Lajmidites.com

Tag: zonat

  • Reshje shiu në të gjithë vendin, parashikimi i motit për sot

    Reshje shiu në të gjithë vendin, parashikimi i motit për sot

    Ditën e sotme, territori shqiptar do të jetë sërish nën ndikimin e masave ajrore të paqëndrueshme, duke sjellë vranësira dhe reshje shiu në pjesën më të madhe të vendit, më të theksuara në zonat veriore dhe jugore ku priten rrebeshe.
    Parashikohet që orët e pasdites dhe në vijim, të mbeten nën ndikimin e vranësirave dhe reshjeve të shiut në të gjithë territorin, por në zonat e thella malore do të ketë reshje të pakta dëbore.

    Temperaturat e ajrit do të pësojnë rënie të lehtë në orët e mëngjesit por vijojnë kostante në mesditë, duke luhatur vlerat ditore nga 2°C vlera minimale e shënuar në qytetin e Pukës, deri në 20°C vlera më e lartë e cila pritet në qarkun e Fierit.
    Era do të fryjë mesatare deri e fortë me shpejtësi mbi 40 km/h nga drejtimi kryesisht Verior, kjo do të bëj që në brigjet detare të krijohet dallgëzim 3 ballë.

  • ”Paketa e Maleve” për ata që duan të investojnë në tokën e të parëve

    ”Paketa e Maleve” për ata që duan të investojnë në tokën e të parëve

    ”Paketa e Maleve” është ligji i ri i sapomiratuar për investime në zonat malore. Kjo e ofruar për të gjithë të interesuarit, qofshin emigrantë apo rezidentë, të cilët kanë dëshirën dhe vizionin për të ndërtuar në tokën e tyre. Nisma synon të ofrojë një qasje realiste për tërheqjen e investimeve në zonat malore të vendit, falë politikave të reja të mbështetjes kundrejt investitorëve.
    Paketa e maleve u prezantua sot në një takim të zhvilluar në Kalanë e Rozafës, në Shkodër, ku mori pjesë Kryeministri Edi Rama së bashku me Ministrin e Ekonomisë, Kulturës dhe Inovacionit, Blendi Gonxhja, Ministrin e Shtetit për Pushtetin Vendor, Arbjan Mazniku, Kryetarin e Bashkisë së Shkodrës Benet Beci, Kryetarët e bashkive të zonave veriore të vendit, sipërmarrës të ndryshëm, etj.

    Paketa synon të krijojë një ekuilibër në zhvillimin e qendrueshëm të aktiviteteve ekonomike të turizmit malor, bujqësisë, industrisë dhe inovacionit të lidhur me ekosistemin e këtyre zonave, bazuar në mbrojtjen e pejzazhit natyror, ruajtjes së trashëgimisë kulturore, kulturës dhe identitetit lokal në këto zona të shpallura me përparësi për zhvillimin e ekonomisë malore.

  • Reshje shiu por temperatura të ngrohta, parashikimi i motit për sot

    Reshje shiu por temperatura të ngrohta, parashikimi i motit për sot

    Ditën e sotme në vendin tonë, si pasojë e kalimit të një tjetër sistemi frontal drejt territorit shqiptar, moti do të vijojë i paqëndrueshëm.
    Orët e paradites paraqiten me alternime kthjellimesh dhe vranësirash, deri mesatare ku në zonat veriore dhe veriperëndimore do të jenë më të dëndura, duke gjeneruar rrebeshe të izoluara shiu, ndërsa pas mesditës dhe në vijim do të ketë reshje shiu në të gjithë Ultësirën Perëndimore, si edhe reshje dëbore në zonat e thella malore.

    Ky destabilitet i atmosferës do të na shoqërojë edhe gjatë natës.
    Temperaturat e ajrit do të pësojnë rënie në të dy vlerat ekstremale ditore, duke u luhatur nga 3°C vlera minimale e shënuar në Zonat malore, deri në 20°C vlera maksimale e cila pritet në Zonat bregdetare.
    Era do të fryjë mesatare deri e fortë me shpejtësi 45 – 50 km/h nga drejtimi jugor, për pasojë në brigjet detare do të krijohet dallgëzim 4 ballë.

