Lajmidites.com

Tag: zhdukur

  • Shembet ura në Indi, 2 të vdekur dhe 32 të plagosur, disa persona të zhdukur

    Shembet ura në Indi, 2 të vdekur dhe 32 të plagosur, disa persona të zhdukur

    Të paktën 2 persona kanë humbur jetën dhe disa të tjerë dyshohet se janë zhdukur pasi një urë mbi një lumë u shemb në një zonë turistike të njohur në shtetin perëndimor indian të Maharashtra-s, sipas Press Trust of India.

    Kryeministri i Maharashtras, Devendra Fadnavis, tha se 32 persona u plagosën, 6 prej të cilëve në gjendje kritike.
    Ai tha se deri më tani janë shpëtuar gjashtë persona.

    🚨 BREAKING: Old bridge collapses over Indrayani River in Pune’s Kund Mala! 😱 Several tourists feared drowned as rescue teams battle strong currents. Heavy rains worsen crisis. #PuneTragedy 🚑🌊#Pune #punenews #PuneRains #IndrayaniRiver pic.twitter.com/QsDeI6mSub

    — PuneNow (@itspunenow) June 15, 2025

    Struktura, e cila ishte e mbyllur për trafikun e automjeteve, por ende e aksesueshme për këmbësorët, ishte bërë një pikë e rëndësishme për turistët.
    Vendasit thanë se kishin ngritur shqetësime më parë në lidhje me sigurinë e urës, e cila ishte rinovuar rreth katër deri në pesë vjet më parë./vizionplus.tv

  • Tragjedi në Indi, të paktën dy të vdekur nga shembja e një ure! Disa rezultojnë të zhdukur

    Tragjedi në Indi, të paktën dy të vdekur nga shembja e një ure! Disa rezultojnë të zhdukur

    Një ngjarje tragjike është shënuar në shtetin perëndimor të Maharashtrës, Indi, ku një urë mbi një lumë është shembur në një zonë të njohur turistike.

    Sipas agjencisë Press Trust of India, të paktën dy persona kanë humbur jetën, ndërsa autoritetet shprehin frikën se disa të tjerë rezultojnë të zhdukur, pasi janë marrë nga rrjedha e ujit.

    Pamjet dramatike dhe fotografitë nga vendngjarja tregojnë përmasat e katastrofës dhe përpjekjet e ekipeve të kërkim-shpëtimit për të gjetur të mbijetuar.

    Autoritetet lokale kanë nisur një hetim për shkaqet e shembjes, ndërsa kërkimet vijojnë me intensitet të lartë.

  • Reshje dëbore dhe shira të rrëmbyeshëm përfshijnë Afrikën e Jugut, 9 viktima

    Reshje dëbore dhe shira të rrëmbyeshëm përfshijnë Afrikën e Jugut, 9 viktima

    Vazhdojnë kërkimet për fëmijët e zhdukur pasi autobusi shkollor në të cilin udhëtonin u përmbyt nga furia e reshjeve. Numri i të vdekurve nga përmbytjet e shkaktuara nga shirat e rrëmbyeshëm në Afrikën e Jugut lindore u rrit në nëntë të martën, ndërsa ekipet e shpëtimit kërkojnë fëmijët e zhdukur pasi autobusi i tyre shkollor u rrëmbye nga ujërat e përmbytjes, thanë autoritetet.
    Reshje të dendura dëbore dhe stuhi të forta kanë goditur pjesë të provincës së Kepit Lindor, ndërsa Afrika e Jugut në tërësi po përballet me mot ekstrem dimëror që nga java e kaluar.
    Në rajonin Or Tambo, 9 persona kanë vdekur për shkak të shirave të rrëmbyeshëm, sipas një raporti të ri të publikuar nga autoritetet lokale sot, ndërsa një raport i mëparshëm thoshte për 7 të vdekur.
    Në të njëjtën kohë, zëdhënësja e Autoriteteve Provinciale, Huselua Radye, i tha AFP-së se nuk e dinte sa fëmijë ose të rritur ishin në autobusin e shkollës. Mediat lokale raportojnë se të paktën 10 fëmijë janë të zhdukur.
    Në të njëjtën kohë, tre fëmijë u shpëtuan pasi kaluan shumë orë duke u ngjitur në pemë për t’i shpëtuar nivelit në rritje të ujit pranë Mthatha, gjithashtu në Kepin Lindor, një nga zonat më të goditura të vendit.
    Për më tepër, që nga e hëna, disa qindra njerëz janë zhvendosur, sipas të njëjtit burim, veçanërisht në zonat Or Tambo dhe Amatole. Disa kanë gjetur strehim të përkohshëm në shkolla dhe bashki.
    Autoritetet lokale, me mbështetjen e disa agjencive qeveritare, po ofrojnë ushqime të ngrohta dhe furnizime bazë për ata që janë strehuar në strehimore të përkohshme, shpjeguan ata.
    “Shirat e pandërprera” kanë shkaktuar gjithashtu rrëshqitje toke dhe “dëme të konsiderueshme në prona dhe infrastrukturë”, shtuan ata. Shërbimi Meteorologjik i Afrikës së Jugut ka parashikuar se kushtet ekstreme të motit dimëror do të vazhdojnë të paktën deri në mesin e javës.

