Lajmidites.com

Tag: zotit

  • Në gjyq për korrupsion, Netanyahu i kërkon presidentit të Izraelit ta falë me dekret, pa mbaruar gjyqi!

    Në gjyq për korrupsion, Netanyahu i kërkon presidentit të Izraelit ta falë me dekret, pa mbaruar gjyqi!

    Kryeministri izraelit Benjamin Netanyahu, i cili po përballet me një gjyq të gjatë për korrupsion, i ka paraqitur një kërkesë zyrtare presidentit të vendit për ta falur.
    Në një deklaratë me video, zoti Netanyahu, i cili është i vetmi kryeministër në detyrë në historinë e Izraelit që del para gjykatës, tha se çështja e ka përçarë vendin dhe se një falje do të ndihmonte në rivendosjen e unitetit kombëtar. Ai gjithashtu deklaroi se detyrimi për t’u paraqitur në gjykatë tri herë në javë është një shpërqendrim që e vështirëson udhëheqjen e tij.

    Zyra e Presidentit Isaac Herzog e quajti atë “një kërkesë të jashtëzakonshme” që mbart “implikime të rëndësishme”. Presidenti do ta “shqyrtojë me përgjegjësi dhe sinqeritet kërkesën” pas konsultimit me “autoritetet përkatëse” në ministrinë e drejtësisë dhe departamentet ligjore, tha zyra e tij.

    Kërkesa e kryeministrit përbëhet nga dy dokumente që shtrihen në 111 faqe, siç njoftoi zyra e presidentit – një letër e nënshkruar nga avokati i zotit Netanyahu, Amit Hadad, si dhe një letër e nënshkruar nga vetë zoti Netanyahu. Në to thuhet se falja mund të jepet edhe para dënimit dhe argumentohet se gjyqi në vazhdim po e pengon zotin Netanyahu të kryejë plotësisht detyrat e tij si kryeministër, veçanërisht në çështje kritike të sigurisë dhe diplomacisë. Dokumentet pretendojnë se hetimi dhe ndjekja penale e zotit Netanyahu kanë vuajtur nga parregullsi, duke përfshirë presionin ndaj dëshmitarëve dhe një përpjekje për të vënë në shënjestër kryeministrin.

    Gjithashtu, theksohet rekordi i tij i gjatë i shërbimit dhe udhëheqjes. Gjyqi i zotit Netanyahu, i cili filloi në vitin 2020, ende nuk ka përfunduar. Ai është deklaruar i pafajshëm për të gjitha akuzat, të cilat përfshijnë ryshfet dhe mashtrim. Ai u padit në vitin 2019 në tri raste, duke përfshirë pretendimet për marrjen e dhuratave me vlerë gati 700,000 shekel (166,500 £) nga përfaqësues biznesi.
    Kjo lëvizje vjen pasi Donald Trump i dërgoi një letër zotit Herzog në fillim të këtij muaji, duke i kërkuar atij që ta “falë plotësisht” zotin Netanyahu. Presidenti amerikan i tha Herzogut se kryeministri i tij “ka qëndruar i fortë për Izraelin përballë kundërshtarëve të fuqishëm” dhe se “vëmendja e zotit Netanyahu nuk mund të shpërqendrohet në mënyrë të panevojshme”.
    Kjo situatë konsiderohet e paprecedentë – një kryeministër izraelit, në mes të një gjyqi që tashmë zgjat prej vitesh, kërkon falje edhe pse nuk është dënuar. Dhe ai po e bën këtë me mbështetjen e presidentit amerikan, vullneti i mirë i të cilit tani qëndron në zemër të politikës së qeverisë izraelite. Benjamin Netanyahu këmbëngul se do të shpallet i pafajshëm, edhe nëse gjyqi arrin në një përfundim. Argumenti i tij, i shtjelluar në 111 faqe, është se gjyqi është një shpërqendrim i tillë saqë po dëmton interesin kombëtar dhe po ndikon në aftësinë e tij për të qeverisur.
    Megjithatë, ka të tjerë që argumentojnë të kundërtën – se e gjithë struktura e drejtësisë varet nga mbajtja e njerëzve përgjegjës, sado të fuqishëm të jenë ata. Do të shtrohet pyetja, si mund të falësh dikë që nuk është dënuar? Çfarë precedenti do të vendoste kjo? Mbështetja publike e Trumpit e vendos Presidentin Isaac Herzog në një pozitë jashtëzakonisht të vështirë. Ai do të dëshirojë të tregojë pavarësinë e tij, por mbetet pyetja nëse do të dojë të shkojë kundër vullnetit të aleatit më të fuqishëm të Izraelit. Në deklaratën e tij me video, zoti Netanyahu tha: “Vazhdimi i gjyqit na përçan nga brenda, nxit këtë ndarje dhe thellon përçarjet. Jam i sigurt, si shumë të tjerë në komb, se një përfundim i menjëhershëm i gjyqit do të ndihmonte shumë për të ulur flakët dhe për të promovuar pajtimin e gjerë për të cilin vendi ynë ka aq shumë nevojë.”
    Reagimet kundër kërkesës kanë qenë të menjëhershme. Emi Palmor, ish-drejtoreshë e përgjithshme e ministrisë së drejtësisë së Izraelit, tha se nuk është e mundur që gjyqi të ndalet nga kërkesa për falje. “Nuk mund të pretendosh se je i pafajshëm ndërsa gjyqi vazhdon dhe të vish te presidenti e t’i kërkosh të ndërhyjë,” tha ajo. Mënyra e vetme për të ndaluar gjyqin është t’i kërkohet prokurorit të përgjithshëm të pezullojë procedurat, shtoi ajo. Lideri i opozitës, Yair Lapid, i kërkoi presidentit të mos i nënshtrohet kërkesës.
    “Nuk mund t’i jepni atij një falje pa një pranim faji, një shprehje pendese dhe një tërheqje të menjëhershme nga jeta politike,” tha ai.

