Deficiti i llogarisë korrente u përkeqësua vitin e kaluar. Sipas të dhënave nga Banka e Shqipërisë, deficiti arriti vlerën e 607 milionë eurove, në rritje me 157% krahasuar me vitin 2023.Kjo do të thotë që nga vendi dolën rreth 5.6 miliardë euro, kryesisht për blerjen e produkteve të importin, ndërsa hynë rreth 5 miliardë euro në formën e transfertave të emigrantëve, eksporteve, prurjeve të turistëve, të ardhurave nga puna jashtë vendit etj. Në vitin 2024, deficiti kishte zbritur në vetëm 263 milionë euro (4.53 miliardë euro valutë e dalë dhe 4.27 mld euro valutë e hyrë).Edhe tremujori i fundit 2024 rezultoi me një rritje të ndjeshme të deficitit të llogarisë korrente, në vlerën e 232 milionë eurove, 55% më shumë krahasuar me të njëjtën periudhë të një viti më parë.Efektin kryesor në rritjen e deficitit të llogarisë korrente për 2024 e dha thellimi i deficitit tregtar në mallra. Deficiti i tregtisë së mallrave vitin e kaluar arriti në pothuajse 5.6 miliardë euro, me një rritje prej 23% krahasuar me një vit më parë.Bilanci tregtar në shërbime u përmirësua përsëri në 2024, por në përmasa të pamjaftueshme për të mbushur “gropën” e deficitit në tregtinë e mallrave.Llogaria e jashtme në shërbime vitin e kaluar ishte pozitive në vlerën e gati 3.9 miliardë eurove, në rritje me 15% krahasuar me një vit më parë.Pjesa dërrmuese e suficitit në shërbime erdhi nga turizmi. Statistikat treguan se të ardhurat neto në zërin e udhëtimeve të Bilancit të Pagesave kishin vlerën e 2.3 miliardë eurove, në rritje me 25% krahasuar me vitin 2023.Por, ndërkohë që turizmi vazhdoi të rrisë kontributin e tij pozitiv në bilancin e pagesave, të ardhurat nga fasioneria pësuan rënie. Të ardhurat neto nga shërbimet për përpunim të inputeve fizike të zotëruara nga të tjerët ranë në 662 milionë euro, 14% më pak krahasuar me një vit më parë.Nëse përjashtojmë vitin pandemik 2020, kjo është rënia e parë e të ardhurave nga fasoneria qysh prej vitit 2013. Sektori i fasonerisë në vitet e fundit është goditur rëndë nga mbiçmimi i fortë i lekut në kursin e këmbimit me euron. Ky mbiçmim ka vijuar edhe gjatë vitit 2024 dhe kursi ka arritur rekorde të reja historike në ulje, pranë kufirit të 98 lekëve.Kontribut në rritje në bilancin e llogarisë korrente dhanë përsëri remitancat. Vitin e kaluar, dërgesat e emigrantëve arritën vlerën e 1.045 milardë eurove, në rritje me 12.5% krahasuar me një vit më parë.Valët e reja të emigrimit të shqiptarëve në vitet e fundit kanë rimëkëmbur remitancat, duke ndikuar pozitivisht bilancin e llogarisë korrente të vendit. Inflacioni i lartë dhe rënia e kursit të Euros gjatë dy viteve të fundit gjithashtu mund të ketë nxitur rritjen e remitancave, për të mundësuar ruajtjen e fuqisë blerëse të familjeve të varura prej tyre.Pavarësisht se bilanci i llogarisë korrente u përkeqësua ndjeshëm vitin e kaluar, kursi i këmbimit Euro-Lek vazhdoi rënien. Kursi mesatar i këmbimit ra me 7.4% krahasuar me një vit më parë. Një euro u këmbye mesatarisht me 100.7 lekë në 2024-n, nga 108.7 lekë një vit më parë, duke zbritur në nivelin m ëtë ulët historik. Ndërkohë, Banka e Shqipërisë bleu afërsisht 933 milionë euro në tregun e brendshëm valutor në 2024.Të dhënat finale të publikuara nga banka qendrore treguan se blerjet e valutës vitin e kaluar arritën vlerën më të larta historike. Sasia e valutës së blerë është rritur me 249% krahasuar me një vit më parë. Por edhe këto blerje nuk arritën të frenojnë rënien e euros.Megjithatë, deficiti në llogarinë korrente vazhdon të mbulohet nga flukset hyrëse në llogarinë financiare dhe kryesisht investimet e huaja direkte. Sipas të dhënave nga Banka e Shqipërisë ato shënuan vlerën e 1.58 miliardë eurove, në rritje me 5.6% krahasuar me një vit më parë. https://monitor.al/banka-e-shqiperise-bleu-nje-rekord-prej-933-milione-euro-vitin-e-kaluar/Burimi: BSHBurimi: BSHKy është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.
