Lajmidites.com

Tag: vlerën

  • Barcelona kryeson renditjen e skuadrave me vlerën më të rritur në botë

    Barcelona kryeson renditjen e skuadrave me vlerën më të rritur në botë

    Barcelona është bërë klubi me skuadrën që ka pësuar rritjen më të madhe në vlerë në futbollin botëror që nga shtatori i kaluar. Sipas të dhënave të fundit nga “Transfermarkt”, skuadra blaugrana ka regjistruar një rritje prej 190 milionë euro në vlerën totale të lojtarëve të saj. Kjo e çon vlerën e përgjithshme të skuadrës katalanase në 1.7 miliardë euro, duke kaluar për herë të parë kufirin e një miliardi dhe e renditur Barçën me rritjen më të madhe në treg.
    Performanca mbresëlënëse e Barcelonës së drejtuar nga Hansi Flick, e cila fitoi tre trofetë vendas; La Liga, “Copa del Rey” dhe Superkupa, si dhe arriti gjysmëfinalet e Champions League kundër Interit, ka ndikuar ndjeshëm në rritjen e vlerës së lojtarëve.
    Rritja e vlerës i atribuohet në mënyrë të veçantë shpërthimit përfundimtar të të rinjve si Lamine Yamal, më i vlerësuari në skuadër me 200 milionë euro, si dhe Pau Cubarsí e Fermín López. Ndërkohë, Gavi, Pedri dhe Araujo kanë ruajtur vlerat e tyre të larta, duke konsoliduar statusin si yje të skuadrës blaugrana.
    Rritja me 190 milionë euro nga shtatori i kaluar është më e madhja ndër të gjitha klubet, duke lënë pas PSG, Sporting Lisbona dhe Eintracht Frankfurt, të cilat gjithashtu kanë kaluar shifrën prej 100 milionë euro (rritje).

    Pas Barcelonës vjen PSG, kampioni i Europës, me një rritje prej 176 milionë euro, nxitur nga paraqitjet e lojtarëve si Vitinha, Hakimi, Zaïre-Emery, Doué dhe Barcola. Skuadra e Luis Enrique i ka fituar të gjitha trofetë e mundshëm (përveç Kupës së Botës për Klube, që ende po zhvillohet), duke arritur një vlerë totale prej 1.60 miliardë euro.
    Podiumi plotësohet nga Sporting Lisbona, kampione e Portugalisë, e cila ka parë një rritje prej 118 milionë euro, duke arritur vlerën totale prej 511 milionë euro.
    Në vendin e katërt është Eintracht Frankfurt, vendi i tretë në Bundesliga, me një rritje prej 107 milionë euro, që e çon vlerën e tij totale në 355 milionë euro.
    Pas katërshes kryesore vjen surpriza nga Italia; Como 1907 e Cesc Fàbregas, që ka shtuar 82 milionë euro dhe tani vlen 188 milionë euro, duke kaluar emra si Mainz 05 (+76 milionë), Galatasaray (+73 milionë) dhe Chelsea (+72 milionë).
     

  • ‘Trau i padukshëm’ në Rinas, KLSH zbulon skemën e abuzimit, miliona lekë dëm buxhetit të shtetit

    ‘Trau i padukshëm’ në Rinas, KLSH zbulon skemën e abuzimit, miliona lekë dëm buxhetit të shtetit

    FOTO ILUSTRUESE

    TIRANË-Kontrolli i Lartë i Shtetit ka publikuar auditimin e doganës së Rinasit, ku ka evidentuar një dëm të buxhetit të shtetit prej miliona lekësh gjatë harkut kohor 01.07.2022 deri më 31.12.2024. 
    Auditimi ka zbuluar një sërë parregullsish në vlerësimin e mallrave, zbatimin e TVSH-së, procedurat doganore dhe administrimin financiar, të cilat kanë sjellë humbje të konsiderueshme për buxhetin e shtetit. Sipas raportit rezulton se me mallrat që është abuzuar dhe toleruar më shumë duke shkaktuar dëm ekonomik për të cilin sipas KLSH-së në dijeni është edhe Drejtoria e Përgjithshme e Doganave, janë pajisjet mjekësore si dhe telefonat celularë. 
    Në raport thuhet se grupi i auditimit ka konstatuar 13 gjetje dhe ka dhënë 13 rekomandime, për masa organizative 8 rekomandime.  Nga auditimi rezultoi se për vitin 2023, në 6 raste është konstatuar përjashtim i padrejtë nga pagimi i TVSH-së në import me pasojë të ardhura të munguara për TVSh dhe sanksionet në vlerën 3-fish të detyrimit, në total në vlerën 11,689,144 lekë, si dhe për vitin 2024 në 6 raste në vlerën totale 22,574,568 lekë. 
    Konkretisht në dokument thuhet se gjatë vitit 2023 në Degën Doganore Rinas për artikujt e këtij kapitulli janë përpunuar 275 deklarata me vlerë të deklaruar 603,796,236 lekë dhe kanë rezultuar 8 deklarata të përpunuara në procedurat e ndjekura për vlerësimin e mallrave për qëllime doganore me mangësi. Efekti financiar i përllogaritur rezulton 1,639,480 lekë e cila përbën të ardhura të munguar në Buxhetin e Shtetit.
    Gjatë vitit 2024 në Degën Doganore Rinas për artikujt e këtij kapitulli janë përpunuar 279 deklarata me vlerë të deklaruar 559,180,777 lekë dhe kanë rezultuar 5 deklarata të përpunuara me mangësi. Efekti financiar i përllogaritur rezulton 827,186 lekë e cila përbën të ardhura të munguar në Buxhetin e Shtetit. Të ardhurat e munguara në total në shumën 2,466,666 lekë janë konstatuar pasi në këto deklarata nuk janë përfshirë mallrat me skonto, duke mos zbatuar dispozitat ligjore tëparashikuar në nenet 66-70 të Kodit Doganor si dhe udhëzimit nr. 3 datë 23.01.2018 të MFE “Për vlerësimin e mallrave për qëllime doganore”.
    -Janë konstatuar raste ku për disa subjekte vlerat e artikujve të importuar është trajtuar me transaksion, edhe pse dokumentacioni bashkëlidhur nuk i plotëson kushtet për t’u trajtuar si i tillë; i njëjti subjekt për të njëjtin artikull të importuar në shumë raste është rivlerësuar dhe për raste të tjera jo; trajtimi i mallrave të përdorur me transaksion nën çmimin e lëndës së parë; veprime jo në përputhje me kërkesat e legjislacionit doganor duke rezultuar me të ardhura të munguara në buxhetin e shtetit në shumën 46,763,697 lekë.
    Për periudhën 2023–2024 janë evidentuar 39 raste në të cilat janë bërë vlerësime të gabuara për smartphonë me kod tarifor 85171300, duke mos respektuar metodat dhe dokumentacionin përkatës. Si rezultat, janë llogaritur 9,043,218 lekë të ardhura të munguara për shtetin.
    -Mospërfshirja e mallrave me skonto në vlerën doganoreNë deklaratat doganore për mallra të kapitullit 12 janë konstatuar 13 raste me mangësi, ku nuk janë përfshirë zbritjet (skontot) në vlerën e deklaruar, duke shkelur Kodin Doganor. Humbjet për buxhetin kapin vlerën 2,466,666 lekë.
    -Në 6 raste janë konstatuar shkelje të klasifikuara gabimisht dhe janë vendosur penalitete jo në përputhje me nenet përkatëse të Kodit Doganor. Kjo ka rezultuar në mungesë penalitetesh në shumën 272,212 lekë.
    -Procesverbalet e hartuar nga dogana për shkeljet nuk përmbajnë referenca të qarta për nenet e shkelura, sanksionet dhe dokumentimin e njoftimeve për palët. Këto mangësi bien ndesh me nenet 273–276 të Kodit Doganor.
    Dokumenta bashkëngjitur

  • Nga kriza te rritja/ Eksportet kapin 168 miliardë lekë, INSTAT jep shifrat

    Nga kriza te rritja/ Eksportet kapin 168 miliardë lekë, INSTAT jep shifrat

    Eksportet e mallrave Made in Albania kanë pasur një performancë pozitive në pjesën e parë të këtij viti.Të dhënat e Instat tregojnë se në periudhën janar-maj eksportet kapën vlerën e 168 miliardë lekëve duke patur një rritje me 2.1% krahasuar me të njëjtën periudhë të një viti më parë.Grupet që kanë ndikuar në rritjen vjetore të eksporteve, janë: “Minerale, lëndë djegëse dhe energji elektrike” me 8,3 %“Ushqime, pije, duhan” . Ndërsa negativisht kanë ndikuar grupet: “Materiale ndërtimi dhe metale” me 6% dhe “Produkte kimike dhe plastike” .
    ndërkohë importet e mallrave arritën vlerën 355 mld lekë, duke u ulur me 2,4 %, krahasuar me një vit më parë. Deficiti tregtar arriti vlerën 187 mld lekë, duke u ulur me 6,1 %, krahasuar me të njëjtën periudhë të 2024.
    Gjatë këtij pesërmujori vendet me të cilët Shqipëria ka pasur rritjen më të madhe të eksporteve, në krahasim me një vit më parë, janë: Kosova 74,1 %, Greqia dhe Gjermania Ndërsa vendet me të cilat eksportet kanë pasur uljen më të madhe, janë: Italia dhe Maqedonia e Veriut .
    Shkëmbimet tregtare, për pesërmujorin e parë 2025, me vendet e BE-së zënë 57,2 % të gjithë tregtisë.

  • Temperatura deri në 31 gradë Celsius, parashikimi i motit për këtë të martë

    Temperatura deri në 31 gradë Celsius, parashikimi i motit për këtë të martë

    Ditën e martë vendi ynë do të jetë në ndikimin e kushteve atmosferike të qëndrueshme.

    Moti parashikohet me kthjellime dhe vranësira të pakta kalimtare, ku termometri do të prekë vlerën 31 gradë celsius.
    Shkodra, Fieri, Tirana, Elbasani dhe Gjirokastra do të regjistrojnë vlerën më të lartë të temperaturave. Ndërsa  minimalja do të regjistrohet në Bajram Curr, me 25 gradë Celsius.
    Era do të fryjë me drejtim nga kuadrati i jugut me shpejtësi mesatare 6-9 m/s.
    Deti do të jetë me valëzim 2- 3 ballë.

    Top Channel

  • “Nëse është dikush që dëshiron të dëshmojë vlerën e tij te Bayern ai jam unë“

    “Nëse është dikush që dëshiron të dëshmojë vlerën e tij te Bayern ai jam unë“

    23 Maj 2025

    12:45

    Telesport

    Mesfushori portugez i Bayern Munich, Joao Palhinha, i blerë verën e kaluar për 51 milionë euro nga, nuk ka pasur të gjithë hapësirën që donte nën drejtimin e trajnerit Vincent Kompany. Ai ka luajtur vetëm 987 minuta në total këtë sezon.
    “Nëse është dikush që dëshiron të dëshmojë vlerën e tij te Bayern ai jam unë”, tha ish-lojtari i Fulham në një intervistë për gazetën gjermane Kicker. Fillimisht ai humbi duelin me kolegët e tij dhe më pas një problem muskulor e lanë gjatë në stol.
    “Nuk ka qenë një periudhë e lehtë. Ishte një nga sezonet më të vështira, nëse jo më i vështiri në karrierën time. Të jesh në stol nuk është asnjëherë e lehtë”, tha Palhinha, që erdhi me shumë bujë por nuk arriti të tregojë shumë në fushë.
    Prej këtu u ngritën spekulimet për lamtumirën e tij të mundshme këtë verë, për të gjetur më shumë hapësirë ​​diku tjetër. Një skenar i pamundur për të: “Pse duhet të largohem? Unë jam në një nga klubet më të mira në botë. Dua të luftoj”.
    “Do të bëj gjithçka për të treguar vlerën time“, tha Palhinha, por do të jetë në dorën e Kompany të vendosë nëse ai mund të llogarisë tek ai në të ardhmen apo nëse do të preferojë t’i japë shanse dikujt tjetër.
     

  • “Nëse është dikush që dëshiron të dëshmojë vlerën e tij te Bayern ai jam unë “

    “Nëse është dikush që dëshiron të dëshmojë vlerën e tij te Bayern ai jam unë “

    23 Maj 2025

    12:45

    Telesport

    Mesfushori portugez i Bayern Munich, Joao Palhinha, i blerë verën e kaluar për 51 milionë euro nga, nuk ka pasur të gjithë hapësirën që donte nën drejtimin e trajnerit Vincent Kompany. Ai ka luajtur vetëm 987 minuta në total këtë sezon.
    “Nëse është dikush që dëshiron të dëshmojë vlerën e tij te Bayern ai jam unë”, tha ish-lojtari i Fulham në një intervistë për gazetën gjermane Kicker. Fillimisht ai humbi duelin me kolegët e tij dhe më pas një problem muskulor e lanë gjatë në stol.
    “Nuk ka qenë një periudhë e lehtë. Ishte një nga sezonet më të vështira, nëse jo më i vështiri në karrierën time. Të jesh në stol nuk është asnjëherë e lehtë”, tha Palhinha, që erdhi me shumë bujë por nuk arriti të tregojë shumë në fushë.
    Prej këtu u ngritën spekulimet për lamtumirën e tij të mundshme këtë verë, për të gjetur më shumë hapësirë ​​diku tjetër. Një skenar i pamundur për të: “Pse duhet të largohem? Unë jam në një nga klubet më të mira në botë. Dua të luftoj”.
    “Do të bëj gjithçka për të treguar vlerën time“, tha Palhinha, por do të jetë në dorën e Kompany të vendosë nëse ai mund të llogarisë tek ai në të ardhmen apo nëse do të preferojë t’i japë shanse dikujt tjetër.
     

  • Kreditë për shtëpi, nga 1 korriku kufizohet vlera dhe afati i shlyerjes! Ja çfarë parashikon vendimi

    Kreditë për shtëpi, nga 1 korriku kufizohet vlera dhe afati i shlyerjes! Ja çfarë parashikon vendimi

    Nuk ka më disbursim kredie për shtëpi në vullnet të bankave. Është Këshilli Mbikëqyrës i Bankës së Shqipërisë, ai që ka diktuar së fundmi një vlerë dhe afat shlyerjeje tavan, krahas masave që vetë bankat ndërmarrin kur japin kredi.
    Ajo varion nga 70 deri në 85 për qind të shumës së banesës, në varësi të kredisë në lekë apo euro dhe faktit nëse banesa është shtëpi e parë apo e dytë. Kësti ndaj të ardhurave për kreditë në monedhën Lek do të jetë 40% për blerjen e shtëpisë së parë dhe 35% për blerjen e një shtëpie të dytë ose për dhënie me qira. Për kreditë në valutë, ky kufi përcaktohet në 35% për shtëpinë e parë dhe 30% për shtëpitë e tjera. Gjithashtu, vendimi i BSH cakton tavan edhe në lidhje me maturimin e kredisë, kryesisht për individët huamarrës që arrijnë moshën e pensionit.
    DETAJET E VENDIMIT
    Banka e Shqipërisë ka botuar në Fletoren Zyrtare vendimin “Për vendosjen e kufijve të sipërm për treguesit ‘raporti i kredisë ndaj vlerës’ dhe ‘raporti i shërbimit të borxhit ndaj të ardhurave’ për kreditë që japin bankat për pasuri të paluajtshme rezidenciale”. Vendimi do të hyjë në fuqi 15 ditë pas botimit në Fletoren Zyrtare, por do të fillohet të zbatohet nga bankat për kreditë e reja për pasuri të paluajtshme rezidenciale që disbursohen nga data 1 korrik 2025.
    Raporti tavan i kredisë ndaj vlerës në monedhën Lekë do të jetë 85% për shtëpinë e parë dhe 80% për shtëpinë e dytë, ndërsa në valutë të huaj 75% për shtëpinë e parë dhe 70% për shtëpinë e dytë. Raporti i shërbimit të borxhit ndaj të ardhurave për kreditë në Lekë do të jetë në nivelin 40% për shtëpinë e parë dhe 35% për shtëpinë e dytë. Në valutë të huaj, niveli tavan do të jetë 35% për shtëpinë e parë dhe 30% për shtëpinë e dytë. Për përcaktimin e vlerës së borxhit të kredimmarrësit, krahas vlerës së kredisë konkrete (dhe të kredive të tjera që ai mund të ketë në sistemin financiar), banka do të përfshijë edhe çdo borxh tjetër të tij për të cilin banka ka siguruar informacion të besueshëm nga komunikimi me kredimmarrësin apo konsultimi paraprak i bazave relevante të të dhënave.
    Sipas Bankës së Shqipërisë, zbatimi i këtyre kufijve do të mundësojë uljen e rrezikut të dështimit të kredimarrësve dhe pakësimin e humbjeve bankare të lidhura me këto kredi, si pasojë e zhvillimeve të pafavorshme në çmimet e pronave të paluajtshme dhe në kuadrin makroekonomik të vendit, si rritja e papunësisë, rënia e të ardhurave, rritja e normave të interesit etj.. Banka e Shqipërisë argumenton se këta kufij marrin në konsideratë dhe janë përshtatur për të adresuar në mënyrë proporcionale rrezikun, në varësi të tipit të pronës dhe monedhës në të cilën jepet kredia.
    Megjithatë, vendimi i lejon bankat që të zbatojnë kuota përjashtimi nga kufizimet e mësipërme, me kushtin që në total vlera e kredive të përjashtuara të mos kapërcejë 15% të vëllimit të kredive të reja që janë miratuar dhe disbursuar (edhe pjesërisht) gjatë tremujorit. Në këtë kuotë përjashtimi do të përfshihen lehtësitë e rifinancimit që jepen gjatë tremujorit për kreditë ekzistuese dhe që mund të kapërcejnë kufirin e treguesit. Bankat duhet t’i identifikojnë kreditë dhe lehtësitë e rifinancimit që përfshihen në kuotën e përjashtimit, në mënyrë individuale dhe t’i evidentojnë ato në mënyrë të dallueshme në raportimin tremujor që kryejnë pranë Bankës së Shqipërisë. Në vendim, Banka e Shqipërisë rekomandon gjithashtu për bankat zbatimin e një kufiri maksimal në afatin e maturimit në disbursim të kredisë, pavarësisht monedhës, sa minimumi midis afatit 30- vjeçar dhe numrit të viteve deri në arritjen e moshës së pensionit të kredimarrësit.
    VENDIMI
    Për kredinë e re për pasuri të paluajtshme rezidenciale që japin bankat:a) Të miratojë vendosjen e kufijve të sipërm për treguesin “raporti i kredisë ndaj vlerës, në disbursim” (HnV_D), si më poshtë:i. në Lek, HnV_D të mos kapërcejë vlerën 85 për qind;ii. në Lek, për blerjen e një shtëpie të dytë (dhe vijuese) ose për t’u dhënë me qira, HnV_D të mos kapërcejë vlerën 80 për qind;iii. në valutë, HnV_D të mos kapërcejë vlerën 75 për qind;iv. në valutë, për blerjen e një shtëpie të dytë (dhe vijuese) ose për t’u dhënë me qira, HnV_D të mos kapërcejë vlerën 70 për qind;b) Të miratojë vendosjen e kufijve të sipërm për treguesin “raporti i shërbimit të borxhit ndaj të ardhurave, në disbursim” (ShBnA_D), si më poshtë:i. në Lek, ShBnA_D të mos kapërcejë vlerën 40 për qind;ii. në Lek, për blerjen e një shtëpie të dytë (dhe vijuese) ose për t’u dhënë me qira, ShBnA_D të mos kapërcejë vlerën 35 për qind;iii. në valutë, ShBnA_D të mos kapërcejë vlerën 35 për qind;iv. në valutë, për blerjen e një shtëpie të dytë (dhe vijuese) ose për t’u dhënë me qira, ShBnA_D të mos kapërcejë vlerën 30 për qind;v. për përcaktimin e vlerës së borxhit të kredimmarrësit, krahas vlerës së kredisë konkrete(dhe të kredive të tjera që ai mund të ketë në sistemin financiar), banka do tëpërfshijë edhe çdo borxh tjetër të tij për të cilin banka ka siguruar informacion të besueshëm nga komunikimi me kredimmarrësin apo konsultimi paraprak i bazave relevante të të dhënave.

  • Blerja e banesave, nga 1 korriku bankat kufizojnë vlerën e kredive; sa do jetë kësti mujor dhe afati i shlyerjes

    Blerja e banesave, nga 1 korriku bankat kufizojnë vlerën e kredive; sa do jetë kësti mujor dhe afati i shlyerjes

    Ka hyrë në fuqi vendimi i Bankës së Shqipërisë, i cili kufizon kreditë që jepen nga bankat e nivelit të dytë për blerjen e banesave nga qytetarët.
    Vendimi është publikuar në fletoren zyrtare dhe në të përcaktohet se asnjë bankë nuk do të japë kredi për qytetarët që duan të blejnë shtëpinë e parë më shumë se 85% e vlerës së saj.
    Ndërsa ata që kërkojnë kredi për të blerë një shtëpi të dytë vlera e kredisë që do mund të marrin kur është në monedhën lekë do të jetë 80% e vlerës së pronës.
    Për huanë e marrë në lekë, kësti i kredisë nuk duhet të jetë më shumë se 40% e vlerës së të ardhurave që ka qytetari. Pra nëse të ardhurat mujore janë 100 mijë lekë në muaj, kësti nuk duhet të jetë më i lartë se 40 mijë lekë.
    Ndërsa kur kredia kërkohet në valutë, për shtëpinë e parë vlera e huasë do të jetë deri në 75%, dhe ulet në 70% për pronën e dytë. Sa i takon këstit mujor ai duhet të jetë deri në 35% të vlerës së të ardhurave.
    Afati maksimal për shlyerjen e kredisë do të jetë deri në 30 vjet, ose do të caktohet një afat tjetër nga banka duke marrë në konsideratë moshën e kredimarrrësit, me qëllim që të mos ketë kredi për të shlyer në moshën e pensionit.
    Vendimi i plotë
    Në bazë dhe për zbatim të nenit 12, shkronja “a” dhe të nenit 43, shkronja “c”, të ligjit nr. 8269, datë 23.12.1997, “Për Bankën e Shqipërisë”, i ndryshuar; dhe të rregullores nr. 44, datë 4.10.2023, “Për raportimin e të dhënave, identifikimin dhe monitorimin e treguesve mbi kredidhënien dhe investimet për prona të paluajtshme”, neni 4, neni 13, neni 14, pika 1, shkronjat “b” dhe “c”, dhe pika 2, neni 15, pika 1, shkronja “a” dhe pika 2, dhe neni 16; me propozimin e Departamentit të Stabilitetit Financiar të Bankës së Shqipërisë, Këshilli Mbikëqyrës i Bankës së Shqipërisë,
    Vendosi:
    1. Për kredinë e re për pasuri të paluajtshme rezidenciale që japin bankat:
    a) të miratojë vendosjen e kufijve të sipërm për treguesin “raporti i kredisë ndaj vlerës, në disbursim” (HnV_D), si më poshtë:
    i. në lek, HnV_D të mos kapërcejë vlerën 85 për qind;
    ii. në lek, për blerjen e një shtëpie të dytë (dhe vijuese) ose për t’u dhënë me qira, HnV_D të mos kapërcejë vlerën 80 për qind;
    iii. në valutë, HnV_D të mos kapërcejë vlerën 75 për qind;
    iv. në valutë, për blerjen e një shtëpie të dytë (dhe vijuese) ose për t’u dhënë me qira, HnV_D të mos kapërcejë vlerën 70 për qind;
    b) të miratojë vendosjen e kufijve të sipërm për treguesin “raporti i shërbimit të borxhit ndaj të ardhurave, në disbursim” (ShBnA_D), si më poshtë:
    i. në lek, ShBnA_D të mos kapërcejë vlerën 40 për qind;
    ii. në lek, për blerjen e një shtëpie të dytë (dhe vijuese) ose për t’u dhënë me qira, ShBnA_D të mos kapërcejë vlerën 35 për qind;
    iii. në valutë, ShBnA_D të mos kapërcejë vlerën 35 për qind;
    iv. në valutë, për blerjen e një shtëpie të dytë (dhe vijuese) ose për t’u dhënë me qira, ShBnA_Dtë mos kapërcejë vlerën 30 për qind;
    v. për përcaktimin e vlerës së borxhit të kredimmarrësit, krahas vlerës së kredisë konkrete (dhe të kredive të tjera që ai mund të ketë në sistemin financiar), banka do të përfshijë edhe çdo borxh tjetër të tij për të cilin banka ka siguruar informacion të besueshëm nga komunikimi me kredimmarrësin apo konsultimi paraprak i bazave relevante të të dhënave;
    c) të lejojë bankat që të zbatojnë kuota përjashtimi nga kufizimet e mësipërme në secilin prej treguesve HnV_D dhe ShBnA, me kushtin që, në total, vlera e kredive të përjashtuara të mos kapërcejë 15 për qind të vëllimit të kredive të reja që janë miratuar dhedisbursuar (edhe pjesërisht) gjatë tremujorit.
    Në këtë kuotë përjashtimi do të përfshihen lehtësitë e rifinancimit që jepen gjatë tremujorit për kreditë ekzistuese dhe që mund të kapërcejnë kufirin e treguesit.
    Bankat duhet t’i identifikojnë kreditë dhe lehtësitë e rifinancimit që përfshihen në kuotën e përjashtimit, në mënyrë individuale dhe t’i evidentojnë ato në mënyrë të dallueshme në raportimin tremujor që kryejnë pranë Bankës së Shqipërisë;
    d) të përjashtojë nga përfshirja në llogaritjen e kufizimeve sipas shkronjave “a”, “b” dhe “c” më sipër:
    i. kreditë që disbursohen në kuadër të skemave që mbështesin politikat publike të strehimit;
    ii. kreditë që disbursohen për rinovimet e banesave që lidhen me përmirësimin e efikasitetit të energjisë apo kalimin drejt burimeve të energjisë së rinovueshme, deri në vlerën 3 milionë lekë (ose kundërvlera përkatëse në valutë nëse disbursohen në valutë);
    iii. disbursimin në kuadër të granteve të parikthyeshme publike që lidhen me përmirësimin e efikasitetit të energjisë apo kalimin drejt burimeve të energjisë së rinovueshme, te banesat;
    e) të rekomandojë për bankat zbatimin e një kufiri maksimal në afatin e maturimit në disbursim të kredisë, pavarësisht monedhës, sa minimumi midis:
    i. 30 vjet;
    ii. numri i viteve deri në arritjen e moshës së pensionit të kredimarrësit (ose të kredimarrësit që e arrin këtë moshë më shpejt në rastin e kredisë me bashkëkredimarrës).
    2. Ky vendim fillon të zbatohet nga bankat për kreditë e reja për pasuri të paluajtshme rezidenciale që disbursohen nga data 1 korrik 2025.
    3. Ky vendim rishqyrtohet jo më vonë se 2 vjet nga data e hyrjes së tij në fuqi.