  • Vranësira dhe reshje shiu, parashikimi i motit për sot

    Vranësira dhe reshje shiu, parashikimi i motit për sot

    Foto ilustruese

    TIRANË-Edhe sot vendi do të përfshihet nga moti i paqendrueshëm. Orët e paradites paraqiten me alternime kthjellimesh dhe vranësirash deri mesatare ku në zonat veriore dhe veriperëndimore. Pasdite dhe në vijim do të ketë reshje shiu në të gjithë Ultësirën Perëndimore si edhe reshje dëbore në zonat e thella malore.
    Temperaturat e ajrit do të pësojnë rënie në të dy vlerat ekstremale ditore duke u luhatur nga 3°C vlera minimale e shënuar në Zonat malore deri në 20°C vlera maksimale e cila pritet në Zonat bregdetare.
    Era do të fryjë juglindje-verilindje me shpejtësi mesatare deri në 7m/s, përgjatë vijës bregdetare dhe lugina pritet të fitojë shpejtësi deri në 22m/s. Ndërsa në det valëzimi do të jetë deri në 3-4 ballë./ZËRI

  • Rrebeshe shiu, ulen temperaturat/ Si pritet të jetë moti gjatë ditës

    Rrebeshe shiu, ulen temperaturat/ Si pritet të jetë moti gjatë ditës

    Si pasojë e kalimit të një tjetër sistemi frontal drejt territorit shqiptar, moti do të vijojë i paqëndrueshëm.

    Orët e paradites paraqiten me alternime kthjellimesh dhe vranësirash deri mesatare ku në zonat veriore dhe veriperëndimore do të jenë më të dëndura duke gjeneruar rrebeshe të izoluara shiu ndërsa pas mesditës dhe në vijim, do të ketë reshje shiu në të gjithë Ultësirën Perëndimore si edhe reshje dëbore në zonat e thella malore. Reklama në FieriWeb – “VEGA GROUP”

    Ky destabilitet i atmosferës do të na shoqërojë edhe gjatë natës.Reklama në FieriWeb – “VODAFONE ALBANIA”

    Temperaturat e ajrit do të pësojnë rënie në të dy vlerat ekstremale ditore duke u luhatur nga 3°C vlera minimale e shënuar në Zonat malore deri në 20°C vlera maksimale e cila pritet në Zonat bregdetare.

    Era do të fryjë mesatare deri e fortë me shpejtësi 45 – 50 km/h nga drejtimi JUGOR; për pasojë në brigjet detare do të krijohet dallgëzim 4 ballë.

    Reklama në FieriWeb – “PASTIÇERI “RUSTEMAJ”

  • Startup inovativ TNLP: Një zgjidhje për zhvillimin e zonave rurale dhe jetën më të mirë të të moshuarve

    Startup inovativ TNLP: Një zgjidhje për zhvillimin e zonave rurale dhe jetën më të mirë të të moshuarve

    Në një kohë kur popullsia globale po plaket dhe qytetet po bëhen gjithnjë e më të ngjeshura dhe të shtrenjta për të jetuar, TNLP shfaqet si një zgjidhje inovative që adreson dy probleme kryesore: izolimin dhe vetminë e të moshuarve, si dhe zhvillimin e zonave rurale. Kjo iniciativë, e udhëhequr nga Egli Isufaj, një ekspert i shquar në fushën e Teknologjisë së Informacionit me një eksperiencë të gjatë në zhvillimin dhe testimin e software-ve, synon të revolucionarizojë mënyrën se si të moshuarit jetojnë dhe të kontribuojë në një shpërndarje më të barabartë të popullsisë. 
    Çfarë është TNLP dhe si funksionon? 

    ‘TNLP’ ose ‘The New Life Proposition’ është një platformë dixhitale inovative që lidh të moshuarit që kanë shtëpi të papërdorura në zonat urbane me persona që kërkojnë vendbanime në qytete. Në të njëjtën kohë, ajo inkurajon të moshuarit të zgjedhin të jetojnë në zonat rurale, ku mund të gjejnë qetësi, natyrë dhe një mjedis më të shëndetshëm. 
    Ideja është e thjeshtë, por e fuqishme: të moshuarit që jetojnë vetë mund të bashkohen në shtëpinë e njërit prej tyre dhe të ofrojnë shtëpitë e tyre të tjera me qira. Kjo jo vetëm që u mundëson atyre të ndajnë shpenzimet dhe të gjenerojnë të ardhura shtesë, por gjithashtu krijon një mjedis më të sigurt dhe më të socializuar për të jetuar. 
    Përfitimet e TNLP për të moshuarit dhe zonat rurale 

    Jetesa në periferi: Një alternativë më e shëndetshme dhe më e qetëZonat rurale ofrojnë një mjedis më të pastër dhe më të qetë, ideal për të moshuarit që kërkojnë të largohen nga zhurma dhe stresi i qyteteve. TNLP inkurajon këtë tranzicion duke ofruar mundësinë për të moshuarit të jetojnë në shtëpi të reja në zonat rurale, ndërsa shtëpitë e tyre urbane shfrytëzohen për qira. 

