Presidenti i Serbisë, Aleksandar Vuçiç, u detyrua të ndërpresë papritur vizitën e tij në Shtetet e Bashkuara, për shkak të gjendjes së tij shëndetësore. Sipas informacioneve zyrtare nga Akademia Ushtarake Mjekësore në Beograd, Vuçiç përjetoi dhimbje të forta në kraharor dhe tension të lartë, duke u detyruar të kthehej urgjentisht në vend.
Megjithatë, në sfondin e kësaj vizite, ngrihen një sërë pyetjesh të natyrës politike dhe financiare që kanë ndezur debat në Serbi dhe më gjerë. Vizita në Florida nuk ishte e paralajmëruar në mënyrë zyrtare në faqen e presidencës, ndonëse Vuçiç kishte deklaruar më herët se do të takohej me zyrtarë të lartë republikanë dhe vetë ish-presidentin Donald Trump.
Në realitet, ai nuk arriti të takohej me asnjë figurë të rëndësishme politike amerikane, me përjashtim të një takimi me ish-kryetarin e Bashkisë së Nju Jorkut, Rudy Giuliani, dhe një paraqitjeje në një emision televiziv pa ndikim në mediat amerikane. Delegacioni serb u përjashtua nga darka gala e Komitetit Kombëtar Republikan, e cila mbahej në rezidencën luksoze të Trump në Mar-a-Lago – një zhvillim që për shumë analistë është cilësuar si një dështim diplomatik.
Ndërkohë, reagimet e opozitës në Serbi kanë qenë të forta. Zëdhënësi i lëvizjes “Ndryshimi”, Nikola Stanković, ngriti pyetje të rëndësishme mbi transparencën e përdorimit të mjeteve publike për një vizitë që Vuçiç e cilësoi si “private”. Ai kërkoi llogari për shpenzimet e fluturimeve, akomodimit, sigurimit dhe pranisë së mediave të afërta me pushtetin.
Kritikat kanë ardhur edhe nga BE-ja. Zëdhënësi i Komisionit Evropian, Markus Lammert, deklaroi se marrëdhëniet me Rusinë nuk mund të mbeten të pandryshuara për një vend kandidat si Serbia, duke theksuar se vendi duhet të qartësojë drejtimin e tij strategjik.
Nga ana tjetër, vizita u interpretua nga analistët si një përpjekje e Vuçiçit për të kërkuar mbështetje ndërkombëtare mes tensioneve të brendshme politike në Serbi dhe protestave në rritje. Ish-diplomati Nebojša Vujović tha se Vuçiç “e keqvlerësoi pozicionin e tij” dhe nuk u lejua të hyjë në Mar-a-Lago, pavarësisht pagesës. Sipas tij, presidenti serb po përpiqet të manovrojë mes Trump dhe Putin, por tani e ka humbur terrenin në të dyja frontet.
Në vend që të siguronte një fitore propagandistike, udhëtimi u kthye në një “fiasko të plotë”, siç e cilësoi nënkryetari i Partisë së Lirisë dhe Drejtësisë, Borko Stefanović. Sipas raportimeve, avionët qeveritarë, shoqëruesit, mediat e afërta dhe logjistika e përdorur kanë shkaktuar shpenzime të mëdha për një vizitë që nuk dha asnjë rezultat konkret për Serbinë.
Në prag të 9 Majit – Ditës së Fitores në Moskë, ku Vuçiç pretendonte të merrte pjesë – kjo përplasje mes ambicieve ndërkombëtare dhe realitetit diplomatik po i kushton gjithnjë e më shumë. Për analistët, dëmtimi i marrëdhënieve me Perëndimin nuk kompensohet dot me një foto me Trump apo një përshëndetje nga Putini.
Në fund të fundit, pyetja thelbësore mbetet: A ishte kjo një vizitë private, apo një përpjekje e dështuar për promovim politik personal me kosto shtetërore?
Tag: vizita
-
Vizita e pasuksesshme e Vuçiçit në SHBA, ndërprerje e papritur për arsye shëndetësore apo fiasko politike?
