Lajmidites.com

Tag: vjetra

  • Kuvend i ri, skenare të vjetra/ Rama konsultohet me Diellën pas tensioneve PD-PS: Kurrë mos e pengo kundërshtarin që po gabon

    Kuvend i ri, skenare të vjetra/ Rama konsultohet me Diellën pas tensioneve PD-PS: Kurrë mos e pengo kundërshtarin që po gabon

    Sesion i ri parlamentar, debate të vjetra. Ditën e sotme, më 12 shtator, nisi punimet Kuvendi i ri. Edhe pse seanca e parë kishte karakter ceremonial, tensionet mes opozitës dhe mazhorancës nuk munguan.
    Kryesuesi i seancës së parë të Kuvendit, deputeti socialist Vasil Llajo i bëri thirrje kryetarëve të partive politike për të lexuar propozimet për deputetët që do të formojnë komisionin e verifikimit të mandateve, por kreu i PD-së refuzoi të bënte propozimet.
    Ai akuzoi mazhorancën se është parti e krimit.

    Në këto kushte, emrat u propozuan vetëm nga PS dhe deputeti Llajo u detyrua të mbyllte seancën.
    Kreu  i qeverisë, Edi Rama ka komentuar situatën e krijuar në parlament. Përmes një statusi në rrjetin social X, ai thotë se u konstultua me Diellën, Ministren e Shtetit për Inteligjencën Artificiale, e cila i dha një këshillë.
    Rama: Diella pa parlamentin sot dhe sapo më tha: Humbës nuk është kush rrëzohet, po është ai që gërmon aty ku ra! Si i bëhet e pyeta? Kurrë mos e pengo tha, kundërshtarin që po gabon.

    Diella pa parlamentin sot dhe sapo më tha:
    Humbës nuk është kush rrëzohet, po është ai që gërmon aty ku ra!
    Si i bëhet e pyeta?
    Kurrë mos e pengo tha, kundërshtarin që po gabon😬
    — Edi Rama (@ediramaal) September 12, 2025

    /vizionplus.tv

  • Rama-deputetëve të rinj: Doni të rrini vërdallë 4 vjet, apo që kjo rrugë t’ju zgjatet përtej një mandati?

    Rama-deputetëve të rinj: Doni të rrini vërdallë 4 vjet, apo që kjo rrugë t’ju zgjatet përtej një mandati?

