Lajmidites.com

Tag: zjarrvënësit

  • “Do shtrëngojmë masat ligjore për zjarrvënësit”, Rama: Kush humbi banesat dhe krerët e bagëtive nga flakët, do dëmshpërblehet qindarkë për qindarkë

    “Do shtrëngojmë masat ligjore për zjarrvënësit”, Rama: Kush humbi banesat dhe krerët e bagëtive nga flakët, do dëmshpërblehet qindarkë për qindarkë

    Kryeministri Edi Rama së bashku me ministrin e Mbrojtjes, Pirro Vengu dhe ministrja e Punëve të Brendshme, Albana Koçiu dhe Ervin Demo, ministër Shteti për Pushtetin Vendor, morën pjesë sot në aktivitetin për kapitullin e ri të mbrojtjes civile nëpërmjet transformitit të Forcës zjarrfikëse dhe inovacionit.

    Rama u shpreh se të gjithë ata që kanë humbur shtëpitë nga zjarret, apo krerët e bagëtive, do të dëmshpërblehen.
    Ai njoftoi se sigurimi i banesave dhe bizneseve nga fatkeqësitë natyrore, do të sanksionohet edhe me ligj. Po ashtu shtoi se sa i përket zjarreve të vënë nga njerëzit, do të shtrëngohen masat ligjore.
    “Kush ka humbur banesa apo krerë bagëtish, të jenë të qetë sepse do të dëmshpërblehen qindarkë për qindarkë. Të gjithë të mendojnë dhe të marrin masa për përfshirje në skemën e sigurimit të shtëpive për fatkeqësitë natyrore, do ta sanksionojmë edhe me ligj këtë.
    Edhe bizneset duhet të sigurohen, sepse ndryshimet e klimës po sjellin pranë pragut të shtëpisë, sfidat e fatkeqësive natyrore, përmbytjet dhe zjarret. Për zjarrvënësit do kemi një shtrëngim të ri ligjor”, tha Rama.
    Kreu i qeverisë paralajmëroi se për sektorin e zjarrfikëses do të ketë një rritje page, pasi siç tha ai “jemi në borxh me ta” për punën që kanë bërë.

    Top Channel

  • “Zjarrvënësit do të trajtohen si vrasës”, Rama: Nuk ka ‘Shqipëri 2030’ në BE me ndërtime pa leje

    “Zjarrvënësit do të trajtohen si vrasës”, Rama: Nuk ka ‘Shqipëri 2030’ në BE me ndërtime pa leje

    Ditën e sotme, kryeministri i vendit, Edi Rama, së bashku me ministrin e Drejtësisë, Ulsi Manja prezantuan paketën e masave ligjore për mbrojtjen e pronës dhe territorit.
    Shefi i qeverisë shqiptare, Rama, tha se paketa ligjore do të jetë në tryezën e qeverisë së re si një ndër vendimet më të para dhe nuk do të ndalen deri në pastrimin e vendit.
    Duke u ndalur te zjarrvënësit, Rama tha se duhet të trajtohen para ligjit si vrasës.

