Gjykata e Lartë e Zyrihut përjashton të dhënat e marra nga SkyECC Ky vendim i Gjykatës së Lartë të Kantonit të Zyrihut e shpall provën nga SkyECC absolutisht të papërdorshme në proces, sepse masa franceze u zhvillua si ndërhyrje hetimore në territorin zviceran pa asnjë autorizim nga autoritetet e Zvicrës dhe padyshim individual sipas të drejtës zvicerane.
Territorialiteti dhe masa francezeGjykata konstaton se Franca ka manipuluar rrjetin në mënyrë që pajisja SkyECC, fizikisht në Zvicër, t’i dërgonte çelësin kriptografik një serveri nën kontroll francez, pa kërkesë paraprake ose pëlqim nga autoritetet zvicerane. Kjo trajtohet si masë e huaj detyruese në territorin zviceran, në kundërshtim me parmin e territorialitetit dhe nenet mbi veprimtarinë e paligjshme të autoriteteve të huaja në Zvicër çka sjell për pasojë përjashtim absolut të provës, pa peshim të interesit për dënimin e veprave të rënda.
Mungesa e dyshimit të individualizuarGjykata vëren se në kohën e operacionit francez nuk kishte dyshim të bazuar në fakte kundër të pandehurit dhe sipas të drejtës zvicerane nuk do të lejohej asnjë formë vëzhgimi ndaj tij.Masat ‘Blanket’ që prekin të gjithë përdoruesit e SkyECC shihen si të papajtueshme me kërkesën për dyshim individual dhe në çdo version të mundshëm të urdhrave francezë (kundër operatorëve, të gjithë përdoruesve, SkyECC Global apo personave të panjohur), pragu probator që kërkon e drejta zvicerane nuk do të konsiderohej i plotësuar.
Urdhrat francezë dhe ‘zbulimet rastësore’Vendimi thekson paqartësitë rreth përmbajtjes dhe objektit të autorizimeve franceze, përfshirë mundësinë që procedimet të ishin formalisht ‘kundër personave të panjohur’, ku të dhënat mbi persona të tretë do të ishin vetëm zbulime rastësore (identical findings) pa bazë të ligjit zviceran. Gjykata thekson se një pjesë e sjelljes së supozuar nuk do të përbënte as vepër të tillë që, nëse do të hetohej në Zvicër, do të lejonte mjete të tilla të fshehta vëzhgimi.
E drejta për akses në ‘Raw data’ (të papërpunuara)Gjykata trajton edhe kërkesën e mbrojtjes për akses në “raw data”, duke vërejtur se setet e dhëna të vëna në dispozicion nuk mund të konsiderohen ‘të dhëna bruto’ në kuptimin që ka zhvilluar Gjykata Evropiane e të Drejtave të Njeriut, por e lë të hapur përfundimisht nëse ekziston një e drejtë e tillë subjektive në këtë kontekst. Kjo vë në dukje tensionin mes transparencës së procesit të përpunimit të të dhënave dixhitale dhe kufijve praktikë të zbulimit në procedim penal.
Pasojat për të ardhmen dhe roli i mbrojtjesVendimi sinjalizon se Zvicra nuk do të pranojë prova dixhitale të gjeneruara nga operacione të gjera të huaja që hyjnë në territor pa autorizim dhe pa dyshim individual, gjë që mund të ndikojë në përdorimin e të dhënave EncroChat/SkyECC edhe në çështjet e tjera.
Pas vendimit ka pasur fushata të forta mediatike nga prokurori publik dhe aktorë të tjerë, që paraqesin rrezik për sigurinë kombëtare për të ndikuar në gjykatat e ardhshme, çka e bën bashkëpunimin ndërkufitar të avokatëve të mbrojtjes edhe më të rëndësishëm për të ruajtur shtetin e së drejtës.(Vendimi i 15 gushtit 2025, i zbardhur më 5 dhjetor 2025)
https://www.joint-defense-team.com/post/foreign-skyecc-data-excluded-zurich-high-court
gijotina.com/
Tag: zvicerane
-
Gjykata e Lartë e Zyrihut përjashton të dhënat e marra nga SkyECC
-
Zviceranët votojnë kundër taksës për super të pasurit
Zviceranët hodhën poshtë me shumicë aplikimin e një takse mbi trashëgiminë për super të pasurit
ZVICËR- Zviceranët hodhën poshtë me shumicë aplikimin e një takse mbi trashëgiminë për super të pasurit. Nisma e organizatës rinore të socialistëve Juso “Për një politikë sociale ndaj klimës të financuar përmes taksave”, e cila synonte që të vendosej një taksë prej 50 përqind mbi trashëgimitë që tejkalojnë 50 milionë franga zvicerane, dështoi në referendum. Sipas Juso-ve paratë nga këto taksa duhet të përdoreshin për mbrojtjen e klimës.
