Karabinierët italianë kanë çmontuar një bandë “skifterësh” shqiptarë që grabisnin traktorë bujqësorë me qëllim trafikimin e tyre apo shitjen për pjesë, me qëllime përfitimi.
Operacioni është kryer në zonën e Modenës ditët e fundit, ndërsa 4 persona ranë në pranga, të gjithë shqiptarë të moshave 58, 46, 44 dhe 21 vjeç.
Ata mbahen përgjegjës për vjedhjen dhe trafikimin e të paktën 45 mjeteve, nga të cilët 28 janë traktorë dhe të tjerët makina, me vlerë dëmi 2,5 mln euro. 14 prej mjeteve janë gjetur dhe u kthyen tek pronarët.
Grupi dyshohet se është pjesë e një organizate kriminale të dedikuar për vjedhjen e traktorëve bujqësorë, marrjen e mallrave të vjedhura dhe pastrimin e makinave të vjedhura.
Gjykatësi i Hetimeve Paraprake, konfirmoi dje arrestimin dhe urdhëroi masën paraprake të arrestit me burg për të katër të dyshuarit, duke miratuar kërkesën e Prokurorisë.
Tag: vjedhura
-
Policia zbulon bandën shqiptare që grabiste traktorë në Itali, 45 mjete të vjedhura dhe 2.5 mln euro dëme
-
U fut për të grabitur në një shtëpi në Itali, shqiptari dhunohet rëndë nga banorët, policia i sekuestron eurot dhe sendet e vjedhura
Një burrë 40-vjeçar shqiptar u plagos gjatë një përleshjeje me banorët pas një tentative vjedhjeje në Arnad, në veriperëndim të Italisë të Italisë, më 5 dhjetor.
Ai dyshohet se u sulmua me një objekt të mprehtë, dyshohet një kazmë, duke pësuar frakturë të legenit dhe plagë në pjesën e poshtme të barkut.
Karabinierët e arrestuan menjëherë dhe sekuestruan mallrat e vjedhura: 500 euro cash, bizhuteri dhe një çantë me vlerë totale rreth 5,000 euro. Një bashkëpunëtor i tij arriti të arratisej në zonën pyjore përreth. Hetuesit zbuluan se hajdutët kishin hapur me forcë një derë me rrjetë për të hyrë në banesë, ndërsa në qytet kishte pasur një tjetër tentativë vjedhjeje më parë.
I ndaluari ndodhet aktualisht në Spitalin Parini dhe do të qëndrojë aty deri sa gjendja e tij të lejojë transferimin në paraburgim.
Hetimet nga Karabinierët e Châtillon/Saint-Vincent vazhdojnë për identifikimin e personave që sulmuan hajdutët.Top Channel
-
Furnizonte me makina të vjedhura grupet kriminale, arrestohet 21-vjeçari (Emri)
Policia e Durrësit ka arrestuar shtetasin, Klajdi Lleshi, 21 vjeç pasi akuzohet se grabiste automjete për t’i shitur më pas te persona me precedent kriminal, të cilët i përdornin për kryerjen e veprave të tjera penale.
Sipas Policisë, i riu i cili ka vjedhur 4 automjete, një në Gjoricë të Bulqizës dhe tre në lagjet nr. 15 dhe nr. 17 të Durrësit, si dhe sende personale në një automjet, po në lagjen nr. 15, Durrës.
Gjatë kontrollit, kanë gjetur dhe sekuestruar automjetet e vjedhura të markave Benz, Toyota, Volkswagen dhe Ford Focus.
Njoftimi i policise
Shtetasi Klajdi Lleshi, 21 vjeç, lindur dhe banues në Bulqizë, dyshohet se kishte vjedhur automjete për t’i shitur më pas personave me precedent kriminal, të cilët i përdornin për kryerjen e veprave të tjera penale.
Operacioni u realizua në bashkëpunim me Komisariatin e Policisë nr. 4 Tiranë dhe Komisariatin e Policisë Bulqizë, duke bërë të mundur kapjen e 21-vjeçarit në flagrancë, pak minuta pasi kishte vjedhur një automjet Benz në fshatin Gjoricë, Bulqizë, në pronësi të shtetasit V. Xh.
