Kroacia bllokon 8 ton domate shqiptare me pesticide/ Tre të arrestuar në Berat

Bllokimi nga Kroacia i rreth 8 ton domate të eksportuara nga Shqipëria, pasi analizat laboratorike zbuluan nivele të larta të preparatit shumë mbi normat e lejuara bëri që prokuroria e Beratit të nisë menjëherë hetimet. Me urdhër të saj përfunduan në pranga tre persona, Mariglen Qorri, pronar i kompanisë eksportuese, si dhe dy inspektorë të Autoritetit Kombëtar të Ushqimit në Berat, Ronaldo Lika dhe Griselda Doksani. Ky rast ka ngritur shqetësime serioze mbi sigurinë ushqimore dhe mekanizmat e kontrollit të produkteve bujqësore të destinuara për eksport. Sipas prokurorisë, lidhur me sasinë e domateve, ka rezultuar se pronari i kompanisë, Mariglen Qorri ka prerë një faturë blerje fiktive nga një fermer dhe e ka përdorur për praktikat doganore dhe raportin e gjurmueshmërisë të mbajtur nga AKU...