Mesditën e sotme teksa fliste për mediat ruse dhe kineze në Pekin, Presidenti rus Vladimir Putin u pyet nëse është i gatshëm të takohet me Volodymyr Zelensky-n.
Ai tha se për sa kohë që takimi është “i përgatitur mirë”, ai mund të ndodhë. Udhëheqësi rus pyeti retorikisht nëse kishte ndonjë kuptim një takim me Zelensky-n, por vazhdoi të thoshte se i kishte thënë Donald Trump se me gjithë qejf do ta takonte Presidentin ukrainas në Rusi.
“Nuk kam refuzuar kurrë ta bëj këtë, nëse kjo çon në rezultate pozitive. Dhe, meqë ra fjala, Donaldi më pyeti nëse ishte e mundur dhe tha se ishte e mundur. Unë i thashë: ‘Le të vijë në Moskë’”, tha shefi i Kremlinit.
Sa i përket propozimeve për garancitë e sigurisë për Ukrainën, shefi i Kremlinit tha se “çdo vend duhet të ketë garanci për sigurinë, përfshirë Ukrainën”.
“Por kjo nuk është e lidhur me shkëmbimin e territorit si pjesë e një marrëveshjeje paqeje. Për të qenë i sinqertë, ne nuk po luftojmë për territor, ne po luftojmë për të drejtat e njeriut, për të drejtat e njerëzve që jetojnë në atë territor, për të folur në një gjuhë ruse dhe për të jetuar në traditat e tyre”, shtoi ai.
Në fushën e betejës, Putin tha se forcat ruse po përparojnë në të gjitha frontet në Ukrainë. “Ukraina nuk është e aftë të nisë ofensiva në shkallë të gjerë dhe tani po përpiqet të mbushë boshllëqet duke rigrupuar forcat e saj”, nënvizoi Putin.
Putin në vijim tha se vizita e tij në Kinë ishte si pozitive ashtu edhe e dobishme.
“Duhet të them se ky format pune na lejon të zhvillojmë negociata shumë produktive. Ne ishim në gjendje të diskutonim çdo temë, gjë që është shumë e rëndësishme”, i tha ai gazetarëve.
Putin tha se u arritën marrëveshje në lidhje me fuqinë e Siberisë 2, një tubacion i propozuar i gazit natyror për të eksportuar energji nga Rusia në Kinë.
“Kjo do të krijojë një avantazh konkurrues për miqtë tanë kinezë pasi ata do ta marrin produktin me çmimin e tregut, jo me një çmim të fryrë”, u shpreh Putin.
Tag: vladimir
-
Vladimir Putin gati të takohet me Zelensky-n: Le të vijë në Moskë!
-
Kina zbulon armë të reja në një paradë ushtarak ku morën pjesë Vladimir Putin dhe Kim Jong Un
Një nga mesazhet kryesore të dalë nga parada ushtarake e fundit në Kinë është aftësia e këtij vendi për të prodhuar me shpejtësi një gama të gjerë armësh moderne, sipas ekspertëve të sigurisë dhe analizës ushtarake.
Sipas Michael Raska, analist dhe pedagog në Universitetin Teknologjik të Nanyang në Singapor, para një dekade, teknologjia ushtarake kineze që prezantohej në paradat zyrtare ishte shpesh “kopje të thjeshta” të pajisjeve shumë më të avancuara të zhvilluara nga Shtetet e Bashkuara.
Megjithatë, parada e këtij viti nxori në pah një arsenal shumë më inovativ dhe të larmishëm, veçanërisht në fushën e dronëve dhe raketave.
Sipas ekspertëve, struktura qeverisëse hierarkike e Kinës dhe burimet e saj të mëdha financiare i mundësojnë vendit të prodhojë armë të reja në sasi të mëdha dhe me ritme më të shpejta krahasuar me shumë vende të tjera, përfshirë ato perëndimore.
