Lajmidites.com

Tag: vllaznia

  • Vllaznia e pëson sërish, FIFA evidenton dy gjyqe të humbura

    Vllaznia e pëson sërish, FIFA evidenton dy gjyqe të humbura

    Zhvillime të tjera te Vllaznia. Ato janë negative pasi nga dje, FIFA ka publikuar edhe dy dënime të tjera, për dy lojtarë të tjerë që nuk janë paguar nga klubi kuqeblu. Ata kanë humbur gjyqin e përsëri nuk kanë respektuar afatin për pagesën që i ka caktuar FIFA.

    Mbetet për t’u parë nëse FIFA, i përmbledh sanksionet në tre sesone apo për çdo ndëshkim ka penalizim në vete. Çdo vonesë pritet të paguhet një kamatë ndaj personit të dëmtuar, ashtu si edhe një gjobë ekstra nga FIFA bashkë me shpenzimet e gjyqit në secilin rast.

    Vazhdo leximin

  • Vllaznia humb gjyqin në FIFA, ja cili lojtar i ka kushtuar merkaton për 1 vit e gjysmë shkodranëve

    Vllaznia humb gjyqin në FIFA, ja cili lojtar i ka kushtuar merkaton për 1 vit e gjysmë shkodranëve

    Sezoni mjaft i mirë i Vllaznisë deri në këto momente, ku ndan vendin e parë me Elbasanin në Kategorinë Superiore, duket të jetë tronditur nga lajmi i kësaj të hëne.

    FIFA ka publikuar vendimin për klubin shkodran, duke i shtangur këta të fundit pasi njofton humbjen e gjyqit që kanë pasur me një nga lojtarët që nuk është më në ekip.
    Top Channel mëson ekskluzivisht se bëhet fjalë për futbollistin kroat Marko Juriç, i cili ka qenë lojtar i shkodranëve që nga sezoni i vitit 2022 deri në prag të fillimit të këtij viti.
    Diskutimet financiare në ndarjen e palëve me sa duket kanë qenë pretendimi i lojtarit kroat, i cili e ka çuar këtë çështje deri në Dhomën e Zgjidhjes së Konflikteve në FIFA. Me sa duket, qeveria e futbollit botëror ka vendosur t’i japë drejtë lojtarit duke penalizuar klubin shkodran.
    Sipas vendimit të FIFA-s, shkodranëve u është bllokuar merkatoja për 3 sesionet e ardhshme. Ky penalizim ndalon drejtuesit e skuadrës së Vllaznisë të bëjnë lëvizje lojtarësh dhe regjistrimin e të rinjve deri në arritjen e një marrëveshjeje për shlyerjen e detyrimit ndaj lojtarit.

    I pyetur nga Top Channel, presidenti i Vllaznisë, Alban Xhaferri, siguron: “Është një gjyq që kemi humbur me lojtarin Marko Juriç dhe shumë shpejt kemi filluar të marrim masat për zgjidhjen e ngërçit, për të pasur në muajin janar merkaton e zhbllokuar për ndonjë lëvizje të mundshme,” – siguron numri 1 i shkodranëve.
    Sa i përket sezonit aktual, “kuqeblutë” po bëjnë mjaft mirë. Pas 12 javëve kampionat, Vllaznia ndan vendin e parë me Elbasanin, ku të dy ekipet kanë nga 24 pikë.

  • Kampionati i femrave: Gramshi regjistron fitoren më të thellë, Vllaznia mund Apoloninë dhe kryeson renditjen

    Kampionati i femrave: Gramshi regjistron fitoren më të thellë, Vllaznia mund Apoloninë dhe kryeson renditjen

    24 Nëntor 2025

    19:59

    Telesport

    Është mbyllur java e shtatë e kampionatit të futbollit të vajzave me ndeshjen e fundit të zhvilluar sot, Egnatia – Kinostudio. Kjo sfidë u mbyll në barazim 4-4.
    Vllaznia mori një fitore të rëndësishme, duke mundur Apoloninë në Fier me rezultatin 2-0.
    Gramshi triumfoi ndaj Atletik Klub me rezultatin e thellë 15-0, ndërsa Partizani mposhti minimalisht Teutën në “Niko Dovana” me rezultatin 1-0.
    Pas përfundimit të javës së shtatë, Vllaznia udhëheq kampionatin me 18 pikë. Gramshi dhe Apolonia ndjekin me nga 13 pikë.
    Java e 7-të e kampionatit të vajzave
    Teuta – Partizani 0-1
    Gramshi – Atletik Klub 15-0
    Apolonia – Vllaznia 0-2
    Egnatia – Kinostudio 4-3

  • Tirana e Vllaznia “klasike” dhe në institucionale…

    Tirana e Vllaznia “klasike” dhe në institucionale…

    Lajmi për bllokimin e merkatos për tre sesione klubeve shqiptare Tirana e Vllaznia mbetet temë e nxhetë që prej ditës së djeshme kur lajmi u bë publik. Nëse për bardheblutë ndalesa e radhës vjen për një vlerë të vogël (12 mijë euro) ndaj ish lojtarit të saj Ardit Deliu situata te Vllaznia e cila nuk dihet pse është sanksionuar duket edhe më e habitëshme.

