Tag: vitit

“Kërkoni rritje buxheti”/ Manja në komisionin e Ligjeve: Vetëm 9.1% realizimi i buxhetit të këtij viti, gjykatat kanë pafund nevoja…

Në seancën dëgjimore me Këshillin e Lartë të Prokurorisë lidhur me projektligjin “Për buxhetin e vitit 2026”, Ulsi Manja vuri theksin te realizimi i ulët i buxhetit të këtij viti.

Gjatë fjalës së tij, Ulsi Manja tha se gjatë 2025 është shpenzuar vetëm 9.1% e buxheti dhe deri në fund të vitit, duhet kapur 45%.
“9.1% realizmi i buxheti i vitit 2025. Nuk e di sa është masa e fondeve të ngarkuara, që janë lidhur pa përfunduar procedurat e prokurimit dhe fondet janë të bllokuara. Uroj ta kapni 45% në fund të vitit. Mundet të keni kontrata që presin thjesht për t’u lidhur por po të isha ministër financash kur vjen e kërkon para dhe sheh 9.1% të realizimit të investimeveme dhe 5 mln euro, gjykata kanë pafund nevojë për tu ndërhyrë.
Kur vjen 9.1% do thoja mbaro këtë që ke dhe hajde të tjera. Uroj t’i shpenzoni këto para që keni marrë për 2025 dhe këto do e shohim kur të vini këtu ta raportoni. Më vjen mirë që është financuar sistemi. E rëndësishme është të vihet në punë sistemi“-u shpreh Manja.

Top Channel

November 11, 2025
Pr/buxheti 2026, Banka e Shqipërisë rekomandon rishikimin e skemës së pensioneve: Plakja e popullsisë, sfidë e madhe…

Banka e Shqipërisë ka dhënë opinionin e saj në Komisionin e Ekonomisë për projektbuxhetin e vitit 2026, duke e konsideruar optimist, dhe që mbështet rritjen ekonomike dhe konsolidimin fiskale. Por përtej këtyre aspekteve, Banka e Shqipërisë ka bërë 5 rekomandime për qeverinë, nga rishikimi i skemës së pensioneve, tek monitorimi i koncesioneve apo shpërndarja e shpenzimeve gjatë gjithë vitit. Banka qendrore ka ripërsëritur kërkesën për të rishikuar skemën e pensioneve, pasi plakja e popullsisë dhe demografia janë rrezik për buxhetin, në kushtet kur deficiti i skemës po thellohet. “Skema e sigurimeve shoqërore dhe shëndetësore, deficiti i skemës së sigurimeve shoqërore dhe shëndetësore, vijon të jetë një barrë e konsiderueshme në buxhetin e shtetit, duke tejkaluar edhe nivelin e deficitit të përgjithshëm buxhetor. Sfidat fiskale të këtyre skemave mbeten të larta duke marrë në konsideratë fenomenin e plakjes së popullsisë, por edhe atë të tkurrjes demografike. Këto tregues pritet të ushtrojnë presion të shtuar mbi financat publike në të ardhmen dhe duke e bërë të domosdoshme ndërmarrjen e reformave shtesë që të garantonin reduktimin e vulnerabilitetit fiskal të lidhura me to.
Në këtë kontekst, Banka e Shqipërisë rekomandon, rishikimin e parametrave të skemës së pensioneve, me qëllim kontrollin dhe mbështetjen e saj më të mirë, zhvillimin dhe promovimin e shtyllës së dytë dhe të tretë të pensioneve nëpërmjet mekanizmave fiskalë dhe rregullatorë nxitës dhe integrimin e analizës së rreziqeve demografike dhe fiskale në kuadrin afatmesëm të programit buxhetor në përputhje me praktikat më të mira të Bashkimit Evropian”, tha zëvendësguvernatorja Luljeta Minxhozi në Komisionin e Ekonomisë. Po ashtu Banka e Shqipërisë i kërkon qeverisë të monitorojë koncesionet pasi mund të ngarkojnë buxhetin e shtetit me kosto shtesë. “Për projektet e partneritetit publik privat, në buxhetin e vitit 2026 është përcaktuar një tavan i sipërm i vëllimit. Vlera totale e projekteve e PPP-ve në masën 27.1% të Produktit të Brendshëm Bruto dhe është kufizuar shuma totale e shpenzimeve që do të përballohen nga buxheti në masën 5% të të ardhurave tatimore të vitit pasardhës.
Në këtë kuadër Banka e Shqipërisë inkurajon përpjekjet për përmirësimin e vazhdueshëm të kapaciteteve profesionale të njësive që administrojnë, vlerësojnë dhe kontraktojnë, monitorojnë gjithashtu këto projekte sidomos, përsa i përket detyrimeve ligjore dhe financiare, të cilat shpesh ngarkojnë buxhetin e shtetit”, tha Minxhozi. Kurse 3 rekomandimet e tjera kishin të bënin me realizimin e të ardhurave, uljen e informalitetit dhe shpenzimin e fondeve përgjatë gjithë vitit dhe jo duke u përqendruar në fundvit: Banka e Shqipërisë sugjeron që konsolidimi fiskal duhet të bazohet gjithnjë e më tepër në kahun e të ardhurave. Ky sugjerim faktorizon faktin se presionet për zgjerim të shpenzimeve publike, në kahun e skemës së pensioneve, në kahun e skemës së kujdesit shëndetësor, si dhe për të financuar investimet publike dhe ato në arsim, do të vijnë në rritje në të ardhmen; Banka e Shqipërisë mirëpret dhe inkurajon: (i) zbatimin e Strategjisë Afatmesme të të Ardhurave, me fokus uljen e evazionit fiskal, digjitalizimin e administratës tatimore dhe zgjerimin e bazës tatimore; dhe (ii) hartimin e një politike tatimore të qëndrueshme, të thjeshtë dhe koherente, që garanton stabilitet rregullator dhe parashikueshmëri për biznesin; Banka e Shqipërisë vijon të përsërisë sugjerimin për një shpërndarje më të njëtrajtshme të shpenzimeve gjatë vitit, në interes të shmangies së përqendrimit kronik të tyre në fundin e vitit. Po ashtu, ne inkurajojmë zhvillimin dhe adoptimin e një metodologjie standarde të vlerësimit të raportit kosto – përfitim për investimet publike, si një praktikë të vlefshme për shqyrtimin dhe miratimin e projekteve të reja.

