Lajmidites.com

Tag: zemrën

  • Pjesët më romantike të dhjetë letrave të dashurisë

    Pjesët më romantike të dhjetë letrave të dashurisë

    Foto ilustrim

    Më poshtë kemi shkëputur disa pasazhe nga letrat e dhjetë personaliteteve të njohura që kanë shprehur dashurinë e tyre përmes letrash:

    Ernest Hemingway për Marlene Dietrich: “Nuk mund të ta them dot, sesa herë hidhja krahët e mi rreth teje ndihesha sikur isha në shtëpi”!

    Napoleon Bonapartit për të dashurën e tij Josephine: “Qëkur të lashë, kam qenë vazhdimisht në depresion. Lumturia ime është të jem pranë teje…”!

    Frida Kahlo për Diego Riverën: “Asgjë nuk krahasohet me duart e tua, me ngjyrën jeshile në të verdhë të syve të tu. Shpirti im plotësohet nga prania jote. Gishtat e mi prekin gjakun tënd…”!

    Georgia O’Keeffe për Alfred Stieglitz: “I dashur, trupi im është çmendur duke të kërkuar ty. Nëse nuk vjen nesër, nuk e di se si do të mund të pres më tepër për ty. Pyes veten nëse trupi yt e dëshiron trupin tim, po aq sa unë e dëshiroj trupin tënd aq pranë, saqë lëndohem kur ti largohesh”.

    Beethoven në shtratin e vdekjes për personat e të dashur që ende jetonin të shëndetshëm: “Edhe pse në shtrat, mendimet e mia janë me ju, të dashurit e mi të pavdekshëm. Vazhdoni të më doni, mos më gjykoni. Mos e gjykoni zemrën më besnike të të dashurit tuaj”!

    George H. Bush për Barbara Bush: “Kjo duhet të jetë një letër e thjeshtë për t’u shkruar – fjalët duhet të vijnë vetë dhe shkurtimisht unë do ta kem të thjeshtë të të them se sa u lumturova, kur hapa letrën dhe pashë njoftimin e fejesës sonë, por çuditërisht nuk po mundem dot ta shkruaj çdo gjë në këtë letër. Të dua, e dashur, me gjithë zemrën time dhe të di që edhe ti më do, do të thotë shumë për mua. Kushedi sa herë e kam menduar lumturinë e pamatshme që do të jetë jona një ditë. Sa me fat do të jenë fëmijët tanë që do të kenë një nënë si ty”.

    Ronald Reagan për Nancy Reagan: “Gjëja më e rëndësishme është se nuk dua të rri pa ty për 20, apo 40 vitet e ardhshme, apo për gjithë vitet e jetës që më kanë mbetur. Jam bërë i varur nga ndjesia e të qenurit i lumtur dhe të dua shumë ty”.

    Oscar Wilde për Lord Alfred Douglas: “Çdokush është i nevrikosur me mua që erdha sërish tek ty, por ata nuk na kuptojnë ne. Unë ndihem sikur vetëm me ty mund të bëj gjithçka. Më ndihmo të sjell në vend jetën time të rrënuar dhe atëherë shoqëria dhe dashuria jonë do të marrin një tjetër kuptim në këtë botë”.

    Henry VII për Anne Boleyn: “Por, nëse ti më dhuron trupin dhe zemrën tënde, unë premtoj të jem shërbëtori yt, siç kam qenë përherë dhe vazhdoj të jem edhe tani”.

    Vita Sackville për Virginia Woolf: “Por, e dashur, unë nuk mund të qëndroj dot i zgjuar apo serioz me ty. Të dua shumë për ta bërë këtë gjë. Të dua sinqerisht. Ti nuk e ke idenë sa serioz rri unë me njerëzit që nuk i dua, por ti i ke thyer gjithë barrierat e mia”.

    ObserverKult

    Lexo edhe:

    PSE NJERËZIT E SUKSESSHËM PRETENDOJNË (NDONJËHERË) TË JENË DIKUSH TJETËR?