Megjithatë, mbetet e paqartë nëse ushtria kineze është në gjendje t’i integrojë me sukses të gjitha këto sisteme të reja armësh në mënyrë efektive. Raska thekson se madhësia e madhe e ushtrisë kineze dhe mungesa e përvojës në betejat moderne janë faktorë kufizues të rëndësishëm, raporton BBC.
Në këtë paradë ishin të pranishëm edhe presidenti rus, Vladimir Putin dhe lideri i Korese se Veriut, Kim Jong Un.
-
Jude Law portretizon Vladimir Putinin në filmin që tronditi Festivalin e Venecias, ‘Magjistari i Kremlinit’ hap siparin mes politikës dhe artit
Aktori i njohur britanik Jude Law është transformuar në mënyrë mbresëlënëse për të portretizuar Vladimir Putinin në një film të ri që pati premierën botërore këtë të premte në Festivalin e Filmit në Venecia.
Filmi titullohet “Magjistari i Kremlinit” dhe është adaptuar nga romani me të njëjtin emër i autorit Giuliano da Empoli, një bestseller ndërkombëtar që hedh dritë mbi mekanizmat e pushtetit në Rusi. Në qendër të rrëfimit është një figurë fiktive, Vadim Baranov, një strateg dhe këshilltar i errët i Kremlinit, i cili luhet nga aktori Paul Dano.
Baranov është frymëzuar nga një personazh real, Vladislav Surkov, ish-këshilltar i Putinit, i konsideruar si arkitekti i sistemit të kontrolluar politik në Rusi dhe një nga figurat më të mistershme të dekadës së fundit.
Filmi shpalos ngritjen e Vladimir Putinit drejt pushtetit absolut dhe mënyrën se si ai, përmes manipulimit dhe strategjisë, ndërton një sistem që sundon mbi frikën dhe kontrollin total.
Roli i Jude Law si Putin ka tërhequr vëmendje të madhe për ngjashmërinë fizike, por edhe për interpretimin kompleks të një figure që vazhdon të polarizojë opinionin global.Top Channel
-
Zvicra do ta arrestojë Putinin?
Bota E Martë, 19 Gusht 2025 20:15
Zvicra do t’i japë presidentit rus Vladimir Putin “imunitet” nëse ai viziton vendin për bisedime hipotetike paqeje me Ukrainën, tha ministri i Jashtëm Ignacio Cassis, pasi Gjeneva po përflitet si një nga qytetet ku mund të zhvillohet takimi Putin-Zelensky, me propozim edhe të Presidentit francez, Emmanuel Macron.
Donald Trump propozoi dje një takim trepalësh midis presidentëve të Rusisë dhe Ukrainës, me pjesëmarrjen e tij. Duket se hapat janë të mbarë për realizimin e tij, por për momentin, as koha dhe as vendi nuk janë përcaktuar. Macron propozoi të martën që takimi të mbahej në Gjenevë, një ide me të cilën u pajtua edhe ministri i jashtëm italian Antonio Tajani.Ndaj Presidentit rus Vladimir Putin rëndon një urdhër arresti i lëshuar nga Gjykata Ndërkombëtare Penale që nga viti 2023 për krime lufte në Ukrainë të kryera gjatë pushtimit rus. Megjithatë, siç vëren Politico, Cassis sqaroi se shefi i Kremlinit nuk do të arrestohet nëse do të vinte në vend për të marrë pjesë në një konferencë paqeje.
Ai shtoi se Zvicra është “e gatshme për të pritur një takim të tillë”. “Ne gjithmonë e kemi shprehur gatishmërinë tonë, por sigurisht kjo varet nga vullneti i fuqive të mëdha”, tha ai. -
Shpresa për paqe! Putin-Zelenskyy, nga lufta te dialogu- TAKIMI që ‘mban frymën e botës’ pezull
Vladimir Putin dhe Volodymyr Zelenskyy
SHBA-Shpresa për paqe! Ukraina dhe Rusia, kanë bërë hapa pas, duke vendosur që liderët e dy vendeve, Vladimir Putin dhe Volodymyr Zelenskyy të takohen. Takimi ballë për ballë mes dy rivalëve do të zhvillohet brenda muajit gusht, në një vend ende të pacaktuar.