    Në fakt, janë dy klubet më të hershme në futbolliin shqiptar dhe në vend që të jenë shembull për mirë, këto klube po vuajnë me gjasë anën administrative që hedhin anën jo të drejtë të funksionimit të një klubi elite.

    Keq për Tiranën e cila beson fort te merkatoja e janarit për të bërë riparimet e mëdha në përpjekje për të shpëtuar sezonin por keq dhe për Vllazninë e cila këtë edicion kërkon të shkojë te titulli kampion. /Sportiim.al/

    Vazhdo leximin

  • FIFA publikon dënimin për kryesuesit e Superiores, tronditen pretendentët për titullin

    FIFA publikon dënimin për kryesuesit e Superiores, tronditen pretendentët për titullin

    FIFA ka publikuar vendimin ku zbulon se Vllaznia është bllokuar për tre sesionet e ardhshme të merkatos. Kuqeblutë nuk do kenë të drejtën të regjistrojnë lojtarë të rinj në vazhdim, pa paguar detyrimet ndaj gjyqit për të cilin bëhet fjalë.
    Kjo nuk është situatë e re për klubet e Superiores. FIFA vazhdimisht publikon vendime, megjithatë është parë që detyrimet të paguhen dhe merkato të vijojë më pas normalisht.
    Vllaznia është kryesuesja e kampionatit shqiptar. Kuqeblutë me trajner Edi Martinin janë në kuotën e 25 pikëve pas 12 javë të luajtura, ndryshe po aq sa Elbasani i vendit të dytë.
    Vllaznia barazoi dje 1 me 1 ndaj Partizanit në transfertën tek “Arena e Demave”. Sfida e radhës për kuqeblutë do të luhet në Shkodër ndaj Teutës.

  • Partizani bën “paqe” me Vllazninë, shkodranët rimarrin kreun e renditjes

    Partizani bën “paqe” me Vllazninë, shkodranët rimarrin kreun e renditjes

    Adriatik BALLA
    Java e 12-të e Kategorisë Superiore u mbyll ditën e djeshme, me dy takime interesante që panë të zbrisnin në fushë emrat e mëdhenj të futbollit tonë. Kështu, në kryeqytet Partizani priti Vllazninë, në një duel ku secila palë synonte maksimumin. Kurse në Vlorë Flamurtari priti Tiranën, një duel i vendeve të fundit në renditje. Këto dy takime nuk prodhuan fitues, edhe pse në fushë u bënë përpjekje, u shënuan gola dhe pati rivalitet. Të dy takimet u mbyllën në barazim 1-1, ku secila skuadër mori nga një pikë, shumë pak për objektivat që kishin.
    Partizani frenon Vllazninë, por se ndal dot të rimarrë kreun
    Partizani dhe Vllaznia egjistruan dje një barazim 1-1 në “Arenën e Demave” ne një ndeshje shumë të bukur, sidomos në pjesën e dytë, ku në fund asnjë nga skuadrat nuk u duk e kënaqur me këtë rezultat. Të kuqtë krijuan më shumë raste në pjesën e parë dhe ishin të parët në avantazh me Romën. Në pjesën e dytë, Vllaznia e nisi me vrull dhe tentoi të gjente golin, duke ia arritur qëllimit me Malën. Më pas loja u bë e hapur, me raste nga të dy portat, ku sidomos Pohls me disa pritje vendimtare shpëtoi shpesh katërkëndorin e tij. Në fund, vërshëllima e gjyqtarit Cjapi pa të dy skuadrat të dilnin thuajse të mërzitura nga e fusha e lojës pas nuk morën dot pikët e plota në këtë duel. Partizani mbetet në vend të 7-të me 13 pikë, larg pretendimeve që ka klubi, kurse Vllaznia në kuoptën e 24 oikëve mori kreun e renditjes, por me pikë të barabarta me Elbasanin. Elbasanasit ditën e shtunë barazuan me Dinamon, në një duel shumë të fortë, duke treguar se këtë sezon janë gati të shkojnë në “Final Four” dhe të kenë një shans për titullin. Ambiciet e Elbasanit janë për pjesëmarrje në Europë në fund të edicionit.
    Flamurtari e Tirana dëmtonjë njëra-tjetrën
    Një barazim që nuk i bën punë asnjërës. Kjo fjali mund të përdoret për Flamurtarin dhe Tiranën pas ndeshjes së djeshme mes tyre, e mbyllur në barazim 1-1. Në fakt, Tirana mban të “salduar” vendin e fundit, duke qenë në kryzë të thellë, kurse vlonjatët po përpiqen t’i ikin fundit sa më shumë të munden. Pozitat e tyre në fundtabelë nuk janë aspak premtuese. Kështu, ditën e djeshme, Flamurtari dhe Tirana janë mjaftuar me nga 1 pikë në javën e 12-të në Superiore. Në këtë duel u shënuan 2 gola nga një për secilën skuadër. Në pjesën e parë vlonjatët prodhuan më shumë raste dhe arritën të gjejnë golin e avantazhit me Maksutin në minutën e 37-të. Kështu u mbyllën 45 minutat e para. Në të dytën erdhi goli i barazimit nga braziliani Zhunior. Pavarësisht tentativave të skuadrave për të fituar ndeshjen, asnjëra s’ja doli. Kështu të dyja i prishin punë njëra-tjetrës pasi mbeten në vendin e 9-të dhe 10-të, me rrezikshmëri të lartë për të rënë nga kategoria këtë sezon. Në kuadër të javës së 12-të, të bujshme ishin fitoret e Egnatias 5-1 ndaj Bylisit, si dhe fitorja 1-0 në transfertë e Teutës ndaj Vorës. Me këtë fitore të fundit Teuta ka shanse të rivalizojë për një vend në top-4 këtë edicion dhe diferenca me pikë ndaj ekipeve të kreut nuk është e madhe.
    Java 12
    Të shtunën
    Dinamo-Elbasani         1-1
    Egnatia-Bylis               5-1
    Vora-Teuta                   0-1
    Të dielën
    Partizani-Vllaznia        1-1
    Flamurtari-Tirana         1-1
     
