Lajmidites.com

Tag: zhgënjyer

  • Netanyahu i zhgënjyer me vendimin e Gjermanisë për dërgimin e armëve drejt Izraelit: Gjermania po shpërblen terrorizmin e Hamasit

    Netanyahu i zhgënjyer me vendimin e Gjermanisë për dërgimin e armëve drejt Izraelit: Gjermania po shpërblen terrorizmin e Hamasit

    Në një bisedë telefonike me kancelarin gjerman Friedrich Merz, kryeministri izraelit Benjamin Netanyahu tha se ishte thellësisht i zhgënjyer nga vendimi i qeverisë gjermane për të ndaluar eksportet e armëve që mund të përdoren në operacionet ushtarake në Gaza.

    Sipas një deklarate nga zyra e tij, ky veprim përbën një “embargo të konsiderueshme” kundër Izraelit.
    “Në vend që të mbështesë luftën e drejtë të Izraelit kundër Hamasit, i cili kreu sulmin më të tmerrshëm ndaj popullit hebre që nga Holokausti, Gjermania po shpërblen terrorizmin e Hamasit duke vendosur një pezullim transportimi armësh drejt Izraelit”, thuhet në deklaratë.
    Zyra e kryeministrit izraelit theksoi gjithashtu se qëllimi i Izraelit nuk është të pushtojë Rripin e Gazës, por ta “çlirojë atë nga Hamasi dhe të krijojë kushtet për krijimin e një qeverie paqësore” në rajon.

    Top Channel

  • SYRI TV/ Të zhgënjyer nga premtimet e Ramës, të moshuarit në Librazhd: Pensionet s’na dalin as për ilaçe

    SYRI TV/ Të zhgënjyer nga premtimet e Ramës, të moshuarit në Librazhd: Pensionet s’na dalin as për ilaçe

    Të shumtë janë të moshuarit në qytetin e Librazhdit të cilët janë të zhgënjyer nga premtimet e kryeministrit Rama për rritjen e pensioneve.

    Disa prej tyre shprehen se pensioni nuk i kalon 80 mij lek, shumë e cila është e pamjaftueshme për plotësojnë nevojat më minimale.

    Ata thonë se me paratë që marrin nuk mund të mbulojnë as blerjen e ilaçeve. Për këtë arsye të moshuarit thonë se detyrohen të marrin borxh pasi pagën e pleqërisë qe ata marrin nuk u dalin për të paguar faturat mujore si ujë e drita.

    Ndërkohë ata thonë se çmimet po rritet çdo ditë, por pensionet e kempet mbeten te ulta . E vetmja ndihmesë për ta janë fëmijët, të cilët I ndihmojnë herë pas here më të ardhura, pasi pensioni nuk arrin ti plotësoj të ardhurat mujore.

    Te mbetur mes premtimeve te pa mbajtura ata i bëjnë thirrje qeverise qe ti ndihmoje në rritjen e pensioneve pasi jetesa në këto kushte është e pa përballueshme.

  • Çfarë po ndodh me Justin Timberlake? Fansat të zhgënjyer: I lodhur dhe pa energji në skenë

    Çfarë po ndodh me Justin Timberlake? Fansat të zhgënjyer: I lodhur dhe pa energji në skenë

    Justin Timberlake ka ngritur shqetësime serioze mes fansave pas një paraqitjeje të dobët në koncertin e tij të fundit në Georgia, vetëm pak ditë para se të përfundojë turneun botëror. Këngëtari 44-vjeçar u kritikua ashpër për performanca të cilësuara si “të lodhura”, “minimaliste” dhe “pa energji”.
    Në rrjetet sociale, shumë fansa janë shprehur të zhgënjyer duke thënë se Timberlake “vështirë se këndon” dhe se sjellja e tij në skenë është “dembelë dhe pa përkushtim”. “Imagjino të paguash 600 dollarë për një karaoke të ftohtë,” shkruan një komentues i irrituar. Të tjerë e akuzuan se performanca e tij po trajtohet si “një punë anësore”.
    Pamje nga koncertet e fundit tregojnë Timberlake duke ecur i përhumbur në skenë, me syze dhe kapelë, duke shmangur kontaktin me publikun dhe duke kënduar vetëm disa fjalë nga çdo këngë. Në Dublin, ai u pa duke lëshuar mikrofonin dhe duke qëndruar pasiv gjatë gjithë shfaqjes, larg lëvizjeve energjike që e bënë të famshëm.
    Burime pranë këngëtarit thonë për Daily Mail se ai është i bllokuar në një rutinë të lodhshme dhe ka nevojë për ndryshim. Madje, thuhet se bashkëshortja e tij, Jessica Biel, po e inkurajon të tërhiqet nga skena pas reagimeve të ashpra.
      

