Lajmidites.com

Tag: votojnë

  • Çekët votojnë në ditën e dytë të zgjedhjeve që pritet t’i fitojë Babishi

    Çekët votojnë në ditën e dytë të zgjedhjeve që pritet t’i fitojë Babishi

    Shtetasit e Çekisë votojnë të shtunën në ditën e dytë dhe të fundit të zgjedhjeve të përgjithshme, të cilat sondazhet tregojnë se mund t’i fitojë miliarderi Andrej Babish.

    Një rezultat i tillë mund ta dobësojë mbështetjen e Pragës për Ukrainën dhe të ndikojë në lidhjet e shtetit me Bashkimin Evropian.
    Rikthimi i Babishit, ish-kryeministër, mund ta afrojë Çekinë – aleate e Ukrainës – me Hungarinë dhe Sllovakinë, të cilat kanë refuzuar dërgimin e ndihmës ushtarake për Kievin dhe i kundërshtojnë sanksionet ndaj Rusisë.
    Çekia është vend anëtar i BE-së dhe NATO-s, dhe i ka rreth 11 milionë banorë.
    Babish, 71-vjeçar, ka bërë fushatë me zotimet për rritje të mirëqenies dhe ndalje të ndihmës për Ukrainën.
    Shumë votues e fajësojnë Qeverinë e kryeministrit Petr Fiala që i ka injoruar problemet e brendshme dhe është fokusuar në ndihmën për Ukrainën.
    Duke shfrytëzuar të drejtën e tij të votës në qytetin e Ostravës, Babish ka thënë se “asgjë nuk është e sigurt, nuk kemi fituar ende”.
    Partia e tij, ANO (PO) është në krye të sondazheve me përkrahjen që tejkalon 30-përqindshin, teksa grupi i Fialas, Spolu (Së bashku) renditet i dyti me rreth 20 për qind.
    Rezultatet e votimit pritet të dalin në mbrëmje.
    Mediat çeke kanë raportuar të premten se pjesëmarrja në ditën e parë ka qenë më e lartë sesa në zgjedhjet e mbajtura më 2021./REL

    Top Channel

  • PS-PD votojnë emrat për Komisionet, Berisha: Do të ketë protesta kundër qeverisë

    PS-PD votojnë emrat për Komisionet, Berisha: Do të ketë protesta kundër qeverisë

  • Shkarkimi i Veliajt, Abilekaj-mazhorancës: Një grup “Diellash” të mishëruar e që votojnë siç do Rama

    Shkarkimi i Veliajt, Abilekaj-mazhorancës: Një grup “Diellash” të mishëruar e që votojnë siç do Rama

    Tema kryesore e ditës së sotme është shkarkimi i Veliajt nga posti i kryebashkiakut të Tiranës, me arsyetimin se ka mbi tre muaj në mënyrë të pandërprerë që nuk është paraqitur në detyrë, që pas arrestimit të tij me urdhër të SPAK-ut më 10 shkurt 2025. 
    Pikërisht për këtë temë, “Shkarkohet Veliaj, po tani?”, po diskutohet në emisionin “Opinion” në Tv Klan, ku është i ftuar dhe analisti Enton Abilekaj. 
    Veliaj më herët ka kërkuar që të marrë pjesë fizikisht në mbledhjen e sotme të Këshillit Bashkiak që do të votonte për shkarkimin e tij si kryebashkiak, por një gjë e tillë nuk ndodhi. Vetë Këshilli i është përgjigjur Veliajt se mund të drejtojë me letër të gjitha mendimet dhe qëndrimet e tij lidhur me çështjen, e që do të lexoheshin në këtë mbledhje. Opozita, ka kërkuar gjithashtu që Veliaj të ishte i pranishëm, vetëm për t’u përballur me atë dhe akuzat ndaj tij. 
    Abilekaj shprehet se mazhoranca nuk e ka dashur prezencën e Veliajt në sallë, duke e cilësuar në fjalë të tjera të gjithë procesin thjesht një vendim politik nga kreu i qeverisë. Madje, analisti i cilësoi anëtarët e mazhorancës një “kazermë”, si dhe një grup “Diellash” të mishëruar në pozicionet që mbartin dhe që votojnë siç do kryeministri, 
    “Nga mazhoranca nuk presim më asgjë. Ndoshta nuk ka dashur të dëgjojë argumentet e Veliajt. Kanë pasur frikë se ndoshta ai del nga tema dhe flet për çështjet që nuk u intereson. Këtë nuk e dimë. Por, dimë që ata janë një kazermë që nuk mendon më dhe vetëm votojnë. Janë një grup Diellash të rreshtuar, të mishëruar në bashki, Parlament ose qeveri dhe që votojnë siç do Edi Rama”, tha ai. 
    Sakaq, Abilekaj u shpreh se opozita sot duhej të mos merrte pjesë në seancë, e të prisnin për prezencën e Veliajt. 
    “Opozita sot duhej të tregonte një shembull, që nuk duhej të merrte pjesë në seancë, ose nuk duhej të votonte pa shkuar Veliaj, të tregonte të kundërtën”, tha ai. 
     

