“Ky është fundi i vetëqeverisjes”/ PL, nuk kursen akuzat: Edi Rama shpik strategji të re, abuzim me fondet publike

Një ditë pasi kryeministri Edi Rama prezantoi planin strategjik me ngritjen e Operatorit Kombëtar të Menaxhimit të Mbetjeve, Partia e Lirisë e ka sulmuar duke e quajtur një propagandë, pasi qytetet dhe fshatrat janë të mbytura në plehra. Zv/sekretarja e Përgjithshme e PL, Brunilda Haxhiu, doli sot me një deklaratë për mediat, ku denoncoi abuzimet financiare të qeverisë me trajtimin në fushën e mbetjeve. “Kryeministri po u rrëmben bashkive kompetencat si në menaxhimin e mbetjeve, ashtu edhe në dhënien e lejeve të ndërtimit. Bashkitë po shndërrohen në klientë të një ndërmarrjeje qendrore, të detyruara të paguajnë fatura të kripura për shërbime të dështuara, pa të drejtë fjale e pa asnjë kontroll. Ky është fundi i vetëqeverisjes vendore dhe kthimi i pushtetit lokal në vegël të...