundit ka qenë në 2020-ën kur ndryshuan, prishën marrëveshjen e bërë me garancinë dhe prezencën e ambasadores...