Gjatë hetimeve u konstatua se i riu kishte vjedhur edhe tre automjete të tjera në lagjet nr. 15 dhe nr. 17 të Durrësit, si dhe sende personale nga një automjet tjetër.
Policia sekuestroi automjetet e vjedhura të markave Benz, Toyota, Volkswagen dhe Ford Focus, të cilat do të përdoren si prova materiale”,- thuhet në njoftimin e Policisë.
Materialet procedurale janë dorëzuar në Prokurorinë pranë Gjykatës së Shkallës së Parë Durrës, ndërsa hetimet për zbardhjen e vjedhjeve të tjera që dyshohet se janë kryer nga ky shtetas vijojnë.
-
Trafikonin nga Italia në Shqipëri automjete luksoze të vjedhura, shpallen në kërkim shqiptarët, vlera arrin në 110 mijë euro
Dy persona janë shpallur në kërkim, pasi dyshohet se trafikonin nga Italia në Shqipëri mjete luksoze të vjedhura.
Në kuadër të operacionit policor të koduar “Stolen Line”:
-G. G, 34 vjeç, i dyshuar për trafikimin e automjetit tip “Lynk&Co”, si dhe për falsifikimin e dokumentacionit me qëllim shitjen dhe targimin e tij në Shqipëri;
-S. S., 40 vjeç, i dyshuar për trafikimin e automjetit tip “Benz GLC”, si dhe për falsifikimin e dokumentacionit dhe ndryshimin e numrit të shasisë së këtij automjeti.
Automjetet e viteve të fundit, Benz GLC” dhe “Lynk&Co, arrijnë në një vlerë prej 110 mijë eurosh.
Materialet procedurale i kaluan Prokurorisë, për veprime të mëtejshme.Top Channel
-
VIDEO/ Vidhnin rroba nga Athina dhe i shisnin në Tiranë, policia greke godet grupin kriminal, 8 të arrestuar
Policia greke ka goditur një organizatë kriminale që vidhte rroba nga dyqanet e Athinës dhe më pas i shiste ato në Tiranë.
Tetë anëtarë të organizatës u arrestuan në Atikë, ndërsa katër të tjerë janë në kërkim.
Gjatë hetimeve u sekuestruan 71,420 euro, veshje të vjedhura, artikuj elektronikë dhe pajisje antivjedhje.Sipas prothema.gr, anëtarët e grupit hynin në dyqanet e veshjeve si klientë, shëtisnin nëpër korridore, vëzhgonin produktet dhe në momentin e duhur merrnin veshje të ndryshme, i fusin në qese të mëdha dhe pinin duhan.
Më pas rrobat transportoheshin në Shqipëri dhe shiteshin në Tiranë. Në krye të grupit ishte një 54-vjeçare, ndërsa katër anëtarë të familjes së saj ishin gjithashtu pjesë e grupit.
Gjatë operacionit, 8 anëtarë të organizatës kriminale, të moshës midis 63 dhe 33 vjeç, u arrestuan në zona të ndryshme të Atikës. 4 anëtarë të tjerë u identifikuan dhe janë shpallur në kërkim.
Si funksiononte organizata
Anëtari kryesor i organizatës dhe koordinatori i aktivitetit kriminal ishte një 54-vjeçare, ndërsa 4 anëtarë të tjerë të familjes së saj ishin pjesë e grupit.
Njëri grup vepronte në Greqi, ndërsa tjetri në Shqipëri.
Grupi që vepronte në Greqi ishte përgjegjës për kryerjen e vjedhjeve të sasive të mëdha të mallrave nga dyqanet, ndërsa udhëheqësja 54-vjeçare ishte përgjegjëse për dërgimin e mallrave të vjedhura, me ndihmën e anëtarëve të familjes së saj, me autobusë në Tiranë, ku një i afërm tjetër i saj zotëronte një dyqan rrobash, me qëllim rishitjen e tyre.
Grupi që vepronte në Shqipëri ishte përgjegjës për marrjen e rrobave dhe shitjen e tyre përmes dyqanit të rrobave në Tiranë, ndërsa ajo shpesh postonte reklama për zbritje veshjesh në mediat sociale me qëllim gjetjen e klientëve.