  • Ecje 30 minuta në ditë/ ‘Ilaçi’ më i nënvlerësuar për zemrën dhe trurin

    Ecje 30 minuta në ditë/ ‘Ilaçi’ më i nënvlerësuar për zemrën dhe trurin

    Jo të gjithë kanë kohë apo dëshirë për palestër, por lajmi i mirë është se edhe një shëtitje e thjeshtë mund të bëjë mrekulli për shëndetin.
    Hulumtimet tregojnë se ecja 30 minuta në ditë, në ritëm mesatar, lidhet me rrezik më të ulët për sëmundje të zemrës, diabet të tipit 2, disa lloje kanceri dhe madje demencë në moshë të thyer.
    Mjekët theksojnë se aktiviteti i rregullt fizik përmirëson qarkullimin e gjakut, ul tensionin arterial dhe ndihmon në kontrollin e peshës. Në të njëjtën kohë, lëvizja çliron endorfina, të ashtuquajturat “hormonët e lumturisë”, që ndikojnë pozitivisht te humori dhe energjia.
    Edhe nëse nuk keni kohë për 30 minuta rresht, ekspertët sugjerojnë ta ndani në tre herë nga 10 minuta gjatë ditës: të zbrisni një stacion më herët, të përdorni shkallët në vend të ashensorit ose të bëni një shëtitje të shkurtër pas drekës.

  • Ecja 30 minuta në ditë, ‘ilaçi’ më i nënvlerësuar për zemrën dhe trurin

    Ecja 30 minuta në ditë, ‘ilaçi’ më i nënvlerësuar për zemrën dhe trurin

    Jo të gjithë kanë kohë apo dëshirë për palestër, por lajmi i mirë është se edhe një shëtitje e thjeshtë mund të bëjë mrekulli për shëndetin.

    Hulumtimet tregojnë se ecja 30 minuta në ditë, në ritëm mesatar, lidhet me rrezik më të ulët për sëmundje të zemrës, diabet të tipit 2, disa lloje kanceri dhe madje demencë në moshë të thyer.

    Mjekët theksojnë se aktiviteti i rregullt fizik përmirëson qarkullimin e gjakut, ul tensionin arterial dhe ndihmon në kontrollin e peshës. Në të njëjtën kohë, lëvizja çliron endorfina, të ashtuquajturat “hormonët e lumturisë”, që ndikojnë pozitivisht te humori dhe energjia.

    Edhe nëse nuk keni kohë për 30 minuta rresht, ekspertët sugjerojnë ta ndani në tre herë nga 10 minuta gjatë ditës: të zbrisni një stacion më herët, të përdorni shkallët në vend të ashensorit ose të bëni një shëtitje të shkurtër pas drekës.

  • 4 frutat e thata që forcojnë zemrën, kockat dhe trurin

    4 frutat e thata që forcojnë zemrën, kockat dhe trurin

    Frutat e thata janë ndër ushqimet më të pasura me vitamina, minerale dhe yndyra të shëndetshme. Të konsumuara rregullisht, ato mund të përmirësojnë funksionet kryesore të trupit, duke mbrojtur zemrën, duke forcuar kockat dhe duke rritur aktivitetin e trurit. Ja katër prej më të dobishmeve:

    1. Arrat, aleatet më të forta të trurit

    Arrat janë të pasura me omega-3, antioksidantë dhe vitamina që ndihmojnë në përmirësimin e kujtesës, fokusit dhe shëndetit të përgjithshëm të trurit. Studimet i cilësojnë si një nga ushqimet më të mira për sistemin nervor.

    2. Bajamet, mbrojtje për zemrën dhe kockat

    Bajamet përmbajnë vitaminë E, kalcium, magnez dhe yndyra të shëndetshme që ndihmojnë në uljen e kolesterolit, parandalimin e sëmundjeve të zemrës dhe forcimin e kockave.

    3. Fistikët, energji për trupin dhe zemrën

    Fistikët ndihmojnë në qarkullimin e mirë të gjakut, ulin tensionin arterial dhe janë të shkëlqyer për mirëmbajtjen e një zemre të shëndetshme. Aroma dhe vlerat e tyre ushqyese i bëjnë një nga zgjedhjet më të mira për snack të shëndetshëm.

    4. Kajsitë e thata, kocka të forta dhe imunitet më i mirë

    Kajsitë e thata janë të mbushura me kalium, hekur dhe vitaminë A. Ato ndihmojnë në forcimin e kockave, përmirësojnë tretjen dhe mbështesin sistemin imunitar.

  • Studim: Burrat duhet të bëjnë dyfish më shumë ushtrime se gratë për të mbrojtur zemrën

    Studim: Burrat duhet të bëjnë dyfish më shumë ushtrime se gratë për të mbrojtur zemrën

    Një studim i gjerë me mbi 85,000 persona ka zbuluar se burrat kanë nevojë për gati dyfishin e aktivitetit fizik krahasuar me gratë për të arritur të njëjtat përfitime për shëndetin kardiovaskular. Kërkimi, i publikuar në revistën Nature Cardiovascular Research më 27 tetor, thekson dallime të rëndësishme mes gjinive në mënyrën se si trupi reagon ndaj stërvitjes.