  • Nuk do të votojnë pro shkarkimit të kryebashkiakut, kush janë 3 të ‘besuarit’ e Veliajt

    Nuk do të votojnë pro shkarkimit të kryebashkiakut, kush janë 3 të ‘besuarit’ e Veliajt

    VOTIMI

    TIRANË-Mbledhja e Këshillit Bashkiak të Tiranës, ku do të nisë proceduar për shkarkimin e Erion Veliajt nga detyra e kryebashkiakut të kryeqytetit ka filluar. Por tre anëtarë të Partisë Socialiste mungojnë dhe nuk do të votojnë pro për shkarkimin e kryebashkiakut.
    Në këtë mbledhje mungojnë Gaz Paja, Aldo Merkoci, Joleza Koka. Në sallë nuk është e pranishme as kryetarja në detyrë, Anuela Ristani, e cila sipas rregullores së brendshme duhet të kishte qenë prezente dhe të drejtonte punimet e mbledhjes.
    Vendimi për propozimin e shkarkimit duhet të marrë të paktën 31 vota pro nga 61 këshilltarët. Pas kësaj, vendimmarrja i kalon Këshillit të Ministrave përmes Prefektit të Tiranës, ndërsa qeveria merr vendimin final për shkarkim./ZËRI

  • Kush janë 3 këshilltarët e PS që nuk do votojnë pro shkarkimit të kryebashkiakut

    Kush janë 3 këshilltarët e PS që nuk do votojnë pro shkarkimit të kryebashkiakut

    Ka nisur mbledhja e Këshillit Bashkiak të Tiranës, aty ku do të nisë proceduar për shkarkimin e Erion Veliajt nga detyra e kryebashkiakut të kryeqytetit.
    Në këtë mbledhje mungojnë Gaz Paja, Aldo Merkoci, Joleza Koka.
    Me mungesën e tyre, këta tre anëtarë nuk do të votojnë pro për shkarkimin e kryebashkiakut.

  • Seanca për Veliajn, cilët janë këshilltarët e PS që nuk do votojnë pro shkarkimit të kryebashkiakut

    Seanca për Veliajn, cilët janë këshilltarët e PS që nuk do votojnë pro shkarkimit të kryebashkiakut

    Ka nisur mbledhja e Këshillit Bashkiak të Tiranës, aty ku do të nisë proceduar për shkarkimin e Erion Veliajt nga detyra e kryebashkiakut të kryeqytetit.

    Në këtë mbledhje mungojnë ende Gaz Paja dhe Joleza Koka ndërkohë që Aldo Merkoci është bashkuar në mbledhje minutat e fundit.
    Me mungesën e tyre, anëtarët e Partisë Socialiste nuk do të votojnë pro për shkarkimin e kryebashkiakut.