  • Jenishehri zbulon se si mundet Serbia: Jam matematicien, Duka dhe Silvinjo janë xhelozë, duhet zhdukur xhelozia

    Jenishehri zbulon se si mundet Serbia: Jam matematicien, Duka dhe Silvinjo janë xhelozë, duhet zhdukur xhelozia

    Ish-deputeti Selami Jenishehri, ka ndërtura një skemë, se si Shqipëria mund të mposhtë ekipin serb, por thotë se Armand Duka dhe Silvinjo nuk pranojnë takim.
    I ftuar në “Të Paekspozuarit”, Jenishehri tha se ka studiuar matematikë dhe kjo e ka ndihmuar për të krijuar skemën. Madje, Jenishehri u ngrit në këmbë dhe demonstroi disa nga lëvizjet me top, që duhet të bëjnë futbollistët.

    “Unë jam diplomuar në shkencat e matematikës dhe fizikës dhe kam qenë mësues matematike. Meqenëse isha mësues kujdestar i klasës sportive, trajneri Ramazan Ragami, i stërviste me fjalën e fundit të shkencës.
    Unë bëhem kurioz, meqenëse kisha djalin në futboll dhe shoh që stërvitja që publikonte FIFA nuk ishte në nivelin që mund të përmirësohet. Unë nxjerr një stërvitje me bazë shkencore tjetër. Nuk të stërvis këmbët por trurin. Unë të ndryshoj mendësinë. Kur të bëj mendësinë e Mesit, ti je lojtar si Mesi.
    E provoj me futbollistët e Vllaznisë, e merr vesh Federata, më thotë a ka mundësi të bëjmë këtë, sepse më thonë futbollistë, trajneri gjerman nuk ka nivelin e Jenishehrit. E bëjmë me porosi.
    Zoti Duka dhe zoti Silvinjo, kanë detyrim ligjor, që një eksperiment që e ka bërë FSHF dhe ka dalë më mirë se FIFA t’ja transmetojnë futbollistëve.
    Altin Rraklli më ka marrë këshilltar, se unë di atë gjë që nuk di asnjë trajner, as braziliani Silvinjo. I bëj letër Armando Dukës, a ka mundësi të flas me ata futbollistë? Pse nuk pranojnë? Unë jam shqiptar.
    Kjo xhelozi nuk mund të lejohet kur ne ditën e shtunë, është një ndeshje, çdo shqiptar e kupton se çfarë është për Shqipërinë. Nuk më lë mua, të diplomuar në matematikë, deputet i Kuvendit. Duhet zhdukur xhelozia që ka trajneri”, tha Jenishehri.

  • Viti ‘97 përndjek pensionistët/ Dokumentet u zhdukën prej trazirave të kohës, 6500 të moshuar enden gjykatave

    Viti ‘97 përndjek pensionistët/ Dokumentet u zhdukën prej trazirave të kohës, 6500 të moshuar enden gjykatave

    Viti tragjik 1997 vazhdon të përndjekë, kësaj radhe moshën e tretë shumë prej të cilëve vazhdojnë të vijnë në gjykata mbasi pretendojnë se u janë zhdukur dokumentet nga sulmi ndaj institucioneve.

    Shemedin Shahu ka punuar në një ish ndërmarrje shtetërore para 1990 por ai nuk mund ta provojë këtë gjë sepse dokumentet nuk ekzistojnë. Ndaj edhe për të sikurse edhe për 6500 të moshuar që kanë ngritur padi civile dhe administrative, shpresa mbetet gjyqësori që më së shumti vazhdon të thërrasë si dëshmitarë shtetas qe kanë punuar në ish kooperativa të cilat u shkrinë, por që për shumë prej tyre dokumentet që provojnë kontributin nuk ekzistojnë.
    Edhe bashkëshortja e tij i gjeti vitet e humbura përmes gjykatës
    Megjithatë për këdo që i anë zhdukur dokumentet për 1997 çështjet shqyrtohen me prioritet
    Në skemën e pensioneve janë të përfshirë mbi 700 mijë persona, ndërsa përballë stokut në rritje dy vjet më parë qeveria ka kërkuar që disa çështje si paditë e pensionistëve, urdhrat e ekzekutimit dhe paditë për fëmijët për pension ushqimor të mos rekursohen nga institucionet.

