Zgjedhjet e parakohshme në 6 bashki/ PD mbledh nesër Kryesinë dhe strukturat e Tiranës, ja çfarë pritet të ndodhë

Partia Demokratike po bëhet gati për fushatën e zgjedhjeve të parakohshme më 9 nëntor. Edhe pse deri në këto momente nuk ka kandidat të zyrtarizuar për Bashkinë Tiranë. Mësohet se ditën e premte do të nisë përgatitja për fushatën fillimisht me mbledhjen e kryesisë së partisë dhe kryetarëve të degëve të Partisë Demokratike në Tiranë. Këto lëvizje vijnë në një kohë që prej një jave tre përfaqësues të PD po zhvillojnë takime me krerët e partitë të vogla opozitare. Në dekretin e firmosur dje, më 1 tetor, presidenti Bajram Begaj ka caktuar datën 9 nëntor 2025 për mbajtjen e zgjedhjeve në bashkitë Tiranë, Berat, Tepelenë, Vlorë, Cërrik dhe Mat. Edhe pse neni 115 pezullon shkarkimin e Veliajt, Begaj nuk priti Kushtetuesen dhe dekretoi datën 9...