PD denoncon Paketën Fiskale, Bozdo: Amnisti për evazorët, padrejtësi për bizneset e ndershme

Deputeti Eno Bozdo komentoi sot Paketën e re Fiskale të propozuar nga qeveria. Sipas tij dhe Partisë Demokratike, projektligjet për “Faljen e Detyrimeve” dhe “Paqen Fiskale” krijojnë pabarazi të thellë mes bizneseve dhe favorizojnë ata që kanë shmangur taksat ndër vite. Opozita argumenton se këto nisma mungojnë në transparencë, dëmtojnë konkurrencën e ndershme dhe inkurajojnë evazionin fiskal. Për më tepër, PD kërkon që qeveria të japë shpjegime të qarta për efektet dhe përfituesit e këtyre politikave. Në këtë kontekst, Bozdo shpalos qëndrimin e plotë të opozitës. Më poshtë deklarata e plotë: “Pse nuk jemi dakord për Paketën Fiskale?Me një të rënë të lapsit, deputetët socialistë miratuan në komisionet parlamentare projektligjin për faljen e detyrimeve, i cili u fal mbi 2 miliardë euro, para tonat, bizneseve...