    Rama: Një ndërtim i paligjshëm në një zonë pylli pra të mbrojtur, 5 deri ne 10 vite burgim. Ndërtimin e paligjshëm një ditë e prish, ndërsa rigjenerimi i pyjeve do vite e vite për tu bërë. Kam bindjen që zjarrvënësit do të trajtohen si vrasës. Zjarrvënia e qëllimshme duhet të ndëshkohet njësoj si vrasja. Në kushtet që trashëgimia e shumë brezave shkrihet brenda 2-3 netësh e jetë njerëzish vihen në rrezik e bashkë me pyllin ikën e shtëpia. Kjo është vrasje me paramendim.
    Duke vijuar më tej, Rama tha se aksioni për prishjen e ndërtimeve pa leje do të vijojë, pasi nuk ka Shqipëri në BE me ndërtime të paligjshme. Sa i përket karrigeve të vendosura në ambiente të jashtme, Rama tha se për çdo të tillë do të kontribuohet duke mbjellë një pemë. Ndërsa paralajmëroi masa më të ashpra për ndërtimet pa leje.
    Rama: Vetë fenomeni e di që ka shumë njerëz që shpresojmë që kjo do të jetë makthi i një nate vere, por nuk do te jetë kështu. Kjo do të vazhdojë pa u ndalur sepse nuk ka Shqipëri në 2030 në BE me ndërtime pa leje që arrijnë deri në pikën që bllokojnë banorët për të hyrë e për të dalë. Nga ana tjetër, ne jemi të qartë për faktin që jemi një vend mesdhetar, turistik pa diskutim duhet të kemi tavolina dhe karrige dhe jashtë. Por të gjitha me sistem dhe rregullore të përgjithshme, dhe për cdo karrige që do të vendoset jashtë, do të kontribuohet me një pemë.
    Ndërsa paralajmëroi masa më të ashpra për ndërtimet pa leje. Në rastin kur projekti i miratuar shpërfytyrohet dhe kthehet në një ndërtim abuzim, ndërtuesit do të hyjnë në listën e zezë dhe nuk do të mund të marrin më leje ndërtimi.
    Rama: Për paligjshmërinë e ndërtimit të paligjshëm, një tjetër fenomen që do ta ndalim njëherë e mirë. Ka një përmirësim të ndjeshëm, por nuk ka intereson kjo. Ne do të bëjmë të gjitha këto ndryshime duke i ngarkuar me përgjegjësi të gjithë njerëzit që jenë hallkat e zinxhirit të ndërtimit, nga arkitekti tek supervizori dhe inspektori. Kur projekti i miratuar shpërfytyrohet duke u kthyer nga një ndërtim me leje në ndërtim abuzim, të gjithë janë fajtorë. Për këtë arsye ndërtuesit që do të zihen në këtë faj, do të hyjnë në listën e zezë nuk do të marrin më asnjë leje dhe sdo të bëjnë asnjë ndërtim për një numër vitesh të caktuar.
    Nuk mund të shohim sesi disa ndërtues mashtrojnë qytetarët që natyrisht mund t’ju themi që një sistem si ky, marrëdhëniet kontraktuale janë mes palëve dhe qeveria nuk mund të ndërhyjë, ne nuk kemi çfarë të bëjmë, por kjo nuk është zgjidhja sepse në fund qytetarët kanë paguar dhe rrinë jashtë. Faktikisht nuk marrin dot shtëpinë më, se arrihet deri në absurdin që një apartament shitet dy herë. Përvec listës së zezë do të jetë imediat konfiskimi i objektit dhe do ja vendosim në dispozicion atyre që kanë paguar për ta blerë.
    Është e rëndësishme që të bllokohet zinxhiri se ndërtuesit nuk operojnë në vetmi, operojnë në bashkëpunim me arkitektët që pranojnë deformimet dhe nuk njoftojnë autoritetin përkatës shtetëror. Ky mosnjoftim do të konsiderohet vepër penale, pjesëmarrës në një vepër penale. Natyrisht arkitekti do humbasë gjithçka.

  • “Zjarrvënësit duhet të ndëshkohen si vrasës”/ Rama për Kodin Penal: Një ndërtesë pa leje mund ta prishësh, rigjenerimin e pyllit duhet vite të tëra ta bësh

    “Zjarrvënësit duhet të ndëshkohen si vrasës”/ Rama për Kodin Penal: Një ndërtesë pa leje mund ta prishësh, rigjenerimin e pyllit duhet vite të tëra ta bësh

    Edi Rama: Dënimet për zjarr duhet të jenë shumë më të rënda se dënimet për ndërtuesit pa leje. S’mund të jetë 5-10 vite dënimi për zjarrin në një zonë pylli të mbrojtur. Një ndërtesë pa leje mund ta prishësh, rigjenerimin e pyllit duhet vite të tëra ta bësh. Zjarrvënësit duhet të ndëshkohen si vrasës. Kjo është vrasje me paramendim, se së bashku me pyllin, të ikën edhe shtëpia. Kthesa e re që ne kemi marrë në rrugën e gjatë të vendosjes së rendit ligjor për çlirimin e hapësirave publike, nuk do të mbarojë pa mbaruar njëherë e mirë, jo thjesht ato ngrehina që janë instrumente të zaptimit, por vetë fenomeni. E di që ka shumë njerëz që thonë kjo do të jete si makthi i një nate vere, por jo. Kjo do të vazhdojë pa u ndalur me këmbëngulje. Nuk ka ‘Shqipëria 2030 në BE’ me ndërtime pa leje që bllokojnë komunitete banorësh pa hyrë dhe pa dalë.