  • Trump i zhgënjyer me Putinin: Nuk dua të flas më të. Reagon Moska: Po shkojmë drejt luftës me SHBA!

    Trump i zhgënjyer me Putinin: Nuk dua të flas më të. Reagon Moska: Po shkojmë drejt luftës me SHBA!

    Trump i zhgënjyer me Putinin: “Ultimatumi i ri, vetëm 10 ditë për paqe – nuk dua më të flas me të”Moska reagon ashpër: “Një hap drejt luftës me SHBA”
    Ish-presidenti amerikan Donald Trump ka shprehur për herë të parë publikisht një zhgënjim të thellë ndaj Presidentit rus Vladimir Putin, duke lënë të kuptohet se besimi mes tyre ka marrë fund. Nga Skocia, në prag të një takimi me kryeministrin britanik Keir Starmer, Trump u shpreh hapur:“Unë shkoj mirë me të, por kemi pasur katër biseda dhe më pas Putini lëshoi raketa në qytete dhe vrau njerëz. Kjo nuk është mënyra për të bërë gjëra. Jam shumë i zhgënjyer me Presidentin Putin.”

    Trump, i njohur për deklaratat e tij të papritura dhe për afrimin e mëparshëm me liderin rus, njoftoi gjithashtu se do ta shkurtojë afatin 50-ditor që i kishte lënë Moskës për një marrëveshje paqeje:“Do t’i caktoj Rusisë një afat të ri prej rreth 10-12 ditësh nga sot. Mendoj se tashmë e di përgjigjen e tij dhe nuk jam më aq i interesuar të flas me Putinin. Patëm një bisedë shumë të sinqertë dhe pastaj bombardimet vazhduan. Është shumë vonë. Jam i zhgënjyer.”
    Ai shtoi se Rusia, me gjithë territorin dhe potencialin e saj për t’u bërë një vend i pasur dhe i fuqishëm ekonomikisht, po zgjedh të derdhë çdo burim në luftëra dhe vrasje.
    Reagimi i Moskës: “Rrezik real për përballje me SHBA”
    Deklaratat e Trump ndezën menjëherë një reagim të ashpër në Moskë. Ish-presidenti dhe aktualisht zëvendëssekretar i Këshillit të Sigurisë Ruse, Dmitry Medvedev, u shpreh qartë në një postim në platformën X:“Çdo ultimatum i ri nga Trump është një kërcënim dhe një hap drejt luftës. Jo me Ukrainën, por me vetë SHBA.”
    Medvedev nënvizoi se “Rusia nuk është as Izraeli dhe as Irani”, duke nënkuptuar se trajtimi i saj me ultimatum do të çonte në pasoja të papara.
    Në këtë klimë tensioni, deklaratat e Trump përfaqësojnë një kthesë të fortë në retorikën e tij ndaj Putinit – një sinjal se edhe nëse rikthehet në pushtet, raportet me Moskën nuk do të jenë më aq “personale” sa dikur. Situata mbetet e brishtë dhe çdo fjalë tani peshon si një veprim.

  • Trump i zhgënjyer me Putin: Do t’ia shkurtoj afatin për një marrëveshje për Ukrainën

    Trump i zhgënjyer me Putin: Do t’ia shkurtoj afatin për një marrëveshje për Ukrainën

    Presidenti i Shteteve të Bashkuara të Amerikës, Donald Trump, tha sot se është i zhgënjyer me Presidentin e Rusisë, Vladimir Putin, dhe se do ta shkurtojë afatin 50-ditor që i dha Putinit për të arritur një marrëveshje për armëpushim në Ukrainë.

    “Jam i zhgënjyer me Putinin. Do ta shkurtoj afatin 50-ditor për arritjen e një marrëveshjeje për Ukrainën. Do t’i jap një numër më të ulët ditësh”, tha Trump përpara një takimi me kryeministrin britanik Keir Starmer në Skoci, raporton Reuters. Agjencia deklaron se Trump, megjithatë, nuk tha se cili do të jetë afati i ri.

    Më 14 korrik, gjatë një takimi me Sekretarin e Përgjithshëm të NATO-s Mark Rutte në Shtëpinë e Bardhë, Presidenti i SHBA-së tha se SHBA-të do të vendosin tarifa 100 për qind ndaj Rusisë nëse nuk arrihet një marrëveshje për armëpushim në luftën në Ukrainë brenda 50 ditëve.