Autorët e vjedhjeve kryenin më shumë se një vjedhje në ditë, ndërsa zgjidhnin kryesisht dyqane që ofronin mallra për shitje pa pajisje antivjedhje të bashkangjitura.
Edhe në rastet kur mallrat kishin një pajisje antivjedhje, të pandehurit përdornin një pajisje elektronike të posaçme dhe një magnet hekuri.
Gjatë operacionit brenda shtëpive të të akuzuarve dhe në magazinën e organizatës, u gjetën dhe sekuestruan:
shuma prej 71,420- eurosh,
veshje të vjedhura,
artikuj elektronikë dhe telefona celularë,
7 magnetë për heqjen e pajisjeve anti-vjedhje, si dhe
një pajisje e posaçme për heqjen e etiketave të sigurisë anti-vjedhje.
Përveç kësaj, gjatë një kontrolli nga autoritetet shqiptare në dyqanin e veshjeve ku shiteshin rrobat e vjedhura në Tiranë, u gjetën rroba të vjedhura me etiketa në greqisht dhe me çmim shitjeje në euro. -
Greqia/ Vendi me numrin më të lartë të automjeteve të vjedhura
Gjatë operacionit të gjerë policor “Joint Action Day (JAD) Mobile 8)”, i zhvilluar në 26 vende europiane nën koordinimin e Europol, Greqia rezultoi vendi me numrin më të lartë të automjeteve të vjedhura të identifikuara. Nga gjithsej 462 automjete të vjedhura ose të falsifikuara të zbuluara në nivel europian, 231 u sekuestruan në territorin grek.
Sipas njoftimit zyrtar, krahasuar me një vit më parë janë identifikuar 232 mjete më shumë, duke treguar rritje të dukshme të aktivitetit të rrjeteve kriminale. Autoritetet greke kontrolluan 6.548 automjete, ku përveç mjeteve të sekuestruara, u arrestuan edhe 84 emigrantë të parregullt dhe 21 trafikantë, ndërsa u sekuestruan 199.56 gramë lëndë narkotike.
Operacioni u zhvillua nga 20 deri më 31 tetor 2025, në kuadër të prioriteteve europiane “Empact”, me pjesëmarrjen e strukturave të specializuara greke për luftën kundër krimit të organizuar. Kontrollet u kryen si në pikat kufitare të jashtme të vendit, ashtu edhe brenda territorit, përfshirë Atikën, Selanikun, Kilkísin, Fthiotidën, Thrakën, Sërresin dhe pikat kufitare Mertzani, Krystallopigi dhe Kakavia.
Fushata u koordinua nga Frontex, në bashkëpunim me autoritetet policore të Greqisë, Gjermanisë, Spanjës dhe Polonisë. Në operacion morën pjesë vendet e BE-së: Austria, Bullgaria, Kroacia, Çekia, Franca, Gjermania, Holanda, Italia, Letonia, Lituania, Polonia, Portugalia, Rumania, Spanja dhe Suedia.
Pjesë e operacionit ishin edhe disa vende të treta, përfshirë Shqipërinë, Kosovën, Moldavinë, Malin e Zi, Maqedoninë e Veriut, Serbinë dhe Zvicrën, si dhe agjencitë Europol dhe Interpol.
Operacioni synon identifikimin e automjeteve të vjedhura, të falsifikuara ose të modifikuara, të përdorura shpesh nga rrjete kriminale për trafikim, kontrabandë apo aktivitete të tjera ilegale. Ky aksion konfirmon rëndësinë e bashkëpunimit ndërkombëtar në luftën kundër krimit të organizuar në hapësirën europiane. -
Europol operacion në Europë dhe Shqipëri, 100 arrestime dhe 462 makina të sekuestruara
pamjet nga operacioni
GREQI-Europol në bashkëpunim me FRONTEX dhe autoritetet e disa vendeve europiane, ka zhvilluar gjatë muajit tetor një superoperacion kundër vjedhjes dhe trafikimit të makinave, si dhe të qenieve njerëzore, duke përfshirë Shqipërinë. Protothema shkruan se aksioni u përqëndrua kryesisht në Greqi, ku ndodheshin bazat kryesore të celulave kriminale që drejtonin trafikun e makinave dhe të emigrantëve. Gjatë 11 ditëve të aksionit u kontrolluan qindra makina dhe u zbuluan 231 automjete të vjedhura dhe të falsifikuara në Greqi.