    Renditja
    Nr.Skuadra    Pikë
    1.Vllaznia        24
    2.Elbasani        24
    3.Egnatia         22
    4.Dinamo        19
    5.Teuta            18
    6.Vora              14
    7.Partizani       13
    8.Bylis             12
    9.Flamurtari     9
    10.Tirana         7

  • Vllaznia nuk arrin të shkëputet nga Elbasani, vetëm një ndryshim në katërshen e fundit të tabelës! Ja renditja e Superiores pas javës së 12-të

    Vllaznia nuk arrin të shkëputet nga Elbasani, vetëm një ndryshim në katërshen e fundit të tabelës! Ja renditja e Superiores pas javës së 12-të

    Dy ndeshjet e sotme Flamurtari-Tirana dhe Partizani-Vllaznia mbyllën javën e 12-të në Superiore. Të dyja ndeshjet përfunduan në barazim, 1-1.
    Përsa i përket sfidave të ditës së djeshme, Egnatia mori fitore me peshë ndaj Bylisit (5-1) dhe përfitoi nga barazimi i Elbasanit dhe Dinamos.

    Në takimin tjetër ishte Teuta që fitoi ndaj Vorës dhe mbetet 1 pikë larg dinamovitëve. Ndërsa Partizani falë barazimit me Vllazninë ngjitet në renditje dhe pozicionohet në vendin e 7. Flamurtari dhe Tirana mbeten në vendin e 9-të dhe 10-të.
    RENDITJA
    Saf (1)
     

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb

  • Vendi i parë ndahet mes Vllaznisë dhe Elbasanit, Partizani largohet nga play out, si paraqitet situata pas javës së 12

    Vendi i parë ndahet mes Vllaznisë dhe Elbasanit, Partizani largohet nga play out, si paraqitet situata pas javës së 12

    Është mbyllur java e 12-të e Superiores, e cila nuk dhuroi shumë surpriza dhe ndryshime pozicionesh. Vllaznia dhe Elbasani ndajnë vendin e parë me nga 24 pikë secila, kjo pas barazimeve 1-1 me skuadrat e kryeqytetit, Partizanin dhe Dinamon.
    Pas tyre vjen Egnatia me 22 pikë, e cila mundi 5-1 Bylisin, duke u rikthyer fuqishëm në garën për titull.
    Dinamo plotëson Top 4-shen me 19 pikë.
    Teuta është afruar me “Nëndetësen” me 18 pikë, kjo pas fitores 0-1 kundër Vorës, me këtë të fundit që renditet në vendin e 6-të me 14 pikë.
    Partizanit i mjaftoi pika me Vllazninë për të lënë pas Bylisin në zonën play out.
    Tabela mbyllet nga Flamurtari me 9 pikë dhe Tirana me 7, me të dyja skuadrat që barazuan kundër njëra-tjetrës në Vlorë.
    REZULTATET:
    E shtunë (22.11.2025)
    Egnatia 5-1 Bylis
    Vora 0-1 Teuta
    Dinamo 1-1 Elbasani
    E diel (23.11.2025)
    Flamurtari 1-1 Tirana
    Partizani 1-1 Vllaznia
    RENDITJA:

  • Dita e provës për Esat Malën, me “Demat” për të thyer thatësirën

    Dita e provës për Esat Malën, me “Demat” për të thyer thatësirën

    Ka qenë absolutisht një ndër futbollistët më të spikatur jo vetëm tek Vllaznia, por në mbarë Superioren gjatë 5-6 sezoneve të fundit.
    Duke shkëlqyer me performancat e tij e duke u konsideruar si një prej më të mirëve në kampionatin shqiptar. Fjala është për Esat Malën, mesfushorin nga Prizreni i cili në vendin tonë pasi u bë i njohur me Partizanin, ku edhe fitoi titullin kampion në sezonin 2018-19, tashmë prej 4 edicionesh radhazi është pjesë e Vllaznisë.

    Me kuqeblutë Mala ka qenë një ndër futbollistët kryesorë të skuadrës, ku sezoni 2024-25 ishte edhe më i miri në karrierë për mesfushorin i cili shënoi 7 gola dhe asistoi 13 të tjerë me fanellën e shkodranëve. E pikërisht tek Vllaznia duan rikthimin në atë nivel të shtatshkurtrit, i cili këtë edicion deri më tani ka shënuar vetëm një gol. I ardhur në takimin e javës së katërt kundër Teutës, ku kuqeblutë ndanë pikët në një barazim 1-1 në “Niko Dovana” të Durrësit.
    Ku 27-vjeçari këtë sezon ende nuk ka asistuar asnjë gol për shokët e skuadrës pas 11 javësh, por për të qenë të saktë, kosovari ka ndërruar shpesh pozicion në fushën e lojës. Që ka ndikuar në statistikat e tij personale, por jo në nivelin e lojës së paraqitur në fushën e lojës. Ku tek Vllaznia kanë një vlerësim të jashtëzakonshëm për kontributin e Malës.
    E ndaj Partizanit, nën petkun e “ish-it” të madh të sfidës, te kuqeblutë presin po të njëjtin niveli nga Mala e po ashtu golin, për t’i dhënë fund një “thatësire” disa javore nga ana e numrit “20-t” të skuadrës shkodrane.

  • Kryesuesit e Vllaznisë nuk do ta kenë të lehtë ndaj Partizanit, të dyja ekipet me shanse të barabarta – Balkanweb.com – News24

    Kryesuesit e Vllaznisë nuk do ta kenë të lehtë ndaj Partizanit, të dyja ekipet me shanse të barabarta – Balkanweb.com – News24

    Partizani dhe Vllaznia premtojnë emocione të mëdha të dielën. Dy skuadra që kanë provuar çdo emocion dhe trofe në Shqipëri, ndërsa emri i tyre peshon ndër vite. Pavarësisht diferencës së madhe në renditje, Vllaznia si vend i parë dhe Partizani në zonën e ftohtë, sërish mbetet e vështirë për parashikime.
    PROJEKSIONI- Platforma që merret me projeksione, “Football Meets Data”, e shikon të balancuar këtë takim. Partizanit i jepet konkretisht 38% mundësi për të shkuar te fitorja. Në anën tjetër Vllaznia regjistron shifrën 36%.

    Me 26%, sfida parashikohet si barazim. Për këtë është edhe e vështirë që të zgjidhet një favorit. Përballja e fundit u mbyll 4 me 1 në favor të Vllaznisë, ndërsa u luajt në stadiumin “Loro Boriçi”. Tek “Arena e Demave” në këtë sezon nuk ka qenë aspak e lehtë për të festuar gola, si për Partizanin dhe për rivalët e tij.
    Të kuqtë festun vetëm autogolin e Vorës në javën e parë. Në anën tjetër panë Elbasanin të fitonte me vetëm një gol të shënuar, disa javë më vonë. Pritet një sfidë e kujdesshme nga Partizani dhe Vllaznia, megjithatë nuk përjashtohet mundësia që në momente të caktuara të kërkohet fitorja. Në fund, si Partizanit dhe Vllaznisë u bën punë vetëm fitorja për objektivat që shfaqin.

    © BalkanWeb

    Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb