Ministri i Jashtëm i Iranit do të shkojë në Moskë për t’u takuar me Vladimir Putinin nesër, pas sulmeve amerikane ndaj objekteve bërthamore të Teheranit, raportoh The Telegraph.
Duke e quajtur Rusinë një “mik të Iranit”, Abbas Araghchi paralajmëroi se Irani “rezervon të gjitha opsionet për të mbrojtur sigurinë e tij, interesat e tij, popullin e tij… Të gjitha opsionet janë në tryezë”.
Araghchi tha se do të flasë me aleatin kryesor të Iranit se si të veprojë.
“Ne gjithmonë konsultohemi me njëri-tjetrin”, shtoi ai në një konferencë për shtyp në Stamboll.
Vizita e tij në Rusi do të ngrejë shqetësime të konsiderueshme në lidhje me llojin e mbështetjes që Moska është e gatshme t’i ofrojë Teheranit në këtë moment, e cila mund të përfshijë dërgimin e materialeve mbrojtëse, përfshirjen e drejtpërdrejtë ushtarake ose mbështetjen diplomatike të Iranit.
Brenda natës, Donald Trump dërgoi bombardues B-2 për të goditur tre centralet kryesore bërthamore të Iranit.
Trump e quajti operacionin një “sulm shumë të suksesshëm” që “shkatërroi” centralet e pasurimit të uraniumit të Teheranit.
Në një reagim të mëparshëm Araghchi tha se do të ketë “pasoja të përjetshme” për sulmet amerikane./vizionplus.tv
Leave a Reply