Me emërimin e Dr. Johann David Wadephul si ministër i Jashtëm, Gjermania kthehet drejt një diplomacie më pragmatike. Johann David Wadephul, i lindur në vitin 1963 në Husum, në veri të Gjermanisë, është jurist i diplomuar në Universitetin e Kiel-it dhe major në rezervë në Bundeswehr. Anëtar i CDU-së që nga viti 1982, ai ka ndërtuar një karrierë të gjatë politike në landin Schleswig-Holstein dhe që nga viti 2009 është deputet në Bundestag.
Pas zgjedhjeve të vitit 2017, Johann Wadephul u emërua zëvendëskryetar i grupit parlamentar CDU/CSU për çështjet e mbrojtjes, politikës së jashtme dhe sigurisë. Si nënkryetar i Asamblesë Parlamentare të NATO-s, ai është angazhuar për një bashkëpunim më të ngushtë evropian në fushën e sigurisë dhe për mbështetjen e pakushtëzuar të Ukrainës. Në lidhje me marrëdhëniet transatlantike dhe politikën e ndryshuar të SHBA-së nën presidentin Donald Trump, Wadephul ka thënë: “Ne duhet ta mbajmë dorën të shtrirë, të jemi të gatshëm për negociata, por duhet të sigurojmë se mund të mbrohemi vetë nëse negociatat nuk ecin mirë.”
Diplomaci më e matur dhe pragmatike
“Ndryshe nga Annalena Baerbock, Wadephul do të ndjekë një stil më të përmbajtur, më pragmatik dhe më të fokusuar te rezultatet konkrete”, i tha Deutsche Welle-s Hans-Joachim Falenski, ish-këshilltar për politikën e jashtme në grupin CDU/CSU dhe një nga bashkëpunëtorët më të ngushtë të tij deri në vitin 2021.
Një shembull i kësaj qasjeje u pa në vitin 2022, kur Wadephul kritikoi hapur kancelarin Olaf Scholz për vizitën e parë zyrtare në Ballkan. Scholz kërkoi publikisht në Beograd që Serbia ta njihte pavarësinë e Kosovës, një deklaratë që Wadephul e quajti “amatoreske”, pasi, sipas tij, kërkesa të tilla duhet të adresohen me kujdes diplomatik për të mos bllokuar dialogun. “Kjo është e dëshirueshme dhe këtë e dinë të gjithë, por njohja duhet të vijë në fund të një procesi, ndërsa tani kjo deklaratë e thënë në publik në mënyrë kaq amatoreske e ngarkon të gjithë procesin, i cili është bërë i vështirë për Serbinë”, tha Wadephul asokohe në Bundestag. Ai kritikoi gjithashtu faktin që kancelari gjerman shkoi fillimisht në Prishtinë dhe më pas në Beograd.
Një njohës dhe ndjekës i vëmendshëm i rajonit
Kolë Gjoka, Konsull Nderi i Shqipërisë në Hamburg dhe ish-kandidat për Bundestag nga CDU e Schleswig-Holstein-it, ka punuar ngushtë me Wadephul-in në strukturat partiake të këtij landi. Ai thotë për DW: “Wadephul është prej vitesh eksperti më i mirë i politikës së jashtme në CDU/CSU dhe përkrahës i forcimit të rolit të Europës në politikat globale.” Gjoka, i cili prej vitit 2017 ka qenë në listën e landit si kandidat për Bundestag, beson se Wadephul “do të ketë një ndikim të madh në dialogun Kosovë-Serbi dhe do të jetë një mbështetës i jashtëzakonshëm në rrugën e Shqipërisë drejt anëtarësimit në BE.”
Për vite me radhë, Wadephul ka udhëhequr Grupin e Punës për Ballkanin Perëndimor në Bundestag, një platformë ndërsektoriale që bashkonte deputetë të specializuar për të ndjekur zhvillimet në rajon. Në këtë grup merrte pjesë edhe Gunther Krichbaum, i cili tani është emëruar Sekretar Shteti për Çështje Evropiane në Ministrinë e Jashtme, post ky, që deri tani e ka Anna Lührmann, nga të Gjelbrit. Me këtë strukturë të re, pritet që Ballkani Perëndimor të mbetet një prioritet i diplomacisë gjermane – por gjithmonë i lidhur me përmbushjen e standardeve dhe reformave.
