Dhoma Amerikane nëpërmjet Komitetit të Turizmit dhe Mikpritjes ka ndjekur me interes zhvillimet në sektorin e turizmit dhe hartimin e Strategjisë afatgjatë, si një dokument strategjik i domosdoshëm për zhvillimin e sektorit, sipas një deklarate zyrtare.Ka qenë një kërkesë e hershme e AmCham zhvillimi dhe zbatimi i një vizioni strategjik, që i jep përparësi qëndrueshmërisë afatgjatë duke ndërmarrë masat e nevojshme me zhvillimin e një kuadri të ri rregullator dhe përcaktimin e qartë të metodave të menaxhimit të destinacioneve.“AmCham këmbëngul në mendimin e vet se vetëm përmes kësaj qasje që kërkon ndryshime themelore, mund të zhvillojmë një sektor të qëndrueshëm që respekton trashëgiminë natyrore e kulturore, duke promovuar praktika që mbështesin mjedisin dhe komunitetet.Kjo do të mundësojë që Shqipëria të bëhet një destinacion i rëndësishëm turistik në Evropë ku çmimet dhe cilësia ofrojnë pushime për të gjithë.Vizioni për turizmin 2030, i hartuar edhe me pjesëmarrjen e grupeve të interesit të industrisë, përbën themelin mbi bazën e të cilit do të ndërtohen dhe harmonizohen të gjitha nismat strategjike.Dhoma Amerikane do të ndjekë me mjaft interes zbatimin e kësaj strategjie në vijim edhe të rekomandimeve të hartuara nga Komiteti i Turizmit dhe Mikpritjes që prekin fushat e Akomodimit, Udhëtimit &Transportit, Agroturizmit, si dhe Konsulencën &Trajnimet”, përfundon njoftimi.Më herët, Dhoma Amerikanë shprehu shqetësimin për situatën e krijuar për turizmin në vend, veçanërisht për mungesën e ujit të pijshëm, keqmenaxhimin e ujërave të zeza si dhe problematikën e fuqisë punëtorë në vend.Të gjitha këto po dëmtojnë aktivitetin e turizmit dhe cilësinë e shërbimeve, duke ndikuar në këtë mënyrë funksionimin e strukturave akomoduese.Informacionet e përcjella nga anëtarët e Dhomës, pjesë e këtij sektori, flasin për zona bregdetare ku vazhdojnë të mbeten shqetësuese mungesa e ujit të pijshëm, keqmenaxhimi i ujërave të zeza, djegia e mbetjeve në landfille apo vazhdimi i aktiviteteve të ndërtimit edhe gjatë sezonit turistik, duke ndikuar në këtë mënyrë funksionimin e strukturave akomoduese, por edhe cilësinë e jetesës së qytetarëve dhe turistëve në këto komunitete.Dhoma kërkoi vëmendjen e Qeverisë, pushtetit lokal dhe institucioneve përkatëse për t’i adresuar këto problematika, duke ndihmuar kështu jo vetëm bizneset, por edhe fuqizimin e këtij momentumi pozitiv për imazhin e Shqipërisë si një destinacion turistik në rritje.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
Tag: vizioni
-
“Vizioni” i errët financiarisht i Bin Salmanit
Asetet e fondit të pasurisë sovrane të Arabisë Saudite tejkaluan një trilion dollarë në vitin 2024, por fitimi i tij neto ra me 60 përqind nga viti i kaluar, pasi fondi u godit nga normat e larta të interesit dhe inflacioni, si dhe nga zbritjet e disa projekteve, raportoi Reuters.
Fitimi neto i Fondit të Investimeve Publike (PIF) ra në 25.8 miliardë rialë (6.9 miliardë dollarë), tha ai në një deklaratë, duke shtuar se zbritjet ishin kryesisht të lidhura me ndryshimet në planet operative dhe rritjen e shpenzimeve buxhetore.