    “Doni të rrini vërdallë 4 vjet, apo që kjo rrugë të zgjatet përtej një mandati”. Është kjo zgjedhja para së cilës kryeministri Edi Rama vuri deputetët e rinj socialistë të dalë nga zgjedhjet e 11 majit. Në fjalën e tij para Asamblesë Socialiste, Rama u shpreh: “Nëse doni të dytën gjëja e parë është të ruheni nga tarbiatet e vjetra që gjeni këtu, të vlerësoni mandatin e parë si një gjë që duhet ta fitoni përditë dhe të jeni të parët kudo ku është detyra. Të gjithë bashkë, programi ynë qeverisës s’ka qenë kurrë më i qartë se më konkret se këtë radhë“.
    Sipas tij mandati i katërt që shqiptarët iu dhanë socialistëve është fuqi për të drejtuar për të cilën sipas tij duhet qasje e re ndaj problemeve të vjetra dhe sfidave të reja.
    “Dua të ndaj me ju mendimin tim se me 83 mandatët që na dhanë shqiptarët, nuk kemi asgjë e zgjedhje tjetër përveçse të prodhojmë në fuqi për të drejtuar si të ishim në mandatin e parë, me energji, ide dhe aftësi të reja por jo vetëm kaq. Duhet të kërkojmë te vetja një domosdoshmëri të brendshme, një shtysë, një forcë nxitëse për ta parë çdo gjë që keni bërë jo me syrin e kënaqur të atij që ka bërë vetë por me sy tjetër. Na duhet syri i atij që e ka ngarkuar për ta bërë si duhet një punë të mirë jo mirë, jo mjaftueshëm nga dikush tjetër. Na duhet një vullnet i ri për të sjellë në mandatin e 4 një qasje, një forcë, një aftësi si të ishte i pari. Duke nxjerrë nga vetja një vete të re. Nuk na mjafton një grup i ri parlamentar për të bërë ca ligje të reja apo një qeveri e re, na duhet një qasje e re ndaj problemeve të vjetra dhe sfidave të reja. Një forcë kompakte, vëllazëri politike e cila funksionon me të njëjtën ambicie dhe disiplinën e një skuadre kampione. Skuadrat kampione janë fuqia e talentit dhe disiplinës, që ushqehet çdo ditë nga ambicia për t’u bërë më të fortë. Na duhet kjo mendësi në çdo fushë, qeverisim parlament e çdo bashki”.
    Rama theksoi se në këtë mandat duhet “makineri e pandalshme reformash, projektesh, punësh, inovacionesh, thithje burimesh njerëzore brenda dhe jashtë vendit. Kjo është si unë po e stërvis veten time për këtë mandat, po mësoj dhe është e vështirë t’i shoh dhe po mundohem të gjykoj arritjet e derisotme nga një kënd i kundërt me ku i kam parë tërë këto vite. Po të thosha nga këndvështrimi i një opozitari, krejt ndryshe nga ata që bëjnë opozitën e pasuksesshme ndaj nesh, që as nuk ka ardhur nga hëna të shpëtojë Shqipërinë nga  ne, as nuk ka qylymë fluturues për t’u shitur shqiptarëve që të shkojnë në hënë. Këtu ka shokë e shoqe të një rrugë të gjatë, që dua t’ju them që kush nuk është gati ta përdorë me një sy të ri kritik, kërkues e sfidues pasqyrën ku shikon veten si pjesë e familjes tonë, dhe  më  pas punët e përbashkëta të familjes tonë duhet të stërvitet fort, pa humbur kohë se nga të gjitha gjërat më kryesore, ajo që nuk kemi është koha”.

  • Vetëm 45.7% e të punësuarve morën pagë vitin e kaluar, të tjerët…

    Vetëm 45.7% e të punësuarve morën pagë vitin e kaluar, të tjerët…

    Në vendin tonë vitin e kaluar u deklaruan rreth 1,2 milionë persona të punësuar, por më pak se gjysma e tyre, rreth 45.7 për qind morën pagë, sipas të dhënave zyrtare të INSTAT.Me shumë se gjyma e tyre përllogaritën si të vetëpunësuar në bujqësi pa pagë, ndërsa një pjesë më e vogël si të punësuar pa pagesë në biznesin e familjes dhe të tjerë që punojnë në të zezë në sektorin e biznesit.Të dhënat më të detajuara tregojnë se grup-moshat më të vjetra kanë më shumë tendence të punojnë pa pagë se ato më të rejat.Grup-mosha që përfiton më shumë nga punësimi me pagë mbetet ajo 25-29 vjeç, ku përqindja e të punësuarve që paguhen rregullisht arrin 65,5% në vitin 2024, nga 62,8% që ishte një vit më parë. Po ashtu, edhe grup-mosha 25-54 vjeç ka një pjesëmarrje relativisht të lartë në punësimin formal, duke u rritur nga 53,7% në vitin 2023 në 55,4% në vitin 2024.Vështirësitë e theksuara mbetën në grup-moshat më të vjetra. Në veçanti, personat mbi 65 vjeç janë më të prekurit nga punësimi i ulët me pagë. Për këtë grup-moshë, vetëm 7,6% e tyre janë të punësuar me pagë në vitin 2024, një rënie e ndjeshme nga 10,3% në vitin 2023.Të dhënat mbi punësimin  e pensionistëve kanë rezultuar paradoksalë vitin e kaluar. Teksa forca e punës në këtë grup-moshë u zgjerua me 44 për qind e vitin e kaluar me 120 mijë persona, punësimi me pagesë në këtë kategori ri ka rënë .Edhe grup-mosha 55-64 vjeç paraqitet me një nivel të ulët punësimi formal, megjithëse ka një rritje të lehtë krahasuar me vitin e kaluar, duke kaluar nga 33,2% në 2023 në 36,1% në 2024.Ndërkohë, të rinjtë 15-24 vjeç kanë një përqindje punësimi me pagë rreth 47,4% në 2024, që mbetet pothuajse e pandryshuar krahasuar me vitin 2023, duke reflektuar sfidat e hyrjes në tregun e punës dhe nivelin ende të lartë të punësimit informal për këtë moshë.Të dhënat tregojnë një rritje të lehtë të punësimit formal në vend, por problematika më e madhe mbetet për personat mbi 65 vjeç, të cilët përbëjnë grupin më të prekur nga punësimi pa pagë.Të rinjtë janë më të prirur të punojnë me pagë krahasuar me moshat më të vjetra. Të rinjtë që sapo dalin nga sistemi arsimor zakonisht hyjnë drejtpërdrejt në pozicione të strukturuara, ku kontrata dhe paga janë pjesë e pandashme e marrëdhënies së punës.Ndërsa gjeneratat më të vjetra janë mësuar më shumë me vetëpunësim, bujqësi apo aktivitete informale, që nuk lidhen gjithmonë me paga fikse.Burimi: INSTATKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Mbushi përroin me goma të vjetra, policia ndalon një person në Gjirokastër

    Mbushi përroin me goma të vjetra, policia ndalon një person në Gjirokastër

    POLICIA E SHTETIT
    Specialistët për Hetimin e Krimeve të Komisariatit të Policisë Gjirokastër referuan materialet në Prokurori ku nisi procedimi penal për shtetasin P. R., 58 vjeç, banues në Gjirokastër, pasi ka ndotur ambientin, duke hedhur goma të vjetra në bregun e përroit të lagjes Cfakë-Zinxhira.  Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

  • Milan i ri, por me huqe të vjetra! Kremonezja i shtang në “San Siro”

    Milan i ri, por me huqe të vjetra! Kremonezja i shtang në “San Siro”

    Milani i ri, me huqe të vjetra. Kuqezinjtë kanë zhgënjyer në ndeshjen e parë në Serie A për këtë sezon. Ekipi i Alegrit është shtangur nga Kremonezja në një “San Siro” të tejmbushur.
    Beshirotoja kaloi miqtë në epërsi në minutën e 28, por Pavloviçi riktheu sërish baraspeshën në minutën e 45. Kur pritej se Milani do të përmbyste shifrat në pjesën e dytë, e kundërta ndodhi. Bonaxoli tundi rrjetën në minutën e 61-të me një roveshatë spektakolare që heshti tifozët kuqezinj. Kështu Milani mposhtet në shtëpi me rezultatin 1-2, duke venitur pritshmëritë e larta për këtë sfidë të parë në Serinë A./Sport Ekspres/

  • Hëna e Re në Virgjëreshë/ Vjen ndryshimi i shumëpritur për këto tri shenja Horoskopi

    Hëna e Re në Virgjëreshë/ Vjen ndryshimi i shumëpritur për këto tri shenja Horoskopi

    Hëna e Re në Virgjëreshë më 23 gusht do të jetë shtytja kozmike që u nevojitet këtyre tre shenjave për të bërë më në fund disa ndryshime të pritura prej kohësh në jetën e tyre.
    Është koha të heqin dorë nga perfeksionizmi dhe krahasimi i vazhdueshëm që i pengon. Nuk keni pse të jeni perfektë – thjesht duhet të përpiqeni të bëni më të mirën tuaj.
    BinjakëtShtëpia nuk është vetëm vendi ku jetoni – është platforma juaj e nisjes. Dhe tani ka nevojë për pak vëmendje. Hëna e Re në Virgjëreshë po e kthen vëmendjen tuaj te hapësirat, njerëzit dhe ritmet e përditshme që ju mbështesin. Mund të ndjeni nevojën për të pastruar, rirregulluar ose edhe për të bërë një veprim të guximshëm që pasqyron atë që jeni tani, jo atë që ishit dikur. Diskutimet familjare mund të sjellin modele të vjetra që tani jeni gati t’i thyeni. Sa më e sigurt dhe e harmonizuar të ndihet shtëpia juaj, aq më të pandalshëm do të jeni kudo tjetër.
    VirgjëreshaKy është rivendosja juaj dhe nuk do ta humbisni. Hëna e Re në shenjën tuaj ndriçon rritjen tuaj, trupin tuaj, zakonet tuaja dhe qëllimet tuaja. Papritmas, bëhet e qartë se çfarë ju ushqen dhe çfarë ju shterron energjinë. Rutinat e vjetra? Fundi. “Miqësitë” që fshehin shterimin e energjisë? Ndërpriteni. Po ndërtoni një jetë që përputhet me imazhin që keni në mendje, hap pas hapi – dhe po e bëni këtë pa kërkuar falje.
    PeshqitMarrëdhëniet tuaja do të pastrohen shpirtërisht. Kjo Hënë e Re në shenjën tuaj të kundërt mban një pasqyrë dhe ju detyron të shikoni ekuilibrin (ose çekuilibrin) midis dhënies dhe marrjes. Dashuria dhe partneritetet – qofshin romantike, miqësore apo profesionale – nuk mund të lulëzojnë nëse e mbani vetë gjithë peshën. Është koha për kufij që ju mbrojnë nga përfshirja në kaosin e të tjerëve. Njerëzit e duhur jo vetëm që do t’i pranojnë nevojat tuaja, por do t’i respektojnë ato. Dhe do të pyesni veten pse jeni pajtuar ndonjëherë me diçka më pak.

  • Hëna e Re në Virgjëreshë! Vjen ndryshimi i shumëpritur për këto tri shenja Horoskopi

    Hëna e Re në Virgjëreshë! Vjen ndryshimi i shumëpritur për këto tri shenja Horoskopi

    Hëna e Re në Virgjëreshë më 23 gusht do të jetë shtytja kozmike që u nevojitet këtyre tre shenjave për të bërë më në fund disa ndryshime të pritura prej kohësh në jetën e tyre.
    Është koha të heqin dorë nga perfeksionizmi dhe krahasimi i vazhdueshëm që i pengon. Nuk keni pse të jeni perfektë – thjesht duhet të përpiqeni të bëni më të mirën tuaj.
    BinjakëtShtëpia nuk është vetëm vendi ku jetoni – është platforma juaj e nisjes. Dhe tani ka nevojë për pak vëmendje. Hëna e Re në Virgjëreshë po e kthen vëmendjen tuaj te hapësirat, njerëzit dhe ritmet e përditshme që ju mbështesin. Mund të ndjeni nevojën për të pastruar, rirregulluar ose edhe për të bërë një veprim të guximshëm që pasqyron atë që jeni tani, jo atë që ishit dikur. Diskutimet familjare mund të sjellin modele të vjetra që tani jeni gati t’i thyeni. Sa më e sigurt dhe e harmonizuar të ndihet shtëpia juaj, aq më të pandalshëm do të jeni kudo tjetër.
    VirgjëreshaKy është rivendosja juaj dhe nuk do ta humbisni. Hëna e Re në shenjën tuaj ndriçon rritjen tuaj, trupin tuaj, zakonet tuaja dhe qëllimet tuaja. Papritmas, bëhet e qartë se çfarë ju ushqen dhe çfarë ju shterron energjinë. Rutinat e vjetra? Fundi. “Miqësitë” që fshehin shterimin e energjisë? Ndërpriteni. Po ndërtoni një jetë që përputhet me imazhin që keni në mendje, hap pas hapi – dhe po e bëni këtë pa kërkuar falje.
    PeshqitMarrëdhëniet tuaja do të pastrohen shpirtërisht. Kjo Hënë e Re në shenjën tuaj të kundërt mban një pasqyrë dhe ju detyron të shikoni ekuilibrin (ose çekuilibrin) midis dhënies dhe marrjes. Dashuria dhe partneritetet – qofshin romantike, miqësore apo profesionale – nuk mund të lulëzojnë nëse e mbani vetë gjithë peshën. Është koha për kufij që ju mbrojnë nga përfshirja në kaosin e të tjerëve. Njerëzit e duhur jo vetëm që do t’i pranojnë nevojat tuaja, por do t’i respektojnë ato. Dhe do të pyesni veten pse jeni pajtuar ndonjëherë me diçka më pak.

  • Nga qyteti në fshat, sa para më shumë do të marrin pensionistët shqiptarë nga 1 tetori, eksperti zbardh shifrat…

    Nga qyteti në fshat, sa para më shumë do të marrin pensionistët shqiptarë nga 1 tetori, eksperti zbardh shifrat…

    Nga 1 tetori, pensionistët shqiptarë do të përfitojnë një rritje mesatare prej 3.1% të pensioneve të tyre, sipas ekspertit të ekonomisë Mario Brakaj. Indeksimi i ri i pensioneve pasqyron inflacionin e çmimeve të ushqimeve dhe pijes dhe prek mbi 730,000 të moshuar në të gjithë vendin. Pensionistët urbanë do të marrin rreth 617 lekë më shumë, ndërsa ata ruralë rreth 374 lekë në muaj, shuma që do të shkojë kryesisht për ushqim dhe ilaçe. Brakaj thekson gjatë një interviste për “A2 CNN” se ndryshimi është më i dukshëm në zonat urbane, por për të gjithë të moshuarit përfaqëson një ndihmë të rëndësishme në buxhetin familjar. Kujtojmë se ky indeksim që pritet të aplikohet në vjeshtë është pjesë e politikave për të përmirësuar standardin e jetesës së pensionistëve, ndërkohë që më poshtë po pasqyrojmë intervistën e Z. Brakaj.
    -Pyetja që ngrihet natyrshëm është sa më shumë para do të marrin të moshuarit shqiptarë në pensionet e tyre. Gushti po i lë vendin vjeshtës dhe në tryezat e Ministrisë së Ekonomisë dhe Institutit të Sigurimeve Shoqërore po bëhen kalkulimet e fundit. Çdo shifër që shtohet nuk është thjesht statistikë, por përkthehet në buxhet familjar, në shpenzime për ilaçe apo ushqime. Vendimi i radhës për indeksimin e pensioneve pritet të japë përgjigje për mbi 700.000 qytetarë që presin me vëmendje se çfarë do të ndryshojë nga muaji tetor dhe pyetja më e rëndësishme është se sa do të rriten këto pensione. Përgjigjen për këtë pyetje dhe shumë të tjera na e kthen Mario Brakaj në studio. Mario, të përshëndes. Faleminderit që je në studio. E nisim pikërisht me këtë pyetje të parë. Sa do të rriten këto pensione?
    Ja, i bëjmë bashkë llogaritë duke nisur nga inflacioni tek ushqimet dhe tek pijet. Sepse siç e dimë, indeksimi i pensioneve, që tashmë ndodh prej 1 tetorit (i katërti vit do të jetë 2025, përpara kemi pasur prej 1 prillit), bëhet mbi bazën e ecurisë së inflacionit, pra mbi bazën e ecurisë së rritjes së çmimeve të ushqimeve dhe të pijeve. Dhe ne deri tani, bazuar te të dhënat nga Instituti i Statistikave, kemi një inflacion mesatar 3.1%. Pra kemi nisur me inflacion 2.5%, 2.6% në janar, 2.8% në shkurt, 3% në mars. Ka pasur një trajektore rritëse, sepse kur kemi prodhim vendas, sigurisht që inflacioni bie disi, dhe në periudhat kur nuk kemi prodhim vendas, shkojmë në import dhe rrjedhimisht çmimi i atij produktit është më i lartë. Kështu që me inflacion 3.1%, kjo do të thotë që të moshuarit, ata që jetojnë në fshat, ata që jetojnë në qytet, pensionet e tyre nga 1 tetori do të rriten me mesatarisht 3.1%.
    -Le të ndalemi tek ajo përqindje, por për të bërë një diferencë midis asaj se çfarë do të thotë 3.1% që të rriten pensionet në fshat dhe 3.1% në qytet. Në fakt, grafika tjetër do na tregojë edhe se si është kjo në shifra monetare, por kur të flasim për këtë, shohim që bëhet fjalë për një shifër që ha diskutim në momentin që flasim se çfarë mund të bëjnë edhe të moshuarit me të, duke pasur parasysh shpenzimet për ushqim, ilaçe e të tjera shpenzime që mund të kenë?
    Po, dhe statistikisht, për kuriozitet, dhënat e këtij viti nga Këshilli për Bashkëpunim Rajonal tregojnë që pensionistët nuk shkojnë për pushime. Vetëm 5% e tyre shkojnë. Kështu që patjetër që këto para do të shkojnë për ato që ti përmende: për ushqim, për pije dhe për ilaçe. Pensioni mesatar urban për vitin 2024, në fund të vitit 2024, ishte 19.609 ALL (rreth 190€ apo 200€ gati me kursin aktual të këmbimit). Ndërkohë që pensioni mesatar rural, aty ku kemi dhe pjesën më të madhe të të moshuarve (pra ata që kanë punuar në ish-kooperativat bujqësore, që kanë punuar në fshat), ishte 11.878 ALL. E thënë me të dhjetëra: 190.609 lekë të vjetra dhe 111.878 lekë të vjetra. Ndërkohë që bazuar tek ajo përllogaritja e inflacionit që bëmë pak më herët, 3.1%, do të thotë që një pensionist në qytet, në zonat urbane, do të marrë 3.1% më tepër, apo në vlerë parash 617 ALL (ose 6170 lekë të vjetra). Ndërkohë që pensionistët në zonat rurale do të marrin 374 ALL (ose 3740 lekë të vjetra). Kështu që vlera pas rritjes e pensionit në zonat urbane shkon në 20.226 ALL, dhe në vlerë në zonat rurale 12.252 ALL (ose 122.520 lekë të vjetra).
    -Ndalemi pak se është një shifër interesante. Në fakt, në qoftë se bëjmë një llogari, kjo është një rritje mujore për pensionistët. Në qoftë se bëjmë një llogari me çmimet e tregut, çfarë produktesh mund të blejmë me 617 ALL, se nuk po flasim më në detaje për 374 ALL që është me të vërtetë një shifër e papërfillshme me çmimet e sotme?
    4 litra qumësht mund të marrësh me atë vlerë. Sigurisht, duke iu referuar një çmim mesatar të qumështit, sepse edhe aty kategoritë ndryshojnë. Por ajo që duhet thënë është që nëse ne flasim për një vlerë 19.609 ALL për një mesatare, vërtetë në atë mesatare ka nga ata që marrin edhe 130.000 lekë të vjetra, ka nga ata që marrin edhe 280.000 lekë të vjetra. Pra, po flasim gjithmonë me të vjetra. Kështu që ne po flasim vetëm për vlerën mesatare, sepse një pensionist mund të thotë që “unë nuk marr kaq pension”, dhe sigurisht ai ka të drejtë sepse nuk merr aq. Por flasim kjo është rritja mesatare, sepse 617 ALL (që vlen sa 6170 lekë të vjetra) vlen për atë mesatare. Mund të ketë nga ata që rritjen do ta kenë vetëm 400 ALL (pra 4000 lekë të vjetra) rritjen e pensionit të tyre. Ndërkohë që ata që janë në zonat rurale mund ta kenë edhe vetëm 200 ALL (pra 2000 lekë të vjetra) rritjen në 1 tetor.
    -Por nëqoftëse flasim që pensioni mesatar rural është 11.878 ALL, cili mund të jetë minimali për të cilin mund të flasim në këto zona, që mund të shkojë rritja edhe vetëm 200 ALL?
    Atëherë, për 15 vite pune që parashikon legjislacioni shqiptar, ne duhet të kemi minimumi 15 vite pune për të marrë pension minimal, dhe vlera e të cilit është 9.872 ALL (ose 98.720 lekë të vjetra). Pra, ka nga ata që marrin pak se 100€ në pension, që nëse do t’i ktheheshim atyre premtimeve përpara zgjedhjeve të 11 majit, sigurisht që është një shifër shumë e largët. Madje edhe nga qeveria u premtua që nga viti 2026 pensioni minimal do të jetë 200€, ndërkohë që sot e kemi më pak se 100 euro. Do të shohim se çfarë do të ndodhë në vitin 2026. Dhe nëse shohim grafikisht edhe për llogaritjet, për t’i dhënë përgjigje pyetjes se sa le të themi kjo rritje vlen, do të kuptoni në fakt, ndërkohë që këtu kemi numrin e pensionistëve. …e atyre që do të përfitojnë. 721.398 kanë qenë në vitin 2024. Mbeten për t’u parë se sa do të jetë shifra e vitit 2025, por duke u bazuar te të dhënat nga Instituti i Sigurimeve Shoqërore, kemi shkuar në rreth 10.000 pensionistë më shumë, pra rreth 731.398. Por trajektorja ka qenë nga viti 2020 e deri më tani ka qenë në rritje.