November 11, 2025
E martë intensive për Kuvendin/ 10 komisione në ditën e sotme, ja çështjet që do të fliten

Kjo e martë është një ditë e ngjeshur punimesh për komisionet parlamentare.
Sot janë caktuar të mbahen 10 komisione, që kanë në rendin e ditës çështje me rëndësi në disa fusha, si më poshtë:
Komisioni për Nismat Qytetare, Bashkëpunimin dhe Mbikëqyrjen Institucionale
– Vendndodhja:Salla nr 5 (2-12)
– Ora:09:00
1. Seancë dëgjimore me Inspektorin e Lartë të Drejtësisë (ILD) lidhur me projektligjin “Për buxhetin e vitit 2026”.
2. Seancë dëgjimore me Këshillin e Lartë të Prokurorisë (KLP) lidhur me projektligjin “Për buxhetin e vitit 2026”.
3. Seancë dëgjimore me Prokurorinë e Posaçme kundër Korrupsionit dhe Krimit të Organizuar (SPAK) lidhur me projektligjin “Për buxhetin e vitit 2026”.
4. Seancë dëgjimore me Gjykatën Kushtetuese (GJK) lidhur me projektligjin “Për buxhetin e vitit 2026”.
Komisioni për Çështjet Ligjore dhe Administratën Publike
– Vendndodhja:Salla 7 me nr. 221
– Ora:10:00
1- Shqyrtimi i projektligjit “Për buxhetin e vitit 2026”.
Seanca dëgjimore:
1. Këshilli i Lartë Gjyqësor (10:00)
2. Prokuroria e Përgjithshme (10:30)
3. Komisioneri i Prokurimit Publik (11:00)
4. Gjykata Kushtetuese (11:30)
5- Komisioneri i Mbikqyrjes së Shërbimit Civil (12:00)
Komisioni për të Drejtat e Njeriut dhe Mjetet e Informimit Publik
– Vendndodhja:Salla 2 (207)
– Ora:10:00
1. Shqyrtimi i projektligjit “Për buxhetin e vitit 2026” – Seancë dëgjimore me Avokatin e Popullit.
2. Të tjera.
Komisioni për Evropën dhe Punët e Jashtme
– Vendndodhja:Salla 6 ( 218)
– Ora:10:00
1. Shqyrtimi i projektligjit “Për ratifikimin e kontratës financiare, ndërmjet Republikës së Shqipërisë dhe Bankës Evropiane për Investime, për projektin “Infrastruktura hekurudhore e korridorit VIII, faza I – Shqipëri”
2. Shqyrtimi i projektligjit “Për ratifikimin e marrëveshjes së garancisë, ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH), për marrëveshjen e huas, ndërmjet Korporatës Elektroenergjetike Shqiptare, sh.a., (KESH, sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”
Komisioni për Burimet Natyrore, Infrastrukturën dhe Zhvillimin e Qëndrueshëm
– Vendndodhja:Salla 8 – Kryesia e Kuvendit
– Ora:10:00
Mbledhje e përbashkët me Komisionin për Bujqësinë, Ushqimin dhe Zhvillimin Rural.
1. Seancë dëgjimore me aktorët e interesit për projektligjin “Për gjuetinë”.
Komisioni për Bujqësinë, Ushqimin dhe Zhvillimin Rural
– Vendndodhja:Salla 8 – Kryesia e Kuvendit
– Ora:10:00
Mbledhje e përbashkët me Komisionin për Burimet Natyrore, Infrastrukturën dhe Zhvillimin e Qëndrueshëm.
1. Seancë dëgjimore me aktorët e interesit për projektligjin “Për gjuetinë”.
Komisioni për Ekonominë, Punësimin dhe Financat
– Vendndodhja:Kryesia e Kuvendit. Salla Nr. 4
