Dy automjete përplasen me njëra tjetrën, pastaj me shtyllën dhe pemën
Një aksident rrugor ka ndodhur paraditen e sotme në aksin Fier-Levan, pranë zonës së njohur si “Qafa e Koshovicës”.
Dy automjete, një Volkswagen dhe një Opel, janë përplasur mes tyre, duke shkaktuar plagosjen e dy personave. Të lënduarit janë dërguar menjëherë në Spitalin Rajonal të Fierit për ndihmë mjekësore.
Si pasojë e përplasjes së fortë, makina tip Opel ka humbur kontrollin, ka dalë nga rruga dhe është përplasur me një shtyllë elektrike dhe më pas me një pemë, e cila është rrëzuar në vendngjarje.
Policia dhe grupi hetimor ndodhen në terren dhe po punojnë për të sqaruar shkaqet dhe rrethanat e plota të aksidentit.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb