IKMT “zbarkon” në Dhërmi, shemb objektin që doli jashtë lejes së ndërtimit

Inspektoriati Kombëtar i Mbrojtjes së Territorit (IKMT) ka zbarkuar mëngjesin e kësaj të mërkure në zonën e Drimadhës në Dhërmi. Vizion Plus mëson se në fokus është shembja e një objekti me konstruksion metalik. Objekti, sipas IKMT, ka dalë jashtë lejes së ndërtimit, ndërsa është në pronësi të Helidon Gjikokës. Shembja e objektit do të kryhet me mjetet e IKMT-së dhe jo me shpërthim të kontrolluar. /vizionplus.tv