PIF po menaxhon axhendën ambicioze ekonomike të Arabisë Saudite që synon të largojë ekonominë e vendit të Gjirit nga nafta.Qindra miliarda të investuara
Sipas planit, të quajtur “Vizioni 2030”, mbretëria ka investuar qindra miliarda dollarë përmes PIF në projekte duke përfshirë NEOM, një projekt masiv zhvillimi urban dhe industrial pothuajse sa madhësia e Belgjikës që do të ndërtohet përgjatë bregdetit të Detit të Kuq.“Prioritizimi i disa projekteve dhe zgjatja e afateve për disa projekte të mëdha mund të kenë qenë një faktor në dëmtim“, tha Monica Malik, kryeekonomiste në Bankën Tregtare të Abu Dhabit.
“Rritja e kostove të projektit ishte gjithashtu një sfidë kyçe dhe një faktor që ndikoi në rikalibrimin e programit të investimeve”, shtoi ajo.
Totali i aseteve nën menaxhim u rrit me 18 përqind, duke arritur tani në më shumë se 4.3 trilionë rialë.
Me një portofol investimesh në datën e fermës për konglomeratet shumëkombëshe, burimet e të ardhurave të PIF përfshijnë dividentë nga kompanitë kryesore të portofolit, përfshirë Saudi Aramco Petroleum, dhe huadhënësin më të madh në vend, Bankën Kombëtare Saudite. /tesheshi.com/ -
Musk: Prioriteti im është vizioni i jetës në Mars
Drejtori ekzekutiv i SpaceX, Elon Musk, ka thënë se po i jep përparësi vizionit të tij për jetën në Mars, ndërsa mandatit të tij në Departamentin e Efikasitetit të Qeverisë (DOGE) po i vjen fundi.
Në një intervistë me Fox News, Musk ndau rezultatet e hulumtimit të ekipit DOGE mbi “mashtrimin” qeveritar dhe më pas e zgjeroi idenë e tij për kolonizimin e Marsit si “sigurim jete” për njerëzimin.
“Marsi është sigurimi i jetës. Përfundimisht, e gjithë jeta në Tokë do të shkatërrohet nga Dielli. Dielli po zgjerohet gradualisht, dhe kështu në një farë mënyre do të na duhet të bëhemi një qytetërim shumëplanetar, sepse Toka do të shkatërrohet”, tha Musk në një intervistë.
Dielli, një yll me një rreze prej rreth 700,000 kilometrash, përfundimisht do ta përdorë të gjithë energjinë e tij dhe do të zgjerohet në një “yll gjigant” të kuq ndërsa fillon të shuhet, sipas të dhënave nga agjencia hapësinore amerikane NASA.
NASA vëren se “ylli gjigant” i kuq mund të bëhet mjaftueshëm i madh sa të gëlltisë Merkurin, Venusin dhe madje Tokën, megjithëse shkencëtarët parashikojnë se jetëgjatësia e Diellit do të jetë rreth pesë miliardë vjet të tjera. Musk shpjegoi se vizioni i tij për Marsin nuk ka të bëjë vetëm me uljen në planet, vendosjen e flamujve dhe lënien e gjurmëve, por qëllimi është të krijojë një qytet “të vetëmbështetur”.
“Pika themelore nga e cila varet fati i jetës është që Marsi të jetë i vetëmjaftueshëm për të qenë në gjendje të rritet vetë, edhe nëse anijet furnizuese nga Toka ndalojnë së ardhuri, pavarësisht nëse kjo ndodh për shkak të zhdukjes së qytetërimit në ndonjë katastrofë apo në mënyrë paqësore”, tha Musk.
Musk njoftoi në një njoftim në X në mars se “SpaceX Starship” do të niset për në planetin e kuq në fund të vitit 2026, së bashku me robotin Optimus. Ai parashikoi që njerëzit mund të fillojnë të zbarkojnë në Mars që në vitin 2029, megjithëse viti 2031 është një datë më e mundshme.