Goditet organizata kriminale në Milano, mes të arrestuarve edhe një shqiptar

Një shqiptar 49-vjeçar është mes të arrestuarve në një operacion të gjerë antidrogë të zhvilluar në Milano, Itali, që çoi në shkatërrimin e një rrjeti të organizuar narkotrafiku. Ai u kap me 13,800 euro të fshehura në të brendshme, të dyshuara si të ardhura nga shitja e drogës, ndërsa bashkëudhëtari i tij italian kishte në makinë mbi një kilogram kokainë. Operacioni, i zhvilluar nga Policia e Shtetit dhe Prokuroria pas muajsh hetimesh dhe përgjimesh, përfshiu kontrolle në disa apartamente dhe ndalime në rrugë, duke çuar në sekuestrimin e mbi 50 kg drogë, përfshirë hashash, marijuanë, kokainë dhe ketaminë, si dhe pajisje për paketim dhe një armë zjarri. Në total, u arrestuan shtatë persona gjashtë italianë dhe një shqiptar  duke shënuar një goditje të rëndësishme ndaj...