    Top Channel

  • ‘Zjarrvënësit duhet të ndëshkohen si vrasës’, Rama: Një ndërtesë pa leje prishet, për rigjenerimin e pyllit duhet vite..

    ‘Zjarrvënësit duhet të ndëshkohen si vrasës’, Rama: Një ndërtesë pa leje prishet, për rigjenerimin e pyllit duhet vite..

    Kryeministri Edi Rama thotë se dënimet për zjarrvënësit duhet të jenë më të rënda se për ndërtuesit pa leje. Rama tha se ndërtimin e paligjshëm mund ta prishësh ndërsa rigjenerimin pyjeve duhen vite të tëra. Zjarrvënësit duhet të ndëshkohen si vrasës, u shpreh kreu i qeverisë.
    “Dënimet për zjarrvënësit duhet të jenë më të rënda se ndërtuesit pa leje. S’mund të dënohet vendosja e një zjarri në Gramsh 3-8 vjet dhe një ndërtim i paligjshëm në një zonë pylli të mbrojtur 5-10 vjet. Ndërtimi e paligjshëm mund ta prishësh ndërsa rigjenerimin pyjeve duhen vite të tëra. Zjarrëvëniet duhet të trajtohen si vrasës dhe zjarrëvënia e qëllimshme duhet të ndëshkohet njësoj si vrasja. Në kushtet kur trashëgimia e shumë brazave shkrihet brenda 2 apo tre netësh dhe jetët e njerëzve vihen në rrezik, ndërkohë që bashkë me pyllin ikën edhe shtëpia. Kjo është vrasje me paramendim”, tha Rama.

  • Nderimi i zjarrfikësve që luftuan me flakët/ Rama paralajmëron gjyqtarët që mbrojnë zjarrvënësit

    Nderimi i zjarrfikësve që luftuan me flakët/ Rama paralajmëron gjyqtarët që mbrojnë zjarrvënësit

    Kreu i qeverisë Edi Rama, gjatë fjalës së tij sot në ceremoninë për nderimin e zjarrfikësve që luftuan më flakët në këto ditë të vështira të vendit, u ndal sërish te kritikat për disa gjyqtarë dhe prokurorë që sipas tij kanë vepruar jo në interes të publikut.

    “Mijëra njerëz me uniformë derdhën energjitë e tyre në një përkushtim që shkon deri në vetëmohim, në luftë sfilitëse me zjarret dhe mijëra hektarë pasuri pyjore përpihet nga flakët, disa personave që nuk u dihen emrat me integritet zero i përqeshin të gjitha sakrificat dhe i shkelin me 4 këmbët interesat duke dhënë vendime të ‘ububushme’ jo në mbrojte të republikës, por në favor të zjarrvënësve… I kam kërkuar ministrit të drejtësisë t’ia përcjellë gjyqësorit rastet e mësipërme”, tha Rama.
    Kreu i qeverisë i paralajmëroi për pasoja dhe masa për të gjitha ata që sipas tij do “do të sulmoj shtetin me vendime kundër interesit publik në proces me zjarrvënësit, zaptuesit apo gllabëruesit e të mirave të këtij vendi”.
    “Nuk janë shumë por mjaft për të vënë duar në kokë. Nuk do të lëmë gur të shtratit ligjor të kësaj republike për të vendosur përpara përgjegjësisë publike dhe institucionale çdo prokuror apo gjykatës që do të sulmojë haptazi shtetin dhe interesin publik në proces me zjarrvënës, zaptues apo gllabërues të të mirave dhe pasurive publike të këtij vendi.
    Nuk do kursejmë çdo mbështetje për prokurorë dhe gjyqtarë që i shërbejnë misionit të Shqipërisë 2030, duke luftuar korrupsion dhe krim të organizuar në mbrojtje të interesit publik.
    Do të udhëhiqemi nga forca e shembullit të atyre që në provën e zjarrit treguan se punonjësit e shtetit nuk janë ato kokrra që bëjnë lajm, por  janë shumicë dërrmuese që nuk bëjnë lajm, por që ngrenë përditë vendin më lart”, tha Rama

