Tragjedi në Itali / Humb jetën në aksident 7-vjeçari shqiptar

Plagoset i babai i fëmijës dhe një shofer tjetër. Një 7-vjeçar shqiptar humbi jetën në mënyrë tragjike pas një aksidenti mbrëmjen e të mërkurës në Bolonjë. Ai po udhëtonte me babanë e tij, i cili mbeti i plagosur. Mediat italiane raportojnë se mjeti me të cilin po lëviznin u përplas kokë më kokë me një tjetër makinë, gjatë përpjekjeve për të shmangur një skuter. I plagosur mbeti edhe shoferi tjetër. I mituri rezulton të mos kishte vendosur rripin e sigurimit, dhe pas përplasjes u hodh në pjesën e përparme të makinës, duke marrë lëndime që i shkaktuan vdekjen pa shkuar në spital.