    Sipas udhëzimeve të CDC dhe Shoqatës Amerikane të Zemrës (AHA), rekomandohen të paktën 150 minuta aktivitet fizik në javë. Por studimi tregoi se gratë që përmbushin këtë standard e ulin rrezikun e sëmundjeve të zemrës me 22%, ndërsa burrat vetëm me 17%. Për të arritur të njëjtin nivel mbrojtjeje, burrat duhet të ushtrohen rreth 530 minuta në javë, ndërsa gratë vetëm 250 minuta.

    Tek pjesëmarrësit që tashmë vuanin nga sëmundjet e zemrës, aktiviteti fizik uli ndjeshëm rrezikun e vdekjes: 70% për gratë dhe vetëm 19% për burrat.

    Ekspertët mendojnë se diferenca lidhet pjesërisht me nivelin e estrogjenit, hormon që mbron zemrën te femrat, si dhe me faktorë biologjikë e shoqërorë.

    Megjithatë, studiuesit theksojnë se sfida kryesore mbetet fakti që më pak se gjysma e të rriturve arrijnë edhe minimumin e rekomanduar të aktivitetit fizik. “Pavarësisht gjinisë, çdo formë lëvizjeje është e dobishme për zemrën,” theksojnë ekspertët, duke apeluar për më shumë motivim dhe lëvizje të përditshme.

  • Shëndeti i dobët i zemrës në moshën e mesme lidhet me rrezikun e shtuar për demencë

    Shëndeti i dobët i zemrës në moshën e mesme lidhet me rrezikun e shtuar për demencë

    Të pasurit probleme me zemrën në të 50-tat mund të rrisë ndjeshëm rrezikun për demencë në moshë të thyer, sugjeron një studim i ri shkencor.

    Ekspertët kanë paralajmëruar prej kohësh se faktorët e njohur të rrezikut kardiovaskular – si presioni i lartë i gjakut dhe kolesteroli – jo vetëm që dëmtojnë zemrën, por gjithashtu mund të prekin qarkullimin e gjakut në tru, duke shkaktuar dëme të fshehta në enët e vogla të gjakut.

    Sipas studiuesve britanikë, personat e moshës së mesme që kanë dëmtime në muskujt e zemrës janë 38% më të rrezikuar të zhvillojnë demencë më vonë. Ata zbuluan gjithashtu se këto shenja biologjike mund të jenë të dukshme deri në 25 vjet para diagnostikimit.

    Si u zhvillua studimi

    Studiuesit e University College London (UCL) analizuan nivelet e një proteine të quajtur troponin në gjak, e cila lëshohet kur muskujt e zemrës dëmtohen.

    Rreth 6,000 persona të moshës 45–69 vjeç, pa diagnozë për zemrën ose demencën, u ndoqën për një periudhë mesatare 25 vjet.

    Gjatë këtij kohë, 695 persona u diagnostikuan me demencë. Ata që zhvilluan sëmundjen kishin nivela më të larta troponini që nga fillimi i studimit, duke treguar dëmtime të fshehta të zemrës shumë vite para shfaqjes së simptomave.

    Analizat e MRI-së tek 641 pjesëmarrës treguan gjithashtu se ata me nivelet më të larta të troponinës kishin një hipokampus më të vogël, pjesë kyçe e trurit për kujtesën, rreth 15 vjet më vonë.

    Rekomandimet e ekspertëve

    Profesor Bryan Williams, nga British Heart Foundation, tha:

    “Ky studim na kujton se shëndeti i zemrës dhe i trurit janë të pandashëm. Mosha e mesme është periudha më e ndjeshme, ku dëmtimi mund të përcaktojë rrugën e shëndetit të zemrës dhe trurit.”

    Studimi nënvizon rëndësinë e ushqimit të shëndetshëm, aktivitetit fizik dhe mos-duhanit, si masa për të ruajtur zemrën dhe për të ulur rrezikun e demencës.

    Profesor Eric Brunner, bashkëautor i studimit, shtoi:

    “Kontrolli i faktorëve të rrezikut, si presioni i lartë i gjakut, mund të ngadalësojë ose të parandalojë zhvillimin e demencës. Troponina mund të shërbejë në të ardhmen si pjesë e një indeksi për parashikimin e rrezikut të demencës.”