    “Ne do të vendosim tarifa shumë të rrepta nëse nuk arrijmë një marrëveshje brenda 50 ditëve. Tarifat prej rreth 100 për qind do të quhen tarifa dytësore”, tha Trump, duke deklaruar se tarifat do të futen pa pëlqimin e Dhomës së Përfaqësuesve ose të Senatit të SHBA-së.

    Tarifat dytësore nënkuptojnë se sanksionet do të zbatohen edhe për vendet e tjera, domethënë për vendet që blejnë naftë ruse.

  • “Do t’i zvogëloj ato 50 ditë që i dhashë në një numër më të vogël”, Trump i zhgënjyer nga Putini, shkurton afatin për marrëveshjen me Ukrainën

    “Do t’i zvogëloj ato 50 ditë që i dhashë në një numër më të vogël”, Trump i zhgënjyer nga Putini, shkurton afatin për marrëveshjen me Ukrainën

    Presidenti Donald Trump deklaroi të hënën se është i zhgënjyer nga Presidenti rus Vladimir Putin dhe se po e shkurton afatin 50-ditor që i kishte dhënë Rusisë për luftën në Ukrainë.

    “Jam i zhgënjyer nga Presidenti Putin, shumë i zhgënjyer prej tij”, u tha Trump gazetarëve, së bashku me kryeministrin britanik Keir Starmer, përpara takimit të tyre në Skoci.
    “Do t’i zvogëloj ato 50 ditë që i dhashë në një numër më të vogël.”
    Trump tha se ka folur shpesh me Putinin, duke shtuar: “Kemi pasur diskutime.”
    Presidenti amerikan njoftoi dy javë më parë se i kishte dhënë Putinit 50 ditë për të arritur një marrëveshje me Ukrainën, përpara se të përballej me pasoja.
    “Do të vendosim tarifa shumë të ashpra nëse nuk arrihet një marrëveshje brenda 50 ditësh”, kishte deklaruar Trump. “Tarifa rreth 100%, do t’i quajmë tarifa dytësore. E dini çfarë do të thotë kjo.”

    Top Channel

  • “E zhgënjyer me PD! Sido që të vijnë rrethanat dhe ngjarjet…”/ Çfarë paralajmëron Adriana Kalaja?

    “E zhgënjyer me PD! Sido që të vijnë rrethanat dhe ngjarjet…”/ Çfarë paralajmëron Adriana Kalaja?

    Kryetarja e Gjykatës në PD-në e Berishës, Adriana Kalaja, mëse një herë është shprehur e irrituar dhe e zhgënjyer me çfarë ka ndodhur në PD. Ajo priste të ishte në listë, por Doktori vendosi Tabakun. Priste të ishte nga të votuarit e primareve, por Berisha me sa duket bëri thirrje jo vetëm të mos votohet, por të dalë shumë keq.
    Në postimin e saj të fundit, ajo paralajmëron një zhvillim brenda PD-së dhe lë të kuptohet për një përplasje me drejtuesit e partisë. Kalaja flet për një ndjenjë të braktisjes, por edhe një qëndrim të palëkundur në raport me të vërtetën.
    “Sido që të vijnë rrethanat dhe ngjarjet, e vetmja gjë që nuk më ka tradhëtuar në udhëtimin tim të jetës, është e VËRTETA.Ndaj, e ndjek atë pa kushte dhe kundrejt sakrificave.Qoftë edhe me pasoja.” – shkruan Kalaja.
    Mesazhi i koduar ngelet për t’u dëshifruar në ditët në vijim.

  • U la në qeli, Meta: Nuk jam i zhgënjyer, mezi pres të përballem në gjyq

    U la në qeli, Meta: Nuk jam i zhgënjyer, mezi pres të përballem në gjyq

    Nga qelia ku po qëndron prej 9 muajsh lir Meta thotë se nuk është i zhgënjyer nga vendimi Apelit të Posaçëm që e la në burg. Ashtu si dhe herë të tjera, kreu i Partisë së Lirisë, shkruan se kjo është një “drejtësi me regji”. Sipas Metës, sistemi gjyqësor është në përgjimin e vazhdueshëm të SPAK-ut.
    Ish-Presidenti shprehet se mezi pret që të nisë gjyqi ndaj dosjes së tij dhe të përballet me drejtësinë.
    Ilir Meta akuzon Kryeministrin Edi Rama dhe kreun e SPAK Altin Dumanin se kanë intimiduar dëshmitarë dhe kanë fshehur prova në hetimin ndaj tij. “Nuk jam unë që rrezikoj provat, por janë ata që kanë fshehur prova. Nuk jam unë që intimidoj dëshmitarë, por janë ata që kanë intimiduar dhe rekrutuar dëshmitarë, dhe që me shantazhe i kanë konvertuar në përkrahës të PS-shkruan”, Meta.