Autoritetet njoftuan njoftuan madje para se të numëroheshin të gjitha votat, se propozimet kishin dështuar, sepse shumica e kantoneve kishin votuar kundër tyre. Për kërkesa të tilla nevojiten si shumica e votave të përgjithshme edhe shumica e votave në kantone.
Partitë dhe shoqatat e biznesit kundër taksës mbi trashëgiminë
Sipas autoriteteve tatimore zvicerane në Zvicër ka rreth 2.500 tatimpagues me një pasuri që tejkalojnë 50 milionë franga zvicerane. Të gjithë së bashku ata zotërojnë një pasuri me vlerë rreth 500 miliardë franga zvicerane. Nëse nisma do të ishte miratuar taksimi i trashëgimive mund të gjeneronte teorikisht katër miliardë franga të ardhura shtesë nga taksat. Sipas planeve të Juso-ve, të ardhurat do të përdoreshin për të financuar projekte për mbrojtjen e klimës.
Një koalicion i gjerë partish politike dhe shoqatash biznesi u angazhua kundër kësaj takse. Ata paralajmëruan se barra shtesë mund t’i shtynte individët e pasur të largoheshin jashtë vendit, duke ulur kështu të ardhurat e përgjithshme tatimore.
Në shumicën e kantoneve zvicerane bashkëshortët dhe pasardhësit e drejtpërdrejtë aktualisht nuk duhet të paguajnë taksë mbi trashëgiminë. Për trashëgimtarët e tjerë zbatohen rregullore të ndryshme, varësisht nga kantoni./DW -
Nga Bankë e Shqipërisë njoftohet se euroja dhe franga zvicerane forcuan pozitat ndaj lekut gjatë fundjavës
Ekonomi E Diel, 30 Nëntor 2025 09:58
Gjatë javës së fundit të muajit nëntor, monedha vendase ka vijuar të forcojë pozitat e saj ndaj valutave kryesore në tregun e brendshëm të këmbimit valutor. Sipas të dhënave zyrtare të Bankës së Shqipërisë, lëvizjet e kursit kanë reflektuar një trend të qëndrueshëm rritës të lekut.
Euroja ka regjistruar një ndryshim të lehtë pozitiv, duke u forcuar me 0.06 lekë gjatë javës. Në fillim të saj, të hënën, euro u këmbye me 96,64 lekë, ndërsa të shtunën arriti nivelin e 96,70 lekëve.Ndryshe ka ndodhur me dollarin amerikan, i cili është zhvlerësuar me 0,28 lekë. Nga 83,76 lekë që këmbehej në fillim të javës, dollari zbriti në 83,48 lekë gjatë ditës së shtunë.
Paundi britanik ka shënuar një rritje më të dukshme, duke u forcuar me 0,35 lekë. Ai u këmbye të shtunën me 110,34 lekë, kundrejt 109,99 lekë në fillim të javës.
Edhe franga zvicerane ka vijuar në trajektore rritëse. Nga 103,46 lekë, që ishte të hënën, monedha zvicerane u forcua me 0,08 lekë, duke u këmbyer të shtunën me 103,62 lekë.
Banka e Shqipërisë vlerëson se vlera e lekut kundrejt valutave të huaja përcaktohet lirisht në tregun e këmbimit valutor. Luhatjet e kursit të këmbimit reflektojnë lëvizjen e lirë të mallrave e të kapitalit në shkëmbimet tregtare dhe financiare të Shqipërisë me partnerët e saj tregtarë. ATSH -
Pronarët e Chanel mbeten në krye të listës së 300 njerëzve më të pasur në Zvicër me asete me vlerë rreth 36 miliardë euro
Pronari i shtëpisë luksoze të modës dhe parfumeve Chanel, Gerard Wertheimer, së bashku me vëllain e tij Alain, mbetet në krye të listës së 300 njerëzve më të pasur në Zvicër, njoftoi revista “Bilan”.