Tag: vitin
-
E zbulon Tedi Blushi: Ja pse u prishëm me Edi Ramën në vitin 2017
Partia e Lirisë është një nga zërat më të fortë opozitarë kundër qeverisjes socialiste, të kryesuar nga Edi Rama. Kjo, pavarësisht se në mandatin e parë të kryeministrit, presidenti i saj, Ilir Meta, asokohe kryetar i Lëvizjes Socialiste për Integrim, ishte në koalicion me Ramën dhe luajti një rol të rëndësishëm në rotacionin e pushtetit në vitin 2013.
I ftuar në “Off the Record”në A2 CNN, Sekretari i Përgjithshëm i PL, Tedi Blushi zbuloi edhe pse LSI u largua nga ai koalicion. “Sigurisht ishim një nga faktorët kryesorë që ka denoncuar korrupsionin, një forcë politike që propozoi ndalimin me ligj të koncesioneve që u kushtojnë qytetarëve qindra miliona euro, që denoncoi kanabizimin e vendit”, tha Blushi. “Një forcë që u shkëput nga ai koalicion kur kuptoi që Edi Rama po tradhtonte besimin e dhënë nga shqiptarët”.
“Sot, zoti Meta është shndërruar në simbol frymëzues të lirisë, për faktin se, edhe pse në kushte izolimi ekstrem, e ka shndërruar qelinë në një llogore kundër këtij narko regjimi. Edhe presidencën e ktheu në një kështjellë në mbrojtje të Kushtetutës, të cilën Edi Rama tentoi ta shndërronte në një leckë”, shtoi ai. -
“The Telegraph”: Shqipëria, destinacioni i pushimeve me rritjen më të shpejtë në Evropë
Maldivet e Evropës, plazhe si të Tajlandës – kisha lexuar shumë fraza të tilla për Ksamilin, një fshat i vogël bregdetar në jug të Shqipërisë – përpara se ta vizitoja, shkruan Rebecca Astil në të përditshmen britanike “The Telegraph”.
Sapo kisha mbërritur me traget nga Korfuzi – ku fshatrat e pacënuara janë një atraksion. Kisha dëgjuar shumë vlerësime për Ksamilin.Shqipëria, jo shumë kohë më parë e konsideruar si kufiri i fundit i pushimeve mesdhetare, po përjeton një rritje të popullaritetit në mesin e turistëve britanikë.
Hotelet po hapen me shpejtësi dhe ndikuesit e medieve sociale po bëjnë çmos për t’i mbushur ato.
Në vitin 2015, më shumë se tre milionë turistë të huaj vizituan brigjet e saj me diell.
Kjo shifër u rrit në mënyrë të qëndrueshme në më shumë se katër milionë në 2017, dhe në mbi gjashtë milionë në vitin 2019.
Sidoqoftë, që nga pandemia, numri i turistëve të huaj që vizituan vendin mesdhetar ka kapur majat.
Rreth 10 milionë turistë vizituan vendin ballkanik në vitin 2023 – duke shënuar një rritje prej 56% krahasuar me shifrat e para Covid-it – duke e bërë Shqipërinë destinacionin e pushimeve me rritjen më të shpejtë në Evropë.
Dhe ky është vetëm fillimi. Vitin e kaluar qeveria shqiptare prezantoi “Strategjinë e re Kombëtare të Turizmit”, e cila parashikon të mirëpresë deri në 30 milionë turistë të huaj deri në vitin 2030 – më shumë se Portugalia apo Kroacia.