  • “Dënim i rëndë për zjarrvënësit”, Rama paralajmëron: Do të përballen me forcën e ligjit

    “Dënim i rëndë për zjarrvënësit”, Rama paralajmëron: Do të përballen me forcën e ligjit

    Kryeministri Edi Rama ndau disa video në rrjetet sociale duke falënderuar zjarrfikësit, forcat e ushtrisë, policinë dhe të gjithë vullnetarët që po përballen me flakët, duke rrezikuar jetët e tyre.

    Rama u tregua i ashpër me zjarrvënësit duke thënë se meritojnë ndëshkim të rëndë pasi cenojnë jetë, bëhen shkak për shkatërrimin e pasurive kombëtare, tokës, e faunës.
    “Ata që ndezin zjarre qëllimisht në këtë kohë të vështirë ngrohjeje globale dhe flakësh që po sfidojnë të gjitha shtetet e Mesdheut duhet të marrin dënimin më të rëndë që parashikon ligji”, tha Rama.

    Ndërkohë komentueseve në rrjet që ngrenë pyetjen e mungesës së një flote më të madhe ajrore për të shuar zjarret që kanë përpirë vendin prej qershorit, Rama u përgjigjet: “Ka ca llogari që duhen bërë dhe zjarret e ditëve të fundit nuk janë asesi çështje e një apo dy apo edhe tre avionësh! Dakord, mirë do ishte t’i kishim, por… Duke i siguruar të gjithë se kemi këto ditë mjete nga ajri më shumë se çdo vit më parë, falë flotës sonë dhe mbështetjes nga Mekanizmi Europian apo Emiratet e Bashkuara Arabe, i ftoj të gjithë të ngrenë një pyetje: Po fqinjët tanë, Greqia dhe Italia apo Turqia dhe Spanja, që po përcëllohen më keq se ç’do vit tjetër kanë vallë mungesë avionësh?!
    Kreu i ekzekutivit pranon se sa më shumë avionë aq më mirë, por sipas tij prania apo mungesa e tyre nuk i përjashton zjarret.
    “Kurimi i pasojave nuk i eliminon shkaqet, të cilat janë disa, janë njësoj për të gjithë shtetet që po i vuajnë zjarret këtë sezon, disa shumë më keq se ne meqë ra fjala dhe janë shumë më komplekse se sa duken kur numëron avionët”, shprehet Rama.
    Kryeministri shprehu mirënjohje të veçantë për punën e bërë në Gramsh e Delvinë që në 24 orët e fundit janë përballur me një situatë apokaliptike nga zjarret.