-
Kandidati i PD: Po përgatitet vizita e Berishës në SHBA. Non Grata do bjerë para 11 majit
Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona
-
Begaj rrëfen ceremoninë për Papa Françeskun: Vizita e tij në Shqipëri mbetet historike!
Presidenti Bajram Begaj, në një intervistë për gazetën italiane “Il Tempo” ka ndarë përshtypjet e tij pas pjesëmarrjes në ceremoninë mortore të Papa Françeskut, duke e cilësuar atë si një përvojë unike.
“Papa Françesku edhe një herë na dha një dëshmi të madhështisë së tij: një lumë njerëzish, nga Sheshi Shën Pjetri deri te Santa Maria Maggiore erdhi për t’i bërë homazh.”
Begaj foli edhe për lidhjen e veçantë të Papa Françeskut me Shqipërinë, duke kujtuar se vizita e parë shtetërore jashtë Italisë pas zgjedhjes si Papë ishte pikërisht në Tiranë.
“Një vizitë historike, e krahasueshme me atë të Papa Gjon Palit II pas rënies së komunizmit. Një kujtim që do të mbetet përherë në memorien e popullit tonë”
Presidenti kujtoi, gjithashtu, dy audiencat që pati me Papa Françeskun në Vatikan.
“Papa Françesku kishte një njohje të thellë të shqiptarëve, që nga koha kur ndodhej në Argjentinë, përmes komunitetit arbëresh të Buenos Aires.”
Duke folur për pjesëmarrjen e tij, bashkë me delegacionin shtetëror dhe klerikët e 4 besimeve shqiptare në ceremoninë e nderimeve të fundit të Atit të Shenjtë, Presidenti Begaj theksoi rëndësinë që ka bashkëjetesa fetare në Shqipëri. -
Macron viziton Madagaskarin, vizita e parë e liderit francez në ish-koloni në 20 vjet
Presidenti francez Emmanuel Macron zhvilloi një vizitë zyrtare dy-ditore në Madagaskar, duke u bërë udhëheqësi i parë francez që viziton ishullin që nga Jacques Chirac në vitin 2005. Gjatë qëndrimit të tij, Macron u takua me presidentin e Madagaskarit, Andry Rajoelina, në kryeqytetin Antananarivo, ku të dy udhëheqësit nënshkruan një sërë marrëveshjesh në fushat e energjisë, bujqësisë dhe arsimit.
Vizita u përqendrua në forcimin e marrëdhënieve ekonomike dhe në kërkimin e tregjeve të reja për Francën në rajonin e Oqeanit Indian. Macron njoftoi gjithashtu financimin e një dige hidroelektrike në Volobe përmes fondeve të Agjencisë Franceze të Zhvillimit dhe një kredie nga thesari francez.
Gjatë vizitës u trajtuan edhe çështje të ndjeshme historike, përfshirë mosmarrëveshjen mbi Ishujt Éparses – pesë ishuj të vegjël të pretenduar nga Madagaskari, por të administruar nga Franca. Një raund i ri negociatash për këtë çështje është planifikuar për më 30 qershor.
Ndërkohë, Franca ka shprehur gatishmërinë për bashkëmenaxhimin e ishujve, por presioni i brendshëm në Madagaskar për kontroll të plotë është rritur, veçanërisht pas një vendimi të ngjashëm të Britanisë për ishujt Chagos.
Macron konfirmoi gjithashtu se Franca do të kthejë tre kafka historike që janë marrë nga Madagaskari mbi 125 vite më parë, përfshirë atë të mbretit Toera të popullit Sakalava, i cili u vra nga trupat koloniale franceze në vitin 1897.
Presidenti francez do të marrë pjesë në samitin e Komisionit të Oqeanit Indian të enjten, duke theksuar synimin e Francës për të zgjeruar ndikimin e saj ekonomik dhe diplomatik në rajon.