    Të ardhura shtesë përmes qirasë së shtëpive urbaneShtëpitë në zonat urbane kanë kërkesë të lartë për qira, dhe TNLP i ndihmon të moshuarit të gjenerojnë të ardhura shtesë duke i dhënë me qira shtëpitë e tyre në qytete. Kjo ndihmon në përmirësimin e nivelit të jetesës së tyre dhe në mbulimin e shpenzimeve. 

    Zhvillimi ekonomik i zonave ruraleKur të moshuarit zgjedhin të jetojnë në periferi, ata sjellin me vete nevojat dhe shpenzimet e tyre, duke stimuluar ekonominë lokale. Kjo mund të ndihmojë në krijimin e vendeve të reja të punës dhe në përmirësimin e shërbimeve në zonat rurale. 

    Një jetë më e socializuar dhe më e sigurtTNLP inkurajon jetesën e përbashkët në zonat rurale, ku të moshuarit mund të ndajnë shtëpi dhe të krijojnë një mjedis mbështetës. Kjo redukton izolimin dhe rrit sigurinë, duke u mundësuar të moshuarve të ndihmojnë njëri-tjetrin në përditshmëri. 

    Një ndryshim pozitiv për shoqërinë dhe mjedisin 
    TNLP nuk është thjesht një startup, por një lëvizje që synon të transformojë mënyrën se si të moshuarit jetojnë dhe të kontribuojë në zhvillimin e zonave rurale. Nëpërmjet kësaj qasje, TNLP tregon se zgjidhjet inovative nuk kërkojnë gjithmonë burime të reja, por shfrytëzim më të mirë të asaj që tashmë ekziston. Ky projekt do të ndihmoj edhe në adresimin e problematikës së strehimit në qytetet e medhaja. 
    Zhvillimi i TNLP dhe roli i Egli Isufaj 
    TNLP është ideuar në 2018, dhe që nga viti 2023, ekipi po punon me pasion për ta sjellë në jetë këtë projekt. Ata po ndërtojnë një platformë dixhitale të sofistikuar që do të mundësojë menaxhimin e të gjitha aspekteve të këtij projekti, nga regjistrimi i pjesëmarrësve deri te menaxhimi i qirave dhe komunikimi ndërmjet palëve. 
    Fokusi kryesor i tyre do të jetë tregu Amerikan dhe ai Europian, ku kërkesa për zgjidhje të tilla është në rritje. Ndërkohë, në Shqipëri, ekipi do të vazhdojë të punojë me grupet e interesit dhe qeverinë për të ndërtuar dhe zhvilluar kuadrin ligjor të nevojshëm, si dhe mekanizmat kontrollues dhe mbrojtës që sigurojnë mbështetjen dhe zgjerimin e suksesshëm të skemave të tilla. 
    Egli Isufaj, themeluesi dhe drejtuesi i TNLP, është një ekspert i njohur në fushën e teknologjisë, me një pasion të thellë për inovacionin dhe një qasje praktike ndaj zgjidhjeve teknologjike. Ai udhëheq një ekip të përkushtuar dhe të kualifikuar, ku bëjnë pjesë edhe Hurma Vasku, Helga Mustafaraj, Mateo Doda dhe Gezim Cako. Secili prej tyre sjell një grup unik aftësish dhe përvojash, duke e bërë ekipin e TNLP një kombinim të fuqishëm të ekspertizës teknike dhe ndjeshmërisë sociale. 
    Si mund të përfshiheni? 
    Nëse jeni i interesuar të mësoni më shumë ose të përfshiheni në këtë iniciativë, kontaktoni ekipin e TNLP për më shumë informacione.  

  • 699 fermerë nga zonat e Sarandës, Delvinës, Konispolit dhe Finiqit përfitojnë nga skema e ABZHR

    699 fermerë nga zonat e Sarandës, Delvinës, Konispolit dhe Finiqit përfitojnë nga skema e ABZHR

    699 fermerë nga zonat e Sarandës, Delvinës, Konispolit dhe Finiqit janë shpallur fitues në skemat mbështetëse të qeverisë për mbarështimin e dhive, dhenëve dhe bletëve.
    Mbështetja financiare synon të zhvillojë më tej sektorin e blegtorisë dhe bletarisë në këto zona me potencial të lartë rural dhe bujqësor.
    Sipas të dhënave zyrtare, mbështetja është shpërndarë si më poshtë:

    103 fermerë nga Saranda
    137 fermerë nga Finiqi
    203 fermerë nga Delvina
    256 fermerë nga Konispoli

    Ky program për mbështetjen e blegtorisë dhe bletarisë pritet të sjellë rritje të ndjeshme në prodhimin dhe zhvillimin ekonomik të zonës, duke ndihmuar fermerët në sfidat e tyre të përditshme.