    Top Channel

  • Alarm në Itali, mbi 10 mijë fëmijë u zhdukën në gjashtë muajt e parë të 2024

    Alarm në Itali, mbi 10 mijë fëmijë u zhdukën në gjashtë muajt e parë të 2024

    Fenomeni i fëmijëve të zhdukur po merr përmasa shqetësuese në Itali. Sipas mediave italiane organizata Telefono Azzurro gjatë konferencës “Fëmijët e Padukshëm” paraqiti një dosje alarmuese për situatën në vendin fqinj me të dhëna alarmante.
    Sipas raportit, gjatë gjysmës së parë të vitit 2024, në Itali u regjistruan 11,694 raste personash të zhdukur, nga të cilat 69.6% ishin të mitur, që përfaqësoni 8,143 raste. Në mesatare, kjo do të thotë 64 raportime në ditë.
    Shumica e rasteve të raportuara në Itali përfshinin adoleshentë të moshës 16-17 vjeç, të cilët përbëjnë mbi 70% të të gjithë të miturve të zhdukur. Gjithashtu, 58.1% e rasteve të zbuluara i përkasin vajzave. Sa i përket grupmoshave, 12.9% e rasteve ishin fëmijë 0-10 vjeç, ndërsa 16.7% i përkisnin grupmoshës 11-14 vjeç.
    Në aspektin e kombësisë, 56.9% e raportimeve ishin shtetas italianë, ndërsa 41.67% fëmijë me kombësi të huaj. Ndër arsyet më të zakonshme të raportuara ishin arratisja nga shtëpia (36.5%), ikja nga komuniteti ose institucioni (12.5%), zhdukje të paspecifikuara (12.5%) dhe largimi nga qendrat e pritjes (7.3%).
    Sipas presidentit të Telefono Azzurro, Ernesto Caffo, shumë nga këta fëmijë janë të pashoqëruar dhe rrezikojnë të bien pre e trafikimit, abuzimit apo shfrytëzimit.
    Ai thekson gjithashtu ndikimin negativ që ushtron presioni social dhe mjetet digjitale në gjendjen psikologjike të adoleshentëve, duke shtuar raste të arratisjeve të nxitura nga probleme familjare apo përmbajtje digjitale që ndikojnë në mënyrë destabilizuese.
    Edhe në nivel ndërkombëtar, situata është shqetësuese. Qendra për Fëmijët e Zhdukur dhe të Shfrytëzuar (NCMEC) në SHBA trajtoi rreth 30,000 raste fëmijësh të zhdukur në vitin 2024, duke arritur të zgjidhë 91% të tyre.

  • 12 fëmijë të zhdukur, shoqëria civile: Duhet sistemi ”AMBER”

    12 fëmijë të zhdukur, shoqëria civile: Duhet sistemi ”AMBER”

    Dita Ndërkombëtare për Fëmijët e Humbur që është me 25 maj, dje nën moton ”Mos na harroni”, Qendra për Mbrojtjen e të Drejtave të Fëmijëve në Shqipëri organizoi një aktivitet simbolik përpara kryeministrisë
    Që nga ‘91 e deri më sot, 12 fëmijë vazhdojnë të jenë të zhdukur, pavarësisht përpjekjeve të vazhdueshme të familjarëve dhe autoriteteve. Ndërsa sipas të dhënave të Qendrës, çdo vit në vendin tonë raportohen rreth 120 raste të fëmijëve të humbur, që përfshijnë nga largimet nga shtëpia, te rrëmbimet apo dhe zhdukje të paqartë. Në Europë zbatohet ajo që njihet si Sinjali Amber, një sistem emergjent paralajmërimi që përdoret për të njoftuar institucionet përgjegjëse dhe median në rast të rrëmbimit të një fëmije.

    ‘‘Është e pashpjegueshme se edhe pse e kemi 3 vite qe e kemi kërkuar nga policia e shtetit vazhdojnë të mos e kemi këtë platformë te instaluar”, thotë Hazizaj. Ai përmendi edhe rastin tronditës të Bleona Mata, një nga zhdukjet më të njohura në vend. Në Evropë çdo vit raportohen rreth 250,000 fëmijë të humbur, që do të thotë një fëmijë humb çdo dy minuta.

