Ish-këshilltari i Obamës: Trump ka vetëm slogane, me Kremlinin ka gabuar gjithçka

Deri më sot, Donald Trump nuk ka arritur asgjë nga Vladimir Putin. Dhe është një iluzion të mendosh se strategjia e bërjes së lëshimeve ndaj Moskës, duke pritur diçka në këmbim, mund të funksionojë. Kështu mendon Michael McFaul, ish-Këshilltar për Sigurinë Kombëtare dhe ish-Ambasador në Rusi gjatë presidencës së Barack Obamës. “Tani Trump-it i nevojitet një ‘moment Pershing’,” deklaroi McFaul, në një forum në Cernobbio. Këtu ai është duke iu referuar Ronald Reagan-it, i cili në fillim të viteve ‘80 vendosi raketat Pershing në Europë për të rritur presionin ndaj Moskës. Në një intervistë për La Repubblica, McFaul thekson se pa masa të qarta frikësuese, nuk mund të ketë negociata efektive për Ukrainën. Cilat do të ishin “raketat Pershing” moderne që Trump duhet të vendosë?...