Për të arritur këtë objektiv, zhvillimet e reja vazhdojnë me ritëm – ndërsa Jared Kushner dhe bashkëshortja e tij, Ivanka Trump së fundmi kanë marrë dritën jeshile për ndërtimin e një hoteli luksoz me vlerë 1,4 miliardë dollarësh në ishullin e Sazanit.
Ekonomikisht, ky është një lajm i madh për atë që është ende një nga vendet më të varfra të Evropës. Por cili do të jetë ndikimi ekologjik? A është Shqipëria në rrugën e duhur për të mos u prekur nga të njëjtat probleme të turizmit masiv që shihen, për shembull, në Spanjë? Dhe si do të ndikojnë ndryshimet e shpejta në përvojën e përgjithshme për turistët?
Ksamili, një fshat autentik jugor, rrethohej nga baret e bukura të plazhit dhe hotelet përgjatë bregdetit.
Përpara se Ksamili të shndërrohej në një destinacion kryesor pushimesh, ai ishte një fshat i vogël peshkimi.
Uesli Didani, përfaqësues i lajmeve “Saranda Web” shpjegoi rritjen e popullaritetit të vendit si destinacion turistik.
“Përmirësimet në infrastrukturën ajrore dhe rrugore, së bashku me rritjen e fluturimeve direkte dhe me raportin konkurrues cilësi-çmim të Shqipërisë e kanë bërë vendin më të aksesueshëm se kurrë”, tha Didani.
“Vizitorët mund t’i përjetojnë të gjitha këto pa turma njerëzish apo çmime të larta që i gjen në destinacionet tradicionale të Mesdheut”, shtoi ai.
Këto përmirësime në infrastrukturë ishin sigurisht të dukshme.
Fluturova për në Korfuz, ku qëndrova disa ditë, më pas mora një traget nga qyteti i Korfuzit për në Sarandë, vetëm në bregdet nga Ksamili (nga 19 euro me “Ionian Seaways”).
Gjatë rrugës për në shtëpi, rezervova një autobus nga Saranda në kryeqytet, Tiranë (15 euro me “Gjirafa Travel”), ku kalova edhe dy ditë të tjera, më pas fluturova direkt në London Stansted me Ryanair për 78 euro.
Ajo që Didani thotë se dikur ishte një “vend i izoluar” sigurisht që tani nuk është më i tillë.
Pavarësisht të kaluarës së saj të errët komuniste, situata aktuale e Shqipërisë është një hap në drejtimin e duhur – megjithatë ndikimi mjedisor i rritjes së numrit të turistëve është fatkeqësisht më pak pozitiv.
Sipas Indeksit të Zhvillimit të Udhëtimit dhe Turizmit, Shqipëria ekziston shqetësimi se zhvillimi i turizmit masiv mund të ndikojë në keqmenaxhimin e burimeve natyrore.
Përgjigja? “Për të mbrojtur mjedisin, Shqipëria duhet të zbatojë politika të qarta për menaxhimin e mbetjeve, të promovojë energjinë e pastër dhe të mbështesë projekte që respektojnë natyrën”, tha Didani.
“Turizmi masiv rrezikon të rrisë çmimet në zonat bregdetare, duke i bërë qiratë dhe shërbimet të papërballueshme”, paralajmëroi Didani.
Por përfitimet nuk mund të mohohen. “Turizmi është një nga mënyrat më të mira për të nxitur ekonominë lokale”, tha Elton Caushi, pronar i operatorit turistik “Albanian Trip”.
“Sigurisht që ka krijuar vende pune. Në vitin 2023, udhëtimet dhe turizmi kontribuan me 25% të PBB-së së Shqipërisë dhe numri i vendeve të punës në këtë sektor është rritur me 10% që nga viti 2019”, sipas Këshillit Botëror të Udhëtimit dhe Turizmit.