Pasuria e tyre vlerësohet në rreth 34 miliardë franga zvicerane (rreth 36 miliardë euro), raportoi Swiss info.
Megjithatë, njerëzit kryesorë të pasur zviceranë nga familja Wertheimer patën “një vit të stuhishëm, kështu që pozicioni i tyre udhëheqës tani është i kërcënuar”, shkruan revista “Tamedija”.
Në vendin e dytë është familja Hoffmann, e cila kontrollon gjigantin farmaceutik Roche me seli në Bazel.
Pasuria e tyre u rrit nga 30 miliardë franga zvicerane në 31 miliardë franga zvicerane (rreth 33 miliardë euro).
Biznesmeni italian Andrea Pignataro, i cili themeloi kompaninë me seli në Londër për programet financiare Ion më shumë se 25 vjet më parë, me një pasuri të vlerësuar në afërsisht 28 miliardë franga zvicerane (rreth 30 miliardë euro), shfaqet për herë të parë midis tre personave më të mirë në listë.
-
85 mijë vende pune për të huajt/ Zvicra “hap dyert” për punësim me paga deri në 6.500 euro
Zvicra po përgatitet të marrë mijëra punëtorë të huaj pas mungesës së vazhdueshme të stafit të kualifikuar që prej vitit 2020. Spitalet, hotelet dhe zyrat e inxhinierisë janë në krye të listës së sektorëve që kërkojnë urgjentisht profesionistë me përvojë, por edhe të sapodiplomuar. Autoritetet paralajmërojnë se hendeku i fuqisë punëtore mund të zgjerohet edhe më shumë muajt e ardhshëm, duke rritur presionin për rekrutim nga jashtë.
Qeveria zvicerane planifikon të punësojë rreth 85 mijë persona nga vende të tjera, duke ofruar paga që nisin nga 3.500 euro në muaj dhe mund të arrijnë deri në 6.500 euro, varësisht nga profesioni. Kërkesat më të mëdha regjistrohen në fushën shëndetësore, turizëm e hoteleri, si dhe në profesionet teknike, informatike dhe inxhinierike.
Ndër profesionet më të kërkuara renditen mjekët, inxhinierët, specialistët e teknologjisë, personeli i restoranteve, punëtorët e kualifikuar, mësuesit, personeli i kontrollit, informaticienët, përfaqësuesit e shitjeve dhe punonjësit shtëpiakë. Në disa sektorë kërkesa është e menjëhershme, veçanërisht në shëndetësi, ku një nga katër mjekë është mbi 60 vjeç, duke krijuar nevojë për zëvendësim urgjent.
Një prej rrugëve më të shpejta për punësim është aplikimi përmes agjencive zvicerane të burimeve njerëzore.
Përparësi të madhe kanë kandidatët që zotërojnë gjuhën gjermane, italiane. -
SHBA dhe Zvicra drejt marrëveshjes për uljen e tarifave doganore
Bota E Martë, 11 Nëntor 2025 14:54
Washington, Nëntor 2025 — Shtetet e Bashkuara dhe Zvicra janë pranë finalizimit të një marrëveshjeje tregtare që synon uljen e tarifave doganore prej 39%, të vendosura nga presidenti Donald Trump në gusht të këtij viti, sipas agjencisë Associated Press.
Presidenti Trump konfirmoi se “po punohet për një marrëveshje që t’i ulë pak tarifat”, duke shtuar se nuk ka përcaktuar ende një përqindje të saktë, por se “duam ta ndihmojmë Zvicrën”. Ai e përshkroi Zvicrën si “një aleat shumë të mirë” dhe theksoi:Sipas burimeve mediatike, tarifat ndaj eksporteve zvicerane mund të ulen në rreth 15%, duke u barazuar me normën që aktualisht aplikohet për vendet e Bashkimit Europian. Marrëveshja pritet të finalizohet brenda disa javësh.