    Sëmundja e Alzheimer-it është forma më e zakonshme e demencës dhe prek 982,000 persona në Mbretërinë e Bashkuar.

    Në 2022, 74,261 persona vdiqën nga demenca në Mbretërinë e Bashkuar, duke e bërë atë një nga shkaqet kryesore të vdekjes.

    Globalisht, rastet e Alzheimer-it dhe demencave të tjera u rritën me 148% nga 1990 deri në 2019.

  • Një martesë e keqe dëmton zemrën më shumë se pirja e duhanit çdo ditë

    Një martesë e keqe dëmton zemrën më shumë se pirja e duhanit çdo ditë

    Një studim i fundit ka zbuluar se një martesë e stresuar dhe e pakënaqshme mund të jetë më e dëmshme për zemrën sesa pirja e duhanit çdo ditë. Sipas ekspertëve, tensioni i vazhdueshëm dhe konflikti i përsëritur në një marrëdhënie të pakënaqshme shkaktojnë stres kronik, i cili ndikon negativisht jo vetëm tek shëndeti mendor, por edhe tek sistemi kardiovaskular.

    Studiuesit theksojnë se njerëzit që jetojnë në një martesë të tensionuar kanë rrezik më të lartë për presion të lartë të gjakut, sulme në zemër dhe probleme të tjera kardiake. Tensioni emocional dhe ndjenja e pakënaqësisë në çift mund të shkaktojë inflamacion dhe shqetësime të vazhdueshme, që ndikojnë drejtpërdrejt në shëndetin fizik.

    Nga ana tjetër, një martesë e lumtur dhe e mbështetur në respekt dhe komunikim duket se ka efekt mbrojtës për zemrën. Personat që kanë marrëdhënie të shëndetshme shpesh përfitojnë mbështetje emocionale, reduktim të stresit dhe përmirësim të mirëqenies së përgjithshme.

    Ekspertët këshillojnë se lumturia në çift nuk është thjesht një ndjenjë; është një element kyç i shëndetit afatgjatë. Ata rekomandojnë që partnerët të investojnë kohë në komunikim të hapur, mirëkuptim dhe përmirësim të marrëdhënies, pasi kjo jo vetëm që forcon lidhjen emocionale, por edhe mbron zemrën nga pasojat e stresit kronik.

    Studimi nënvizon rëndësinë e zgjedhjeve të shëndetshme në marrëdhënie dhe ndikimin e drejtpërdrejtë që ka lumturia ose pakënaqësia në çift mbi shëndetin tonë fizik./ cardiovascularbusiness