-
Ofensivë diplomatike në Beograd, Marta Kos dhe Kaja Kallas zbarkojnë në Serbi, 3 çështje kryesore do të jenë në tryezë
Marsela SHYTIA
Marta Kos, Komisionerja Evropiane për Zgjerimin dhe Kaja Kallas, shefja e politikës së jashtme të BE-së, do të mbërrijnë në Beograd në muajin e ardhshëm në dy vizita të veçanta dhe do të sjellin një paketë të tërë temash, më e rëndësishmja prej të cilave do të jetë dialogu midis Beogradit dhe Prishtinës, rruga evropiane e Serbisë dhe reformat, si dhe protestat e studentëve dhe vizita e Aleksandër Vuçiç në Moskë në 9 maj, siç vlerësojnë analistët për “Blic”. Marta Kos ka bërë të ditur se së shpejti do të vijë në kryeqytetin serb dhe Kallas pritet në fund të majit.
Për të dyja, kjo do të jetë vizita e tyre e parë në Beograd që nga marrja e posteve të reja. Branka Latinoviç, ish-ambasadore në OSBE, nuk është e habitur që Callas po vjen në Beograd. “Por jam e habitur që ajo vjen vetëm në fund të majit, që do të thotë se do të kalojë një muaj e gjysmë nga vizita e fundit në rajon kur Kallas ishte në Mal të Zi, Shqipëri dhe Bosnje-Hercegovinë. Pra, risia është se kjo vizitë në rajon nuk është me një hap, siç ishte në kohën e Borrelit”, vlerëson Latinoviç për median serbe “Blic”. Siç thotë ajo, ka dy arsye pse Kallas e shtyu vizitën e saj në Beograd dhe Prishtinë. Njoftimi i Vuçiçit se do të marrë pjesë në një paradë në Moskë më 9 maj, në të cilën do të marrë pjesë edhe një njësi e ushtrisë serbe.
Tre tema kryesore
Latinoviç pret që vizita e Kaja Callas në Beograd të sjellë tre tema kryesore: Dialogu Beograd-Prishtinë, rruga evropiane e Serbisë, reforma në rrugën evropiane. Ajo shton se kjo “sigurisht do të varet nga ajo që do të ndodhë ndërkohë”. “Të shohim se çfarë do të ndodhë në Moskë pasi Kalas tashmë ka bërë komente të ndryshme për këtë temë, sepse ajo vjen nga Estonia. Komentet e saj u pasuan nga deklaratat e ministrit të Jashtëm të Estonisë. Gjithashtu, shumë do të varet nga protestat e studentëve. Nëse situata bëhet më e ndërlikuar, do të shohim nëse BE-ja do të vazhdojë të jetë e përmbajtur”, thotë Latinoviç.
Marta Kos së fundi ka folur për rrugën evropiane të vendeve kandidate për në BE në një konferencë në Londër. Kos tha se çfarë duhet bërë për të përshpejtuar dhe përfunduar rrugën evropiane të të gjitha vendeve kandidate. Gjithashtu, ajo ishte e vetmja që foli për protestat e studentëve. Ajo tha se kërkesat e studentëve që kanë të bëjnë me shtetin e së drejtës, luftën kundër korrupsionit, reformat, ligjet për mediat, në fakt janë kërkesa që BE ka edhe për Serbinë në rrugën e saj evropiane. “Tani varet nga Serbia se sa shpejt apo ngadalë do të ndërmarrim hapa në atë rrugë evropiane”, përfundon Latinoviç.
Vizita urgjente
Strahinja Subotiç nga Qendra për Politika Evropiane gjithashtu thekson se Kos dhe Kallas e shtynë vizitën e tyre në Serbi në periudhën paraprake. “Kallas kohët e fundit ishte në Mal të Zi, Shqipëri dhe Bosnje-Hercegovinë, dhe Kos ishte në Mal të Zi në fillim të vitit dhe në Shqipëri në mars. Kur anashkaloni shtetin qendror në Ballkanin Perëndimor, është qartë një mesazh se “nuk po i respektoni detyrimet tuaja”. Protestat në Serbi tani janë përshkallëzuar me bllokimin e RTS-së, kështu që vizita në Kos dhe Kallas është bërë urgjente”, analizon Subotiç për “Blic”. Siç thotë ai, Kos, meqenëse e njeh serbishten, “nuk do ta lejojë veten të jetë krejtësisht anash siç ishte deri në shkurt”.