  • Trump për BBC: Jam i zhgënjyer nga Putin, por nuk e kam mbyllur me të!

    Trump për BBC: Jam i zhgënjyer nga Putin, por nuk e kam mbyllur me të!

    Presidenti amerikan Donald Trump ka deklaruar se është i zhgënjyer nga presidenti rus Vladimir Putin, por nuk e konsideron marrëdhënien mes tyre të përfunduar. Në një intervistë telefonike ekskluzive për BBC, Trump tha se “nuk i beson thuajse askujt”, kur u pyet drejtpërdrejt nëse ka ende besim te udhëheqësi rus.
    Deklaratat vijnë disa orë pasi presidenti amerikan njoftoi dërgimin e armëve për Ukrainën dhe paralajmëroi për tarifa të ashpra ndaj Rusisë, nëse nuk arrihet një marrëveshje armëpushimi brenda 50 ditësh.

    Intervista prej 20 minutash, e dhënë nga Shtëpia e Bardhë, shënon gjithashtu një vit nga atentati ndaj jetës së Trump gjatë një mitingu elektoral në Butler, Pensilvani. I pyetur nëse ky atentat e ka ndryshuar, Trump u shpreh se përpiqet të mos mendojë për të: “Nuk më pëlqen të mendoj nëse më ka ndryshuar… Të menduarit për këtë mund të jetë diçka që ndryshon jetën”.
    Trump tha se ka pasur katër raste kur ka menduar se një marrëveshje paqeje me Rusinë ishte afër, por Putini i ka zhgënjyer pritshmëritë e tij. “Do të kemi një bisedë të mirë… do të më duket sikur jemi afër marrëveshjes, dhe më pas ai do të godasë një ndërtesë në Kiev”, tha presidenti amerikan.
    Duke folur për aleancën ushtarake të NATO-s, të cilën dikur e quante “të vjetëruar”, Trump u shpreh se tashmë ka ndryshuar mendim. “NATO po bëhet e kundërta e asaj që ishte. Ata tani po paguajnë faturat e tyre”, tha ai, duke shtuar se ishte i impresionuar nga vendimi i aleatëve për të rritur shpenzimet ushtarake në 5% të PBB-së. /Koha Jonë/
     

  • “Jam i zhgënjyer nga Putin”, Trump: Nuk kam mbaruar ende punë me presidentin rus

    “Jam i zhgënjyer nga Putin”, Trump: Nuk kam mbaruar ende punë me presidentin rus

    Presidenti amerikan Donald Trump, ka shprehur zgjënjim të madh ndaj Putin në një qëndrim të ndryshuar në javët e fundit.

    Por megjithatë ai ka thënë se nuk ka mbaruar punë me të ndërsa i ka lënë rusisë 50 ditë afat për të arritur një marrëveshje ose përndryshe do të përballet me Sanskione.
    “Jam shumë i zhgënjyer, por nuk kam mbaruar punë me Putinin”, tha Trump në një intervistë për BBC.

    Qëndrimi i kreut të Shtepisë së Bardhë rrit shpresat e Ukrainës për më shumë mbështetje nga Uashingtoni për herë të parë pasi administrata e re mori detyrën në janar.
    Në një takim me shefin e NATO-s Mark Rutte një ditë më parë Trump konfirmoi dërgesat e armatimeve në Kiev dhe mbështeti aleancën duke thënë se ajo po bëhet e fortë sërish.
    Trump kishte kritikuar ashpër Ukrainën që prej rikthimit në Shtëpinë e Bardhë me shpresën se do të arrinte një marrëveshje armëpushimi të paktën 30 ditore me Rusinë por një gjë e tillë është refuzuar nga Moska.
    Presidenti amerikan e ka bërë përfundimin e luftës në Ukrainë një nga prioritetet e tij kryesore në politikën e jashtme.
    Ai ka zhvilluar të pakten gjashtë biseda telefonike me Putinin dhe ka dërguar emisarin e tij, Steve Witkoff, në Moskë të paktën tre herë për të biseduar për paqe./vizionplus.tv