    /vizionplus.tv

  • Përgjegjësia digjet! Rama akuzon zjarrvënësit, hesht për dështimin e shtetit

    Përgjegjësia digjet! Rama akuzon zjarrvënësit, hesht për dështimin e shtetit

    Në një moment kritik për vendin, me zjarre masive që kanë shkaktuar dy viktima dhe dëme të konsiderueshme, Kryeministri Edi Rama ka reaguar sërish. Në një deklaratë të fundit, ai paralajmëron ndëshkim maksimal për zjarrvënësit dhe falënderon forcat në terren, duke shmangur përgjegjësinë për vonesat dhe mungesën e kapaciteteve. Ky qëndrim i tij i përsëritur, ngre pyetje serioze rreth efikasitetit të qeverisjes në situata emergjence.
    Me më shumë se një dekadë në pushtet, Rama ka pasur të gjitha mundësitë për të ndërtuar një infrastrukturë të fortë dhe një sistem reagimi të shpejtë për emergjencat civile. Megjithatë, situata aktuale dëshmon një dështim të përsëritur, ku vendi mbetet i pambrojtur përballë zjarreve, ndërsa qeveria bazohet te ndihma e vendeve fqinje dhe puna heroike e forcave në terren.
    Kryeministri thekson se “dy ditë e netë ekstremisht të vështira” po përballen me zjarre të mëdha në zona si Skënderbegas dhe Sojnik të Gramshit, Koshtan të Memaliajt, Hormovë dhe Kodër e Lekël të Tepelenës, si dhe në Delvinë. Ai shprehet se zjarret janë vënë nën kontroll, por kritikat e qytetarëve flasin për të kundërtën. Dëshmitë nga Delvina, Gramshi dhe zona të tjera flasin për reagime të vona dhe pajisje të pamjaftueshme.
    Thirrja e Ramës ndaj qytetarëve për t’u treguar të kujdesshëm dhe për të sinjalizuar vatrat e zjarrit, ndërkohë që qeveria nuk ka investuar në një sistem mbrojtjeje efikas, interpretohet si një përpjekje për të zhvendosur fajin. Në vend që të ofronte një plan konkret për të parandaluar dhe menaxhuar situatën, ai sërish e mbyll deklaratën me një kërcënim ndaj zjarrvënësve, duke e cilësuar veprimin e tyre si krim. Kjo qasje, e bazuar te fajësimi i të tjerëve, e shfaq Kryeministrin Rama si të paaftë për të mbajtur përgjegjësi për dështimet e qeverisjes së tij.

  • “Zjarrvënësit do të marrin dënimin më të rëndë”, reagon Rama: Faleminderit atyre që po rrezikojnë jetën për të shuar flakët

    “Zjarrvënësit do të marrin dënimin më të rëndë”, reagon Rama: Faleminderit atyre që po rrezikojnë jetën për të shuar flakët

    Kryeministri Edi Rama ka paralajmëuar mëngjesin e kësaj të mërkure, se të gjithë zjarrvënësit që po ndezin zjarret qëllimin do të ndëshkohen rëndë.
    “Ata që ndezin zjarre qëllimisht, shkatërrojnë pasurinë dhe rrezikojnë jetë, në këtë kohë të vështirë ngrohjeje globale dhe flakësh që po sfidojnë të gjitha shtetet e Mesdheut sidomos, duhet të marrin dënimin më të rëndë që parashikon ligji.”, shkruan Rama në një postim në rrjetet sociale.
    Pas një nate të gjatë beteje të zjarrfikësve me flakët në të gjithë vendin, kryeministri i ka falenderuar ata me këto fjalë: “Falenderim, respekt, mirënjohje me zemër për zjarrfikësit, forcat e ushtrisë, policinë, vullnetarët dhe banorët që po përballen me flakët, duke rrezikuar jetën për të mbrojtur njerëzit, shtëpitë dhe natyrën tonë.”

    Operacionet për përballimin e zjarreve që kanë përfshirë disa zona të Shqipërisë kanë vijuar me intensitet të lartë edhe gjatë natës, duke u përqendruar kryesisht në afërsi të zonave të banuara dhe parqeve kombëtare.
    Aktualisht po punojnë në terren tre helikopterë në Gramsh dhe dy në Delvinë, dy prej zonave ku situata paraqitet më pritike për momentin. Mbrëmjen e kaluar në orët e vona deri gati në të gdhirë, ministri i Mbrojtjes Pirro Vengu ka zhvilluar një mbledhje në Delvinë me strukturat e Emergjencave dhe Ushtrisë si dhe strukturat drejtuese vendore.
    Kjo mbledhje u bë për miratimin e planit të masave për zjarret, pasi situata u përkeqësua mbrëmë në Bashkinë Delvinë, ku zjarri mbërriti pranë qytetit duke rrezikuar banorët.

  • Propozimi i Ramës, Spahiu: Edhe SHBA parashikon burgim të përjetshëm për zjarrvënësit!

    Propozimi i Ramës, Spahiu: Edhe SHBA parashikon burgim të përjetshëm për zjarrvënësit!