    Top Channel

  • “Opozita nuk guxon të votojë kundër Listës Serbe”/ Mbledhja e LV, Kurti: Kam dilemë nëse…

    “Opozita nuk guxon të votojë kundër Listës Serbe”/ Mbledhja e LV, Kurti: Kam dilemë nëse…

    Kryeministri në detyrë i Kosovës, Albin Kurti ka folur në mbledhjen e Këshillit të Përgjithshme të Lëvizjes Vetëvendosje, pasi u propozua për kryeministër.
    Gjatë fjalës së tij, Kurti tha se në mandatin e ardhshëm një nga pikat kyçe të qeverisjes do të jetë marrja e statusit të vendit kandidat për në BE.
    Më tej, kryeminsitri Kurti deklaroi se synimi është që grupkapitujt e integrimit të jenë mbyllur deri në vitin 2030.
    Kurti gjithashtu u ndal dhe te ngërçi për konstituimin dhe vendimi i Gjykatës Kushtetuese, të cilën e quajti hije politike e opozitës. Kurti tha se nuk ëshë hera e parë që Kushtetuesja dëmton procese të rëndësishme për qytetarët e vendit.
    Sa i përket opozitës, kryeministri i Kosovës u shpreh se partitë opozitare votojnë me zell kundër Albulena Haxhiut, por nuk guxojnë të votojnë kundër Listës Serbe.
    Albin Kurti:
    “Marrja e statusit të vendit kandidat në BE do të jetë një nga pikat kyçe tona. Do të zgjerojmë marrëdhëniet dyplaëshe me vendeët mos njohëse, veçanërisht ato në NATO. Synimi është që deri në 2030 vendi ynë të ketë mbyllur të gjithë grupkapitujt e integrimit, drejt anëtarësimit në BE.
    Gjykata Kushtetuese po funksonon si një hije politike e opozitës ndaj Vetëvendosjes. Kam dilemë nëse është më shumë absurde apo e dëmshme kjo masë e Kushtetueses. Ne donim marrëveshje politike, ndërsa opozita orë e çast te Gjykata Kushtetuese. Nuk është hera e parë që Kushtetuesja dëmton procese të rëndësishme për qytetarët e vendit. Partitë opozitare votojnë me zell kundër Albulenës, por nuk guxojnë të votojnë kundër Listës Serbe. Sot vuajmë nga kaosi i informacionit. Terri informativ është zëvendësuar me një mjegull informative në kushtet e lirisë”.

  • Thellohet skandali, Belinda Balluku batërdi me votat ne Fier, ja si “ushtarët” e saj ushtruan terror dhe manipuluan…

    Thellohet skandali, Belinda Balluku batërdi me votat ne Fier, ja si “ushtarët” e saj ushtruan terror dhe manipuluan…