Një zëdhënës i Ministrisë së Ekonomisë zvicerane nuk dha komente mbi bisedimet, por konfirmoi se ministri Guy Parmelin është “në kontakt të rregullt me autoritetet përkatëse në SHBA, përfshirë përfaqësuesin tregtar amerikan Jamieson Greer”.
Tarifat e larta kanë shkaktuar shqetësim të madh në Zvicër, veçanërisht për sektorët kryesorë të eksportit si:orët dhe bizhuteritë, makineritë dhe elektronika dhe çokollata dhe produktet farmaceutike
Pas lajmit për mundësinë e uljes së tarifave, aksionet e kompanive zvicerane Swatch Group dhe Richemont u rritën ndjeshëm në hapje të tregut. CEO i kompanisë së njohur “Breitling” e ka cilësuar tarifën si:
“Të tmerrshme për Zvicrën.”
Tarifa prej 39% është një nga më të lartat që administrata Trump ka vendosur këtë vit, si pjesë e një fushate më të gjerë ndaj vendeve që ai i akuzon për “pabarazi tregtare” me SHBA-në. -
Gazeta zvicerane: Arrestimi një i këngëtareje shqiptare dhe hijet e klubeve të natës
Gazeta zvicerane: Arrestimi një i këngëtareje shqiptare dhe hijet e klubeve të natës
Gazeta e njohur zvicerane “Neue Zürcher Zeitung” i ka kushtuar një shkrim të gjatë arrestimit të këngëtares shqiptare Eva Ndoja gjatë një koncerti në Zyrih. 36-vjeçarja shqiptare kishte vetëm disa minuta që ishte ngjitur në skenë gjatë një koncerti në prill të vitit 2024 kur policia hyri me forcë në klubin e natës dhe e arrestoi.
Ndoja ka mbi 130 000 ndjekës në rrjetet sociale dhe shumë fansa në Zvicër. Pronarët e klubit në Brüttisellen kishin shpërndarë fletëpalosje për koncertin e saj. Por policia vendase ndërpreu gjithçka me argumentin se Ndoja po këndonte pa një leje pune nga autoritetet zvicerane. Ajo kaloi një natë në paraburgim policor dhe prokuroria lëshoi më pas një urdhër penal kundër saj, Ndoja e ka kundërshtuar.
Gazeta zvicerane thotë se ky rasti ka hedhur dritë mbi “botën e të ashtuquajturave klube ballkanike. Ka dhjetëra vende të tilla, të gjitha që funksionojnë sipas të njëjtit koncept: ritme ballkanike, koncerte dhe valltarë”.
Në shkrim thuhet se pronarët e klubeve përdorin emra të njohur për të tërhequr sa më shumë klientë të jetë e mundur.
“Megjithatë, hetuesit besojnë se disa nga këto klube janë shumë më tepër sesa thjesht vende festash për të rinj nga Serbia, Maqedonia e Veriut, Kroacia ose Kosova. Në sytë e zbatimit të ligjit, ato janë një fasadë për biznese të dyshimta që përfshijnë krimin e organizuar. Disa hetime të mëdha në vitet e fundit çojnë në këtë përfundim.
Megjithatë, është një mjedis ku hetuesit mund të depërtojnë me shumë vështirësi. Vendndodhja është e lidhur mirë dhe e strukturuar hierarkikisht, sekrete dhe e mbyllur ndaj botës së jashtme” – thuhet në shkrim.
Gjatë dy fundjavave, hetuesit zvicerane kontrolluan gjithsej 13 klube, duke përfshirë menaxherët, punonjësit dhe klientët e tyre. 47 persona u ndaluan përkohësisht, kryesisht për shkelje të ligjeve të imigracionit dhe integrimit. Midis tyre kishte edhe disa muzikantë.
Gjatë operacionit, oficerët sekuestruan pistoleta, municione, një pistoletë me fishekë bosh, shkopinj dhe një shkop bejsbolli nga disa lokale. Në fund, u akuzuan 70 persona.
Gazeta zvicerane jep detaje edhe nga seanca gjyqësore e Eva Ndojës. “E veshur tërësisht me të zeza, me syze dielli të ngritura lart dhe pallton e varur mbi supe, Eva Ndoja qëndronte në sallën e gjyqit në Gjykatën e Qarkut Uster një vit e gjysmë pas incidentit. Këngëtarja nuk e pranon urdhrin penal se po punonte në një klub nate pa leje në atë kohë. Ajo ka punësuar një avokat.
