Vendimi i GJK për Veliajn, Rama: Ja që unë s’i paskam kapur të tëra pushtetet! Tani pres që të kthehet në detyrë

Kryeministri Edi Rama thotë se Gjykata Kushtetuese, pasi vendosi të rrëzojë vendimin e Këshillit të Ministrave për shkarkimin e kryetarit të Bashkisë së Tiranës, Erion Veliaj, duhet të vendosë edhe lirimin e tij kur të shqyrtojë këtë çështje. Në një postim në rrjetin social X, një ditë pas vendimit të Kushtetueses, Rama thotë se u vërtetua se ai nuk ka kapur të gjitha pushtetet, siç e akuzon opozita. “Disa rrjedhime logjike nga vendimi i Gjykatës Kushtetuese: 1. Ja që edhe njëherë u provua se nuk i paskam kapur unë të tëra pushtetet dhe kjo është një gjë sa e qartë, aq edhe e mirë apo jo? 2. Nëse Tirana nuk do të ketë zgjedhje deri në 2027-ën dhe Kushtetuesja mendon se kryebashkiaku i burgosur i...