    Në lidhje me propozimin e kryeministrit Edi Rama për dënime të ashpra për zjarrvënësit, Spahiu u shpreh se ishte në favor dhe e mbështeste, por kujtoi se ligjet nuk zbatohen dhe historiku penal e tregon me shifra.
    Për të, edhe dënimi i përjetshëm të vendosej për zjarrvënien si krim i rëndë, por drejtësia duhet të vepronte dhe gjithashtu institucionet e linjës për shkeljet e kësaj natyre ligjore.
    Spahiu solli shembuj edhe nga praktikat penale dhe ligjore të vendeve të përparuara perëndimore, ku parashikohet edhe dënim me bugim përjetë për zjarrvënësit, si SHBA-të apo Britania e Madhe.
    “E kam dëgjuar m vëmendje propozimin e kryeministrit Rama për pozitën penale dhe ndëshkimet ndaj zjarrvënësve dhe e njoh shumë mirë Kodin Penal. Ne kemi vetëm 2 të dënuar në dy dekada. Ka vende që e kanë për objekt krimin e zjarrvënies, si Gjermania, Britania e Madhe, ose SHBA-të psh., ku ka zjarrvënie masive, që në legjislacionin e tyre parashikojnë burgimin e përjetshëm, njësoj si kriminelët apo autorët e vrasjeve. Ndaj unë mendoj se propozimi i kryeministrit Rama është i drejtë. Duke qenë se Shqipëria e ka më problem zjarrvënien se Britania dhe Gjermania, është normale që ta ketë edhe ndëshkimin penal”, tha ai.
    Megjithatë shprehet skeptik për zbatimin e ligjit, sepse mund të ndodhë si me ligjet e tjera që janë bërë për ambientin apo mbetjet si shembull dhe nuk ka të dënuar.
    “Por jam skeptik sepse edhe dënim me vdekje po ta vendosësh, nëse ligji nuk zbatohet dhe institucionet janë indiferente, përfshi drejtësinë, atëherë nuk bëjmë gjë tjetër vetëm se dështojmë”, tha ai.

  • Toleranca zero për zjarrvënësit, qeveria i nxjerr me emër e figurë

    Toleranca zero për zjarrvënësit, qeveria i nxjerr me emër e figurë

    Ashtu siç e kishte paralajmëruar zëvendëskryeministrja dhe ministrja e Infrastrukturës dhe Energjisë, Belinda Balluku, më herët këtë të dielë, më 27 korrik, janë bërë me dije emrat dhe pamjet e personave të dyshuar për zjarrvënie të qëllimshme në vend.
    Në një postim të ndarë në rrjetet sociale, zv.kryeministrja Balluku shkruan: “Zjarrvënësit kanë fytyrë dhe ligji ka forcë!” Postimi shoqërohet me një video ku shfaqen personat e ndaluar, duke e bërë të qartë se nuk do të ketë më tolerancë për zjarrvënësit.

    I njëjti postim është ndarë në rrjetet sociale edhe nga anëtarë të tjerë të kabinetit qeveritar. Sipas njoftimit, 6 persona janë arrestuar në flagrancë, ndërsa 6 të tjerë janë proceduar në gjendje të lirë, për shkak të veprimeve që kanë shkaktuar ose favorizuar përhapjen e flakëve në disa zona të Shqipërisë.
    Kujtojmë se pak orë më parë nga Bulqiza, ministrja Balluku deklaroi se në Kodin e ri Penal, do të kërkohet që zjarrvënia qoftë e qëllimshme apo e pakujdesshme, të konsiderohet vepër penale dhe të ndëshkohet me penalitete maksimale. Ajo theksoi se identiteti i autorëve do të bëhet publik, për t’u kthyer në shembull për të tjerët, si një mesazh i fortë ndaj çdo akti që rrezikon mjedisin, jetën dhe pronën e qytetarëve.
    “Janë identifikuar zjarrvënësit në të gjithë territorin, të cilët do të bëhen shembull, për të thënë të drejtën. Ky është momenti që ne nuk duhet t’u ruajmë identitetin, ashtu siç parashikohet në disa raste nga ligji. Identiteti i tyre do të jetë publik, për t’i kthyer në shembull.”
    Kjo deklaratë e Ballukut vjen në një kohë kur vendi është përfshirë prej javësh nga flakët në zona të ndryshme nga veriu në jug, ku mijëra hektarë pyje, por dhe pemë frutore janë shkrumbuar. Ndërkohë që janë djegur apo rrezikuar edhe banesa. Madje në tre fshatra të Delvinës, dy ditë më parë u urdhërua evakuiimi i banorëve të rrezikuar.