Integrim në BE, por në bazë të meritave
Si Wadephul ashtu edhe Krichbaum janë figura që janë shprehur qartë edhe për politikat e brendshme në Shqipëri pa ngurruar të flasin edhe për konfliktet e brendshme politike të partisë simotër, Partisë Demokratike të Shqipërisë. Kështu, për shembull, vetëm disa muaj më parë, Krichbaum dënoi protestat e dhunshme të PD-së në Tiranë dhe kritikoi liderin e saj Sali Berisha, duke theksuar se “një demokraci e shëndetshme ka nevojë për një opozitë të fortë dhe paqësore që përputhet me vlerat evropiane.” Ai sugjeroi gjithashtu që Partia Demokratike të zgjidhte një kryetar të ri për të rikthyer besueshmërinë dhe orientimin pro-evropian të saj.
Wadephul dhe Krichbaum janë arkitektët kryesorë të kushteve shtesë që Bundestagu vendosi në vitin 2020 për çeljen e negociatave të anëtarësimit të Shqipërisë në BE. Wadephul i tha asokohe DW: Vendosëm disa parakushte që më kushtuan shumë punë dhe energji, dhe nëse ato nuk plotësohen, atëherë do ta kem të vështirë t’i bind kolegët e grupit tim parlamentar që ta shoqërojnë pozitivisht procesin.” Pritet që kjo qasje ndaj kushteve të ndiqet edhe në të ardhmen. “Reformat juridike, lufta kundër korrupsionit dhe forcimi i institucioneve, veçanërisht në Shqipëri, do të mbeten kritere kyçe për procesin e integrimit evropian,” thotë Falenski.
Mijatovic: Të mos u hapet rrugë regjimeve autoritare
Një veçanti shoqëron emërimin e Wadephul si Ministër i Jashtëm: për herë të parë pas gati 60 vitesh, Ministria e Jashtme gjermane ndodhet sërish në duart e CDU-së. Historikisht, ky post u ishte lënë zakonisht partnerëve të koalicionit. Tani, si Kancelaria, ashtu edhe Ministria e Jashtme drejtohen nga e njëjta parti – CDU-ja.
Politikani i opozitës Boris Mijatović, ekspert për Ballkanin në radhët e partisë “Të Gjelbërit” dhe bashkëpartiak i ish-ministres së Jashtme Annalena Baerbock, sheh këtu një problem. Ai paralajmëron se pesha dhe pavarësia e politikës së jashtme gjermane mund të dobësohen, pasi kancelari i ardhshëm Friedrich Merz pritet të marrë një rol shumë aktiv në çështjet ndërkombëtare dhe të përqendrojë më shumë kompetenca në zyrën e tij.
Nga Wadephuli si ministër i Jashtëm, Mijatović pret që të angazhohet për shtetin e së drejtës, për demokracinë dhe për një perspektivë të qartë evropiane të vendeve të Ballkanit Perëndimor. “Gjermania duhet të qëndrojë hapur në anën e forcave demokratike në rajon dhe të mos i hapë rrugë regjimeve autoritare,” tha ai për Deutsche Welle-n./dw
Tag: wadephul
-
Çfarë mund të pritet nga ministri i Jashtëm i Gjermanisë?
-
Miku i Ballkanit në Berlin, Johann Wadephul do të jetë ministër i jashtëm në qeverinë e re gjermane
Ministri i ri i jashtëm i Gjermanisë do të jetë Johann Wadephul, e ky po konsiderohet një lajm i mirë për Ballkanin Perëndimor.
Anëtar i CDU-së që nga viti 1982, ai ka ndërtuar një karrierë të gjatë politike dhe ka qenë që 2009-ta deputet në Bundestag. Por çështje më e rëndësishmja, është njohës i mirë i problematikave të rajonit, të cilin e ka pasur në fokus e konsiderohet se ndryshe nga shefja e deritanishme e diplomacisë gjermane, Annalena Baerbock, ai do të ndjekë një stil më të përmbajtur, më pragmatik dhe më të përqendruar tek rezultat konkrete.
Praktikisht, sipas ekspertëve, pavarësisht se me kërkesa të forta për reforma reale, Ballkani Perëndimor mund të presë mbështetje të qartë për integrimin europian. Shembull i kësaj qasjeje të tij ishte reagimi i Wadephul në 2022-shin kur kritikoi hapur kancelarin Olaf Scholz për vizitën e parë zyrtare në Ballkan, kur shefi në largimin i ekzekutivit gjerman kërkoi publikisht në Beograd që Serbia ta njihte pavarësinë e Kosovës, një deklaratë kjo të cilën Wadephul e quajti “amatoreske”, pasi, sipas tij, kërkesa të tilla duhet të adresohen me kujdes diplomatik për të mos bllokuar dialogun.
