Presidenti amerikan, Donald Trump e ka prezantuar një skemë që mundëson sigurimin e vizës amerikane për periudhë afatgjatë për të pasurit që mund të paguajnë të paktën 1 milion dollarë.
Trump ka thënë përmes postimeve në rrjete sociale se viza do t’iu mundësojë blerësve të vizës “hyrjen direkte në rrugën për shtetësi për të gjithë personat e kualifikuar dhe verifikuar”.
“Sa emocionuese! Kompanitë tona të mrekullueshme amerikane më në fund do ta mbajnë talentin e tyre të çmuar”.
E ashtuquajtura Karta e Artë Trump, është prezantuar për herë të parë më herët gjatë këtij viti, dhe atë mund ta blejnë ata që dëshmojnë se do t’iu ofrojnë Shteteve të Bashkuara “përfitime domethënëse”.
Skema e re premton sigurimin e lejes së qëndrimit në SHBA në “kohë rekord” dhe kushton 1 milion dollarë për të vërtetuar se një individ do të kontribuojë shumë për SHBA-në, sipas faqes zyrtare të programit.
Bizneset që i sponsorojnë vizat për punëtorët e huaj duhet të paguajnë 2 milionë dollarë, pa përfshirë tarifat shtesë.
Një version tjetër i vizës që parasheh edhe kushte shumë të favorshme për taksa, është thënë se do të jetë e qasshme shumë shpejt për 5 milionë dollarë.
Tarifat shtesë qeveritare mund të ndryshojnë varësisht se kush aplikon, kanë bërë të ditur autoritetet.
Kur Trump e ka prezantuar planin për herë të parë, ai i ka përshkruar vizat të ngjashme me ato ekzistuese në kuadër të programit të njohur si “karta e gjelbër”, e cila u mundëson imigrantëve me të ardhura të ndryshme që të jetojnë dhe punojnë përgjithmonë në Shtetet e Bashkuara.
Poseduesit e këtij lloji të lejes së qëndrimit mund të aplikojnë për shtetësi pas pesë vjetësh. Mirëpo, Trump ka thënë se programi i ri është specifik për profesionistë “të nivelit të lartë”. “Ne duam njerëz që janë produktivë”, ka deklaruar mes tjerash ai./rel
Tag: vizat
-
Trump prezanton “vizat e arta” në vlerë të 1 milion dollarëve
-
Trump prezanton “vizat e arta”… në vlerë 1 milion dollarë
Presidenti amerikan, Donald Trump prezantoi një skemë që mundëson sigurimin e vizës amerikane për periudhë afatgjatë për të pasurit që mund të paguajnë të paktën 1 milion dollarë.
Përmes postimeve në rrjete sociale, Trump tha se viza do t’iu mundësojë blerësve të saj “hyrjen direkte në rrugën për shtetësi, për të gjithë personat e kualifikuar e të verifikuar”.
Sa emocionuese! Kompanitë tona të mrekullueshme amerikane më në fund do ta mbajnë talentin e tyre të çmuar.
Për herë të parë, e ashtuquajtura “Karta e Artë Trump”, u prezantua më herët gjatë vitit dhe mund ta blejnë ata që dëshmojnë se do t’iu ofrojnë Shteteve të Bashkuara “përfitime domethënëse”.
Skema e re premton sigurimin e lejes së qëndrimit në SHBA në “kohë rekord” dhe kushton 1 milion dollarë për të vërtetuar se një individ do të kontribuojë shumë për SHBA-të, sipas faqes zyrtare të programit.
Bizneset që i sponsorojnë vizat për punëtorët e huaj duhet të paguajnë 2 milion dollarë, pa përfshirë tarifat shtesë. Një version tjetër i vizës që përfshin edhe kushte shumë të favorshme për taksa, u tha se do të jetë gati shumë shpejt, për 5 milion dollarë.
Tarifat shtesë qeveritare mund të ndryshojnë në varësi se kush aplikon, siç bënë të ditur autoritetet. Kur Trump e prezantoi planin për herë të parë, i krahasoi vizat me ato ekzistuese, në kuadër të programit të njohur si “Karta e gjelbër”, që emigrantëve me të ardhura të ndryshme, iu mundëson të jetojnë dhe punojnë përgjithmonë në Shtetet e Bashkuara.
Zotëruesit e këtij lloji të lejes së qëndrimit mund të aplikojnë për shtetësi pas pesë vjetësh. Por, Trump ka thënë se programi i ri është specifik për profesionistë “të nivelit të lartë”.
“Ne duam njerëz që janë produktivë“./TARTop Channel
-
Vlorë, i moshuari përplas te vizat e bardha dy gra këmbësore
Një aksident ka ndodhur mbrëmjen e sotme në zonën e “Lungomare” në Vlorë.
Një i moshuar, 72 vjeç, i cili ishte në drejtimin e një “Fiat Punto”, ka goditur dy gra këmbësore që po kalonin vizat e bardha.
Për pasojë një prej tyre ka përfunduar me lëndime serioze.
Në vendin e aksidentit ka mbërritur një ambulancë, e cila ka dhënë ndihmën e parë, por ka shoqëruar për në spital vetëm një prej tyre.
Ndërkohë i moshuari ka ndaluar menjëherë dhe është marrë në pyetje nga policia. -
SHBA kërcënon Panamanë me anulim vizash për lidhje me Kinën
Presidenti i Panamasë, Jose Raul Mulino, deklaroi sot se një zyrtar në ambasadën e Shteteve të Bashkuara të Amerikës ka kërcënuar me anulimin e vizave të disa zyrtarëve panamezë, ndërsa administrata e presidentit Donald Trump po ushtron presion ndaj Panamasë për të kufizuar marrëdhëniet me Kinën.
Duke folur në një konferencë shtypi javore, Mulino tha pa dhënë prova konkrete se “një zyrtar i ambasadës amerikane po na kërcënon për të marrë vizat”, duke shtuar se veprime të tilla “nuk janë në përputhje me marrëdhëniet e mira që unë dua të ruaj me SHBA-në”. Ai nuk përmendi emrin e zyrtarit.
Ambasada amerikane në Panama nuk ka dhënë ende një përgjigje zyrtare. Administrata Trump më herët ka refuzuar të komentojë për vendime të veçanta mbi vizat.
Në shtator, Departamenti i Shtetit i SHBA-së njoftoi se do të kufizonte vizat për individë që “mbajnë marrëdhënie me Partinë Komuniste të Kinës” ose “minojnë demokracinë në rajon në emër të Kinës”.
Këtë javë, SHBA-ja revokoi vizat e gjashtë të huajve që, sipas autoriteteve amerikane, kishin bërë komente përqeshëse lidhur me vrasjen e aktivistit konservator Charlie Kirk muajin e kaluar.
Raste të ngjashme janë raportuar në rajon: në prill, ish-presidenti i Kosta Rikës dhe fitues i Çmimit Nobel për Paqe, Oscar Arias, tha se SHBA-ja i kishte anuluar vizën; ndërsa në korrik, Vanessa Castro, nënkryetare e parlamentit të Kosta Rikës, deklaroi se ambasada amerikane i kishte revokuar vizën për shkak të kontakteve të supozuara me Partinë Komuniste Kineze.
Panamaja ndodhet në një pozicion delikat për shkak të tensioneve SHBA–Kinë dhe rolit strategjik të Kanalit të Panamasë.
Sekretari amerikan i Shtetit, Marco Rubio, gjatë një vizite në Panama në shkurt, e para jashtë vendit në këtë post, kërkoi që Panamaja të zvogëlojë menjëherë ndikimin e Kinës mbi kanalin detar.
-
Ishte duke kaluar te vizat e bardha, makina përplas këmbësorin në Fier
Një aksident rrugor është shënuar mesditën e sotme në qendër të qytetit të Fierit.
Një 60-vjeçar është përplasur nga një makinë teksa po kalonte te vizat e bardha.
