Lajmidites.com

Tag: votuesve

  • Drejt Kuvendit të Kosovës, muzikantë e aktorë – Gjashtë emra të njohur që hyjnë në garë për deputet

    Drejt Kuvendit të Kosovës, muzikantë e aktorë – Gjashtë emra të njohur që hyjnë në garë për deputet

    Muzikantë, aktorë e personazhe  të njohura të skenës edhe këtë vit do t’i drejtohen votuesve për një ulëse në Kuvend.
    Zgjedhjet e Parakohshme të 28 dhjetorit po e shndërrojnë garën politike në një skenë ku shoubizi dhe politika takohen sërish.
    Në listat e Lëvizjes Vetëvendosje, aktorja Adriana Matoshi synon mandatin e tretë, ndërsa këngëtarja Edona Llalloshi kërkon konfirmimin e dytë të votuesve.

    Në Partinë Demokratike të Kosovës rikthehet këngëtari Genc Prelvukaj, i cili në zgjedhjet e shkuara nuk arriti të siguronte vota të mjaftueshme.
    Ndërkohë, këngëtarja dhe arkitektja Eliza Hoxha garon për një mandat të ri, pas një angazhimi të vazhdueshëm në Kuvend.

    Edhe Lidhja Demokratike e Kosovës vjen me emra të njohur: fituesi i Big Brother VIP Kosova 2, Lumbardh Salihu, rikthehet në garë, ndërsa prurja e re e këtij subjekti është këngëtarja Adelina Thaçi.
    Sa i përket probabilitetit të suksesit, gjithçka mbetet në duart e votuesve.

    Më 28 dhjetor, vota e qytetarëve do të tregojë nëse skena politike e Kosovës do të pasurohet sërish me fytyra të shoubizit. /Telegrafi/

     Eliza Hoxha

     Foto: Instagram

  • Eutanazia, Sllovenia refuzon ligjin me referendum, mbi 53% e votuesve thonë jo

    Eutanazia, Sllovenia refuzon ligjin me referendum, mbi 53% e votuesve thonë jo

    Një ligj që lejonte vetëvrasjen e asistuar është rrëzuar në referendum në Slloveni. Me një pjesëmarrje prej 41%, më shumë se 53% e votuesve thanë jo për lejimin e pacientëve në gjendje të plotë mendore që të ndërpresin jetën me ndihmën e mjekëve, nëse vuajnë nga sëmundje të pashërueshme ose dhimbje të padurueshme.
    Ligji u kundërshtua në referendum nga partitë konservatore dhe aktivistë, si dhe nga Kisha Katolike.
    “Faleminderit të gjithëve që votuan kundër helmimit të pensionistëve dhe pacientëve me aftësi të kufizuara. Kjo është një fitore e madhe për të sëmurët dhe pensionistët; ata mund të relaksohen dhe të festojnë Krishtlindjet në paqe”, thotë Ales Primc, iniciatori i referendumit.
    Një referendum i mëparshëm jo-detyrues kishte thënë po për vetëvrasjen e asistuar në Slloveni, por referendumi aktual rrëzoi ligjin specifik – gjë që nënkryetarja e parlamentit e lidhi me një fushatë mashtruese.
    “Rrethet konservatore, Primc dhe Kisha Katolike ia dolën të mashtrojnë opinionin publik me gënjeshtra, duke i bërë njerëzit të besojnë se ky ligj është një kërcënim i madh për jetën njerëzore”, shprehet Natasa Sukic, nënkryetare e Parlamentit të Sllovenisë.
    Rrëzimi lidhet vetëm me ligjin e propozuar, dhe mbështetësit shprehin shpresën që vetëvrasja e asistuar mund të legalizohet në një formë tjetër në të ardhmen.

  • BIRN: ‘Bojkoti’ i zgjedhjeve të pjesshme thellon mungesën e besimit te politika