Ajo udhëtoi nga Gjermania, ku jeton, për në Zvicër për gjyqin. Ajo i flet me qetësi dhe vendosmëri gjyqtares. Ajo tha: “Jam këtu sot për të paraqitur faktet në mënyrë korrekte. Kërkoj të drejtat e mia.”
Edhe pse ajo po këndonte kur policia hyri me forcë dhe megjithëse organizatorët e kishin reklamuar mbrëmjen me të në një fletushkë, muzikantja thotë: “Unë nuk punoja atje”.Ndoja tregon një histori krejtësisht të ndryshme. Fillon disa ditë para Bajramit në Kosovë.
Atje, këngëtarja vizitoi shoqen e saj, e cila më vonë u arrestua gjithashtu. Të dyja po diskutonin planet për festat. Shoqja e saj i thotë: “Do të shkojmë në Zvicër si mysafirë.” Një i njohur i kishte ftuar.
Me të mbërritur në Zvicër, një i njohur e çoi në klubin e natës në Brüttisellen. Këngëtarja këmbëngul se nuk kishte pasur kontakt të mëparshëm me askënd atje: “Nuk i njihja këta njerëz.” Ajo gjithashtu pretendon se nuk ka marrë para, as deri më sot. Ajo tha se mësoi për fletushkën me foton e saj vetëm kur oficerët e policisë ia përplasën në fytyrë: “Sigurisht që isha e tërbuar.”
Muzikantja thekson se ishte mysafire, jo këngëtare, në klubin e natës. Ajo dhe shoqja e saj kishin ndërmend të vazhdonin festën në një diskotekë. Por më pas një i njohur i kërkoi të këndonin një serenatë së bashku.
Muzikantja dhe avokati i saj thonë se janë të bindur: Ajo u shfrytëzua pa turp si karrem për një aktivitet. Për më tepër, ata argumentojnë se nëse një muzikant zviceran do të performonte një serenatë në një festë si një nder për një mik, nuk do të supozohej menjëherë se muzikanti po punonte në aktivitet.
Për të vërtetuar pafajësinë e saj, Eva Ndoja paraqiti si dëshmitar për mbrojtjen e saj pronaren e klubit të natës. Gruaja është një shtetase zvicerane me rrënjë shqiptare.
“43-vjeçarja është më shumë sesa thjesht një pronare klubi. Sipas burimeve të mirinformuara, ajo ka punuar prej vitesh si agjente për gra të reja nga Evropa Juglindore. Këto gra supozohet të gjenerojnë të ardhura në klube, duke punuar në bar, si këngëtare ose si hostessë. Ato pritet të kërcejnë me mysafirë meshkuj me veshje provokuese, t’i inkurajojnë ata të pinë dhe t’i bëjnë ata t’u blejnë pije të shtrenjta” – shkruan gazeta.
Në shkrim thuhet se 43-vjeçarja vepron si një ndërmjetëse e rëndësishme midis pronarëve të klubeve dhe vajzave që ajo organizon. Ajo gjithashtu mban kontakte me zyrtarët e klubeve që janë përballur me procedura ligjore. Megjithatë, ajo vetë nuk është ndjekur kurrë penalisht.
Ajo tha se e kishte parë Eva Ndojën për herë të parë në festë. “Nuk e kisha dëgjuar kurrë më parë këngën e saj të famshme,” tha ajo. “Isha shumë e emocionuar që kisha një të ftuar kaq të famshëm.”
Menaxheri i lokalit pretendoi se kishte vënë re se diçka nuk shkonte që disa orë para kontrollit të policisë. “Kishte dy mysafirë që silleshin çuditshëm. Nuk i njihja. U thashë: “Nuk jeni të ftuar”. Njëri prej tyre ishte shqiptar. Së pari, ai e uroi për festën e Bajramit, pastaj qeshi dhe tha se ishte me policinë.
Kur policia inspektoi klubin, ata morën në paraburgim edhe pronarin e klubit. “Më akuzuan për punë të paligjshme. As kjo nuk ishte e vërtetë.”