“Vijat e kuqe”
Kur bëhet fjalë për ardhjen e Kallas në fund të majit, bashkëbiseduesi i “Blic” thekson se nuk duhet harruar se kreu i ri i diplomacisë së BE-së vjen nga Estonia. “Ajo me siguri do të ngrejë çështjen ruse, sepse tashmë ka paralajmëruar se BE-ja nuk e miraton shkuarjen në paradën në Moskë më 9 maj. Po ashtu, ai do të flasë edhe për obligimet e tij ndaj Prishtinës, sepse deri atëherë pritet të stabilizohet situata politike në Kosovë”, beson Subotiç. Siç thotë ai, për Kallas çdo bashkëpunim me Rusinë është “vijë e kuqe”. “Për këtë, ajo tashmë ka marrë reagime të forta si nga Viktor Orban ashtu edhe nga Robert Fico, të cilët kanë thënë se Kallas nuk ka mandat që t’u lidhë duart anëtarëve të BE-së në sjelljen e politikës së jashtme në këtë mënyrë”, përfundon Subotiç.
-
Urgjenca pediatrike, 90 vizita në ditë, viroza dhe alergji tek fëmijët
Numri i fëmijëve që paraqiten çdo ditë pranë urgjencës pediatrike të Elbasanit vijon të jetë i lartë. Madje edhe shtrimet në pavione kanë qenë në shifra të konsiderueshme.
Shefja e pediatrisë, tregon simptomat, që vijnë sa nga luhatjet e temperaturave të ndërthurura me virozat dhe alergjitë e stinës
Higjiena, kujdesi në veshje dhe natyrisht ushqyerja e shëndetshme dhe përdorimi i sa më shumë lëngjeve natyrale janë këshillat që mjekët japin për prindërit e fëmijëve që shfaqin simptoma në këtë periudhë. -
Belinda Balluku poston videon nga vizita në Korçë
Zëvendëskryeministrja Belinda Balluku ka ndarë një video përmbledhëse nga vizita e djeshme në qarkun e Korçës, ku së bashku me kryeminstrin Rama kërkuan votën e banorëve për Partinë Socialiste më 11 maj.
“Përmbledhja e një dite intensive në qarkun e #Korçës•Inspektim në aksin e përfunduar Maliq-Lozhan•Një ndalesë tek Erseka Solar Park•Prezantimi i Rrugës së Vjosës•Projekti i gazifikimit të Korçës”, shkruan Balluku krahas pamjeve që sjell. -
Presidenti palestinez në Damask, vizita e parë në 16 vjet, synohet forcimi i marrëdhënieve dypalëshe
Presidenti palestinez Mahmoud Abbas u takua sot në Damask me Presidentin e përkohshëm sirian Ahmed al-Sarrah. Kjo është vizita e tij të parë në Siri në 16 vjet.
Sipas qeverisë siriane, gjatë kësaj vizite synohet të diskutohen mënyrat për të forcuar marrëdhëniet siriano-palestineze dhe “kërcënimet” me të cilat përballen të dyja palët.
Sipas vlerësimeve të Agjencisë së Kombeve të Bashkuara për Ndihmën dhe Punët për Refugjatët Palestinë (UNRWA), 560,000 palestinezë jetonin në Siri përpara se të shpërthente konflikti në vend në vitin 2011.Sot, numri i tyre vlerësohet në 438,000, nga të cilët më shumë se 40% u zhvendosën gjatë luftës.
Vizita e fundit e Abbas në Damask ishte në vitin 2009, gjatë së cilës ai u takua me presidentin Bashar al-Assad, i cili u rrëzua në dhjetor 2024 nga një koalicion i organizatave rebele islamike të udhëhequra nga Sarah.
Abbas dhe Sara u takuan për herë të parë në mars në margjinat e një samiti arab në Kajro./vizionplus.tv -
Siri, presidenti palestinez në Damask, vizita e parë pas 16 vitesh
Presidenti palestinez Mahmoud Abbas u takua sot në Damask me Presidentin e përkohshëm sirian Ahmed al-Sarrah , në vizitën e tij të parë në Siri në 16 vjet.