‘Ky operacion është pjesë e një veprimi më të gjerë evropian të koordinuar nga Frontex në bashkëpunim me Autoritetet Greke, Gjermane, Spanjolle dhe Polake, ndërsa vendet e Bashkimit Evropian si Austria, Bullgaria, Kroacia, Republika Çeke, Franca, Gjermania, Holanda, Italia, Letonia, Lituania, Holanda, Polonia, Portugalia, Rumania, Spanja dhe Suedia morën pjesë në veprim. Vende të treta, si Shqipëria, Kosova, Moldavia, Mali i Zi, Maqedonia e Veriut, Serbia dhe Zvicra, si dhe Europoli dhe Interpoli, morën pjesë gjithashtu”, njofton EUROPOL.
Aksioni u identifikuan 462 automjete të vjedhura dhe me shasi të falsifikuar (232 më shumë krahasuar me aksionin përkatës të vitit të kaluar), ndërsa në Greqi u kontrolluan gjithsej 6,548 automjete (1,263 më shumë krahasuar me vitin e kaluar), u identifikuan 231 automjete të vjedhura dhe të falsifikuara (57 më shumë krahasuar me vitin e kaluar), u arrestuan 84 emigrantë të paligjshëm të kombësive të ndryshme dhe 21 trafikantë, si dhe u sekuestruan lëndë narkotike, me një peshë totale prej 199.56 gramë.
Kontrollet u kryen në pika kufitare si Mertzani, Kristallopigi dhe Kakavia, si dhe në zonat Atikë, Selanik, Kilkis, Ftiotidë, Traki dhe Seres, me qëllim identifikimin e automjeteve të vjedhura dhe personave të përfshirë në trafik./ZËRI -
Europol shkatërron rrjetin kriminal në Shqipëri, zbulohen 462 makina të vjedhura
EUROPOL, në bashkëpunim me FRONTEX dhe autoritetet e disa vendeve europiane, ka zhvilluar gjatë muajit tetor një superoperacion kundër vjedhjes dhe trafikimit të makinave, si dhe të qenieve njerëzore, duke përfshirë Shqipërinë.
Operacioni, i koduar “JAD Mobile 8”, përqendrohej kryesisht në Greqi, ku ndodheshin bazat kryesore të celulave kriminale që drejtonin trafikun e makinave dhe të emigrantëve. Gjatë 11 ditëve të aksionit u kontrolluan qindra makina dhe u zbuluan 231 automjete të vjedhura dhe të falsifikuara në Greqi.
Në nivel evropian, aksioni u koordinua me pjesëmarrjen e Austrisë, Bullgarisë, Kroacisë, Çekisë, Francës, Gjermanisë, Holandës, Italisë, Letonisë, Lituanisë, Polonisë, Portugalisë, Rumanisë, Spanjës dhe Suedisë. Po ashtu morën pjesë edhe vendet jo-anëtare të BE-së si Shqipëria, Kosova, Moldavia, Mali i Zi, Maqedonia e Veriut, Serbia dhe Zvicra, si dhe Europoli dhe Interpoli.
Gjatë operacionit u identifikuan 462 automjete të vjedhura dhe të falsifikuara, 232 më shumë se vitin e kaluar. Në Greqi, u arrestuan 84 emigrantë të paligjshëm dhe 21 trafikantë, si dhe u sekuestruan 199.56 gramë lëndë narkotike.
Kontrollet u kryen në pika kufitare si Mertzani, Kristallopigi dhe Kakavia, si dhe në zonat Atikë, Selanik, Kilkis, Ftiotidë, Traki dhe Seres, me qëllim identifikimin e automjeteve të vjedhura dhe personave të përfshirë në trafik. -
Europol operacion në disa shtete, mes tyre edhe Shqipëria. Mbi 100 arrestime dhe 462 makina të sekuestruara
EUROPOL ka zhvilluar përgjatë javëve të fundit të muajit tetor një superoperacion kundër vjedhjes së mjeteve motorike, trafikimit të tyre dhe qenieve njerëzore në të gjithë Evropën, përfshi edhe Shqipërinë.