Kolë Gjoka, Konsull Nderi i Shqipërisë në Hamburg dhe ish-kandidat për Bundestag nga CDU e Schleswig-Holstein-it, ka punuar ngushtë me Wadephul-in në strukturat partiake të këtij landi. Ai tha për DW së “Wadephul është prej vitesh eksperti më i mirë i politikës së jashtme në CDU/CSU dhe përkrahës i forcimit të rolit të Europës në politikat globale.”
Gjoka, i cili prej vitit 2017 ka qenë në listën e landit si kandidat për Bundestag, beson se Wadephul “do të ketë një ndikim të madh në dialogun Kosovë-Serbi dhe do të jetë një mbështetës i jashtëzakonshëm në rrugën e Shqipërisë drejt anëtarësimit në BE.”
Top Channel
-
Një njohës i Ballkanit bëhet shef i diplomaicisë gjermane
Me emërimin e Dr. Johann David Wadephul si ministër i Jashtëm, Gjermania kthehet drejt një diplomacie më pragmatike. Johann David Wadephul, i lindur në vitin 1963 në Husum, në veri të Gjermanisë, është jurist i diplomuar në Universitetin e Kiel-it dhe major në rezervë në Bundeswehr. Anëtar i CDU-së që nga viti 1982, ai ka ndërtuar një karrierë të gjatë politike në landin Schleswig-Holstein dhe që nga viti 2009 është deputet në Bundestag.
Pas zgjedhjeve të vitit 2017, Johann Wadephul u emërua zëvendëskryetar i grupit parlamentar CDU/CSU për çështjet e mbrojtjes, politikës së jashtme dhe sigurisë. Si nënkryetar i Asamblesë Parlamentare të NATO-s, ai është angazhuar për një bashkëpunim më të ngushtë evropian në fushën e sigurisë dhe për mbështetjen e pakushtëzuar të Ukrainës. Në lidhje me marrëdhëniet transatlantike dhe politikën e ndryshuar të SHBA-së nën presidentin Donald Trump, Wadephul ka thënë: “Ne duhet ta mbajmë dorën të shtrirë, të jemi të gatshëm për negociata, por duhet të sigurojmë se mund të mbrohemi vetë nëse negociatat nuk ecin mirë.”
Diplomaci më e matur dhe pragmatike
“Ndryshe nga Annalena Baerbock, Wadephul do të ndjekë një stil më të përmbajtur, më pragmatik dhe më të fokusuar te rezultatet konkrete”, i tha Deutsche Welle-s Hans-Joachim Falenski, ish-këshilltar për politikën e jashtme në grupin CDU/CSU dhe një nga bashkëpunëtorët më të ngushtë të tij deri në vitin 2021.
Një shembull i kësaj qasjeje u pa në vitin 2022, kur Wadephul kritikoi hapur kancelarin Olaf Scholz për vizitën e parë zyrtare në Ballkan. Scholz kërkoi publikisht në Beograd që Serbia ta njihte pavarësinë e Kosovës, një deklaratë që Wadephul e quajti “amatoreske”, pasi, sipas tij, kërkesa të tilla duhet të adresohen me kujdes diplomatik për të mos bllokuar dialogun. Wadephul kritikoi gjithashtu faktin që kancelari gjerman shkoi fillimisht në Prishtinë dhe më pas në Beograd.
Një njohës dhe ndjekës i vëmendshëm i rajonit
Kolë Gjoka, Konsull Nderi i Shqipërisë në Hamburg dhe ish-kandidat për Bundestag nga CDU e Schleswig-Holstein-it, ka punuar ngushtë me Wadephul-in në strukturat partiake të këtij landi. Ai thotë për DW: “Wadephul është prej vitesh eksperti më i mirë i politikës së jashtme në CDU/CSU dhe përkrahës i forcimit të rolit të Europës në politikat globale.” Gjoka, i cili prej vitit 2017 ka qenë në listën e landit si kandidat për Bundestag, beson se Wadephul “do të ketë një ndikim të madh në dialogun Kosovë-Serbi dhe do të jetë një mbështetës i jashtëzakonshëm në rrugën e Shqipërisë drejt anëtarësimit në BE.”