Eva Ndoja thotë se pati shumë telashe për shkak të incidentit. Asaj iu ndalua hyrja në vend dhe madje u ndalua një herë në aeroportin e Zyrihut. Sipas këngëtares, shoqja me të cilën ajo këndoi serenatën atë mbrëmje e pranoi akuzën ndaj saj. Ajo thotë se nuk e di pse.
Në fund, 36-vjeçarja triumfoi. Gjykata e liroi plotësisht nga akuzat. Gjykatësi deklaron se nuk kishte prova që ajo të ishte e punësuar, as për qëllimin e saj për të hyrë në Zvicër për këtë qëllim. “Situata na duket e paqartë sot, por shteti duhet të provojë fajësinë, jo qytetari pafajësinë e tij”. Muzikantja mori shpenzime ligjore dhe kompensim, që arrijnë në total afërsisht 6000 franga zvicerane.
Sapo u dha vendimi, këngëtarja u largua nga gjykata. Kur ajo dhe avokati i saj hipën në makinë, ajo tha se e meritonte të lirohej nga akuzat. “Më besoni.” ©LAPSI.al -
Shënon golin më qesharak të karrierës, ja cili është mesfushori që la Zvicrën për Shqipërinë
Bural Alili ishte lojtari i ndeshjes, ndërsa ekipi i tij i Stad Nyon barazoi me rezultatin 3-3 përballë Stad Luzan. Ndeshja ishte e vlefshme për javën e 12-të të ligës së dytë zvicerane.
Alili shënoi golin e parë të takimit, ndërsa asisti i tij i dha avantazhin e dyfishtë Stad Nyonit. Për shkak të gabimit të portierit rival, goli i parë ishte më qesharaku në karrierën e mesfushorit të Kombëtares U-21. Alili vetëm këtë vit vendosi të largohet nga Zvicra, për të përfaqësuar ngjyrat kuqezi.
Alili, edhe pse mesfushor, është aktivizuar dhe ka bërë mjaft mirë si sulmues. Ky gol erdhi pasi kishte shënuar edhe në takimin e kaluar.
21-vjeçari është i huazuar në ligën e dytë zvicerane. Kartonin e tij e zotëron Sioni. -
Gazeta zvicerane e bindur, vendimi është marrë, si Putin do ta përdorë Serbinë si bazë për destabilizimin e Evropës
Marsela SHYTIA
Gazeta e përditshme zvicerane Neue Zürcher Zeitung (NZZ) pyet veten nëse politika e Serbisë për balancimin midis fuqive lindore dhe perëndimore ka filluar të lëkundet dhe nëse Serbia shërben në të vërtetë si një bazë ruse për destabilizimin e Evropës. Në fillim të tekstit, autori pohon se autoritetet në Serbi “ndjenë një lehtësim të lehtë kur zgjedhjet në Moldavi pak më shumë se një javë më parë kaluan pa incidente të mëdha”. Më pas kujtohet se policia në Moldavi kreu 250 bastisje dhe arrestoi 74 persona para zgjedhjeve, shkruan Deutsche Welle. “Sipas autoriteteve moldave, të arrestuarit ishin trajnuar në kampe në Serbi. Atje, ata dyshohet se ishin trajnuar në taktika dhe metoda sulmi dhe rezistence kundër forcave të sigurisë. Moldavia e sheh Rusinë si organizatore, e cila dëshiron të parandalojë kursin pro-evropian të atij vendi të vogël.”
“Baza ruse”
Gazeta zvicerane shkruan më tej: “Akuzat morën peshë kur, katër ditë pas bastisjeve në Moldavi, forcat serbe të sigurisë arrestuan gjithashtu dy persona. Dy serbët dyshohen se kanë organizuar trajnime paraushtarake për 150 deri në 170 moldavë dhe rumunë midis 16 korrikut dhe 12 shtatorit.” Artikulli pohon se pas këtyre arrestimeve, dukej sikur Serbia kishte shmangur një katastrofë diplomatike. “Megjithatë, Beogradi, i cili mban lidhje të ngushta me Moskën – tani duhet të përballet me një pyetje shumë të pakëndshme: a po shërben Serbia si bazë për përpjekjet ruse për të destabilizuar Evropën?” Autori sugjeron një përgjigje pozitive për pyetjen e bërë, duke cituar një shembull tjetër të aktivitetit destabilizues që ka rrënjë në Serbi: “Të hënën, tre ditë pas dy arrestimeve të para, Ministria e Brendshme Serbe njoftoi se policia kishte arrestuar njëmbëdhjetë persona të tjerë, të gjithë serbë. Ata dyshohet se kanë vendosur koka derrash të prera para disa xhamive në Paris në fillim të shtatorit. Ata gjithashtu dyshohet se hodhën bojë të gjelbër (ngjyra e Islamit) në institucione hebraike si Muzeu i Holokaustit dhe disa sinagoga në zonën e madhe të Parisit midis prillit dhe shtatorit.”