    BIRN: ‘Bojkoti’ i zgjedhjeve të pjesshme thellon mungesën e besimit te politika

    Një numër gjithnjë e më i vogël votuesish po shkon drejt kutive të votimit në atë që ekspertët e quajnë një klimë të dëmshme për demokracinë dhe që i ka rrënjët te mungesa e thellë e besimit te partitë politike.
    Në një mot me shi dhe rrugët e përmbytura, qytetarët e Vlorës pothuajse i bojkotuan zgjedhjet për kryetarin e ri të Bashkisë, ku morën pjesë më pak se 20 mijë votues nga 171 mijë gjithsej ose 12.54 për qind e votuesve.
    Edhe pse Vlora njihet historikisht për pjesmarrje të ulët, votimet e së dielës shënuan një minimum historik.
    Pjesëmarrja ishte e ulët edhe në Berat, ku e ushtruan të drejtën e tyre vetëm 20 për qind e votuesve. Në bashkitë më të vogla, Cërrik, Mat dhe Tepelenë pjesëmarrja ishte krahasimisht më e lartë. Në Cërrik morën pjesë 24.81% e votuesve, në Mat, morën pjesë gati 39.23%, ndërsa në Bashkinë e Tepelenës moën pjesë 34.63% të votuesve.
    Një numër gjithmonë e më i vogël votuesish po u jep të zgjedhurve të mazhorancës një diferencë të madhe votash me kandidatët rivalë. Në të pesta bashkitë, kandidatët e Partisë Socialiste fituan me përqindje që variojnë nga 66 në 83%.
    Kryeministri Edi Rama ia faturoi pjesëmarrjen e ulët motit me shi dhe “vetë natyrës së zgjedhjeve të pjesshme, të cilat nuk është se e stimulojnë pjesëmarrjen”, por për eskpertë të shoqërisë civile kjo tregon më shumë apatinë politike të zgjedhësve dhe mungesën e besimit tek partitë politike.
    Në një mot me shi dhe rrugët e përmbytura, qytetarët e Vlorës pothuajse i bojkotuan zgjedhjet për kryetarin e ri të Bashkisë, ku morën pjesë më pak se 20 mijë votues nga 171 mijë gjithsej ose 12.54 për qind e votuesve.
    Edhe pse Vlora njihet historikisht për pjesmarrje të ulët, votimet e së dielës shënuan një minimum historik.
    Pjesëmarrja ishte e ulët edhe në Berat, ku e ushtruan të drejtën e tyre vetëm 20 për qind e votuesve. Në bashkitë më të vogla, Cërrik, Mat dhe Tepelenë pjesëmarrja ishte krahasimisht më e lartë. Në Cërrik morën pjesë 24.81% e votuesve, në Mat, morën pjesë gati 39.23%, ndërsa në Bashkinë e Tepelenës moën pjesë 34.63% të votuesve.
    Një numër gjithmonë e më i vogël votuesish po u jep të zgjedhurve të mazhorancës një diferencë të madhe votash me kandidatët rivalë. Në të pesta bashkitë, kandidatët e Partisë Socialiste fituan me përqindje që variojnë nga 66 në 83%.
    Kryeministri Edi Rama ia faturoi pjesëmarrjen e ulët motit me shi dhe “vetë natyrës së zgjedhjeve të pjesshme, të cilat nuk është se e stimulojnë pjesëmarrjen”, por për eskpertë të shoqërisë civile kjo tregon më shumë apatinë politike të zgjedhësve dhe mungesën e besimit tek partitë politike.
    “Kjo nuk prodhoi fushatë, vëmendje dhe informim për qytetarët,” argumenton Xhemollari.
    Edhe pse vakancat në disa prej bashkive po vijonin prej muajsh, presidenti dekretoi datën e zgjedhjeve në 1 tetor, pasi qeveria vendosi të shkarkojë kryetarin e bashkisë Tiranë, Erion Veliaj, që ndodhet në paraburgim që prej muajit shkurt, i akuzuar për korrupsion.
    Zgjedhjet në Tiranë u pezulluan nga një vendim i Gjykatës Kushtetuese, ndërkohë që 5 bashkitë e tjera u futën një proces të shpejtë zgjedhor që parashikonte vetëm 1 javë fushatë zyrtarisht.
    Koha e shkurtër ishte sipas Skëndajt një arsye shtesë në pjesëmarrjen e ulët në votime, pasi “pamundësoi zhvillimin normal të etapave të procesit parazgjedhor, përfshi këtu ndërgjegjësimin e zgjedhësve…”.
    Shpallja e zgjedhjeve të pjesshme në bashkitë që drejtoheshin më parë nga socialistët nuk u prit me ndonjë entuziasëm në Partinë Demokratike, më e madhja në opozitë, që sapo kishte dalë nga një humbje e thellë në zgjedhjet parlamentare të 11 majit.
    Bashkë me parti të tjera opozitare, Partia Demokratike zgjodhi një formulë të patestuar më parë, duke mbështetur kandidatë që shprehën dëshirën për t’u regjistruar si të pavarur, një mbështetje që më shumë mbeti deklarative se sa reale në fushatën në terren të këtyre kandidatëve. Për Rigels Xhemollarin, sjellja e opozitës ndaj kandidatëve të pavarur vetëm sa e dëmtoi alternativën e tyre.
    “Opozita me dashje e vrau alternativën e kandidatëve të pavarur, duke i konsideruar ata si rivalë të kandidatëve politikë. Mbështetja e një kandidati nuk është vetëm deklaratë publike, ka nevojë për organizim, financim dhe struktura, për të cilat dyshoj se opozita ua vendosi në dispozicon këtyre kandidatëve,” përfundoi ai./ BIRN