Për vite me radhë, Wadephul ka udhëhequr Grupin e Punës për Ballkanin Perëndimor në Bundestag, një platformë ndërsektoriale që bashkonte deputetë të specializuar për të ndjekur zhvillimet në rajon. Në këtë grup merrte pjesë edhe Gunther Krichbaum, i cili tani është emëruar Sekretar Shteti për Çështje Evropiane në Ministrinë e Jashtme, post ky, që deri tani e ka Anna Lührmann, nga të Gjelbrit. Me këtë strukturë të re, pritet që Ballkani Perëndimor të mbetet një prioritet i diplomacisë gjermane – por gjithmonë i lidhur me përmbushjen e standardeve dhe reformave.
Integrim në BE, por në bazë të meritave
Si Wadephul ashtu edhe Krichbaum janë figura që janë shprehur qartë edhe për politikat e brendshme në Shqipëri pa ngurruar të flasin edhe për konfliktet e brendshme politike të partisë simotër, Partisë Demokratike të Shqipërisë. Kështu, për shembull, vetëm disa muaj më parë, Krichbaum dënoi protestat e dhunshme të PD-së në Tiranë dhe kritikoi liderin e saj Sali Berisha, duke theksuar se “një demokraci e shëndetshme ka nevojë për një opozitë të fortë dhe paqësore që përputhet me vlerat evropiane.” Ai sugjeroi gjithashtu që Partia Demokratike të zgjidhte një kryetar të ri për të rikthyer besueshmërinë dhe orientimin pro-evropian të saj.
“Ata janë arkitektët kryesorë të kushteve shtesë që Bundestagu vendosi në vitin 2019 për çeljen e negociatave të anëtarësimit të Shqipërisë në BE. Wadephul i tha DW: Vendosëm disa parakushte që më kushtuan shumë punë dhe energji, dhe nëse ato nuk plotësohen, atëherë do ta kem të vështirë t’i bind kolegët e grupit tim parlamentar që ta shoqërojnë pozitivisht procesin.” Pritet që kjo qasje ndaj kushteve të ndiqet edhe në të ardhmen. “Reformat juridike, lufta kundër korrupsionit dhe forcimi i institucioneve, veçanërisht në Shqipëri, do të mbeten kritere kyçe për procesin e integrimit evropian,” thotë Falenski.
Mijatovic: Të mos u hapet rrugë regjimeve autoritare
Një veçanti shoqëron emërimin e Wadephul si Ministër i Jashtëm: për herë të parë pas gati 60 vitesh, Ministria e Jashtme gjermane ndodhet sërish në duart e CDU-së. Historikisht, ky post u ishte lënë zakonisht partnerëve të koalicionit. Tani, si Kancelaria, ashtu edhe Ministria e Jashtme drejtohen nga e njëjta parti – CDU-ja.
Politikani i opozitës Boris Mijatović, ekspert për Ballkanin në radhët e partisë “Të Gjelbërit” dhe bashkëpartiak i ish-ministres së Jashtme Annalena Baerbock, sheh këtu një problem. Ai paralajmëron se pesha dhe pavarësia e politikës së jashtme gjermane mund të dobësohen, pasi kancelari i ardhshëm Friedrich Merz pritet të marrë një rol shumë aktiv në çështjet ndërkombëtare dhe të përqendrojë më shumë kompetenca në zyrën e tij.
Nga Wadephuli si ministër i Jashtëm, Mijatović pret që të angazhohet për shtetin e së drejtës, për demokracinë dhe për një perspektivë të qartë evropiane të vendeve të Ballkanit Perëndimor. “Gjermania duhet të qëndrojë hapur në anën e forcave demokratike në rajon dhe të mos i hapë rrugë regjimeve autoritare drejt Bashkimit Evropian,” tha ai për Deutsche Welle./DW -
Johann Wadephul zgjidhet kryediplomat i Gjermanisë/ Ja ultimatumi që i bëri Ramës për zgjedhjet e 2021-shit
Johann Wadephul është zgjedhur Ministër i Jashtëm i Gjermanisë, i koalicionit qeverisës CDU/CSU dhe Partisë Social Demokrate (SPD), të kryesuar nga kancelari Friedrich Merz.