Aksioni është përqendruar kryesisht në Greqi, ku kanë pasur bazat kryesore celulat kriminale dhe nga drejtonin si trafikun e mjeteve, ashtu dhe të klandestinëve. Mbi 200 mjete të vjedhura u zbuluan dhe bllokuan, si dhe u bënë mbi 100 arrestime.
Operacioni u kodua “JAD Mobile 8” (Dita e veprimit të përbashkët) dhe u koordinua nga EUROPOL dhe FRONTEX. Në Greqi u përfshinë 6 zona nën kontrolle të rrepta, ku u zbuluan në total 231 makina të vjedhura gjatë 11 ditëve aksion.
‘Ky veprim specifik është pjesë e një veprimi më të gjerë evropian të koordinuar nga Frontex në bashkëpunim me Autoritetet Greke, Gjermane, Spanjolle dhe Polake, ndërsa vendet e Bashkimit Evropian si Austria, Bullgaria, Kroacia, Republika Çeke, Franca, Gjermania, Holanda, Italia, Letonia, Lituania, Holanda, Polonia, Portugalia, Rumania, Spanja dhe Suedia morën pjesë në veprim. Vende të treta, si Shqipëria, Kosova, Moldavia, Mali i Zi, Maqedonia e Veriut, Serbia dhe Zvicra, si dhe Europoli dhe Interpoli, morën pjesë gjithashtu”, njofton EUROPOL.
Sipas “Protothema”, u kryen kontrolle intensive të automjeteve dhe individëve si në kufijtë e jashtëm të vendit ashtu edhe brenda tij, konkretisht në Atikë, Selanik, Kilkis, Ftiotidë, Traki, Seres, si dhe në pikat e kalimit kufitar (Mertzani, Kristallopigi, Kakavia) me qëllim identifikimin e automjeteve të vjedhura të falsifikuara.
Gjatë aksionit operativ në Evropë, u identifikuan 462 automjete të vjedhura dhe me shasi të falsifikuar (232 më shumë krahasuar me aksionin përkatës të vitit të kaluar), ndërsa në Greqi u kontrolluan gjithsej 6,548 automjete (1,263 më shumë krahasuar me vitin e kaluar), u identifikuan 231 automjete të vjedhura dhe të falsifikuara (57 më shumë krahasuar me vitin e kaluar), u arrestuan 84 emigrantë të paligjshëm të kombësive të ndryshme dhe 21 trafikantë, si dhe u sekuestruan lëndë narkotike, me një peshë totale prej 199.56 gramë.
Aksioni i përbashkët operativ është kryer nga 20 tetori, deri më 31 tetor 2025./TAR
-
Akuzohen se trafikonin vepra arti të vjedhura në Europë, arrestohen babë e bir në Kamëz (EMRAT)
Policia ka arrestuar dy persona, baba e bir, në Kamzë ka shpallur në kërkim një të tretë, të lidhur me një grup që dyshohet se trafikonin vepra arti të vjedhura nga shtete të ndryshme të Europës.
Të arrestuarit janë Aurel Halilaj, 20 vjeç, dhe Islam Gjuta, 30 vjeç, ndërsa në kërkim është Jetmir Halilaj, 42 vjeç, të tre banues në Kamzë. Aurel dhe Jetmir janë baba e bir.
Nga kontrolli i banesës së tyre, u gjetën qindra objekte me vlera historike dhe kulturore, përfshirë:
31 punime druri të gdhendura me motive të ndryshme
3 skulptura në formë dhëmbi elefanti
6 piktura të autorëve të huaj
411 albume me pulla poste të shteteve të ndryshme
një procesverbal origjinal francez i vitit 1925
objekte të tjera artistike dhe historike si shpatë metalike, skulpturë shqiponje, vazo qelqi dhe valixhe druri me punime dekorative
Sipas policisë, objektet siguroheshin kryesisht nga Islam Gjuta dhe trafikoheshin me qëllim shitjen në Shqipëri, në kundërshtim me ligjin. Hetimet vijojnë për të kapur personin në kërkim dhe për të identifikuar të tjerë të përfshirë në këtë aktivitet.