Kërkesa e brendshme në rritje, konsumi final i popullatës rritet me 3,88%

Konsumi final i popullatës, një nga treguesit kryesorë të gjallërisë ekonomike dhe mirëqenies së familjeve, shënoi një rritje prej 3,88% në tremujorin e dytë të vitit 2025, krahasuar me të njëjtën periudhë të një viti më parë. Të dhënat e publikuara nga Instituti i Statistikave (INSTAT) tregojnë se ekonomia shqiptare po mbështetet në mënyrë të qëndrueshme te kërkesa e brendshme, me konsumin familjar që zë peshën më të madhe në strukturën e shpenzimeve totale. Rritja e konsumit të popullatës është nxitur nga disa elementë të ndërthurur, si rritja e të ardhurave disponibël për familjet, falë politikave të rritjes së pagave në sektorin publik dhe privat, stabiliteti i çmimeve, që ka kontribuar në ruajtjen e fuqisë blerëse për një pjesë të konsiderueshme të mallrave dhe shërbimeve...