  • Balotazhi në Kosovë/ KQZ zbardh shifrat e pjesëmarrjes së votuesve, deri në orën 17:00

    Balotazhi në Kosovë/ KQZ zbardh shifrat e pjesëmarrjes së votuesve, deri në orën 17:00

    Komisioni Qendror i Zgjedhjeve në Kosovë njoftoi se deri në orën 17:00 kanë votuar mbi 27 për qind e votuesve në 18 komunat për balotazhin e zgjedhjeve lokale, në bazë të mbi 93% të qendrave që kanë raportuar.
    Krahasuar me periudhën e njëjtë kohore me rundin e parë të zgjedhjeve lokale të mbajtura më 12 tetor, dalja është më e ulët, tha kreu i KQZ-së, Kreshnik Radoniqi. Gjatë konferencës për media, Radoniqi adresoi çështjen e votimit me asistencë për të cili tha se ka pasur disa ankesa.
    Ai tha se votimi me asistencë është i garantuar me ligj për personat që kanë aftësi të kufizuara, përkatësisht ata që “nuk mund ta mbushin dhe hedhin fletëvotimin” në kuti, informon Radio Evropa e Lirë.
    “Kjo nuk nënkupton që në emër të kësaj të drejte të garantuar të abuzohet dhe në këtë kategori të hyjnë personat që nuk kanë aftësi të kufizuara”, tha ai.
    Radoniqi shtoi se bazuar në Rregulloren zgjedhore të KQZ-së është vendosur që aftësia e kufizuar e një votuesi të dëshmohet me dokument përkatës. I pyetur nëse personat që nuk dinë shkrim-lexim kanë të drejtë asistence, ai tha se kanë të drejtë të udhëzohen se si të votojnë, por nuk mund t’iu ofrohet ndihmë në kabinën e votimit.
    Partitë ftojnë qytetarët që të votojnë në balotazh
    Partitë politike u kanë bërë thirrje qytetarëve që të dalin dhe të votojnë për të zgjedhur kryetarët e tyre në 18 komunat ku po mbahet rundi i balotazhit. Qytetarët do të mund të ushtrojnë të drejtën e tyre të votës deri në orën 19:00. Lëvizja Vetëvendosje ka ftuar qytetarët që të shfrytëzojnë orët e mbetura, duke argumentuar se “çdo votë ka peshë të jashtëzakonshme për demokracinë”.
    Sekretarja e përgjithshme e Partisë Demokratike të Kosovës, Vlora Çitaku, në një konferencë për media, po ashtu bëri thirrje për pjesëmarrje në zgjedhje. Sipas saj, numri i votuesve pritet të rritet në orët e pasdites.
    “Çdo votë është një vendim për të ardhmen dhe sot është dita që përcakton katër vjet”, tha ajo.
    Edhe Besnik Tahiri nga Aleanca për Ardhmërinë e Kosovës pati të njëjtën thirrje. Ai megjithatë tha se dalja deri më tani është e ulët krahasuar me rundin e parë të mbajtur më 12 tetor. Si PDK ashtu edhe AAK thanë se kanë pranuar ankesa për çështjen e votimit me asistencë, ankesa që thanë se i kanë adresuar në KQZ. Këto dy parti po ashtu kërkuan që qytetarët të lihen të lirë që të zgjedhin se kë duan të votojnë dhe të mos jenë subjekt i ndikimit gjatë këtij procesi zgjedhor.