  • MKRS për aktakuzën mbi “Sarajet e Vjetra”: Dëmi i shkaktuar është i pakthyeshëm

    MKRS për aktakuzën mbi “Sarajet e Vjetra”: Dëmi i shkaktuar është i pakthyeshëm

    Në Ministrinë e Kulturës sot u mbajt një konferencë për media nga sekretari i përgjithshëm i MKRS-së, Bislim Bislimi, lidhur me ngritjen e aktakuzës nga Prokuroria Themelore e Prizrenit për rrënimin e ish-kompleksit “Sarajet e Vjetra”, i cili kishte mbrojtje të përhershme ligjore si aset i trashëgimisë kulturore.

    Bislimi tha se ministria mirëpret veprimin e prokurorisë dhe e vlerëson si hap drejt parandalimit të shkatërrimit të trashëgimisë kulturore në vend. Ai theksoi se dëmi material për restaurimin e kompleksit do të kapte shifrën e 15 milionë eurove, por humbja e vlerave autentike është e pakthyeshme dhe e pamatshme, përcjellë KultPlus.

    Sekretari nënvizoi se MKRS po zbaton një program masiv të konservimit dhe restaurimit, por edhe ka shtuar masat inspektuese dhe bashkëpunimin me Policinë, Prokurorinë dhe Gjyqësorin për t’i çuar para drejtësisë të gjithë shkelësit e ligjit.

    “Nga masat ligjore nuk përjashtohet askush, qoftë zyrtarë lokalë apo qendrorë. Çdo ndërhyrje pa leje në asetet e trashëgimisë do të procedohet penalisht,” tha Bislimi.

    Ai shtoi se MKRS ka proceduar raste të ngjashme edhe në komunat tjera dhe i bëri thirrje prokurorive të veprojnë me urgjencë./KultPlus.com

  • Nedim Bajrami si në kohët e vjetra, mesfushori kuqezi shënon gol spektakolar në Kupën e Skocisë (video)

    Nedim Bajrami si në kohët e vjetra, mesfushori kuqezi shënon gol spektakolar në Kupën e Skocisë (video)

    16 Gusht 2025

    19:36

    Telesport

    Merr fund thatësira e golit për Nedim Bajramin. Mesfushori kuqezi ka gjetur rrjetën pas shumë kohësh, gati 5 muaj. Bajrami shënoi golin e parë për Rangers, që po luan në Glasgow ndaj Alloa. Ndeshje e vlefshme për Kupën e Skocisë.
    Pasi mori një pasim nga Mikey Moore, Bajrami shënoi me një goditje shumë të bukur dhe me mjaft klas në kufijtë e zonës së rreptësisë. Një gol që na rikujton Bajramin e kohëve të vjetra, kur ishte në formën e tij më të mirë.
    Urojmë që ky të jetë një gol çlirimi për Bajramin dhe të rifitojë formën e dikurshme dhe të jetë titullar këtë sezon. SHIKOSUPERGOLINEBAJRAMIT
    Përsa i përket rezultatit të ndeshjes, miqtë barazuan shifrat përkohësisht me një autogol në minutën e 25-të, por Rangers rigjeti avantazhin pas 3 minutash dhe e mbylli pjesën e parë në avantazh 2-1.