Sulmet nëpër Evropë
Gazeta zvicerane citon një deklaratë nga Ministria e Brendshme serbe, sipas së cilës individë të dyshuar se kishin marrë trajnim në Serbi për veprime të tilla u arrestuan “me urdhër të një shërbimi të inteligjencës së huaj”. Qëllimi i tyre i supozuar ishte “të nxisnin urrejtje, diskriminim dhe dhunë kundër njerëzve me origjina, ngjyrë lëkure ose fe të ndryshme”, shkruan Deutsche Welle. Teksti kujton se në qershor, Franca akuzoi tre serbë për një sulm me bojë ndaj një institucioni hebraik dhe se Franca, ashtu si Moldavia, dyshon se Rusia është organizatorja e këtyre veprimeve. “Sipas ekspertëve të sigurisë, probabiliteti që kampe të tilla trajnimi të organizohen në Serbi pa dijeninë e aparatit të sigurisë, dhe rrjedhimisht të regjimit, është jashtëzakonisht i vogël. Në vitin 2024, në prag të zgjedhjeve presidenciale në Moldavi, qarkullonin informacione rreth kampeve të kontrolluara nga Rusia për protestuesit moldavë në Serbi dhe entitetin serb në Bosnjë dhe Hercegovinë. Në atë kohë, autoritetet serbe heshtën.”
Politika balancuese
Tani gazeta zvicerane pyet: pse po ndodhin arrestimet në Serbi pikërisht tani, kur ato po hedhin një dritë të keqe mbi vendin? “Kjo ndoshta ka të bëjë me politikën balancuese të Presidentit serb Aleksandar Vuçiç. Për vite me radhë, Vuçiç është përpjekur të ruajë marrëdhënie të mira – dhe mbi të gjitha fitimprurëse, me Rusinë, BE-në, SHBA-në dhe Kinën. Strategjia deri më tani ka dhënë rezultate. Investimet kanë ardhur si nga Perëndimi ashtu edhe nga Lindja. Vuçiç ka qenë mysafir në Berlin, Bruksel, Pekin, Moskë dhe Mar-a-Lago. Megjithatë, ai po shkakton gjithnjë e më shumë dhimbje koke si për Bashkimin Evropian ashtu edhe për Shtetet e Bashkuara – por edhe për Rusinë.” Autori arrin në përfundimin se si trajnimi në Serbi ashtu edhe arrestimet e të dyshuarve janë vetëm një shembull i shkallës në të cilën është bërë e vështirë për Beogradin të ruajë ekuilibrin midis Lindjes dhe Perëndimit. “Nëse arrestimet u kryen vetëm për të shmangur sanksionet kundër NIS-it, mbetet një çështje spekulimi për momentin.” -
Incidentet në ndeshjen me Letoninë/ FIFA gjobit Shqipërinë me 10 mijë franga zvicerane, FSHF: Do ta apelojmë
Komisioni i Disiplinës i FIFA-s ka gjobitur Federatën Shqiptare të Futbollit me 10 mijë franga zvicerane (përafërsisht 10,600 euro).
Gjoba është vendosur për incidentet e ndodhura jashtë stadiumit “Air Albania” gjatë ndeshjes Shqipëri – Letoni, më 9 shtator 2025, në kuadër të eliminatoreve të Botërorit 2026.
FSHF bën me dije se do ta apelojë gjobën e FIFA-s në instancat përkatëse të FIFA-s dhe ka nisur procedurat ligjore.
Federata u bën thirrje tifozëve që në ndeshjet e ardhshme të tregojnë qytetari dhe të mbështesin Kombëtaren pa shkaktuar situata që dëmtojnë imazhin e saj.