Në samitin e mbajtur në Shtëpinë e Bardhë, Presidenti Trump njoftoi se nisi përgatitjet për një takim mes Putin e Zelenskyy, si dhe një mundësi për një samit trepalësh që do të përfshinte edhe Trumpin. Gjatë bisedimeve Zelenskyy konfirmoi se është “gati” për takim direkt me Putin. Ndërkohë, kancelari gjerman, Friedrich Merz, deklaroi se edhe Putini është dakord të takohet me Zelenskyyn brenda dy javëve të ardhshme, pa specifikuar vendin ose datën e saktë të këtij takimi.
Presidenti francez Emmanuel Macron kërkon që takimi mes Vladimir Putinit dhe Volodymyr Zelenskyt të zhvillohet në Evropë. Macron propozon që takimi të mbahet në Gjenevë. -
Telefonata 40-minutshme, Putin i thotë “po” takimit me Zelenskin
Presidenti rus Vladimir Putin dhe ai i SHBA-së Donald Trump diskutuan idenë e “rritjes së nivelit të përfaqësuesve” në bisedimet për Ukrainën në një telefonatë 40-minutëshe pas takimit të udhëheqësit të SHBA-së me Presidentin ukrainas Volodymyr Zelenskiy, tha Kremlini sot permes Yuri Ushakov.
Jo vetëm rritje nivelit të përfaqësuesve nga pala ukrainase dhe ruse që marrin pjesë në negociatat e drejtpërdrejta, por sipas ndihmësit te Kremlinit Presidenti rus Vladimir Putin i ka thënë po Trump për një takimin dypalësh me Presidentin e Ukrainës.
Deri tani ai e ka refuzuar një takim te tillë pasi e konsideronte Zelenskin një bashkëbisedues të paligjshëm. -
Çfarë po bën Vladimir Putin ndërkohë që Zelensky dhe liderët evropian diskutojnë në tryezën ovale mbi fatin e luftës?
Ndërkohë, konfliktet dhe sulmet në Ukrainë vazhdojnë pa ndalim, bisedimet ndërkombëtare në Uashington mes Presidentit Donald Trump dhe liderëve evropianë po zhvillohen ende pas dyerve të mbyllura, pa prani të medias.
Ndërkohë në një ditë të ftohtë dhe me shi në Moskë, Presidenti Vladimir Putin zhvilloi një takim në Kremlin me guvernatorin e përkohshëm të rajonit të Rostovit, Yury Slyusar.
Mediat rajonale raportojnë se gjatë takimit, Putin theksoi një ngadalësim të prodhimit bujqësor në këtë rajon, duke u shprehur shqetësim për situatën ekonomike lokale.
Botërorët mediatikë janë larguar nga takimi, ndërsa pjesëmarrësit pritet të japin deklarata pas përfundimit të diskutimeve.
Rrjedha e ngjarjeve tregon një përplasje të dy aspekteve: aktiviteti rajonal i Putinit në Moskë dhe përpjekjet diplomatike ndërkombëtare në Shtëpinë e Bardhë për situatën në Ukrainë. Raportimet do të vazhdojnë sapo të bëhen të disponueshme informacione të reja.
-
Çfarë do të nënkuptonte për Ukrainën një pakt “si Neni 5”?
Donald Trump dhe Vladimir Putin
SHBA-Garancitë e sigurisë për Kievin janë një çështje kyç në përpjekjet për t’i dhënë fund luftimeve gjatë pushtimit rus të Ukrainës, dhe tani i dërguari i posaçëm i Shtëpisë së Bardhë, Steve Witkoff, e ka vendosur në qendër të vëmendjes termin “sikurse Neni 5″.
Më 17 gusht, Witkoff i tha rrjetit televiziv amerikan, CNN, se gjatë samitit në Alaskë ishte arritur marrëveshje që SHBA-ja dhe aleatët e saj të ofronin garanci “vendimtare” për Ukrainën në formën e “mbrojtjes si Neni 5”, edhe pse nuk dha hollësi konkrete.
Sipas tij, pas takimit mes presidentit amerikan, Donald Trump, dhe atij rus, Vladimir Putin, Rusia nuk do ta kundërshtonte një gjë të tillë si pjesë e një kuadri të mundshëm paqeje. Fraza lidhet me Nenin 5 të traktatit themelues të Organizatës së Traktatit të Atlantikut Verior (NATO), që është klauzola kryesore sipas së cilës një sulm i armatosur kundër një anëtari konsiderohet si sulm kundër të gjithëve.
Por, ndryshe nga besimi i përgjithshëm, ky nen nuk obligon automatikisht anëtarët e NATO-s për ndërhyrje të plotë ushtarake. Ai parasheh që secili shtet anëtar “do ta ndihmojë palën ose palët e sulmuara duke marrë menjëherë, individualisht ose në bashkëpunim me të tjerët, veprimet që i konsideron të nevojshme, përfshirë edhe përdorimin e forcës së armatosur”.
Që nga krijimi i NATO-s më 1949, Neni 5 është aktivizuar vetëm një herë – pas sulmeve të 11 shtatorit – duke shkaktuar operacione dhe masa mbështetëse nga aleanca, edhe pse kontributet ndryshuan në kohë dhe përmasë nga një shtet në tjetrin.
Një marrëveshje “si pothuajse Neni 5” do ta adoptonte konceptin e mbrojtjes kolektive jashtë kornizës së NATO-s, pa e bërë Ukrainën anëtare të saj – gjë që Trump qartësisht e ka përjashtuar.
Një sistem paralel për Ukrainën do të varej plotësisht nga teksti që do të negociohej. Më shumë se vetë emërtimi, rëndësi kanë detajet: kush angazhohet, për çfarë, dhe sa shpejt e fuqishëm do të vepronte në rast të një sulmi të ri ndaj Ukrainës.
Pikërisht kjo mungesë qartësie ngjall skepticizëm.
Ukrainasit janë të kujdesshëm pas premtimeve të paqarta të Memorandumit të Budapestit të vitit 1994, i cili ofroi “garanci” sigurie në këmbim të heqjes dorë nga armët bërthamore të trashëguara nga Bashkimi Sovjetik.
Ato garanci nuk e ndaluan agresionin rus. Ministri i Jashtëm polak, Radoslaw Sikorski, theksoi se problemi i Kievit nuk është mungesa e garancive, por mosrespektimi i tyre.
“Më 22 prill 2004, Vladimir Putin e ratifikoi solemnisht Marrëveshjen për kufirin ruso-ukrainas. Mjafton të respektohet ajo dhe lufta përfundon”, shkroi ai në X.
Nga ana tjetër, presidentja e Komisionit Evropian, Ursula von der Leyen, e mirëpriti propozimin dhe tha se BE-ja është ‘”gati të bëjë pjesën e saj”.
“Siç e kam thënë shpesh, Ukraina duhet të bëhet si një iriq prej çeliku, i papërtypshëm për pushtuesit potencialë”, deklaroi ajo.
Në aspektin gjeopolitik, propozimi ngre një paradoks. Nëse garancitë e pasqyrojnë realisht efektin parandalues të NATO-s, pse do t’i pranonte Kremlini?
Një shpjegim i mundshëm është se Moska i sheh garancitë, që janë jashtë kornizës së NATO-s, si më pak automatike e detyruese sesa anëtarësimi i plotë në aleancë, apo si më të hapura për negociata në përmbajtje dhe gjeografi.
Kur u pyet nga CNN-i nëse Rusia do të pranonte “garanci si të Nenit 5 të NATO-s”, Witkoff u përgjigj:
“Ajo që thashë është se arritëm marrëveshje që SHBA-ja dhe shtetet e tjera evropiane mund të ofronin në mënyrë efektive një formulim si Neni 5 për garanci sigurie”.