  • Papa Leoni XIV i lutet Zotit nga Stambolli për “bashkimin e plotë” të të krishterëve

    Papa Leoni XIV i lutet Zotit nga Stambolli për “bashkimin e plotë” të të krishterëve

    Në Kishën e Shën Gjergjit, seli e Patriarkanës Ekumenike të Kostandinopojës, në lagjen Fanar të Stambollit, ku Ati i Shenjtë Prevost mori pjesë në doksologji
    Papa Leoni XIV shpreson në “bashkimin e plotë” të të krishterëve dhe i lutet Zotit t’i gjegjet uratës së tij “për unitetin e të gjithëve”. Fjalët e Papës jehojnë dje, 29 nëntor, në Kishën e Shën Gjergjit, seli e Patriarkanës Ekumenike të Kostandinopojës, në lagjen Fanar të Stambollit, ku Ati i Shenjtë Prevost mori pjesë në doksologji, një lutje lavdërimi trinitar. Është pragu i përkujtimit liturgjik të Shën Andreut Apostull, Pajtor i Patriarkanës së Kostandinopojës, ditë në të cilën çdo vit, një delegacion nga Selia e Shenjtë është i pranishëm në Turqi, si pjesë e shkëmbimit tradicional të delegacioneve për festat përkatëse të shenjtorëve pajtorë: më 29 qershor në Romë për kremtimin e Shën Pjetrit e të Shën Palit – e më 30 nëntor në Stamboll, për kremtimin e Shën Andreut.

    Lidhjet e miqësisë të Leonit XIV me BartolomeunPapa nuk e fshehu “emocionin e tij të madh, i vetëdijshëm për ndjekjen e gjurmëve” të katër papëve që e paraprinë kur, brenda vendit të kultit, përshëndeti Patriarkun Bartolomeu, “i sigurt” se ky rast “do të kontribuojë edhe në forcimin e lidhjeve “të miqësisë, të cilat kanë filluar të thellohen” majin e kaluar. Patriarku mori pjesë në Meshën dhe në përurimin e papnisë së Leonit XIV, më 18 maj e, të nesërmen, u prit në një audiencë private. Pastaj u tha gazetarëve se Papa kishte shprehur dëshirën e tij për të shtegtuar në Turqi me rastin e 1700-vjetorit të Koncilit të Nikesë, duke pasur parasysh edhe dëshirën e PapaFrançeskut për të udhëtuar atje – më 30 maj.

    Një çast lutjejeIshte pasdite e hershme kur Leoni XIV, nën shi, arriti në Kishën e shekullit të 18-të kushtuar Shën Gjergjit, ku Patriarku Bartolomeu e mirëpriti në oborrin e jashtëm. Papa dhe Patriarku Ekumenik shkuan së bashku drejt hyrjes së vendit të adhurimit, ku puthën Ungjillin, mbajtur nga njëri prej bashkëkremtuesve, dhe secili ndezi një qiri. Pasi hyjnë brenda, u këndua një himn për Virgjërën Mari, Hyjlindësen, Nënën e Zotit. Filloi lutja dhe u kënduan himne, të ndjekura nga peticione. Nisi ofrimi i lutjeve për Leonin XIV dhe Bartolomeun, që hapat e tyre të drejtohen drejt veprave të mira; për klerin dhe popullin e Zotit; për qeveritë dhe të gjitha autoritetet civile; për stabilitetin e Kishave dhe unitetin e të gjithëve si dhe për paqen në botë. Pas leximit të një fragmenti nga Zakaria Profet, lutja vazhdoi.