  • Haaland i bën vetes dhuratën 320.000 £, çon vlerën e koleksionit të rrallë në 8 milionë £

    Haaland i bën vetes dhuratën 320.000 £, çon vlerën e koleksionit të rrallë në 8 milionë £

    Ylli i Manchester Cityt, Erling Haaland, është parë me një Ferrari të ri luksoz të verdhë me vlerë 320,000 £, duke e çuar vlerën e koleksionit të tij të makinave në 8 milionë £.
    Haaland, i cili së fundmi u rikthye në fushë për Citizens pasi kaloi një kohë të konsiderueshme jashtë fushave i dëmtuar, u pa së fundmi me një Ferrari të ri luksoz të verdhë që besohet se vlerësohet në 320,000 £.
    Ferrari i ri është blerja e tij e shtatë në një koleksion makinash luksoze me vlerë 8 milionë £ (10 milionë dollarë).
    The Sun raportoi për herë të parë se norvegjezi ​​doli me nxitim pas një seance stërvitore të Cityt me automjetin e tij të ri.
    Përveç Ferrarit të tij të ri, Haaland zotëron gjithashtu një Bugatti 4 milionë £, një Mercedes Maybach 250,000 £, një Mercedes AMG One 2.7 milionë £, një Mercedes-Benz GLE Coupe AMG 63 S 4Matic 130,000 £ dhe një Rolls Royce Cullinan 300,000 £.
    Ai kishte pasur më parë edhe një Ferrari 812 Superfast në ngjyrë blu.

    Erling Haaland adds an EIGHTH car to his luxury collection – as Man City star splashes out on £320,000 Ferrari which is almost as fast as F1 cars https://t.co/pu8YhyDy7u
    — Mail Sport (@MailSport) May 11, 2025

  • Meta audio-mesazh nga burgu: Të dërrmojmë me vota sektin e pabesë që shpopulloi vendin

    Meta audio-mesazh nga burgu: Të dërrmojmë me vota sektin e pabesë që shpopulloi vendin

    Presidenti i Partisë së Lirisë, Ilir Meta ka publikuar një audio-mesazh nga burgu. Ai aty bën thirrje për një mobilizim të gjerë kundër atij që ai quan “sekti i pabesë” që sipas tij ka shpopulluar vendin dhe ka abuzuar me fondet publike.
    Meta thekson rëndësinë e votës për të sjellë rotacion politik dhe për të garantuar një të ardhme më të mirë për familjet, të rinjtë dhe pensionistët. Presidenti i PL-së e konsideron 11 majin si një moment historik për bashkimin e shqiptarëve në mbrojtje të së ardhmes europiane të vendit.