– Ora:10:00
Ora 10:00
1. Fjala e relatoreve per te paraqitur ne parim raportin e projektligjit “Për buxhetin e vitit 2026”
Ora 14:00
1. Diskutimi në parim mbi të Ardhurat dhe Shpenzimet e planifikuara ne projektligjin “Per buxhetin e vitit 2026”
Komisioni për Çështjet e Brendshme dhe të Mbrojtjes
– Vendndodhja:Salla nr.1(201)
– Ora:10:30
1. Seancë dëgjimore refereuar kërkesës së ¼ të deputetëve të opozitës me Ministren e Brendshme në lidhje me:
Gjendjen aktuale të sigurisë publike në vend;
Masat e ndërmarra deri më tani nga Ministria e Brendshme dhe strukturat vartëse;
Përgjegjësitë institucionale që burojnë nga kjo situatë dramatike.
Komisioni për Çështjet e Brendshme dhe të Mbrojtjes
– Vendndodhja:Salla nr.1(201)
– Ora:12:00
1. Miratimi i kalendarit të komisionit për shqyrtimin e projektligjit “Për Buxhetin e vitit 2026”.
2. Prezantim i projektligjit nga Ministria e Financave.
3. Diskutim në parim i projektligjit “Për buxhetin e vitit 2026” (MINISTRIA E BRENDSHME )
Komisioni për Çështjet Ligjore dhe Administratën Publike
– Vendndodhja:Salla 7 me nr. 221
– Ora:12:30
1- Shqyrtimi i projektligjit “Për ratifikimin e marrëveshjes së garancisë, ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH), për marrëveshjen ehuas, ndërmjet Korporatës Elektroenergjetike Shqiptare, sh.a., (KESH, sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”
2- Shqyrtimi i projektligjit “Për pranimin e ndryshimeve të Statutit të Romës për Gjykatën Ndërkombëtare Penale, për krimin e agresionit, ratifikuar me ligjin nr.8984, datë 23.12.2002”.
Komisioni për Edukimin, Shkencën dhe Sportet
– Vendndodhja:Salla 3 (2-08)
– Ora:13:00
1. Diskutimi dhe miratimi i projektkalendarit për shqyrtimin e projektligjit “Për Buxhetin e Vitit 2026”.
2. Diskutimi në parim i projektligjit “Për Buxhetin e Vitit 2026” me Ministren e Ekonomisë dhe Inovacionit, Znj. Delina Ibrahimaj, për arsimin profesional.
3. Seancë dëgjimore për diskutimin në parim të projektligjit “Për Buxhetin e Vitit 2026” me Universitetet Publike të Tiranës.
Komisioni për Çështjet Ligjore dhe Administratën Publike
– Vendndodhja:Salla 7 me nr. 221
– Ora:15:30
Në zbatim të përcaktimeve të pikës 2, shkronja b, të nenit 111 të Rregullores së Kuvendit të Republikës së Shqipërisë, përmes shkresës nr. 3353 prot., datë 10.11.2025,është përcjellë lista me kandidaturat e vetofruara për pozicionin e Komisionerit për Mbikëqyrjen e Shërbimit Civil. Në përputhje me përcaktimet e pikës 2, shkronja “c”, të po këtij neni të Rregullores, brenda pesë ditëve nga njoftimi i listës së mësipërme, duhet të organizohet dëgjesa publike me kandidatët. Nga sa më lart dëgjesa publike do të zhvillohet më datë 11.11.2025, ora 15:30, në sallën e Komisionit për Çështjet Ligjore dhe Administratën Publike në Kryesinë e Kuvendit.

November 11, 2025
A do ketë bonus fundviti për pensionistët në 2026? Malaj: Nuk është parashikuar, por do varet nga…

petrit malaj

TIRANË- Ministri i Financave, Petrit Malaj, foli për projektbuxhetin e vitit 2026 në Komisionin Parlamentar të Bujqësisë. I pyetur nga deputeti i Lëvizjes Bashkë, Redi Muçi, nëse pensionistët do të marrin bonus në fundvitin që vjen, Malaj tha se një gjë e tillë nuk është parashikuar. Megjithatë, ministri i financave theskoi se përcaktuese për bonusin e dhjetorit 2026 do të jetë rritja ekonomike e vendit.

“Në varësi të rritjes ekonomike do të vendosim nëse do të japim bonus fundviti në vitin 2026. Në projektbuxhet nuk është parashikuar, por me akt normativ në varësi të rritjes ekonomike do japim bonusin. Bonusi kalkulohet në varësi të ecurisë ekonomike, dhe në atë varësi deri në fund të vitit tjetër, do të vlerësojmë nëse ekonomia ka performuar mirë patjetër që mund të japim një bonus”, tha Malaj.

Ministri i Financave ka vijuar edhe sot me prezantimin e draftit, ku ka theksuar se kryefjalë e vitit të ardhshëm janë pensionet. Malaj deklaroi se pjesë e buxhetit për herë të parë është edhe kompensimi i barnave onkologjike, përveç skemës së rimbursimit të medikamenteve me vlerë 13.5 miliardë lekë nga e cila do të përfitojnë 400 mijë qytetarë. Ndërkohë me projektbuxhetin e vitit 2026 do të rritet edhe paga për ushtarakët në Forcat e Armatosur./ZËRI

November 10, 2025
112 milionë euro për fermerët, Malaj: IPARD III do të hapet në vitin 2026

Ministri i Financave, Petrit Malaj, deklaroi në Komisionin e Bujqësisë se fondet e programit IPARD III, të cilat janë bllokuar që prej vitit 2023, pritet të hapen në vitin 2026. “IPARD ka qenë i suksesshëm si në fazën e parë, ashtu edhe në të dytën. Për shkak të disa parregullsive të konstatuara në fazën e dytë, Komisioni Evropian nëpërmjet DG Agri kërkoi një sërë masash që duhej të përmbusheshin nga qeveria shqiptare. Këto masa janë në proces dhe jam shumë optimist se do të përmbyllen me sukses. Më shumë detaje për këtë çështje do t’i japë ministri i linjës, por mund të them se IPARD III do të hapet gjatë vitit 2026”, u shpreh Malaj.
Sipas tij, në varësi të vlerësimit të Komisionit Evropian për përmbushjen e detyrimeve nga pala shqiptare, programi IPARD III do të japë një kontribut të rëndësishëm për zhvillimin e bujqësisë dhe zonave rurale. Programi IPARD III, që pritet me interes të madh nga fermerët shqiptarë, parashikon një mbështetje prej 112 milionë eurosh, të shpërndara në nëntë fusha kryesore si infrastruktura rurale, ndërtimi i tregjeve bujqësore, agro-përpunimi dhe agro-turizmi, pylltaria, asistenca teknike dhe këshillimi për fermerët.
Komisioni Evropian ndërpreu mbështetjen për bujqësinë shqiptare në gusht të vitit 2023, pas hetimeve të OLAF (Zyra Evropiane Kundër Mashtrimit), e cila konstatoi keqpërdorime të rënda në programin e mëparshëm IPARD II. Hetimet nisën pas denoncimeve të qytetarëve për korrupsion, favorizime dhe ndërhyrje politike në ndarjen e fondeve.

November 10, 2025
BSH, pesë rekomandime për buxhetin/ Zv.Guvernatorja Minxhozi: Monitoroni PPP-të! Plakja e popullsisë…

Banka e Shqipërisë ka dhënë opinionin e saj në Komisionin e Ekonomisë për projektbuxhetin e vitit 2026, duke e konsideruar optimist, dhe që mbështet rritjen ekonomike dhe konsolidimin fiskale.
Por përtej këtyre aspekteve, Banka e Shqipërisë ka bërë 5 rekomandime për qeverinë, nga rishikimi i skemës së pensioneve, tek monitorimi i koncesioneve apo shpërndarja e shpenzimeve gjatë gjithë vitit.
Banka qendrore ka ripërsëritur kërkesën për të rishikuar skemën e pensioneve, pasi plakja e popullsisë dhe demografia janë rrezik për buxhetin, në kushtet kur deficiti i skemës po thellohet.
“Skema e sigurimeve shoqërore dhe shëndetësore, deficiti i skemës së sigurimeve shoqërore dhe shëndetësore, vijon të jetë një barrë e konsiderueshme në buxhetin e shtetit, duke tejkaluar edhe nivelin e deficitit të përgjithshëm buxhetor. Sfidat fiskale të këtyre skemave mbeten të larta duke marrë në konsideratë fenomenin e plakjes së popullsisë, por edhe atë të tkurrjes demografike. Këto tregues pritet të ushtrojnë presion të shtuar mbi financat publike në të ardhmen dhe duke e bërë të domosdoshme ndërmarrjen e reformave shtesë që të garantonin reduktimin e vulnerabilitetit fiskal të lidhura me to. Në këtë kontekst, Banka e Shqipërisë rekomandon, rishikimin e parametrave të skemës së pensioneve, me qëllim kontrollin dhe mbështetjen e saj më të mirë, zhvillimin dhe promovimin e shtyllës së dytë dhe të tretë të pensioneve nëpërmjet mekanizmave fiskalë dhe rregullatorë nxitës dhe integrimin e analizës së rreziqeve demografike dhe fiskale në kuadrin afatmesëm të programit buxhetor në përputhje me praktikat më të mira të Bashkimit Evropian”, tha zëvendësguvernatorja Luljeta Minxhozi në Komisionin e Ekonomisë.

Po ashtu Banka e Shqipërisë i kërkon qeverisë të monitorojë koncesionet pasi mund të ngarkojnë buxhetin e shtetit me kosto shtesë.
“Për projektet e partneritetit publik privat, në buxhetin e vitit 2026 është përcaktuar një tavan i sipërm i vëllimit. Vlera totale e projekteve e PPP-ve në masën 27.1% të Produktit të Brendshëm Bruto dhe është kufizuar shuma totale e shpenzimeve që do të përballohen nga buxheti në masën 5% të të ardhurave tatimore të vitit pasardhës. Në këtë kuadër Banka e Shqipërisë inkurajon përpjekjet për përmirësimin e vazhdueshëm të kapaciteteve profesionale të njësive që administrojnë, vlerësojnë dhe kontraktojnë, monitorojnë gjithashtu këto projekte sidomos, përsa i përket detyrimeve ligjore dhe financiare, të cilat shpesh ngarkojnë buxhetin e shtetit”, tha Minxhozi.

November 10, 2025
“Ligjet” miratojnë në parim projektligjin për buxhetin e vitit 2026, opozita nuk merr pjesë në votim

Komisioni i Ligjeve miratoi në parim projektbuxhetin e vitit 2026. Nëntë deputetë votuan pro, ndërsa opozita nuk mori pjesë në votim.
“Projektbuxheti është ngjarja më e rëndësishme për veprimtarinë e një komisioni të përhershëm në kuvend”, tha kreu i komisionit, Ulsi Manja.
Më herët, komisioni dëgjoi ministrin e Financave, Petrit Malaj, i cili raportoi pikërisht në lidhje me projektbuxhetin e vitit 2026.
Ai tha se qeveria ka katër fokuse kryesore në këtë projektbuxhet.
“Të rrisim nivelin e mirëqenies dhe mbrojtjes sociale për qytetarët tanë; Të garantojmë një rritje ekonomike të qëndrueshme; Të sigurojmë konsolidimin fiskal; Si dhe të përshpejtojmë procesin e integrimit evropian”, tha ai.
Projektbuxheti i vitit 2026 parashikon një nivel total shpenzimesh prej 886.7 miliardë lekësh. Malaj tha se vëmendja dhe kryefjala është rritja e mirëqenies sociale, duke vijuar më tej nxitjen për modernizimin e infrastrukturës, përsosjen e sistemeve digjitale, por edhe te zhvillimi i kapitalit njerëzor përmes arsimit dhe punësimit cilësor.
Sipas ministrit, shtylla themelore e këtij buxheti është reforma e pensioneve.
Malaj theksoi se buxheti përfshin rritje të investimeve publike, si dhe vazhdimin e reformës në administratën publike. Prioritet mbeten arsimi, shëndetësia dhe infrastruktura, me synim përmirësimin e cilësisë së jetës dhe uljen e pabarazive. Ministri deklaroi se deficiti buxhetor do të ruhet në nivele të qëndrueshme, ndërsa borxhi publik pritet të ulet më tej. Malaj shtoi se politikat fiskale do të vazhdojnë të mbështesin rritjen ekonomike dhe stabilitetin makroekonomik të vendit.

November 10, 2025
“Brenda vitit të ardhshëm do të kemi matësat inteligjentë të energjisë”/ Rama: Shqipëria ishte në prag kolapsi, do të bëhet eksportues

Kryeministri Edi Rama, gjatë prezantimit të projektit “OSHEE Charge”, foli për planin e Shqipërisë për t’u bërë eksportuese e energjisë elektrike.

“Në radhë të parë dëshiroj t’i përcjell një përgëzim atyre që kanë punuar me këtë inovacion dhe do t’i japin jetë një qasje të re të shërbimit publik sa i përket OSHEE. Ndërkohë është kthyer në një sektor ku inovacioni ka zënë hapësirën e vet dhe nuk punohet më në emergjencën e ditës, me ato historitë që tashmë duket sikur nuk i kemi jetuar ne.
Në fakt kanë qenë histori të lodhshme, rraskapitëse. Pikërisht pse është krijuar kjo hapësirë për të punuar për të nesërmen, ne ndërkohë që natyrisht vijon puna intensive. Sot kemi një inovacion, ndërkohë që brenda vitit të ardhshëm do të kemi matësat e energjisë, duke kaluar në sistemin e matëseve inteligjentë. 350 mijë matësash.
Brenda këtij mandati do të mbyllim këtë proces që patjetër do ta ulë edhe më shumë nivelin e humbjeve në rrjet. Nga ana tjetër kemi nisur punën po ashtu për të ngritur në Shqipëri një datacenter të fjalës së fundit dhe pse nuk është drejtpërdrejtë me OSHEE por me KESH.
PO ahti jemi në një proces ku po ecim edhe me interkonjeksionin, projektin madh kombëtar për interkonjeksionin që faktikisht do ta realizojmë si pjesë e një partneriteti strategjik. Që do të na japë si vend epërsi strategjike në aspektin e transportit të energjisë së transportit.
Këtu vjen objektivi më i madh strategjik i yni për ta kthyer Shqipërinë në një vend që ishte në humnerë në prag të kolapsit, në një eksportues të energjisë elektrike. Diçka që është në dorën tonë tashmë, është një çështje brenda pak vitesh brenda këtij mandati”, tha Rama.

Top Channel

November 10, 2025
Rama: Brenda vitit të ardhshëm do të hyjmë në epokën e matësve inteligjentë

Kryeministri Edi Rama këtë të hënë, më 10 nëntor, mori pjesë në prezantimin e projektit “OSHEE Charge”, një shërbim i ri i karikimit të mjeteve elektrike, për të shkuar drejt energjisë së pastër dhe transportit të qëndrueshëm.Ky projekt synon karikimin e mjeteve elektrike në vend, si një mënyrë për të shkuar drejt energjisë së pastër, por edhe transportit të qëndrueshëm.
Gjatë prezantimit të këtij projekti, Rama u shpreh se brenda vitit të ardhshëm do të hyjmë në epokën e matësve inteligjentë.
“Në radhë të parë dëshiroj t’iu përcjell një përgëzim atyre që kanë punuar me këtë inovacion dhe që do t’i japin jetë një qasjeje të re, në aspektin e shërbimit publik sa i përket OSHEE-së, e cila do ta shtrijë këtë kapacitet edhe në karikimin e mjeteve elektrike. Ky është një lajm shumë i mirë që vjen në një moment shumë pozitiv për sektorin e energjisë, që është kthyer në një sektor ku inovacioni ka zënë hapësirën e vet dhe nuk punohet më në emergjencën e ditës, me ato histori që tanimë duket e pabesueshme t’i kemi jetuar ne, por kanë qenë histori të lodhshme e rraskapitëse të një periudhe kohe që zgjati deri jo shumë kohë më parë.
Për ta projektuar të nesërmen, ndërkohë që vazhdon intensivisht puna e përditshme, sot kemi këtë inovacion, ndërkohë që besoj se brenda vitit të ardhshëm do të kemi fillimin e punës transformuese për matësat e energjisë, duke kaluar në sistemin e matësave inteligjentë, me një parti të parë prej rreth 350 mijë matësash, dhe brenda këtij mandati do ta mbyllim edhe këtë proces, që besoj se do ta ulë edhe më tej nivelin e humbjeve elektrike në rrjet, duke e ulur nën mesataren e BE-së, por duke e rritur cilësisht edhe shërbimin e çdo konsumatori, duke riparuar ato të meta që ka procesi i faturimit.
Kemi nisur punën për të ngritur në Shqipëri një data center të fjalës së fundit, e cila edhe pse nuk është me OSHEE, por KESH, prapë është një inovacion që shkon në drejtimin që fola.”

November 10, 2025
Humbja e republikanëve në zgjedhjet e Nju Jork-ut, analiza nga CNN: Vota kundër Trump më e fortë se kurrë

Presidenti amerikan Donald Trump ka minimizuar rolin e tij në zgjedhjet e fundit të vitit 2025, ku republikanët pësuan disfatë të thellë në shtetet e Virxhinias dhe Nju Xhersit.

Por të dhënat tregojnë se rezultatet ishin një refuzim i drejtpërdrejtë ndaj tij, analizon CNN.
Sipas një sondazhi të CNN, 41% e votuesve thanë se vota e tyre kishte për qëllim të kundërshtonte Trumpin, ndërsa vetëm 21% thanë se donin ta mbështesnin. Ky është hendeku më i madh anti-president që nga viti 2006, kur republikanët humbën ndjeshëm nën presidencën e George W. Bush.
Në Virxhinia, diferenca midis votuesve anti-Trump dhe pro-Trump u rrit nga 17 pikë në vitin 2017 në 22 pikë këtë vit. Në Nju Xhersi, hendeku u zgjerua nga 17 pikë në 2017 në 28 pikë në 2025.
Sipas analizës së CNN, analistët thonë se lëvizja anti-Trump mbetet e fuqishme dhe e motivuar, ndërsa baza e tij republikane duket e lodhur dhe më pak entuziaste. Vetëm një në pesë votues deklaron se do të votojë për të mbështetur ish-presidentin.
Rezultatet sinjalizojnë një problem serioz për Partinë Republikane dhe përpjekjet e Trump për të ruajtur dominimin e tij politik përpara zgjedhjeve presidenciale të vitit 2026.

Top Channel

November 8, 2025