  • Moti i keq, shkatërrim në jug të Francës! Viktima e të zhdukur/ Goditet dhe Australia

    Moti i keq, shkatërrim në jug të Francës! Viktima e të zhdukur/ Goditet dhe Australia

    Stuhi të forta dhe përmbytjet që i pasuan, kanë shkaktuar vdekje e shkatërrime në Var të Francës juglindore.

    Të paktën tre persona kanë humbur jetën e dy të tjerë  mbeten të zhdukur pas reshjeve të dendura, të cilat kanë sjellë që nga fillim java vërshim ujërash në këtë rajon. Një çift të moshuarish u gjetën të vdekur në makinën e tyre në zonën e Cavalière, raportojnë mediat lokale.
    Ujërat e rrëmbyer e morën me vete makinën e tyre, duke mos i lënë mundësi shpëtimi. Një tjetër grua u gjet e pajetë po në automjetin e saj.
    Përmbytjet kanë shkaktuar dëme të mëdha në zonë, duke bllokuar rrugë e duke shkaktuar ndërprerje të energjisë elektrike.
    Presidenti Emmanuel Macron shkroi në X se forcat e shpëtimit janë angazhuar maksimalisht për të asistuar popullatën lokalë.
    Autoritetet në qytetin bregdetar Le Lavandou kanë nisur sakaq përpjekjet e pastrimit dhe hapjes së rrugëve, edhe pse siç thonë, dëmet janë të mëdha e prekin ura, brigje, impiante të trajtimit të ujërave të zeza, e pothuajse të gjithë vijën bregdetare.
    Një situatë e ngjashme u regjistrua dhe në një pjesë tjetër të globit, në Australi, me një situate krize në Neë South Ëales, ku vërshimi i ujërave ka marrë disa jetë njerëzish, ka shkaktuar një kaos të transportit e ka nxitur shumë evakuime.
    Me 50.000 banorë të izoluar tashmë nga ujërat e përmbytjeve, autoritetet kanë lëshuar 160 paralajmërime, 37 nga të cilat janë në nivel emergjence.

    Top Channel

  • Tre viktima dhe një i zhdukur nga përmbytjet në Australi

    Tre viktima dhe një i zhdukur nga përmbytjet në Australi

     

    Tre persona kanë gjetur vdekjen dhe një tjetër është zhdukur pas përmbytjeve të mëdha në Uellsin e Ri Jugor (NSW). Sipas asaj që raportojnë mediat e huaja, më shumë se 50,000 njerëz janë paralajmëruar për evakuim nga përmbytjet.

    Reshjet rekord të shiut, të shpallura tani një katastrofë natyrore, janë më të mëdhatë përgjatë viteve të fundit, sipas Komisionerit të Shërbimeve Shtetërore të Emergjencave.

    Ndërkohë më shumë se 2,000 punonjës të shërbimeve të emergjencës po marrin pjesë në operacionet e shpëtimit, përfshirë njerëz që mbetën të bllokuar në çatitë e shtëpive gjatë natës.

    ‘Jemi larg rrezikut’, tha Kryeministri i Uellsit të Ri Jugor, Chris Minns, duke u bërë thirrje banorëve për vëmendje ndaj emergjencës, pasi priten më shumë shira të rrëmbyeshëm në ditët në vijim.

    Kërkime të ndara janë duke u zhvilluar për persona të zhdukur në Bregun e Mesëm Verior. Më shumë se 100 shkolla janë mbyllur për shkak të përmbytjeve, të cilat kanë lënë mijëra shtëpi dhe biznese pa energji elektrike.

     

  • U shpall i zhdukur, gjendet i vdekur 71-vjeçari në Korçë

    U shpall i zhdukur, gjendet i vdekur 71-vjeçari në Korçë

     

    Prej 3 ditësh i denoncuar i humbur, gjendet i pajetë 71 vjeçari L.G nga fshati Kamenicë.

    Ka qenë bashkëshortja që ka kallëzuar në polici humbjen e kontakteve me të, ndërsa sipas informacioneve mësohet se 71-vjeçari është gjetur i pajetë në tokat e fshatit, pasi ka dalë për të mbledhur kërmij.

    Dyshohet se kohët e fundit për shkak të vdekjes të djalit të tij, 71-vjeçari ishte rënduar psikologjikisht duke përdorur edhe alkool. Trupi do dërgohet në morg për ekspertizën mjekoligjore.