  • Ja cili është sekreti për zemrën e fortë dhe jetëgjatësinë

    Ja cili është sekreti për zemrën e fortë dhe jetëgjatësinë

    Njihuni me ‘arin e zi’, forcon zemrën dhe zgjat jetën! Ylli Merja befason me murrizin shqiptar
    Në natyrën shqiptare fshihet një thesar shëndeti që prej shekujsh ka qenë aleati i trupit dhe shpirtit të njeriut, Murrizi, i njohur ndryshe si “ari i zi” i Shqipërisë. Specialisti i bimëve mjekësore Ylli Merja, e cilëson këtë bimë si një nga mjetet më të fuqishme natyrale për mbrojtjen e zemrës, forcimin e qarkullimit të gjakut dhe rritjen e jetëgjatësisë.
    Sipas Merjës, murrizi është një “farmaci e vogël” që ndihmon trupin të luftojë tensionin e lartë, lodhjen, ankthin dhe sëmundjet kardiovaskulare. Çaji i përgatitur nga lulet apo frutat e murrizit është një tonik i shkëlqyer për zemrën, ndërsa kombinimi i tij me bimë të tjera si livando, valeriana, hibiskusi apo molla e egër, e rrit ndjeshëm efektin qetësues dhe mbrojtës.
    “Murrizi përmban një kombinim unik të substancave që veprojnë në mënyrë të sinkronizuar për të forcuar trupin dhe për të mbrojtur organet jetike: Flavonoidet me veprim të fuqishëm antioksidues dhe antiinflamator mbrojnë qelizat e zemrës; Procianidinat forcojnë enët e gjakut dhe përmirësojnë qarkullimin; Triterpenet kontribuojnë në efektin anti-inflamator dhe kardiotonik; Acidet fenolike ndihmojnë metabolizmin dhe rigjenerimin e qelizave; Pektina ndihmon tretjen dhe ul kolesterolin e lartë; Vitaminat C, A dhe kompleksi B rrisin imunitetin, përmirësojnë funksionin nervor dhe forcojnë muskujt, ndërsa mineralet si kaliumi, magnezi, kalciumi, hekuri, fosfori, zinku dhe bakri mbështesin punën e zemrës, sistemin nervor dhe shëndetin e kockave”.
    Ylli Merja thekson se murrizi vepron në disa sisteme të trupit, duke sjellë ekuilibër dhe qetësi:
    · Sistemi kardiovaskular: ndihmon në rastet e hipertensionit, takikardive, aterosklerozës dhe venave varikoze.· Sistemi nervor: ul ankthin, stresin oksidativ, marramendjet dhe përmirëson përqendrimin.· Sistemi riprodhues (femra): qetëson ngërçet e mitrës dhe rregullon ciklin menstrual.· Sistemi urogjenital: ndihmon në shpërbërjen e gurëve në veshka dhe në normalizimin e urinimit.· Sistemi tretës: lehtëson gazrat, ndalon diarrenë dhe përmirëson tretjen.Si ta përdorim murrizin në kushte shtëpie
    Specialisti Ylli Merja rekomandon disa mënyra të thjeshta për përgatitjen e çajit apo produkteve me bazë murrizi:
    · Çaj për zemrën, pastrimin e arterieve: në 200 ml ujë, përvëlohet 1 lugë gjelle me lule murrizi. Pihen 2–3 gota në ditë.· Çaj nga frutat per aritminë: 1 lugë fruta murrizi dhe 1 lugë likopsi zihen për 2 minuta në 400 ml ujë, ky çaj është shumë i mirë dhe për hipertiroidizëm.· Çaj për pagjumësi: murriz lule + valerianë + bar blete në 400 ml ujë.· Çaj për kolesterolin dhe uljen e tensionit: murriz lule + hibiskus + vjeshtull të bardhë + mollë e egër në 500 ml ujë. Për një tension të lartë shtohet dhe 1 thelpi hudhër dhe lëng limoni.· Ekstrakt murrizi lule dhe frut: 35 g bimë në 80 ml alkool rrushi, lihet 10–12 ditë.· Verë e bardhë me fruta murrizi: 100-150 g fruta murrizi dhe 50 g trëndafil të egër në 1 litër verë.· Shpëlarës fytyre: lule murrizi + livando ose trëndafil, për pastrimin e lëkurës nga yndyra e tepërt.Murrizi mbetet një pasuri e rrallë e natyrës shqiptare, një bimë që bashkon fuqinë shëruese të tokës me trashëgiminë tonë popullore. Siç shprehet Ylli Merja, “natyra na ka dhënë gjithçka që na duhet për të qenë të shëndetshëm, mjafton ta dimë si ta përdorim”.

  • Cilat janë 6 zakonet e mira për zemrën që duhet ti dini?

    Cilat janë 6 zakonet e mira për zemrën që duhet ti dini?