Çmimet gjithashtu mbeten të arsyeshme. Në “Mussel House” – një restorant i bukur dhe i izoluar pikërisht në ujërat e liqenit të Butrintit, midis Sarandës dhe Ksamilit – një pjatë madhështore me midhje dhe një biftek i shijshëm kushtonte vetëm 24 euro; vakti ekuivalent në Britani të Madhe do të kishte kushtuar dy herë më shumë.
Duket se ka ende një atmosferë risie për pushuesit, por, pas protestave evropiane kundër turizmit masiv verën e kaluar, mund të shpresohet vetëm që Shqipëria të marrë një kontroll mbi kete rritje.
Duket se ka ende një atmosferë risie për pushuesit, por, pas protestave evropiane kundër turizmit masiv verën e kaluar, mund të shpresohet që Shqipëria të marrë një kontroll për këtë rritje.
Kryeministri Edi Rama, forca shtytëse e strategjisë së turizmit të vendit, duhet të sigurojë që gjithçka të bëhet në mënyrë të qëndrueshme.
“Turizmi i qëndrueshëm ka të bëjë me krijimin e një situate të favorshme për të gjithë – turistët, vendasit dhe mjedisin”, tha Caushi.
“Po sigurohet që ndërsa turizmi rritet, të mos dëmtojtë ato gjëra që e bëjnë Shqipërinë kaq të veçantë”, shtoi ai. //a.i/ ATSH
https://www.telegraph.co.uk/travel/destinations/europe/albania/the-maldives-of-europe-i-discovered-the-reality/ -
Suksesi ekonomik i Kroacisë maskon problemet e reformës
Kroacia, anëtarja më e re e Bashkimit Europian, ka tejkaluar me ecurinë e saj shumicën e ekonomive të tjera në bllokun prej 27 anëtarësh.Vendi ballkanik, me një popullsi nën 4 milionë banorë, raportoi një rritje të PBB-së prej 3.6% në vitin 2024, shumë mbi mesataren e BE-së prej 0.9%. Ky përmirësim u nxit nga konsumi i fortë i familjeve, rritja e pagave dhe investimet e huaja, veçanërisht ato nga financimi i BE-së.Në vitin 2024, punësimi në Kroaci arriti nivelet më të larta rekord, me një rritje prej 3.5% krahasuar me janarin 2023, domethënë prej afro 60,000 punëtorësh. Sektori i ndërtimit pati rritjen më të madhe të punësimit, me 6.9%, falë projekteve të shumta të infrastrukturës dhe investimeve të financuara nga BE-ja.Paga mesatare neto u rrit me 15% (11% e përshtatur me inflacionin), duke shkuar në 1,318 euro në muaj. Sektori publik përjetoi rritjen më të madhe, pasi pagat në administratën qeveritare, arsim dhe shëndetësi, u rritën mesatarisht me 22%.Megjithatë, suksesi ekonomik i vendit kërcënohet nga sektori publik në zgjerim e sipër, i cili është rritur pavarësisht nga tkurrja e popullsisë.Kritikët paralajmërojnë se rritja mund të pengohet nga mungesa e reformave ekonomike nën drejtimin e kryeministrit Andrej Plenkovic nga Partia Bashkimi Demokratik Kroat (HDZ).“Rreth 40% e ekonomisë përbëhet nga sektori i qeverisë dhe tregtisë me pakicë”, tha analisti Neven Vidaković për agjencinë N1 TV. “Sektorët që mund të kontribuojnë më shumë në krijimin e vlerës dhe të ofrojnë vende pune me cilësi të lartë, nuk ekzistojnë më. Kjo është shkaktuar nga mungesa e reformave në 20 vitet e fundit”. Tkurrja e parashikimeve të PBB-së nxit thirrjet për ndryshimRritja e shpenzimeve qeveritare ka ngritur pikëpyetje në lidhje me qëndrueshmërinë, pasi shpenzimet shtetërore vazhdojnë të tejkalojnë rritjen e PBB-së.Në vitin 2024, punësimi në administratën publike u rrit me 5,1%, arsimi me 3,1%, dhe kujdesi shëndetësor dhe shërbimet sociale me 6,2%.Ndërkohë, rritja e PBB-së