E rëndë/ 62-vjeçari aksidentohet duke humbur jetën në Prrenjas

Një aksident i rëndë me pasojë vdekjen ka ndodhur mbrëmjen e sotme në aksin rrugor Urakë–Katjel, në vendin e quajtur Kotodesh, në Prrenjas. Sipas informacioneve zyrtare, një automjet tip “Mercedes-Benz” ka përplasur këmbësorin Qani Malo, 62 vjeç, banues në Kotodesh, i cili ka ndërruar jetë në vendin e ngjarjes. Policia ka ndaluar drejtuesin e mjetit, R. A., 27 vjeç, për veprime të mëtejshme procedurale, ndërsa grupi hetimor po punon për të zbardhur shkaqet dhe rrethanat e plota të ngjarjes tragjike. Autoritetet u bëjnë thirrje drejtuesve të automjeteve të respektojnë rregullat e qarkullimit rrugor dhe të shmangin shpejtësinë e lartë, veçanërisht në zonat e banuara.