Një figurë me përvojë në politikën e jashtme dhe lidhje të forta me Uashingtonin dhe Brukselin, Wadephul është parë si zgjedhja më e natyrshme për këtë post.
Analistët e shohin emërimin e tij si një kthim në një stil më tradicional diplomatik.
Po kush është për shqiptarët politikani gjerman Johann Wadephul?
Kujtojmë se në verën e vitit 2020 në cilësinë e zv. kryetarit të Grupit të CDU-CSU në Bundestag, Wadephul reagoi ashpër pas qëndrimit të maxhorancës, e cila zhbëri marrëveshjen e 5 qershorit dhe votoi e vetme ndryshimet Kushtetuese, ku u vendos heqja e koalicioneve parazgjedhore për zgjedhjet e 2021-shit.
Nëpërmjet një ultimatumi publik, Johann Wadephul i tha asokohe Ramës:
“Bëni një hap të madh drejt forcimit të demokracisë në vendin tuaj dhe miratoni reformën zgjedhore siç përcaktohet në marrëveshjen e 5 qershorit. Dhe hiqni dorë nga ndryshimet e planifikuara kushtetuese që do ta shkatërronin reformën zgjedhore. Vetëm atëherë ju do të keni akoma mbështetjen e fortë të Bundestagut gjerman. Përndryshe ta harroni integrimin në BE”.
Mesa duket lajmet e këqija ndërkombëtare për narkokryeministrin shqiptar Edi Rama nuk po ndalen, pasi personalitete europiane dhe amerikane e kanë vendosur në shënjestër narkoqeverinë e tij, e cila ka zhdukur demokracinë dhe pluralizmin në Shqipëri, duke rritur korrupsionin dhe grabitjet qeveritare.
-
Johann Wadephul pritet të jetë ministri i ri i jashtëm i Gjermanisë
Johann Wadephul pritet të jetë ministri i ri i Jashtëm i Gjermanisë, sipas disa burimeve mediatike gjermane të dielën.
Portali Table Media raportoi se Wadephul, i cili është 62 vjeç dhe anëtar i Bashkimit Kristian Demokrat (CDU), do të marrë drejtimin e politikës së jashtme të vendit, duke zëvendësuar Annalena Baerbock. Ky informacion u përcoll nga disa media ndërkombëtare.
Qeveria e re që pritet të udhëhiqet nga kancelari Friedrich Merz do të nisë punën në fillim të muajit maj. Ajo do të përbëhet nga partia e Merzit, CDU, partia motër e saj në Bavari, Bashkimi Kristian Social (CSU), si dhe Partia Social Demokrate (SPD) e qendrës së majtë. Emrat për pozitat kryesore të kabinetit pritet të bëhen publikë të hënën.
CDU planifikon të mbajë një mbledhje të vogël partiake në Berlin të hënën për të ratifikuar marrëveshjen e koalicionit, e cila duhet gjithashtu të miratohet nga anëtarët e SPD-së në një votim që përfundon të martën. Wadephul, një politikan me përvojë nga landi verior gjerman Schleswig-Holstein, do të jetë ministri i parë i Jashtëm nga radhët e CDU-së pas pothuajse gjashtë dekadash. Ai pritet të fitojë këtë post përpara Armin Laschet, ish-kandidatit të CDU-së për kancelar në zgjedhjet e vitit 2021.
Sipas raportit të Table Media, Karin Prien do të marrë detyrën si ministre e Arsimit në qeverinë e re. Një zëdhënës i CDU-së refuzoi të konfirmojë zyrtarisht këto emërime për agjencinë gjermane të lajmeve dpa të dielën. Në total, CDU do të drejtojë shtatë nga 17 ministritë në qeverinë e re, ndërsa SPD do të mbajë gjithashtu shtatë, dhe tre të tjera do të kalojnë në duart e CSU-së.
Të tre partitë arritën marrëveshjen për krijimin e koalicionit qeverisës në fillim të këtij muaji, pas zgjedhjeve parlamentare të mbajtura në shkurt.
-
Kush do të jetë ministër i ri i Jashtëm gjerman? Qëndrimet e kandidatëve për Shqipërinë e Kosovën
Për herë të parë nga viti 1966 konservatorët e CDU-së do të marrin drejtimin e Ministrisë së Jashtme. Dy emra përmenden nga mediat gjermane si kandidatë për kryediplomat: Armin Laschet dhe Johann Wadephul. Cilat janë qëndrimet e tyre për Kosovën dhe Shqipërinë?