    Thellohet skandali zgjedhor në Fier që implikon zv/kryeministren Belinda Balluku. Kryetari i Grupit Parlamentar të Partisë Demokratike, njëherazi Drejtuesi Politik i qarkut Fier Gazment Bardhi, ka publikuar dje të tjera pamje nga kamerat e QV në qarkun Fier, ku tregohet sesi komisionerë, vëzhgues dhe patronazhistë të Partisë Socialiste votojnë në emër të qytetarëve apo kontrollojnë në dhomën e fshehtë sesi votojnë qytetarët. Bardhi në një reagim në rrjetet sociale shprehet se deri më tani askush nuk e ka vënë ujin në zjarr për vjedhjen më të madhe në historinë e zgjedhjeve në Shqipëri dhe gjasat duken që nuk do ta vënë as në të ardhmen, duke provuar fatkeqësisht edhe një herë se Edi Rama, Belinda Balluku dhe banditët e tyre elektoralë vepruan me syshkeljen e task forcës për krimet zgjedhore. “EPISODI 9 / VOTIM I KONTROLLUAR = FARSË ELEKTORALE.
    Janë të pafundme rastet konkrete me zë dhe figurë që dëshmojnë zëvendësimin e zgjedhjeve të lira dhe të ndershme në qarkun Fier me farsën elektorale të 11 majit të dirigjuar nga Belinda Balluku dhe banda e saj elektorale.  Pamjet e mëposhtme i përkasin qendrave të votimit 2846, bashkia Divjakë dhe 2867, bashkia Lushnjë, në të cilat shfaqen komisionerë dhe vëzhgues patronazhistë që orientojnë qytetarët si të votojnë, ushtrojnë presion apo edhe votojnë ndaj tyre, me qëllim që “produkti” i farsës elektorale të jetë 100% i kontrolluar. Deri më tani kemi publikuar me qindra raste të shkeljes së fshehtësisë së votimit, votimit më shumë se një herë dhe presionit ndaj votuesve, të provuara nga pamjet filmike të vëna në dispozicion zyrtarisht nga KQZ, të cilat mund të administrohen lehtësisht nga Prokuroria.  Por, deri më tani askush nuk e ka vënë ujin në zjarr për vjedhjen më të madhe në historinë e zgjedhjeve në Shqipëri dhe gjasat duken që nuk do ta vënë as në të ardhmen, duke provuar fatkeqësisht edhe një herë se Edi Rama, Belinda Balluku dhe banditët e tyre elektoralë vepruan me syshkeljen e task forcës për krimet zgjedhore”, shkroi dje Bardhi.
    Belinda Balluku nuk pyet për standardet ndërkombëtare e ligj
    Më herët kryetari i Grupit Parlamentar të Partisë Demokratike, Gazment Bardhi, ka publikuar gjetjet dhe përfundimet paraprake te Misionit OSBE-ODIHR, i cili thotë se përdorimi i rrjetit të patronazhistëve bie ndesh me standartet ndërkombëtare. Duke ju referuar Qarkut Fier, Bardhi thekson se të dhënat paraqesin faktet se si Belinda Balluku përdori administratën shtetërore si një rrjet kriminal patronazhimi. “Në deklaratën e gjetjeve dhe përfundimeve paraprake të Misionit të OSBE-ODIHR evidentohet se përdorimi i rrjetit të patronazhimit bie ndesh me standardet ndërkombëtare. Por, në qarkun e Fierit, Belinda Balluku nuk pyet as për standardet ndërkombëtare e as për ligjin. Të dhënat më poshtë paraqesin faktet se si Belinda Balluku përdori administratën shtetërore si një rrjet kriminal patronazhimi. Vetëm për një Rajon në qytetin e Fierit përdori si terroristë elektoral plot 430 punonjës të administratës publike, që kishin përgjegjësinë të gjurmonin jetën e qytetarëve, të ofronin favore shtetërore në këmbim të votës apo të intimidonin qytetarët me keqpërdorimin e forcës së shtetit. Detyra e tyre ishte të mblidhnin vota për partinë në pushtet duke keqpërdorur funksionin publik. Përdorimi i administratës shtetërore në zgjedhje është krim elektoral, por që mbetet i pandëshkuar sepse Task Forca PP-SPAK-KQZ ishte alibia e pushtetit dhe jo mekanizmi për të garantuar zbatimin e ligjit”, shkroi Bardhi në rrjetet sociale.

  • “Komisionerët e PS votojnë në vend të qytetarëve”, Bardhi publikon provat e reja nga Fier-Lushnja:Balluku e lidhur me..

    “Komisionerët e PS votojnë në vend të qytetarëve”, Bardhi publikon provat e reja nga Fier-Lushnja:Balluku e lidhur me..

    Bardhi publikon pamje të tjera të kamerave të QV në Lushnje: Korrupsioni dhe krimi i organizuar janë fijet që lidhin pazgjidhshmërisht Belinda Ballukun dhe terroristët e saj elektoralë në qarkun e Fierit
    Kryetari i Grupit Parlamentar të PD, njëherazi Drejtuesi Politik i qarkut Fier Gazment Bardhi, ka publikuar të tjera pamje nga kamerat e QV në qarkun Fier, ku tregohet sesi komisionerë, vëzhgues dhe patronazhistë të PS në 73 raste votojnë në emër të qytetarëve apo kontrollojnë në dhomën e fshehtë sesi votojnë qytetarët.
    Bardhi në një reagim në rrjetet sociale shprehet se kontrolli i plotë dhe total i vullnetit të qytetarëve nuk mund të prodhonte tjetër rezultat, përveçse grabitjen padrejtësisht të mandatit përfaqësues të qytetarëve nga zyrtarë të korruptuar dhe të lidhur me eksponentë të krimit të organizuar.