I plagosuri është dërguar në spitalin e qytetit, teksa policia dhe grupi hetimor po punojnë për të përcaktuar shkaqet e aksidentit.
Ky është një rast i përsëritur i përplasjeve të këmbësorëve nga automjetet në vijat e bardha, ku disa prej rasteve kanë qenë me pasoja fatale për jetën. -
Vendimi i Trump për tarifën 100 mijë dollarëshe për vizat e punës/Shtëpia e Bardhë: Mjekët mund të përjashtohen
Mjekët mund të përjashtohen nga tarifat për të marrë viza pune në Shtetet e Bashkuara, raportoi Bloomberg të hënën.
Shtëpia e Bardhë njoftoi javën e kaluar se një tarifë prej 100 mijë dollarësh do të vendoset për të huajt që duan të marrin viza H-1B, kryesisht për shkencëtarë, inxhinierë, programues dhe persona të tjerë me kualifikime të veçanta për të punuar në Shtetet e Bashkuara.
Megjithatë, Shtëpia e Bardhë tha se do të kishte disa “përjashtime rast pas rasti” nëse do të konsiderohej se ishte në “interes kombëtar”.
Mjekët mund të përfshihen në këto përjashtime, raportoi një gazetar i Bloomberg në një postim në X, duke cituar zëdhënësen e Shtëpisë së Bardhë Taylor Rogers.
Të shtunën, Shtëpia e Bardhë ishte tërhequr nga vendimi fillestar, duke sqaruar se tarifa prej 100,000 dollarësh për vizat e punës H-1B do të zbatohej vetëm për aplikimet e reja dhe jo për rinovimet.
Sqarimi u dha pasi India dhe kompanitë shprehën shqetësime që mund të preken nga masa specifike. -
Trump vendosi tarifë 100 mijë dollarëshe për vizat e punës, Shtëpia e Bardhë njofton se mjekët mund të përjashtohen
Mjekët mund të përjashtohen nga tarifat për të marrë viza pune në Shtetet e Bashkuara, raportoi Bloomberg të hënën.
Shtëpia e Bardhë njoftoi javën e kaluar se një tarifë prej 100 mijë dollarësh do të vendoset për të huajt që duan të marrin viza H-1B, kryesisht për shkencëtarë, inxhinierë, programues dhe persona të tjerë me kualifikime të veçanta për të punuar në Shtetet e Bashkuara.
Megjithatë, Shtëpia e Bardhë tha se do të kishte disa “përjashtime rast pas rasti” nëse do të konsiderohej se ishte në “interes kombëtar”.
Mjekët mund të përfshihen në këto përjashtime, raportoi një gazetar i Bloomberg në një postim në X, duke cituar zëdhënësen e Shtëpisë së Bardhë Taylor Rogers.
Të shtunën, Shtëpia e Bardhë ishte tërhequr nga vendimi fillestar, duke sqaruar se tarifa prej 100,000 dollarësh për vizat e punës H-1B do të zbatohej vetëm për aplikimet e reja dhe jo për rinovimet.
Sqarimi u dha pasi India dhe kompanitë shprehën shqetësime që mund të preken nga masa specifike.Top Channel
-
Viza për punonjësit e kualifikuar, Trump shton një tarifë prej 100.000 dollarësh për aplikantët!
Bota E Shtunë, 20 Shtator 2025 10:15
Presidenti i SHBA-së, Donald Trump, ka nënshkruar një urdhër ekzekutiv që do të shtojë një tarifë prej 100,000 dollarësh për aplikantët në programin e vizave H-1B për punëtorët e huaj të kualifikuar.
Proklamata do të kufizojë hyrjen nëse nuk bëhet pagesa. Kritikët kanë argumentuar prej kohësh se H-1B-të e minojnë fuqinë punëtore amerikane, ndërsa mbështetësit, përfshirë miliarderin Elon Musk, argumentojnë se kjo i lejon SHBA-së të tërheqë talentet më të mira nga e gjithë bota.Në një urdhër tjetër, Trump krijoi një “kartë të artë” të re për të përshpejtuar vizat për disa emigrantë në këmbim të tarifave që fillonin nga 1 milion paund.
Të premten, presidentit amerikan në Zyrën Ovale iu bashkua edhe Sekretari i Tregtisë i SHBA-së, Howard Lutnick.
“100 mijë dollarë në vit për vizat H1-B, dhe të gjitha kompanitë e mëdha janë dakord”, tha ai. “Ne kemi folur me ta. Nëse do të trajnosh dikë, do të trajnosh një nga të diplomuarit e fundit nga një prej universiteteve më të mëdha në të gjithë vendin tonë. Trajnoni amerikanët. Mos sillni më njerëz për të na zënë vendet e punës.”
Që nga viti 2004, numri i aplikimeve për vizë H-1B është kufizuar në 85,000 në vit.
Deri më tani, vizat H-1B kanë pasur tarifa të ndryshme administrative që arrijnë në total rreth 1,500 dollarë. -
Trump nënshkruan urdhrin e ri ekzekutiv, vendos tarifë 100 mijë dollarëshe për vizat e punëtorëve të huaj
Presidenti amerikan, Donald Trump nënshkroi një vendim ekzekutiv të premten për të vendosur një tarifë aplikimi prej 100,000 dollarësh për vizat H-1B në një përpjekje për të frenuar atë që administrata e tij e quan përdorim të tepruar të programit.
“Ne kemi nevojë për punëtorë të shkëlqyer dhe kjo siguron që kjo është ajo që do të ndodhë”, tha Trump nga Zyra Ovale, ku zyrtarët detajuan se si masa do t’i nxiste kompanitë të punësonin punëtorë amerikanë, duke ofruar ende një rrugë për të punësuar punëtorë të huaj shumë të kualifikuar në fusha të specializuara.
Proklamata do të kufizojë hyrjen në kuadër të programit, përveç nëse shoqërohet me pagesë.
Në një urdhër të veçantë, Trump gjithashtu drejtoi krijimin e një rruge imigracioni “kartë ari” që ai tha se do të përshpejtonte vizat për disa emigrantë në këmbim të një tarife të majme. Politika do të përshpejtojë vizat për të huajt që paguajnë 1 milion dollarë amerikanë, ndërsa do t’i lejojë një kompanie të paguajë 2 milion dollarë për të përshpejtuar procesin për një punëtor të huaj që ajo sponsorizon.
Lëvizjet shënojnë të fundit në një seri përpjekjesh nga administrata për të goditur imigracionin dhe për të vendosur kufizime të reja të mprehta mbi llojet e të huajve të lejuar në vend. Ato kërcënojnë të ndikojnë ndjeshëm në industritë që varen shumë nga punëtorët H-1B.
Viza H-1B është një vizë pune që është e vlefshme për tre vjet dhe mund të rinovohet për tre vjet të tjera. Ekonomistët kanë argumentuar se programi u lejon kompanive amerikane të ruajnë konkurrueshmërinë dhe të rrisin biznesin e tyre, duke krijuar më shumë vende pune në SHBA.
Sekretari i Tregtisë Howard Lutnick u tha gazetarëve në një telefonatë të premten në mbrëmje se administrata arriti në tarifën prej 100,000 dollarësh në vit, plus kostot e verifikimit, pasi bisedoi me kompanitë.
Ai vuri në dukje se struktura e pagesës është ende në diskutim me Departamentin e Sigurisë Kombëtare, në lidhje me “nëse do të ngarkojmë 300,000 dollarë paraprakisht apo 100,000 dollarë në vit për tre vitet”.
Qëndrimi i Trump ndaj programit të vizave H-1B ka luhatur dhe çështja i ka ndarë ndjeshëm mbështetësit e tij herë pas here.
Presidenti kufizoi aksesin në vizat e punëtorëve të huaj gjatë mandatit të tij të parë dhe e ka vënë në shënjestër programin H-1B në komentet e kaluara, por gjatë fushatës së vitit 2024, ai sinjalizoi gatishmërinë për t’u dhënë disa punëtorëve të lindur jashtë vendit status ligjor nëse ata diplomoheshin nga një universitet amerikan.
Trump gjithashtu e mbrojti programin dhjetorin e kaluar, duke i thënë New York Post se ai është “një besimtar në H-1B”.
“Gjithmonë më kanë pëlqyer vizat, gjithmonë kam qenë në favor të vizave. Kjo është arsyeja pse i kemi ato”, i tha Trump gazetës në atë kohë.
Komentet e Trump erdhën pasi sipërmarrësit Elon Musk dhe Vivek Ramaswamy, të cilët Trump fillimisht i emëroi për të drejtuar Departamentin e Efikasitetit të Qeverisë, e mbrojtën programin, duke shkaktuar kritika të ashpra nga besnikët e MAGA-s që shpresonin të kufizonin imigracionin.
65,000 viza H-1B jepen çdo vit, me 20,000 të tjera të rezervuara vetëm për njerëzit që mbajnë diploma të avancuara nga institucionet e arsimit të lartë amerikan. Kërkesa për vizë shpesh tejkalon ofertën, duke shkaktuar një sistem lotarie.
Shumë kompani përdorin viza H-1B për të ndihmuar në plotësimin e fuqisë punëtore. Por teknologjia është sektori që shoqërohet më shpesh me vizat H-1B. Firmat teknologjike, të mëdha dhe të vogla, thonë se kanë nevojë për programin H-1B për të punësuar talente të trajnuara që nuk mund t’i gjejnë në vendin e tyre.
Trump më parë e ka kundërshtuar programin e vizave H-1B si pjesë e platformës së tij për të inkurajuar kompanitë amerikane që të japin përparësi punës amerikane mbi punësimin e punëtorëve të huaj. Gjatë fushatës së tij të vitit 2016, Trump akuzoi kompanitë amerikane se përdorin viza H-1B “për qëllimin e qartë të zëvendësimit të punëtorëve amerikanë me paga më të ulëta”.
Në vitin 2020, Trump kufizoi aksesin në viza H-1B në disa raste, pjesë e përpjekjeve të administratës së tij për të frenuar imigracionin e ligjshëm, ndërsa iu përgjigj kushteve ekonomike në ndryshim të shkaktuara nga pandemia Covid-19.
Top Channel
-
Atyre që festuan vrasjen e Charles Kirk, do t’u hiqen vizat!
Siç ka njoftuar vetë Sekretari i Shtetit i SHBA-ve, Marco Rubio, administrata Trump ka filluar të revokojë vizat e shtetasve të huaj që kanë shprehur mbështetje ose kanë festuar vrasjen e aktivistit konservator Charlie Kirk.
Në një postim në platformën “X”, Rubio theksoi:
Amerika nuk do të pranojë të huaj që festojnë vdekjen e qytetarëve tanë!
Ai shtoi se ata që ndodhen në SHBA me vizë dhe mbështesin vrasjen publike të një figure politike duhet të përgatiten për deportim, shkruan Euronews.
Masa të tilla ishin paralajmëruar edhe më herët, ndaj individëve që glorifikojnë ose banalizojnë vrasjen e Kirk, duke i cilësuar ata si “vizitorë të padëshiruar” në SHBA.
Ky veprim është pjesë e një politike më të gjerë të administratës për të monitoruar aktivitetet online të shtetasve të huaj dhe për të ndërmarrë veprime ndaj atyre që shprehin ideologji të dhunshme ose urrejtje.
Pas vrasjes së Kirk më 10 shtator 2025 në Utah, disa individë kanë shprehur mbështetje për aktin, duke çuar në reagime të ashpra nga autoritetet amerikane.
Kompani dhe institucione të ndryshme, përfshirë Nasdaq dhe firma ligjore Perkins Coie, kanë pushuar punonjës për komente të papërshtatshme lidhur me vrasjen e Kirk.