pritet të ngecë në nivelin 3.3% në vitin 2025 dhe 2.9% në vitin 2026. Kjo tregon nevojën urgjente për reforma strukturore për të ruajtur qëndrueshmërinë afatgjatë dhe deficitet buxhetore të kërkuara nga BE-ja.Megjithatë, këto reforma nuk janë kryer ende, veçanërisht në administratën publike. Pavarësisht se ka një popullsi prej më pak se katër milionë banorësh, Kroacia ka 555 njësi të qeverisjes publike, duke përfshirë 428 komuna dhe 127 qytete të organizuara në 20 rajone.Për efekt krahasues, Irlanda e cila ka dyfishin e popullsisë, ka vetëm 95 rrethe komunale. Shpenzimet qeveritare shënojnë një rritje rekordPavarësisht rritjes së vazhdueshme të PBB-së që nga viti 2017, shpenzimet qeveritare janë rritur edhe më shpejt, nga 16.9 miliardë euro në vitin 2017, në 28.1 miliardë euro në 2023. Kjo prirje vazhdoi në vitin 2024, me një rritje rekord prej 1.63 miliardë eurosh në pagat e sektorit publik, duke e sforcuar më tej buxhetin.Qeveria kroate tani shpenzon më shumë për pagat e sektorit publik në raport me PBB-në, sesa shumica e vendeve të ngjashme të BE-së, përfshirë Slloveninë.Siç vuri në dukje Branimir Perković për agjencinë Bloomberg Adria, gjendja e tanishme pasqyron skenarin e 20 viteve më parë, përpara recesionit të madh, kur rritja e PBB-së kroate ishte e fortë, por e nxitur nga shpenzimet shtetërore dhe jo nga zgjerimi i sektorit privat.“Rritja ekonomike ishte e fortë në atë kohë, paksa më e ulët se e ekonomive të tjera të ngjashme”, shkroi ai. “Popullsia kroate ishte e kënaqur me këtë dhe nuk prisnin ndonjë reformë të dukshme, sepse ndiheshin më të sigurt”.Megjithatë, kur goditi recesioni, punësimi i qeverisë mbeti i qëndrueshëm, ndërsa sektori privat humbi gati 200,000 vende pune, duke çuar në një rënie të gjatë ekonomike dhe një rimëkëmbje që zgjati një dekadë. Paradoksi i pasurive të paluajtshme – çmimet rriten, kërkesa uletMegjithatë, tregu i pasurive të paluajtshme paraqet një paradoks: uljen e kërkesës dhe rritjen e çmimeve. Në vitin 2024, numri total i transaksioneve të pasurive të paluajtshme, ra me 2.9% krahasuar me një vit më parë.Istria (-22%) dhe Qarku i Zadarit (-20%) shënuan rëniet më të ndjeshme. Megjithatë, shitjet e pronave u rritën në Qarkun Primorje-Gorski Kotar, ku transaksionet u shtuan me 23%.Në tremujorin e tretë të vitit 2024, çmimet e pasurive të paluajtshme u rritën me 12.3% në bazë vjetore, me rritjet më thelbësore të regjistruara përgjatë bregdetit të Adriatikut (+16%) dhe në kryeqytetin Zagreb (+7.7%), ku sllovenët ua kaluan gjermanëve si investitorë kryesorë të huaj.Një faktor tjetër që shkakton këtë mospërputhshmëri me tregun e pasurive të paluajtshme është disponueshmëria e hipotekës. Bankat vendase kishin mundësuar kredi të favorshme përpara shtrëngimit të ri rregullator, të caktuar për në prill.Stimujt e rinj të qeverisë për strehimin, si zbritjet e taksave për ata që blinin shtëpi për herë të parë dhe ulja e TVSH-së për ndërtimet e reja, po ndihmojnë gjithashtu në rritjen e kërkesës.Ndërkohë, gati 40% e pasurive të paluajtshme në vitin 2024, shkuan për blerës të huaj. Çmimet kanë të ngjarë të mbeten të larta pasi investitorët e huaj shohin mundësinë për të zotëruar prona të shtrenjta, veçanërisht në rajonet turistike. Ky është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.