  • Qendrat e votimit mbyllen në ora 18:00, Celibashi: Do lejohen të votojnë vetëm ata që janë evidenduar nga Komisioni

    Qendrat e votimit mbyllen në ora 18:00, Celibashi: Do lejohen të votojnë vetëm ata që janë evidenduar nga Komisioni

    Kryekomisioneri i KQZ, Ilirjan Celibashi në një komunikim për mediat deklaroi se grupmosha që ka marrë më shumë pjesë në zgjedhjet e pjesshme deri tani janë ata mbi 65 vjeç.
    “Grupmosha e votuesve mbi 65 vjeç kanë përqindjen më të madhe të pjesëmarrjes”, deklaroi ai.
    Pyetjes së gazetares së Top Channel Elda Menga se a do të lejohen të votojnë pas orës 18:00 votues që ende nuk kanë votuar, ai tha se do të lejohen vetëm ata që janë evidentuar nga komisonerët që s’kanë arritur të votojnë, por jo persona të tjerë.
    “Komisoni do duhet t’i evidentojë votuesit që gjendjen jashtë qendrave të votimit, dhe do t’i lejojë vetëm ata, askush tjerët pas orës 18:00 nuk do mundet të votojë. Sa i përket pjesëmarrjes së ulët të votuesve në moshë të re, është një trend edhe në shtete të tjera që nuk kanë ndonjë trend të madh për të votuar”, tha ai.
    Sa i përket një pretendimi se në një qendër votimi në Vlorë një komisioner i PS ka mbajtur shënim emrat e votuesve, ai deklaroi se nuk kanë dijeni dhe se komisionerëve u është dhënë udhëzim i qartë që asnjë votues nuk duhet të mbahet shënim.
    “U kemi bërë të qartë që komisionerët nuk duhet të mbajnë shënim votuesit. Ky udhëzim i KQZ është respektuar në dijeninë dhe informacionet që ne kemi. Do të verifikojmë rastin e Vlorës”, deklaroi ai.

  • Qendrat e votimit mbyllen në ora 18:00, Celibashi: Do të lejohen të votojnë vetëm ata që janë evidenduar nga Komisioni, askush tjetër

    Qendrat e votimit mbyllen në ora 18:00, Celibashi: Do të lejohen të votojnë vetëm ata që janë evidenduar nga Komisioni, askush tjetër

    Kryekomisioneri i KQZ, Ilirjan Celibashi në një komunikim për mediat deklaroi se grupmosha që ka marrë më shumë pjesë në zgjedhjet e pjesshme deri tani janë ata mbi 65 vjeç.

    “Grupmosha e votuesve mbi 65 vjeç kanë përqindjen më të madhe të pjesëmarrjes”, deklaroi ai.
    Pyetjes së gazetares së Top Channel Elda Menga se a do të lejohen të votojnë pas orës 18:00 votues që ende nuk kanë votuar, ai tha se do të lejohen vetëm ata që janë evidentuar nga komisonerët që s’kanë arritur të votojnë, por jo persona të tjerë.
    “Komisoni do duhet t’i evidentojë votuesit që gjendjen jashtë qendrave të votimit, dhe do t’i lejojë vetëm ata, askush tjerët pas orës 18:00 nuk do mundet të votojë. Sa i përket pjesëmarrjes së ulët të votuesve në moshë të re, është një trend edhe në shtete të tjera që nuk kanë ndonjë trend të madh për të votuar”, tha ai.
    Sa i përket një pretendimi se në një qendër votimi në Vlorë një komisioner i PS ka mbajtur shënim emrat e votuesve, ai deklaroi se nuk kanë dijeni dhe se komisionerëve u është dhënë udhëzim i qartë që asnjë votues nuk duhet të mbahet shënim.
    “U kemi bërë të qartë që komisionerët nuk duhet të mbajnë shënim votuesit. Ky udhëzim i KQZ është respektuar në dijeninë dhe informacionet që ne kemi. Do të verifikojmë rastin e Vlorës”, deklaroi ai.

    Top Channel

  • Pjesëmarrja e ulët e votuesve në garën për 5 bashkitë, Kulluri: Kryebashkiakëve u mungojnë kompetencat

    Pjesëmarrja e ulët e votuesve në garën për 5 bashkitë, Kulluri: Kryebashkiakëve u mungojnë kompetencat

    Analisti Edvin Kulluri, pas pjesëmarrjes të ulët të votuesve për zgjedhjet në 5 bashki, tha se kjo vjen pasi sipas tij kryebashkiakëve u mungojnë kompetencat në qeverisje.
    Ai shton se një kandidat i opozitës në rast se zgjidhet nga qytetarët në një nga 5 bashkitë, nuk e lejon këshilli që të kalojë buxhetin.
    “Flasim për disa arsye objektive, e para ka të bëjë për periudhën shkurtër për arsye se kryebashkiakët që do zgjidhen sot, për një vit.Ndërkohë që këshilli bashkiak janë të zgjedhur.
    Pra një kandidat i opozitës i zgjedhur nga qytetarët do ta kishin të pamundur të kalonte buxhetin.
     