Në qeverinë e re gjermane posti i ministrit të Jashtëm do t’i takojë partisë konservatore CDU të kancelarit të ardhshëm Friedrich Merz. CDU e ka drejtuar këtë ministri për herë të fundit në vitin e largët 1966. Mes 1961-1966 ministër i Jashtëm ishte politikani i CDU-së Gerhard Schröder (një Gerhard Schröder tjetër, i partisë socialdemokrate, u bë kancelar më 1998).
Më 1966, pas dorëheqjes së Schröderit konservator, postin e ministrit të jashtëm e mori Willy Brandt, politikan socialdemokrat, instancë morale, më vonë kancelar dhe njëri nga udhëheqësit më të rëndësishëm të Gjermanisë pas Luftës së Dytë Botërore.
Të mërkurën është miratuar agjenda e qeverisë së re gjermane, edhe resorët janë ndarë. Nga marrëveshja e koalicionit rezulton se CDU, përveç postit të kancelarit, do të drejtojë edhe shtatë ministri: Zyrën e Kancelarisë Federale (në rang ministri), si dhe ministritë e Ekonomisë, të Jashtme, të Arsimit, të Shëndetësisë, të Transportit dhe të Digjitalizimit. Sipas marrëveshjes së koalicionit, socialdemokratët (SPD) do të drejtojnë gjithashtu shtatë ministri. Përveç ministrive të Mbrojtjes, Financave dhe Drejtësisë, SPD do të marrë edhe ministritë e Punës, Mjedisit, Zhvillimit dhe Ndërtimit.
Kush do të jetë ministër i ri i Jashtëm i Gjermanisë? Dy emra po përmenden aktualisht nga mediat gjermane: Armin Laschet dhe Johann Wadephul, të dy politikanë veteranë të CDU-së.
Së pari disa të dhëna për Armin Laschet. Ai është i njohur për qëndrimet e tij pozitive ndaj Kosovës. Para disa viteve, kur provokatori politik gjerman Thilo Sarrazin shkroi se turqit po e pushtojnë Gjermaninë me natalitet të lartë si kosovarët Kosovën, Laschet reagoi menjëherë. Në një intervistë për revistën “Stern” Laschet tha: “Historia e Kosovës është pak më e ndërlikuar. Kjo (çfarë thotë Sarrazin) është mendësia e diktatorit Millosheviq, i cili kështu e ka arsyetuar politikën e tij agresive serbomadhe. Konflikti i Kosovës nuk ka shpërthyer për shkak të natalitetit, por buron nga fjalimi i Millosheviqit në Fushë-Kosovë më 1989. Me atë fjalim ai e mbuloi Ballkanin me luftë e dëbime”. Po ashtu, Laschet e ka mbrojtur ndërhyrjen e NATO-s në Kosovë. Në një intervistë për radion publike gjermane ai ka thënë: “Në konfliktin e Kosovës Këshilli i Sigurimit i OKB-së nuk ka qenë i aftë për të marrë vendim dhe megjithatë është vepruar”. Laschet e ka dekoruar qytetarin Harald Meurer për themelimin e një organizate, e cila më 1999 ka tubuar para për viktimat e luftës në Kosovë. Së fundi Laschet e shoqëroi ministren e jashtme gjermane Annalena Baerbock në një vizitë në Siri.
Pas një takimi me kryeministrin e Shqipërisë Edi Rama vitin e kaluar, Laschet shkroi në profilin e tij në Facebook: “Shqipëria është një shtet i tolerancës fetare dhe kulturore. Është mbresëlënëse se si Edi Rama, si kryeministër i një vendi me shumicë myslimane, ngriti zërin kundër antisemitizmit në fjalimin e tij për Rabbi Pinchas Goldschmidt me rastin e ndarjes së Çmimit të Karlit në Aachen. Gjatë Luftës së Dytë Botërore, shqiptarët myslimanë i mbrojtën dhe i fshehën hebrenjtë nga nazistët. Asnjë nga hebrenjtë që kërkuan strehim në Shqipëri nuk u deportua. Guximi është i mundur”.
Marrëveshjen e Italisë me Shqipërinë për hapjen e kampeve me refugjatë në territorin shqiptar, Lascher e ka quajtur model edhe për Gjermaninë.