Sipas një burimi të qeverisë siriane, kjo vizitë synon të diskutojë mënyrat për të forcuar marrëdhëniet siriano-palestineze dhe “kërcënimet” me të cilat përballen të dyja vendet.
Sipas vlerësimeve të Agjencisë së Kombeve të Bashkuara për Ndihmën dhe Punët për Refugjatët Palestinë (UNRWA), 560,000 palestinezë jetonin në Siri përpara se të shpërthente konflikti në vend në vitin 2011. Sot, numri i tyre vlerësohet në 438,000, nga të cilët më shumë se 40% u zhvendosën gjatë luftës.
Vizita e fundit e Abbas në Damask ishte në vitin 2009, gjatë së cilës ai u takua me presidentin Bashar al-Assad, i cili u rrëzua në dhjetor 2024 nga një koalicion i organizatave rebele islamike të udhëhequra nga Sarah.
Abbas dhe Sarah u takuan për herë të parë në mars në margjinat e një samiti arab në Kajro.Top Channel
-
Diplomacia e Xi Jinping në veprim, Kina përqafon Azinë! Trump paralajmëron: Komplot kundër SHBA-së
Presidenti i Kinës, Xi Jinping, ka nisur këtë javë një turne pesë-ditor në Azinë Juglindore, me ndalesa në Vietnam, Kamboxhia dhe Malajzi, në një përpjekje të qartë për të forcuar ndikimin ekonomik dhe diplomatik të Pekinit në rajon.
Vizita vjen në një moment kritik, mes tensioneve të shtuara tregtare me Shtetet e Bashkuara dhe përpjekjeve të vendeve të rajonit për të balancuar marrëdhëniet me dy superfuqitë globale.
Xi mbërriti në Hanoi të hënën, ku u takua me presidentin vietnamez Tô Lâm dhe kryeministrin Pham Minh Chinh. Gjatë vizitës u nënshkruan 45 marrëveshje bashkëpunimi që përfshijnë fushat e infrastrukturës, teknologjisë dhe zinxhirëve të furnizimit, megjithëse detajet mbeten të kufizuara.
Në një artikull të botuar në gazetën zyrtare të Partisë Komuniste Vietnameze, Nhandan, Xi theksoi se “nuk ka fitues në luftërat tregtare” dhe se proteksionizmi “nuk të çon askund”.
Reagimi nga Uashingtoni nuk ka vonuar. Ish-presidenti amerikan Donald Trump, nga Zyra Ovale, sugjeroi se vizita e Xi-t është një përpjekje për të “vidhur” Shtetet e Bashkuara. “Nuk fajësoj Kinën, as Vietnamin”, tha Trump, “por ky është një takim që duket sikur synon të kuptojë: ‘si ta dëmtojmë Amerikën?’”
Vietnamit, një qendër e rëndësishme prodhimi për eksportet drejt SHBA-së, i është dashur të ecë në një vijë të hollë diplomatike. Nga njëra anë, po përfiton nga zhvendosja e industrisë larg Kinës për shkak të tarifave, ndërsa nga ana tjetër, ka marrë miliarda dollarë investime kineze vitet e fundit.
Në tre muajt e parë të vitit, eksportet vietnameze drejt SHBA-së kanë arritur në 31.4 miliardë dollarë, ndërsa importet nga Kina në rreth 30 miliardë. Për analistët, kjo dinamikë nënvizon rëndësinë strategjike të Vietnamit në ekuacionin tregtar global.
Vizita e Xi-t konsiderohet gjithashtu si një sinjal se Kina dëshiron të paraqitet si një partner më i qëndrueshëm në krahasim me SHBA-në, e cila ka treguar luhatje të mëdha në politikat tregtare, veçanërisht gjatë administratës Trump.
Pas Vietnamit, presidenti kinez do të vijojë turin e tij në Malajzi dhe Kamboxhia, ku pritet të zhvillojë takime të nivelit të lartë dhe të nënshkruajë marrëveshje të reja ekonomike.Top Channel