    Shumë veprime sepse këto janë detyra që kanë të qeverisin me mjetet që kanë në dispozicion. Faktori i dytë objektiv është që të jesh kryebashkiak në 10 vitet e fundit me reformën administrativ territoriale që centralizuese antidemokratike. Po të shtojmë atë që ndodhi këtë verë 80 % e drejtuesve dhanë dorëheqjen pa dinjitet tregon se krybashkiaku sot është i pavlerë nga pikëpamja e kompetencave.”, tha Kulluri.

  • Çifti shqiptar: Erdhëm nga Italia për të votuar në Vlorë, por emri ynë nuk gjendet në listat e votuesve

    Çifti shqiptar: Erdhëm nga Italia për të votuar në Vlorë, por emri ynë nuk gjendet në listat e votuesve

    Një çift emigrantësh, banues vetëm 100 metra larg shkollës 9 Vjeçare 28 Nëntori, nuk mund të ushtronte të drejtën e votës, edhe pse ka votuar çdo herë në këtë qendër.
    Çifti kishte ardhur enkas nga Italia për të votuar në zgjedhjet e pjesshme të Bashkisë Vlorë, por u njoftua se emri i tyre nuk gjendej në listat e votuesve.
    Ata shprehen të zhgënjyer pasi nga shkolla 9-vjeçare 28 Nëntori, ku kishin te drejtë për të votuar i kanë dërguar të votojnë në zonën e ‘Uji i Ftohtë’.
    ‘Erdhëm këtu për të votuar, por emri ynë nuk gjendet në listën e votuesve. Do kthehemi në Itali pa votuar’- tregojnë ata.
    Sipas tyre, ky incident tregon probleme serioze në administrimin e zgjedhjeve, që mund të ndikojnë në besimin e qytetarëve ndaj procesit dhe në pjesëmarrjen masive.
    Ylli Meçaj  është artist vlonjat i cili njihet për krijimin e figurës simbolike të plakut të Vlorës Ismail Bej Vlora, apo të Skënderbeut.

  • KQZ-ja certifikon listën e votuesve për balotazh

    KQZ-ja certifikon listën e votuesve për balotazh

    Komisioni Qendror i Zgjedhjeve e ka miratuar listën e votuesve e për raundin e dytë të zgjedhjeve për kryetarë komunash, i cili do të zhvillohet në 18 komuna.

    Komunat ku do të ketë balotazh janë Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Prishtina, Prizreni, Suhareka, Vitia, Vushtrria, Juniku, Mamusha dhe Kllokoti.

    Raundi i dytë është caktuar të mbahet më 9 nëntor 2025. Sipas vendimit të KQZ-së, për këtë raund do të shtypen 1 158 015 fletëvotime – rreth 16 % më pak se numri i përgjithshëm i qytetarëve me të drejtë vote në këtë raund.

    “Ky numër përfshin fletëvotimet për: vendvotimet e rregullta, votimin me kusht, personat me nevoja të veçanta, fletëvotimet rezervë dhe votimin me postë”, thuhet në njoftimin e KQZ-së, pas mbledhjes së mbajtur.

    Për zgjedhjet e rundit të parë, të zhvilluara më 12 tetor, KQZ-ja kishte certifikuar listën me mbi dy milionë persona të drejtë vote, prej të cilëve 43 993 ishin votues nga jashtë Kosovës.

    Megjithatë, në 20 komuna, kyetarët e rinj dhe përbërja e re në asamble komunale u zgjodh qysh në rundin e parë të zgjedhjeve lokale.

    Në rundin e dytë, në këto komuna, numri i votuesve është rritur pasi që janë 1.690 qytetarë që kanë mbushur 18 vjec që nga rundi i parë, në krahasim me 1.147 që kanë vdekur që prej atëherë.

    Në ditën e zgjedhjeve, në rundin e parë, votuan 39.58 për qind e mbi dy milionë qytetarëve me të drejtë vote brenda vendit.

    Praktikat e mëparshme kanë treguar se fitorja në rundin e parë nuk garanton fitoren përfundimtare edhe në raundin e dytë në rastet kur ka balotazh.

    Nga komunat me shumicë serbe, vetëm në Kllokot do të ketë rund të dytë, ndërsa në nëntë të tjerat ka fituar Lista Serbe, partia më e madhe e serbëve të Kosovës, e cila ka mbështetjen e Beogradit./REL

  • Teksasi zbulon mijëra emigrantë të paligjshëm në listat e votuesve

    Teksasi zbulon mijëra emigrantë të paligjshëm në listat e votuesve

    Nga Christina Shaw, FOX NEWS

    Një rishikim zgjedhor në Teksas ka identifikuar mijëra emigrantë të paligjshëm në regjistrat e votuesve të shtetit, tha të hënën Sekretarja e Shtetit të Teksasit, Jane Nelson.

    Nelson tha se një kontroll i regjistrave të votuesve të shtetit zbuloi se më shumë se 2.700 emigrantë të mundshëm të paligjshëm ishin të regjistruar për të votuar, gjë që çoi në një rishikim të vlefshmërisë në të 254 qarqet.

    Të dhënat vinin nga një krahasim i plotë i 18 milionë votuesve të regjistruar në Teksas me regjistrat federalë të shtetësisë në bazën e të dhënave SAVE të Shërbimeve për Shtetësinë dhe Imigracionin në SHBA, sipas zyrës së sekretarit të shtetit.

    “Vetëm qytetarët e Shteteve të Bashkuara, që janë të kualifikuar, mund të marrin pjesë në zgjedhjet tona,” tha Nelson. “Vendimi i administratës Trump për t’iu dhënë shteteve akses të lirë dhe të drejtpërdrejtë në këtë grup të dhënash për herë të parë, ka qenë një ndryshim i madh loje, dhe ne e vlerësojmë partneritetin me qeverinë federale për të verifikuar shtetësinë e atyre në regjistrat tanë të votuesve dhe për të mbajtur lista të sakta të votuesve”.

    Hetimi tregoi se, pas kryerjes së kontrollit të kryqëzuar në bazën SAVE, zyrtarët e shtetit mundën të identifikojnë 2.724 persona potencialisht të paligjshëm.

    Ky proces bazohet në Kapitullin 16 të Kodit Zgjedhor të Teksasit, i cili kërkon nga qarqet të verifikojnë vlefshmërinë e çdo votuesi dhe të heqin nga lista ata që konfirmohen si të paligjshëm.

    Nelson tha se ky rishikim është pjesë e një përpjekjeje për të mbajtur një listë të saktë të votuesve dhe për të mbrojtur integritetin e zgjedhjeve para ciklit zgjedhor të vitit 2026.

    “E drejta e secilit për të votuar është e shenjtë dhe duhet të mbrohet,” tha Nelson. “Ne inkurajojmë qarqet të kryejnë hetime të rrepta për të përcaktuar nëse ndonjë votues nuk është i kualifikuar – ashtu siç bëjnë me çdo grup tjetër të dhënash që ne u sigurojmë”.

    Secili votues i shënuar do të marrë një njoftim nga regjistruesi i qarkut të tyre, duke i dhënë 30 ditë për të paraqitur dëshmi të shtetësisë amerikane. Nëse votuesi nuk përgjigjet, regjistrimi i tij do të anulohet, megjithatë mund të rikthehet menjëherë sapo të dorëzohet prova e shtetësisë.

    Nelson tha se personat e paligjshëm që kanë votuar në zgjedhjet e mëparshme të Teksasit do t’i referohen zyrës së prokurorit të përgjithshëm për rishikim të mëtejshëm dhe mundësi ndjekjeje penale.

    Ky njoftim vjen ndërsa rritet vëmendja kombëtare mbi regjistrat e votuesve, pasi disa shtete – përfshirë Xhorxhian, Arizonën dhe Floridën – kanë kryer auditime të ngjashme.

    Guvernatori republikan, Greg Abbott, tha se që nga miratimi i ligjit nga Senatit, Teksasi ka hequr më shumë se 1 milion persona nga regjistrat e votuesve, duke e quajtur këtë përpjekje thelbësore për të mbrojtur të drejtën e teksanëve për të votuar.

    Abbott tha se kjo provon se Teksasi është “në krye të vendit për integritetin e zgjedhjeve”.