“Festivale në Shqipëri, një audiencë në rritje dhe gjithnjë më e qëndrueshme”

Flet Altin Sukaj, menaxher i Hemingway Fan Club Albania Kultura e festivaleve në Shqipëri po fiton gjithnjë e më shumë terren, duke tërhequr si publik vendas ashtu edhe ndërkombëtar.Në një intervistë për “Monitor”, Altin Sukaj, menaxher i Hemingway Fan Club Albania, nënvizoi se interesimi për muzikën elektronike është rritur ndjeshëm, por se edhe festivalet me rryma jo komerciale po gjejnë një audiencë të qëndrueshme.“Në të njëjtën kohë, festivale me rryma jo elektronike kontribuojnë për një publik më të përzgjedhur me një ecuri të vazhdueshme”, – tha Sukaj. Cili është profili i audiencës që ndjek festivalin tuaj? A ka ndryshuar me kalimin e viteve?Hemingway Jazz Fest është një festë gjithëpërfshirëse. Në këto 12 vite ka arritur të bashkojë një komunitet shumë solid që jo vetëm i ka rezistuar...