    Çdo moment i ditës mund të jetë një mundësi për t’u kujdesur për zemrën tonë. Mjafton të ndjekim disa zakona të thjeshta:
    Energjizoni trupin tuaj
    Ajo që hani në mëngjes përcakton tonin e ditës suaj. Zgjidhni një mëngjes të pasur me fruta dhe perime. Plani i të ngrënit DASH (Qasjet Dietike për të Ndaluar Hipertensionin) rekomandon 4-5 racione frutash dhe perimesh në ditë për të zvogëluar rrezikun e sëmundjeve të zemrës. Kjo mund të tingëllojë shumë, por është më e lehtë nga sa duket.
    Lani dhëmbët me furçë dhe fill dentar
    Larja e mirë e dhëmbëve nuk ka të bëjë vetëm me higjienën orale, është gjithashtu e rëndësishme për shëndetin e zemrës. Grumbullimi i pllakës në gojë mund të kontribuojë në inflamacion kronik dhe të hyjë në qarkullimin e gjakut, duke rritur rrezikun e sëmundjeve të zemrës. Lani dhëmbët dy herë në ditë dhe përdorni fill dentar çdo ditë. Një studim i kohëve të fundit i botuar në American Journal of Medicine tregoi se larja e dhëmbëve një herë në ditë dhe vizita te dentisti një herë në vit mund të zvogëlojë rrezikun e sëmundjeve kardiovaskulare deri në 14%.
    Qëndroni të hidratuar
    Uji është thelbësor për shëndetin e përgjithshëm, por gjithashtu ndihmon zemrën tuaj të funksionojë më mirë. Kur nuk pini mjaftueshëm ujë, zemra juaj duhet të punojë më shumë, gjë që mund të rrisë rrezikun e sëmundjeve të zemrës.
    Vendosuni në lëvizje
    Ushtrimet janë një nga gjërat më të mira që mund të bëni për zemrën tuaj, por nuk duhet të jenë të tepërta. Një shëtitje e shpejtë në mëngjes, pak yoga ose një stërvitje me intensitet të ulët në shtëpi mund të ndihmojë në qarkullimin e gjakut. Një studim zbuloi se njerëzit që ushtrojnë herët në mëngjes kanë një gjendje më të mirë kardiorespiratore, duke zvogëluar rrezikun e sëmundjeve të zemrës. Synoni 150 minuta ushtrime aerobike të moderuara në javë ose 75 minuta aktivitet të fuqishëm.
    Relaksohuni me meditim para gjumit
    Ashtu si frymëmarrja e thellë, meditimi mund të ndihmojë në uljen e rrahjeve të zemrës dhe në relaksimin e enëve të gjakut. Edhe 5 minuta meditim para gjumit mund të bëjnë një ndryshim.
    Jepni përparësi gjumit
    Gjumi i keq dhe mungesa e tij kanë një ndikim negativ në shëndetin kardiovaskular. Synoni për 7-9 orë gjumë cilësor çdo natë për të ndihmuar trupin tuaj të rikuperohet.

  • Letër dashurie e Simone De Beauvoir: Më mbaj në zemrën tënde… të dua…

    Letër dashurie e Simone De Beauvoir: Më mbaj në zemrën tënde… të dua…

    Nga: Simone De Beauvoir për të dashurin e saj, shkrimtarin Nelson Algren

    I dashuri im i shtrenjtë, fjeta pak, por kam ende dhembje të tmerrshme koke. Sapo i telefonova kompanisë Air France; më presin më orën dhjetë edhe sërish po më therin brengat. Nuk e mbledh dot mendjen, të të telefonoj, apo jo? Them se jo. Nuk besoj se mund ta përballoj dhe nuk dua të jem “duke qarë nga larg”, siç thua ti.

    Ajo që nuk arrita ta shpreh mbrëmë plotësisht, është ëmbëlsia e atyre ditëve me ty. Që në fillim e bëre gjithçka aq të ngrohtë e të lumtur, gjë që më lumturoi më shumë se sa kam qenë këto dy vjet. Sa mirë ishte të jetoje me ty! Mirupafshim, i dashuri im.

    Nëse përplaset avioni im, në çastet e fundit do të mendoja vetëm të të falënderoja për gjithçka që më fale. Meqë nuk do të ndodhë, do të vazhdoj të të dua gjithë vitin, derisa të jem përsëri në krahët e tu.

    Të puth nga zemra ime gjithmonë e përvëluar. Ti më mbaj në zemrën tënde! Të dua!

    ObserverKult

    Simone De Beauvoir

    Lexo edhe:

    SIMONE DE BEAUVOIR: AI KISHTE GABUAR QË MË KISHTE GËNJYER…

    Nga Simone de Beauvoir

    Ankthi i tij më vajti drejt e në zemër dhe e dëgjoja pa armiqësi. Sigurisht, ai kishte gabuar që më kishte gënjyer, por duhej ta kuptoja; ngurrimi i parë ishte si ortek: “Nuk guxoja të ta thosha, sepse duhet të pranoja gjithashtu se të kisha gënjyer. Pengesa është e pakalueshme edhe për njerëz si ne që e vlerësojmë kaq shumë sinqeritetin.” (E pranoj, kushedi me ç’këmbëngulje do të kisha gënjyer për të fshehur një mashtrim.)

    Kurrë nuk i kam pranuar gënjeshtrat. Gënjeshtrat e para të Lysienës dhe të Koletës më prenë krahë e këmbë bashkë. E kisha të vështirë të pranoja se të gjithë fëmijët e gënjejnë nënën. Jo mua! Nuk jam një nënë që mund ta gënjesh; as një grua që gënjehet. Krenari budallaqe. Të gjitha gratë mendojnë se janë ndryshe; të gjitha besojnë se disa gjëra nuk mund t’u ndodhin atyre dhe të gjitha e kanë gabim.

    Tekstin e plotë mund ta lexoni KËTU:

    ObserverKult