Video/ Nga “Argita 72 vjeç s’bind njeri” te “81 vjeç jam alternativa”: Kur parodia e djeshme bëhet “serioziteti” i sotëm

Në vitin 2012, Sali Berisha shfaqej i qeshur para publikut, duke thënë se synonte të qëndronte në pushtet për 35 vjet. Kur e akuzonin se po përgatitej t’ia linte pushtetin të bijës, Argitës, ai i qetësonte skeptikët: “Argita do jetë 72 vjeç kur të largohem unë nga politika. A mund të bindë njeri ajo në moshën 72-vjeçare?!” Historia bëri shaka më të madhe se vetë Berisha. Sot, në vitin 2025, Berisha është 81 vjeç, në opozitë, dhe i bindur se është alternativa që duhet ta besojë i gjithë populli. Një mësim i thjeshtë: kujdes kur tallesh me vitet, se vitet të tallin më bukur se çdo kundërshtar politik.