Në të njëjtin vend, në një nga auditoret e universitetit të Shkodrës, ku 58 vite më parë regjimi komunist zhvilloi një gjyq publik ndaj At Pjetër Meshkallës, duke e dënuar me 10 vite burg, sot u mbajt një ekspoze përkujtimore në nder të kësaj figure të shquar të letrave dhe të qëndresës antikomuniste.
Organizatori i veprimtarisë, Vitor Martini, ish- i dënuar politik dhe bashkëvuajtës në burg me At Meshkallën, ndau me të pranishmit kujtime të rralla e emocionuese nga koha e qëndrimit të tyre në burgjet e diktaturës.
Rektori i Universitetit të Shkodrës, Tonin Gjuraj, në fjalën e tij u shpreh se jeta dhe vepra e At Pjetër Meshkallës, si klerik, studiues dhe letrar, janë një pasuri e pashtershme për frymëzimin e brezave të ardhshëm.
Nga të pranishmit, mes të cilëve emra të njohur të politikës, letërsisë, akademisë e perfaqësues te pushtetit vendor e klerit katolik, u përcollën e kujtime e vlerësime për figurën e At Pjetër Meshkallës si dhe u propozua që emrin e tij të mbajë salla ku u zhvillua kjo veprimtari
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!