Johann Wadephul është politikani tjetër i cili aspiron postin e ministrit të Jashtëm gjerman. Wadephul i pati quajtur diskutimet për shkëmbimin e territoreve mes Kosovës e Serbisë si “të panevojshme” dhe “pallavra”.
Në prill të vitit 2019 ai deklaroi: “Tani duhet, më në fund, të rifillojnë bisedimet për çështje konkrete si: asociacioni i komunave serbe, furnizimi me energji në Kosovë, mbrojtja e trashëgimisë kulturore, njohja e diplomave, të drejtat e të zhvendosurve, por edhe për anëtarësimin e Kosovës në organizata ndërkombëtare – përfshirë Asamblenë e Përgjithshme të Kombeve të Bashkuara”.
Në një fjalim në parlamentin gjerman në qershor 2019 Wadephul nënvizoi: “Kur flitet për Shqipërinë e Madhe, bëhet fjalë për një rrezik real për paqen në atë rajon – një rrezik që, veçanërisht, po e nxit edhe presidenti i Kosovës, Thaçi. Kjo është e papranueshme. Nëse ka ide për të rishkruar kufijtë sipas përkatësisë etnike të popullsisë, atëherë kemi të bëjmë me një rrezik thelbësor për paqen dhe sigurinë në këtë rajon”. Indikative është që në këtë fjalim Wadephul askund nuk e përmend Serbinë.
Wadephul hyn në mesin e atyre deputetëve të CDU-së që kanë treguar shpesh mirëkuptim për autokratin serb Aleksandar Vuçiç. Në qershor 2022, kur rajonin e vizitoi kancelari Olaf Scholz, Wadephul e kritikoi itinerarin dhe deklaratat tij. Sipas “Deutsche Welle” gjatë një fjalimi në Bundestag me rastin e një debati për Ballkanin Perëndimor, Wadephul e quajti udhëtimin e kancelarit Scholz të dështuar, çka sipas tij dukej që nga ndalesat: “Njëherë në Prishtinë e më pas në Beograd. Që aty u duk se udhëtimi ishte tejet problematik”. Pse është problematike që së pari të vizitohet Prishtina dhe më pas Beogradi, mbetet enigmë të cilën do të mund ta zgjidhte vetëm Wadephul. Ai, sipas “Deutsche Welle”, e quajti amatoreske deklaratën e kancelarit gjerman gjatë vizitës së tij në Beograd (më 12 qershor 2022) për domosdoshmërinë e njohjes së Kosovës nga Serbia, si parakusht për hyrjen e saj në BE. “Kjo është e dëshirueshme dhe këtë e dinë të gjithë, por njohja duhet të vijë në fund të një procesi, ndërsa tani kjo deklaratë e thënë në publik në mënyrë kaq amatoreske e ngarkon të gjithë procesin, i cili është bërë i vështirë për Serbinë”.
Këtë javë Johann Wadephul zhvilloi një takim në Beograd me presidentin serb Vuçiç, i cili gjendet nën presionin më të madh të qytetarëve që nga ardhja në pushtet para më shumë se 10 viteve. Sa i përket Shqipërisë, Wadephul shpesh ka qenë skeptik sa i përket fillimit të negociatave për anëtarësim në BE, duke vënë theksin te përmbushja e kushteve, ndër të cilat përmend luftën kundër korrupsionit, reformën e drejtësisë dhe reformën zgjedhore.
Në programin e qeverisë së re, e cila pritet të zgjidhet në fillim të majit, Ballkani përmendet sipërfaqësisht, po ashtu nuk jepen afate se brenda sa vitesh do të mund të realizohej integrimi i 6 shteteve të Ballkanit në BE. Në program theksohet: “Anëtarësimi i rëndësishëm në BE i gjashtë vendeve të Ballkanit Perëndimor, i Ukrainës dhe i Republikës së Moldavisë është në interes të ndërsjellë. Dëshirojmë të vazhdojmë në mënyrë të qëndrueshme përpjekjet mbështetëse të BE-së dhe të shteteve të saj anëtare. Këtu bën pjesë edhe Procesi i Berlinit – sepse duhet t’u ofrojmë vendeve të Ballkanit Perëndimor, të cilat po presin prej kohësh përparim, një perspektivë të besueshme”. Në një pikë tjetër të programit nënvizohet se “migracioni i rregullt drejt Gjermanisë në kuadër të të ashtuquajturës Rregullore për Ballkanin Perëndimor do të kufizohet në 25’000 persona në vit”.