    ”Sot unë firmosa letrën e 4 mijë në këtë fushatë të pazakontë dhe çdo minutë tani, për mua por edhe për të gjithë ju, merr vlerën e orës, çdo orë merr vlerën e ditës dhe çdo ditë deri më 11 Maj merr vlerën e viteve dhe të dekadave që vijnë për të garantuar Shqipërinë e shqiptarëve të lirë, krenarë, të begatë dhe zotër në vendit e tyre duke hedhur në Lanë regjimin e kukullës së Sorosit që shpopulloi Shqipërinë dhe e shndërroi vendin tonë në një federatë bandash dhe kartalesh”,-thotë Meta.
    Mesazhi i plotë
    Të dashur qytetarë, shok dhe miq në tërë Shqipërinë dhe anembanë botës, Të dashur anëtarë dhe simpatizantë të Partisë së Lirisë, Edhe 10 ditë na ndajnë nga fitorja historike e 11 Majit kur shqiptarët si kurrë më parë do të bashkohen në kutitë e votimit për të dërrmuar sektin më të pabesë që shpopulloi vendin tonë qëllimisht. Edhe 10 ditë për të dërrmuar me votë regjimin e inceneratorëve që nuk ekzistojnë apo që nuk punojnë por që me lekët e vjedhura nga ju fabrikon sondazhe të rreme për të dekurajuar frymën e madhe dhe të pandalshme të ndryshimit.
    Katër vite më parë rezultati i zgjedhjeve ishte i trukuar ende pa filluar fushata dhe arbitrat tip McGonigal ishin blerë siç u provua botërisht. Tani kjo është një betejë e vërtetë dhe është një betejë për të garantuar ekzistencën e kombit tonë dhe mbrojtjen e familjes shqiptare nga sekti më i rrezikshëm në botë i “Prindit 1 dhe Prindit 2”. Është një betejë për të shpëtuar gjysmën e fëmijëve të shqiptarëve që nuk ushqehen dot tre herë në ditë. Jo vetëm kaq, por për t’i mbrojtur fëmijët e të gjithë shqiptarëve edhe nga abuzimi siç bën paturpësisht dhe publikisht Kreu i Organizatës Kriminale edhe në këtë fushatë. Ndaj programi ynë është programi që mbështet menjëherë çdo familje shqiptare dhe çdo pensionist, që në 100 ditët e para të qeverisjes.
    Me ne, investitor strategjik është qytetari shqiptar, është çdo fermer shqiptar dhe çdo sipërmarrës shqiptar dhe Shqipëria bëhet fuqi prodhuese dhe eksportuese në rajonin tonë. Më 11 Maj me votën tonë arkivojmë përgjithmonë klimën armiqësore ndaj biznesit dhe sipëmarrjes dhe çelim një perspektivë fantastike duke garantuar klimën më miqësore ndaj biznesit, duke rikthyer lirinë ekonomike për t’u dhënë oksigjen të gjithëve dhe për të nxjerrë nga intubimi i regjimit një popull të tërë plot aftësi dhe energji të ndrydhura nga ky regjim represiv dhe kleptokratik.
    Partia e Lirisë ka një rol historik për të luajtur më 11 Maj dhe për të kontribuar për rotacionin më të rëndësishëm që nga 22 Marsi 1992. Sot unë firmosa letrën e 4 mijë në këtë fushatë të pazakontë dhe çdo minutë tani, për mua por edhe për të gjithë ju, merr vlerën e orës, çdo orë merr vlerën e ditës dhe çdo ditë deri më 11 Maj merr vlerën e viteve dhe të dekadave që vijnë për të garantuar Shqipërinë e shqiptarëve të lirë, krenarë, të begatë dhe zotër në vendit e tyre duke hedhur në Lanë regjimin e kukullës së Sorosit që shpopulloi Shqipërinë dhe e shndërroi vendin tonë në një federatë bandash dhe kartalesh.
    Me fjalët e poetit të pavdekshëm, Havzi Nelës “O Liri, o vdekje” dhe me programin tonë shpëtimtar për çdo pensionist, për çdo familje shqiptare, për të rinjtë dhe për të rejat tona të vrapojmë drejt fitores së 11 Majit, që do t’i bashkojë shqiptarët si kurrë më parë rreth interesit kombëtar dhe interesit publik, rreth Kushtetutës dhe së ardhmes europiane.