    Përshëndetja e Patriarkut BartolomeuMë pas Bartolomeu mori fjalën:“Shenjtëria Juaj, vëlla i dashur në Krishtin – filloi ai – Patriarkana Ekumenike, Kisha e Madhe e Krishtit, ju mirëpret me gëzim dhe ngazëllim të thellë në këtë ditë, me të njëjtën frymë dashurie vëllazërore me të cilën u pritën paraardhësit tuaj të shquar, Papët e kujtesës së nderuar Pali VI, Gjon Pali II, Benedikti XVI dhe Françesku”. Patriarku Bartolomeu kujtoi se katër papët “kontribuan shumë, secili në mënyrën e vet e me karizmën e vet, në afrimin e Kishave motra përmes dialogut të dashurisë dhe të së vërtetës”. Kujtoi, më pas, edhe premtimin e tij e të Françeskut “për të bërë një shtegtim të përbashkët në qytetin historik të Nikesë, me rastin e 1700-vjetorit të Koncilit të parë Ekumenik, Koncil i unitetit apostolik në fe, një zë i vetëm i Kishës së bashkuar” dhe e quajti udhëtimin e parë të Leonit XIV, përmbushje e këtij premtimi e “bekim për papninë e tij”. I ngjashëm me një klerik të traditës liturgjike ortodokse të krishterë i cili, përpara se të marrë pjesë në Eukaristinë Hyjnore, “lexon një lutje të njohur si Kairos dhe nderon ikonat e Krishtit dhe shenjtorët e nderuar si mënyrë për të marrë bekimin e tyre e për të shërbyer Liturgjinë”, Bartolomeu mund të thoshte se Papa “ka ardhur për të marrë Kairos, forcë dhe guxim nga vendi i shenjtë i Nikesë, ndërsa fillon shërbesën e tij papnore, karakterizuar nga vullneti për t’i shërbyer thirrjes së Zotit për unitetin e krishterë”. “Është përgjegjësia jonë e përbashkët ta kemi në zemër ‘unitetin e shpirtit nëpërmjet lidhjes së paqes’”, përfundon Patriarku Ekumenik.

    Duke u përpjekur për Bashkimin e të KrishterëveLeoni XIV shprehu “mirënjohje të thellë për pritjen e ngrohtë” që iu bë dhe theksoi “miqësinë e sinqertë e vëllazërore, të bazuar në fenë dhe në vizionin e përbashkët për shumë nga sfidat kryesore me të cilat përballet Kisha dhe bota”, zhvilluar nga Bartolomeu me Gjon Palin II, Benediktin XVI dhe me Françeskun. Më pas ai kujtoi vizitën e djeshme në Iznik, ish-Nikea e koncilig të parë ekumenik në historinë e Krishterimit. Një çast domethënës, ai pa pasardhësit e Pjetrit dhe të Andreut, Leonin XIV dhe Bartolomeun, si dhe disa patriarkë, ipeshkvij, metropolitë, krerë të Kishave dhe përfaqësues të bashkësive botërore të krishtera, duke e thënë së bashku Besojmën Nikeano-Kostandinopolitane:Dje, dhe përsëri këtë mëngjes, përjetuam çaste të jashtëzakonshme hiri ndërsa përkujtuam, së bashku me vëllezërit dhe motrat tona në fe, 1700-vjetorin e Koncilit I Ekumenik të Nikesë. Duke kujtuar atë ngjarje të rëndësishme dhe të frymëzuar nga lutja e Jezusit që të gjithë dishepujt e tij të jenë një, u inkurajuam në angazhimin tonë për të rikërkuar rivendosjen e bashkimit të plotë ndërmjet gjithë të krishterëve, detyrë që do ta rimarrim me ndihmën e Zotit.Papa Loeni XIV, më pas, kujtoi kremtimin e përkujtimit të Shën Andreut, i cili bie nesër, 30 nëntor, duke dëgjuar pak më parë lutjen drejtuar Zotit nga një diakon “për stabilitetin e Kishave të Shenjta dhe për unitetin e të gjithëve”, gjë që “do të jehojë edhe në Liturgjinë Hyjnore të nesërme”. Ai lutet, nga ana tjetër, që “Ati i Zotit tonë Jezu Krisht, të na mëshirojë” dhe “ta dëgjojë këngën dhe këngëtarin!”.
    Përfundimi i doksologjisëPasi përfundoi përshëndetja e Papës, pasoi urata e Atynës në latinisht, në përfundim të së cilës Leoni XIV tha një bekim gjithashtu në latinisht, i ndjekur nga Patriarku Bartolomeu, në greqisht. Më pas, këngë dhe lutje e ndërsa Papa dhe Patriarku drejtoheshin drejt daljes së Kishës, doksologjia përfundoi me lavd e nder të Shpirtin Shenjt, gurrë e dijes, e frikës dhe e intelektit.R.SH. / Vatikan

  • Fotoja e publikuar nga Gazment Bardhi, avokati i Evis Berberit: Është nxjerrë nga telefonat e sekuestruar nga SPAK

    Fotoja e publikuar nga Gazment Bardhi, avokati i Evis Berberit: Është nxjerrë nga telefonat e sekuestruar nga SPAK

    Avokati i Evis Berberit në “Off the Record” me Andrea Dangllin, në A2 CNN i mëshoi dyshimit se një foto ku shfaqet klienti i tij, me funksionarë të tjerë publikë, që u publikua nga deputeti i PD, Gazment Bardhi ka rrjedhur nga ambientet e SPAK dhe GJKKO.
    Gentjan Rumano tha se publikimi i kësaj fotoje nga Bardhi ka për synim dëmtimin e imazhit të ish-kreut të ARRSH-së.
    “Fotoja që është publikuar është një foto që ka të bëjë tërësisht me ambient privat dhe jo me funksione publike. Dhe si e tillë duhet të konsiderohet si cenim i privatësisë të çdo subjekti, jo vetëm të të përfaqësuarit prej meje, por edhe të personave që janë pjesë e fotos.  Atëherë dyshimi kryesor është që të gjithë telefonat e zotit Berberi janë të sekuestruara nga Prokuroria e Posaçme. Zoti Berberi është në kushtet e ndalimit dhe nuk është në kushtet për të përhapur apo patur informacion të detajuar për këto rrethana. Duke qenë se fotot janë në duart e prokurorisë, ekziston dyshimi i arsyeshëm që kjo foto të jet3ë nxjerrë pikërisht nga këto telefona dhe më pas ti jetë vënë në dispozicion dhe zotit Bardhi. Nuk duam të dyshojmë lidhur me integritetin e Prokurorisë apo oficerëve të policisë gjyqësore por nga ana jonë do të kërkohet hetim. Do të ishte e ndershme që ky hetim të niste nga ana e Prokurorisë nëse ajo foto gjendet në telefonat e zotit Berberi. Nëse kjo foto është pjesë e të dhënave në telefonat që i janë sekuestruar zotit Berberi, përbën të dhënë hetimore dhe ato nuk përhapen kështu që do ishte përhapje e paautorizuar e informacioneve hetimore. Kjo shërben për të dëmtuar hetimin dhe për të ndikuar mbi hetimin dhe gjykimin. Ajo që ne dyshojmë duke qenë se ka një përhapje të zgjeruar të informacionit në fazën e gjykimit ku ndodhet zoti Berberi, ne e konsiderojmë si një ushtrim të ndikimit karshi GJKKO dhe SPAK, për të prishur imazhin publik dhe mediatik të zotit Berberi”, deklaroi Rumano në “Off the Record” me Andrea Dangllin, në A2 CNN.

  • “I japim llogari vetëm Zotit”, dy të arrestuarit për terrorizëm refuzojnë të dëshmojnë

    “I japim llogari vetëm Zotit”, dy të arrestuarit për terrorizëm refuzojnë të dëshmojnë

    “Ju jeni shejtanë dhe ne i japim llogari vetëm Zotit”. Kjo ka qënë e vetmja deklaratë e dy personave të arrestuar nga policia e Shkodrës për armët e gjetura në banesën në fshatin Orosh të Pukës, ku grupi hetimor ka dyshime të forta se të dy janë të indoktrinuar me prirje terroriste.
    Duke thënë se se nuk e njohin shtetin dhe as ligjet e vendit, por vetëm fjalën e Zotit, Uka dhe Cumraku kanë refuzuar të japin dëshminë për të sqaruar lidhjet që mund të kenë me grupet terroriste jashtë vendit, apo për faktin se ku i kanë gjetur armët.
    Sa i takon armëve të zjarrit, është ende mister për policinë dhe Antiterrorin sesi ata kanë arritur që t’i sigurojnë, pasi asnjëherë prej tyre nuk figuron i punësuar për të siguruar të ardhura, aq më tepër për të blerë municione dhe armë zjarri. Ndaj, hetuesit kanë bindje të forta se Uka dhe Cumraku janë ndihmuar nga persona të tjerë.

    Ata kishin dy muaj që ishin shpërngulur në Orosh të Pukës, pikërisht në banesën ku u izoluan për më shumë se 12 orë, ndërkohë që RENEA i kishte rrethuar. Më heret të dy ata kanë jetuar me qira në një dhomë në afërsi të Kamzës, ku janë kryer kontrolle nga blutë, por nuk janë gjetur armë.
    Një tjetër pikë e rëndësishme për hetimet është edhe personi i tretë, në rrethin e ngushtë të të dy të arrestuarve. Kjo është zbuluar në bazë të dëshmive të banorëve të zonës. Ata kanë thënë se shpesh herë është parë në shoqërinë e dy të arrestuarve dhe një tjetër person me flokë të gjata.
    Brenda banesës së braktisur që i përkiste familjes së Julian Cumrakut u gjetër armë zjarri, lëndë shpërthyer, municione luftarake si dhe flamuri i ISIS. Madje në banesë është gjetur dhe një gropë afro 2 metra që rezulton e hapur kohët e fundit, që dyshohet se mund të përdorej si magazinë për armatime.
    Erzen Uka, ish-komando i dënuar më parë për nxitje të terrorizmit si dhe Julian Cumraku gjithashtu i dënuar më përpara, pritet që të dalin për tu njohur me masën e sigurisë në Gjykatën e Shkodrës ku ndaj tyre rëndojnë 4 akuza “Nxitja, thirrja publike dhe propaganda për kryerjen e veprave me qëllime terroriste”, “Prodhimi i armëve luftarake”, “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve shpërthyese dhe i municionit”.
    Uka mëngjesin e kësaj të mërkure është dërguar në urgjencën e Spitalit Rajonal të Shkodrës për mjekimin e një plage në këmbë.

  • “Robotë humanoidë dhe çipi që ringjall trurin e njeriut”, eksperti i IT: Po luajmë me rolin e Zotit!

    “Robotë humanoidë dhe çipi që ringjall trurin e njeriut”, eksperti i IT: Po luajmë me rolin e Zotit!

    Në një epokë ku teknologjia po ecën përpara më shpejt se kuptimi njerëzor, eksperti i IT-së Erikleo Çepa solli në “Aldo Morning Show” zhvillimet më të fundit që po tronditin botën moderne.

    Nga robotët që lëvizin si njerëz e deri tek çipat që synojnë të ringjallin funksione të trurit, Çepa zbuloi për audiencën se sa pranë jemi tashmë kufijve që dikur konsideroheshin fantazi shkencore.

    Përballë këtyre arritjeve, pyetja e madhe që ngrihet është: a po e sfidon apo po e luan njeriu rolin e Zotit?

    Aldo: Teknologjia ecën përditë. Ajo që ne mendojmë si të re dhe që e dimë befas është bërë e vjetër sepse kanë ndryshuar gjërat. Ndër përditësimet e teknologjisë çfarë ka diçka të re që ne na trondit dhe na mahnit.

    Erikleo Çepa: Arritja e Elon Musk që për herë të parë arriti që të bëjë një robot që arrin të lëvizë si njeri. Sekreti i Zotit ka qenë tek gjymtyrët, por Musk e zbuloi dhe bëri një robotët të lëvizin tamam si njerëz, saqë nuk e kupton. Nga kjo arritje kaq e madhe njerëzit mendonin se ishte një njeri i maskuar si robot, saqë kompania e Elon Musk, arriti që të zbërthente robotin dhe t’i tregonte publikut që ishte robot.

    Aldo: Kanë nxjerrë dhe robotë që luajnë futboll?

    Erikleo Çepa: Po ke dhe të tillë robotë. Tani Kina është 300 vjet para gjithë botës. Kina ra automatizuar robotët e parë që të gatuajnë 200-300 pjata në orë.

    Aldo: Çfarë thua?! Po kjo puna e trurit, se deri tek zemra e dimë që zëvendësohet, por të zëvendësosh trurin?!

    Erikleo Çepa: Kjo është një pyetje e madhe që po bëjnë njerëzit. Por, teknologjia ka arritur që vetëm nga një çip bashkëngjitjet me një teknologji sa një mikrotelefon dhe vendos tek pjesa e trurit. Nëse ajo gjallesë apo njeri ka vdekur, ajo e jep një shtysë, elektrizim dhe e ngjall atë trup me të njëjtat kujtesa në të njëjtën orë që vdiq.

    Aldo: Me këtë që ti po thua ne po zëvendësojmë Zotin!

    Erikleo Çepa: Po luajmë me rolin e Zotit! Po!

  • Shitet për 1 mln paund, ora e një prej pasagjerëve më të pasur të Titanikut

    Shitet për 1 mln paund, ora e një prej pasagjerëve më të pasur të Titanikut

    Një orë xhepi floriri e gjetur në trupin e njërit prej pasagjerëve më të pasur të Titanikut, do të shitej për mbi 1 milion paund. Isidor Straus dhe gruaja e tij Ida, u përjetësuan në filmin e suksesshëm të James Cameron të vitit 1997, si çifti i moshuar që mbanin njëri-tjetrin në shtrat ndërsa Titaniku fundosej.

    Natën e tragjedisë së vitit 1912, gruaja e Straus refuzoi një vend në një varkë shpëtimi pasi nuk donte ta linte burrin e saj dhe tha se do të preferonte të vdiste pranë tij. Trupi i zotit Straus u nxor nga Atlantiku disa ditë pas tragjedisë, ndërsa në sendet e tij ishte dhe ora e xhepit prej floriri 18 karatësh “Jules Jurgensen”, që ishte ndalur në orën 2:20 të mëngjesit, momenti kur Titaniku u fundos nën ujë.

    Ora madhështore, e cila ishte gdhendur me inicialet IS, iu kthye djalit të tij, Jesse-t, së bashku me sendet e tjera personale. Ora e tij kaloi nëpër breza të familjes përpara se Kenneth Hollister Straus, stërnipi i zotit Straus, ta riparonte dhe restauronte mekanizmin.

    Ndërkohë tani, ora po shitet nga familja për herë të parë, ndërsa pritet të bëhet një nga objektet më të shtrenjta të Titanikut që është shitur ndonjëherë. Trupi i zonjës Straus nuk u gjet kurrë pas tragjedisë së 15 prillit 1912, në të cilën humbën jetën 1,520 njerëz.

    Besohet se ora kishte qenë një dhuratë nga znj. Straus për burrin e saj në vitin 1888. Data e gdhendur në të, shkurt, ishte ditëlindja e 43-të e zotit Straus dhe viti 1888 ishte viti kur ai dhe vëllai i tij Nathan u bënë partnerë të plotë të Macy’s, aktualisht kompania më e madhe e dyqaneve për shitjet me pakicë në Shtetet e Bashkuara.

  • Pas goditjes nga Uashingtoni, gazetari shpërthen: Rama s’mund të fshihet më, deklaratat e tij janë prova publike

    Pas goditjes nga Uashingtoni, gazetari shpërthen: Rama s’mund të fshihet më, deklaratat e tij janë prova publike

    Departamenti Amerikan i Thesarit ka vendosur sanksione ndaj biznesmenit Luftar Hysa dhe rrjetit të tij familjar e të biznesit, duke e akuzuar për përfshirje në krimin e organizuar transnacional dhe pastrim parash, përfshirë lidhje me kartelin e fuqishëm meksikan Sinaloa. Ky vendim ka rikthyer fuqishëm në debatin publik një çështje të tre viteve më parë: takimin e Kryeministrit Edi Rama me Luftar Hysën në zyrën e tij, një takim që ngjalli polemika të shumta në atë kohë.
    I ftuar në një emision televiziv, gazetari Bledian Koka tha se ky zhvillim nga Thesari i SHBA-VE, përbën “hallin e madh” dhe “dëmin e pakontrollueshëm” për Kryeministrin Rama, duke e tejkaluar rëndësinë e çështjeve të brendshme korruptive. Sipas Kokës, ndryshe nga skandalet vendase që ai i cilësoi si “shpërthime të kontrolluara” për nevoja propagande, lidhja me një individ dhe rrjet të sanksionuar nga SHBA për krim të rëndë ndërkombëtar, është një goditje direkte dhe e pamenaxhueshme për qeverinë.
    Në qendër të diskutimit është fakti se një kompani e lidhur me familjen Hysa, tashmë e dizenjuar nga SHBA, ka marrë nga qeveria shqiptare licencën për një nga projektet më të mëdha turistike në Vlorë, atë të hotelit me pesë yje dhe kazinosë në Marina Bay.
    Kjo sipas gazetarit Koka e vendos ekzekutivin shqiptar në një pozitë tejet të vështirë, pasi del se ka favorizuar një grup të cilin partneri strategjik i Shqipërisë, e konsideron si organizatë kriminale. Koka vuri në dukje gjithashtu një “artikulim të njëjtë” dhe justifikim të përbashkët mes Kryeministrit Rama dhe vetë Luftar Hysës kur janë pyetur për këtë çështje.
    Historia e këtij skandali nisi me publikimin e një fotografie nga takimi në Kryeministri, ku i pranishëm ishte edhe një deputet gjerman. Reagimi i Kryeministrit Rama në atë kohë, i cili mori rolin e mbrojtësit në vend që të niste një hetim nga institucionet ligjzbatuese, u kritikua nga Koka si një veprim i papërshtatshëm për një zyrtar të lartë shteti.
    Zotin Rama e sikletos shumë dhe që si me thënë ravijëzon dhe sigurisht që ka të bëjë me raportet e zotit Rama me Shtetet e Bashkuara të Amerikës. Kushdo që ka besuar që ky problem ose ky hall po e thoja kështu, mund të ishte, si me thënë, problemet ligjore të zonjës Balluku, besoj që me këtë që ka ndodhur sot, në fakt mund të kuptojë që në fakt halli i madh i zotit Rama ka qenë pikërisht ky. Sepse, sigurisht që sot ka ndodhur dizenjimi i familjes Hysa dhe i të gjithë bizneseve të tyre, por po e them në parantezë, një nga kompanitë e sekuestruara ose të dizenjuara, nga Shtetet e Bashkuara të Amerikës, është e njëjta kompani me të cilën qeveria shqiptare i ka dhënë kësaj, kësaj familje, licencën për atë që është në një nga bizneset kryesore në Vlorë, Marina Bay, që është hoteli dhe kazinoja që operon prej kohësh tashmë në, në këtë, në këtë hotel. Pra, ky nuk është, nuk është vetëm një, një dizenjim i këtyre kompanive, si me thënë, sepse pjesa më e madhe e tyre është kompanitë ,që me të cilët familja Hysa vepron mes Meksikës, Kanadasë dhe përfitimi dhe përfitime financiare që vijnë në Shtetet e Bashkuara të Amerikës.
    Asnjëra prej kompanive nuk operon në Shtetet e Bashkuara të Amerikës, por janë të dizenjuar si si organizatë kriminale. Dhe unë mendoj që ky është fiks ai momenti që një kryeministër nuk do të donte t’i ndodhte dhe ose që pret të ndodhë dhe pret të ndodhë sa më vonë. Unë mendoj që gjithë shqetësimi i zotit Rama ishte një shqetësim i cili, si me thënë, e tejkalonte mundësinë e tij për ta kontrolluar dëmin. Ky është një dëm i cili nuk mund të kontrollohet. Pra, në qoftë se ty të ndodh dëmi brenda me SPAK-un e me këto andrallat tona të përditshme, gjëra që ti, ne, ne e kemi parë fare mirë që të gjitha shpërthimet kanë ndodhur të kontrolluara sipas nevojave të propagandës ditore të zotit Rama.
    Edhe Erion Veliaj, edhe Belinda Balluku, Arben Ahmetaj, tjetri, tjetri, të gjithë këto që kanë ndodhur kanë qenë shpërthime të kontrolluara. Kjo është një gjë tjetër. Kjo është një ngjarje në të cilën zoti Rama ka lënë edhe prova me artikulimet e veta, ka lënë edhe ka bërë edhe avokatinë siç me të drejtë e transmetuam ne gjatë kësaj kohe dhe po të shikoni ka një moment të caktuar kur ajo që thotë zoti Rama përballë gazetarëve në vitin 2022, kohës kur i bënte konferencat me gazetarët në distancë për shkak të Covid-it të kohës, është i njëjti artikulim që ka edhe zoti Hysa në intervistën e dhënë për, për zotin Fevziu. Pra një kryeministër i cili vihet në dijeni pas një artikulli ose njihet me një artikull, jo ky ishte rasti i dytë që zoti Rama ekziston, sepse ka dhe një intervistë të zotit Rama i cili është pyetur për këtë çështje në, në, në emisionin e zotit Fevziu, kjo video nuk ekziston për momentin në YouTube. Nuk nuk e gjejmë dot. Kjo video është zhdukur.
    Dhe, dhe, dhe që, edhe që e konfirmonte takimin dhe e minimizonte. Kjo video për momentin nuk gjendet. Ndoshta mund, në arkivat tona mund ta kemi ruajtur, por kjo, kjo gjë nuk gjendet, por kemi këtë videon tjetër. Po. Sepse kjo, çdo gjë ka nisur nga kjo foto e publikuar dikur. Pra një foto e cila fotografohet nga, nga larg, një, një delegacion po e quajmë kështu, që ndodhej në kryeministri. Po e diskutonim pak më herët me Klodin, thashëPo pikërisht, pra, shpoti e ka marrë për shkak se ishte një deputet gjerman dhe nga fotoja e deputetit gjerman Mark Hauptmann, rezulton që një person, personi tjetër që ishte aty ishte zoti Hysa që për, për Shqipërinë si me thënë ishte i panjohur, ndoshta gazetarët e kronikës mund të kishin informacion, por jo domosdoshmërisht se çfarë përfaqësonte, dhe që nga aty momenti pastaj ka nisur me thënë saga e asaj që njihej e Luftar Hysës në Shqipëri.
    Mbas kësaj ngjarje, mbas këtij denoncimi që u bë atëherë në, në, në portalet e kohës, ka ndodhur që ka qenë një media meksikane, që publikon një artikull, e cila thotë se Luftar Hysa dhe tre vëllezërit e tij ishin njerëz që pastronin paratë e kartelit Sinaloa, që realisht informacioni kur doli atëherë ishte një informacion lunatik. Si mundet pra që një familje shqiptare ose disa, një biznesmen shqiptar të ketë lidhje direkte me kartelin Sinaloa, dihet sa e rrezikshme, sa e fuqishme po ashtu është financiarisht, ky kartel, dhe që si ka mundësi që nga, mirë që janë të lidhur atje, por ka ardhur edhe biznesin e kryen, kryen në Shqipëri. Këtu çfarë ndodh? Publikohet informacioni dhe kryeministri i Shqipërisë pyetet sërish për këtë ngjarje. Çfarë, ajo që ndodh ndoqëm pak më herët, është pikërisht përgjigja që kryeministri i ka dhënë gazetarëve dhe pyet dhe çfarë shohim ne?
    Madje te italianët ishte, ishte më i zgjeruar, por ajo që po shikojmë është hera e parë kur flet si, po të shikoni, gjuha që me të cilën zoti Rama i përgjigjet gazetarëve shqiptarë dhe gjuha me të cilën zoti Hysa përdor në tek zoti Fevziu, është i njëjti argument, i njëjti justifikim. Ku kemi ne takat të pastrojmë ne me një, me një vrimë në Vlorë atë që janë miliardat e trafikut të drogës dhe pasuria e kartelit Sinaloa. Çfarë ndodh? Në qoftë se zoti Hysa është në të drejtën e vet ta bëjë këtë apologji, si ka mundësi që kryeministri i Shqipërisë, se këtu pastaj është ajo e çuditshmja, në vend që të thotë, ose minimalisht t’u përgjigjet gazetarëve, ne e kemi lexuar artikullin, organet tona ligjzbatuese sigurisht që janë duke bërë verifikimet e tyre sepse normalisht do të duhet ta bëjnë këtë lloj verifikimi dhe nëse do rezultojë diçka që mund të, mund, mund të ketë lidhje me këtë informacion, patjetër që ne do të vëmë në dispozicion. Por zoti Rama jo vetëm që nuk e jep këtë përgjigje normale që duhet të japë një shtetar, përkundrazi, ai as nuk e çon nëpër mend t’i thotë institucioneve ligjzbatuese hetojeni familjen Hysa.