Por, nëse këto garanci dobësohen me qëllim që Rusia t’i pranojë, rrezikojnë të mos e parandalojnë askënd – e aq më pak Moskën./REL -
Një dhuratë nga Trump dhe drekë në ‘nder të shkëlqesisë së tij Vladimir Putin’! Zbardhen dokumentet sekrete
Vladimir Putin dhe Donald Trump
ALASKA-Dokumente të klasifikuara me simbole të Departamentit të Shtetit, të gjetura të premten në mëngjes në një hotel në Alaska, kanë zbuluar detaje të panjohura më parë në lidhje me takimin e 15 gushtit midis presidentit amerikan Donald Trump dhe presidentit rus Vladimir Putin.
Dokumentet u gjetën mëngjesin e samitit Trump-Putin nga një prej mysafirëve të hotelit, i cili më pas i dërgoi ato në faqen e internetit të NPR. Fletët mbanin detaje të sakta të kohës dhe vendndodhjes për fazat e ndryshme të takimit dypalësh (duke përfshirë emrat e dhomave në bazën ku u zhvillua), si dhe zbulonin se Trump kishte ndërmend t’i dhuronte një dhuratë bashkëbiseduesit të tij: një statujë tavoline të një “shqiponje tullace”, simboli i Shteteve të Bashkuara.
Dokumentet përmbanin numrat e telefonit të tre anëtarëve të stafit të departamentit. Së fundmi, faqet 6 dhe 7 të paketës përshkruanin se si do të shërbehej dreka në samit dhe për kë. Një menu e përfshirë në dokumente tregonte se dreka do të mbahej “në nder të shkëlqesisë së tij Vladimir Putin”, e cila u anulua më vonë: sallatë, fileto bifteku dhe peshk.Po ashtu në dokumente tregohej se Putin dhe Trump duhej të uleshin përballë njëri-tjetrit gjatë drekës. Trump do të shoqërohej nga gjashtë zyrtarë: Sekretari i Shtetit Marco Rubio, Sekretari i Mbrojtjes Pete Hegseth dhe Shefja e Shtabit të Shtëpisë së Bardhë Susie Wiles në të djathtë të tij, dhe Sekretari i Thesarit Scott Bessent, Sekretari i Tregtisë Howard Lutnick dhe i Dërguari Special për Misionet e Paqes Steve Witkoff në të majtë të tij. Putin do të ulej menjëherë pranë Ministrit të tij të Punëve të Jashtme, Sergey Lavrov, dhe Ndihmësit të tij të Presidentit për Politikën e Jashtme, Yuri Ushakov.
Zëvendëssekretarja e shtypit e Shtëpisë së Bardhë, Ana Kelli, i minimizoi dokumentet duke i quajtur ato “një menu dreke me shumë faqe”, duke shtuar se nuk bëhej fjalë për ndonjë shkelje serioze të sigurisë./ZËRI -
Vladimir Putin kërkon rajonet kyçe të Ukrainës në këmbim të paqes, detaje të reja nga Samiti i Alaskës
Presidenti rus, Vladimir Putin bëri kërkesa për të marrë kontrollin e rajoneve kryesore të Ukrainës gjatë bisedimeve të tij me Donald Trumpin si një kusht për përfundimin e luftës.
Gjatë takimit të tyre në Alaska, udhëheqësi rus thuhet se i ka thënë presidentit amerikan se dëshiron rajonet lindore të Donetskut dhe Luhanskut – dhe do të hiqte dorë nga territoret e tjera ukrainase të mbajtura nga trupat e tij në këmbim, sipas Skynews.
Planet u raportuan nga disa media, duke cituar burime të afërta me çështjen, ndërsa Trump caktoi një takim me presidentin ukrainas Volodymyr Zelensky në Uashington të hënën.
Ai ka thënë se kjo mund të hapë rrugën për një takim trepalësh me Putinin.
Sipas disa mediave, thuhet se Trump mbështet planet – por Zelensky më parë ka përjashtuar mundësinë e dorëzimit formal të ndonjë territori Moskës.
Raportohet se Rusia tashmë kontrollon një të pestën e Ukrainës, duke përfshirë rreth tre të katërtat e provincës Donetsk, në të cilën hyri për herë të parë në vitin 2014.Top Channel