    Postimi i plotë:

    EPISODI 8 / VOTIM I KONTROLLUAR = FARSË ELEKTORALE
    Këqyrja e pamjeve filmike të qendrave të votimit në qarkun Fier vazhdon të konfirmojë se zgjedhjet e 11 majit nuk ishin një shprehje e vullnetit të lirë të qytetarëve për përfaqësuesit e tyre parlamentare, por një operacion kriminal i bandës elektorale të Belinda Ballukut.
    Pamjet më poshtë i përkasin qendrës së votimit 2826, njësia administrative Golem, bashkia Lushnjë, në të cilat shfaqen 73 raste ku komisionerë, vëzhgues apo patronazhistë të Partisë Socialiste votojnë në vend të qytetarëve apo kontrollojnë mënyrën se si votojnë qytetarët.
    Kontrolli i plotë dhe total i vullnetit të qytetarëve nuk mund të prodhonte tjetër rezultat, përveçse grabitjen padrejtësisht të mandatit përfaqësues të qytetarëve nga zyrtarë të korruptuar dhe të lidhur me eksponentë të krimit të organizuar.
    Korrupsioni dhe krimi i organizuar janë fijet që lidhin pazgjidhshmërisht Belinda Ballukun dhe terroristët e saj elektoralë në qarkun e Fierit. Fije, të cilat janë kthyer në rrjeta ku kanë ngecur prokurorët e posaçëm që nuk arrijnë akoma të shohin krimet elektorale, të ekzekutuara në dritë të diellit.

  • Bardhi publikon pamje: Ja lidhjet e Ballukut krimin e organizuar dhe terroristët elektoralë

    Bardhi publikon pamje: Ja lidhjet e Ballukut krimin e organizuar dhe terroristët elektoralë

    Kryetari i Grupit Parlamentar të PD, njëherazi Drejtuesi Politik i qarkut Fier Gazment Bardhi, ka publikuar pamje nga kamerat e QV në qarkun Fier, ku tregohet si komisionerë, vëzhgues dhe patronazhistë të PS në 73 raste votojnë në emër të qytetarëve apo kontrollojnë në dhomën e fshehtë sesi votojnë qytetarët.
    Ai thekson se korrupsioni dhe krimi i organizuar janë fijet që lidhin pazgjidhshmërisht Belinda Ballukun dhe terroristët e saj elektoralë në qarkun e Fierit
    Bardhi shprehet krahas videos se kontrolli i plotë dhe total i vullnetit të qytetarëve nuk mund të prodhonte tjetër rezultat, përveçse grabitjen padrejtësisht të mandatit përfaqësues të qytetarëve nga zyrtarë të korruptuar dhe të lidhur me eksponentë të krimit të organizuar.
    Postimi i plotë:
    EPISODI 8 / VOTIM I KONTROLLUAR = FARSË ELEKTORALE
    Këqyrja e pamjeve filmike të qendrave të votimit në qarkun Fier vazhdon të konfirmojë se zgjedhjet e 11 majit nuk ishin një shprehje e vullnetit të lirë të qytetarëve për përfaqësuesit e tyre parlamentare, por një operacion kriminal i bandës elektorale të Belinda Ballukut.
    Pamjet më poshtë i përkasin qendrës së votimit 2826, njësia administrative Golem, bashkia Lushnjë, në të cilat shfaqen 73 raste ku komisionerë, vëzhgues apo patronazhistë të Partisë Socialiste votojnë në vend të qytetarëve apo kontrollojnë mënyrën se si votojnë qytetarët.
    Kontrolli i plotë dhe total i vullnetit të qytetarëve nuk mund të prodhonte tjetër rezultat, përveçse grabitjen padrejtësisht të mandatit përfaqësues të qytetarëve nga zyrtarë të korruptuar dhe të lidhur me eksponentë të krimit të organizuar.
    Korrupsioni dhe krimi i organizuar janë fijet që lidhin pazgjidhshmërisht Belinda Ballukun dhe terroristët e saj elektoralë në qarkun e Fierit. Fije, të cilat janë kthyer në rrjeta ku kanë ngecur prokurorët e posaçëm që nuk arrijnë akoma të shohin krimet elektorale, të ekzekutuara në dritë të diellit.