  • Miratohet ligji për barazinë gjinore, Pano: Turp! Deputetët do të japin llogari para Zotit

    Miratohet ligji për barazinë gjinore, Pano: Turp! Deputetët do të japin llogari para Zotit

    “Turp për të gjithë deputetët”, kjo ishte deklarata e Xhonatan Panos në studion e Quo Vadis të moderatores Pranvera Borakaj, ndërsa deputetët në sallën e parlamentit kaluan me 77 vota pro ligjin për barazinë gjinore.
    Pano tha se për këtë veprim deputetët e PS do të japin llogari para Zotit dhe para njerëzve.
    “Të gjithë këta deputetë do të mbajnë përgjegjësi para Zotit dhe para njerëzve. Për të gjithë ata që kanë votuar socialistët, unë them se sot këta deputetë i kanë dhunuar. SHBA i kanë zbuluar njëherë e mirë, ne vazhdojmë me këto marrëzira. Turp për këta parlamentarë! Turp edhe për ata të opozitës që nuk ishin për të votuar,” tha Pano.

  • “Mjaft me luftëra dhe grumbuj të vdekurish”/ Apeli i Papa Leo XIV: Bota ka etje për paqe!

    “Mjaft me luftëra dhe grumbuj të vdekurish”/ Apeli i Papa Leo XIV: Bota ka etje për paqe!

    “Mjaft luftërave!” Është ky ishte apeli i Papa Leo XIV gjatë takimit të Sant’Egidio Sant’Egidio në Koloseun e Romës. “Bota ka etje për paqe, ka nevojë për një epokë të vërtetë dhe të fortë pajtimi, e cila i jep fund abuzimit të pushtetit, shfaqjeve të forcës dhe indiferencës ndaj drejtësisë. Mjaft luftërave, me numrin e tyre të dhimbshëm të vdekjes, shkatërrimit dhe mërgimit!” tha ai në ceremoninë te Koloseu, së bashku me udhëheqës të besimeve të tjera të krishtera. 
    Sipas kreut të Vatikanit, lutja është një forcë e madhe për pajtim, teksa bëri thirrje që feja të mos përdoret për dhunë apo urrejtje. 
    “Lutja është një forcë e madhe për pajtim. Ata që nuk luten e abuzojnë fenë, madje edhe për të vrarë. Jo fjalë të bërtitura, jo sjellje të ekzaltuara, jo slogane fetare të përdorura kundër krijesave të Zotit. Ne kemi besim se lutja ndryshon historinë e popujve”, theksoi ai. 
    Duke kujtuar fjalët e Papa Françeskut, ai kërkoi që fetë të mos bëhen instrumente të nacionalizmit apo populizmit. “Mjerë ata që përpiqen ta tërheqin Zotin në luftëra,” theksoi Papa. 
    “Lufta nuk është kurrë e shenjtë, vetëm paqja është e shenjtë, sepse ajo është e vullnetit të Zotit!” vazhdoi Papa, duke kujtuar fjalët e Papa Françeskut: “Ne duhet t’i distancojmë fetë nga tundimi për t’u bërë instrumente për të nxitur nacionalizmin, etnizmin dhe populizmin. Luftërat bëhen më të hidhura. Mjerë ata që përpiqen ta tërheqin Zotin në luftëra!” 
    Ai u bëri thirrje udhëheqësve politikë që të vendosin paqen mbi çdo interes. 
    “Përfundimi i luftës është detyrë e të gjithë politikanëve para Zotit. Paqja është përparësia e të gjitha politikave, dhe Zoti do t’i mbajë përgjegjës ata që nuk kanë kërkuar paqe ose kanë nxitur tensione dhe konflikte, çdo ditë, muaj dhe vit lufte”, theksoi Papa. 
     
     
     
     

  • Zyrtari i PD: Berisha mund të shkojë kur të dojë në SHBA, por s’po i vjen ndonjë ftesë…

    Zyrtari i PD: Berisha mund të shkojë kur të dojë në SHBA, por s’po i vjen ndonjë ftesë…

    Sali Berisha mund të shkojë kur të dojë në SHBA, pasi non grata e tij ka rënë. Kështu u shpreh në, këshilltari i grupit parlamentar të PD-së, Nikola Kedhi, sipas të cilit ky është një fakt publik.
    “Në SHBA Grenell e ka thënë publikisht që nuk ka asgjë. Patjetër do ta heqë. Ky është një shqetësim që e ka ngritur vetë zoti Rubio këtë të non gratës dhe përdorimit politik të sanksioneve. Kjo ka rënë. 
    Zotit Berisha nëse i vjen një ftesë mund të shkojë kur të dojë në SHBA. Ky është fakt publik. Zotit Berisha i është bërë hetimi me disa breza nga DASH dhe Departamenti i Thesarit dhe nuk i është gjetur asgjë. Se nuk ka dalë me sanksione Departamenti i Thesarit”.
    Kethi deklaroi në A2 CNN se kreun demokrat e ka vizituar edhe delegacioni britanik i kryesuar nga ministri i Jashtëm në hije.
    “Z.Berisha i erdhi delegacioni nga partia britanike. Ministri i jashtëm në hije takoi zotin Berisha. Kur erdhi delegacioni i deputetëve britanikë thanë të njëjtën që thotë kushdo që ka parë dosjen e zotit Berisha me të cilën u shpall non grata. Thanë që si ka mundësi që ka ndodhur kjo gjë? Në Britani shfrytëzuan momentin kur ra qeveria e Boris Johnson”.