-
Konglomerati më i madh i luksit në botë: Kush janë dhe me çfarë merren
Trashëgimtari i tij ende nuk është caktuar. Madje nuk dihet as nëse, një ditë, roli i numrit një të konglomeratit më të madh të luksit në botë, i cili është i lidhur fort me pronarin Bernard Arnault (sot 76 vjeç dhe ende shumë larg dëshirës për të dalë në pension), do të kalojë në duart e njërit prej pesë fëmijëve të tij. Apo ndoshta, në krye të LVMH-së do të vijë një menaxher jashtë familjes.
Ajo që dihet me siguri është se, një herë në muaj, në numrin 22 të Avenue Montaigne, klani Arnault mblidhet për drekë. Rreth një tavoline në katin e fundit të selisë së grupit, disa hapa larg Champs-Élysées, patriarku diskuton për të tashmen dhe të ardhmen e shtëpive të modës së bashku me pesë fëmijët e tij. Dy të parët, Delphine dhe Antoine, kanë lindur nga martesa me Anne Dewavrin; tre të fundit, pra Alexandre, Frédéric dhe Jean, janë fryt i martesës me pianisten kanadeze Hélène Mercier. Të gjithë, përveç më të voglit (vetëm për arsye moshe), janë gjithashtu anëtarë të Bordit të Drejtorëve të LVMH-së dhe mbajnë pozicione të rëndësishme në kompanitë e grupit.
“Formimi im në biznes filloi kur isha 9 vjeç, gjatë mëngjesit”, ka pohuar i treti nga fëmijët, Alexandre, sipas asaj që ka raportuar New York Times, duke dhënë një pasqyrë të qartë të disiplinës dhe rreptësisë me të cilën ai dhe vëllezërit e tij janë rritur. Ndërmjet studimeve në shkollat më të njohura, mësimeve të pianos dhe testeve të vazhdueshme për të përmirësuar aftësitë matematikore, që i ati i vinte zakonisht çdo mbrëmje para darkës, të gjithë fëmijët e Arnault janë edukuar që të marrin një rol drejtues në biznesin familjar.
“E shoh veten si një ambasador të trashëgimisë dhe kulturës franceze. Ajo që krijojmë është emblematike. Është e lidhur me Versajën, me Maria Antonuanetën”, ka deklaruar patriarku, i cili, përveçse ka ndryshuar statutin për të zhvendosur kufirin e moshës për CEO-n nga 80 në 85 vjeç, ka strukturuar kompaninë në mënyrë që fëmijët e tij të mos mund të shesin aksionet e tyre për 30 vjet. Kontrolli i LVMH-së është kështu i mbyllur në duart e Arnault-ve deri në vitin 2052. Po me çfarë merren sot pesë trashëgimtarët?
Delphine Arnault
Lindur në vitin 1975, e vetmja grua mes pesë trashëgimtarëve, Delphine që nga shkurti 2023 është presidente dhe CEO e Christian Dior Couture. Pasi ka ndjekur studimet në EDHEC Business School në Lille dhe në London School of Economics, ajo bëri hapat e parë në botën e punës te McKinsey, për të hyrë më pas në LVMH duke punuar pranë John Galliano-s. Në vitin 2001 ajo iu bashkua Dior-it, ku, pas shtatë vitesh, mori postin e zëvendësdrejtoreshës së përgjithshme ekzekutive, një pozicion që e mbajti deri në vitin 2013, kur u emërua zëvendësdrejtoreshëe përgjithshme ekzekutive e Louis Vuitton. Dy vite më parë, ajo u bë drejtuese e markës më të rëndësishme të grupit.
Antoine Arnault
47 vjeç, Antoine është fëmija i dytë i Bernard Arnault. Që nga viti 2024 ai është president i Berluti, një rol që nga viti 2013 e mban edhe për Loro Piana. Njëkohësisht, ai është edhe drejtor i imazhit dhe mjedisit në LVMH. Më parë ka mbajtur disa pozita në rritje te Louis Vuitton, ku u bashkua në vitin 2000, deri sa u bë drejtor komunikimi (2007-2011). Sa i përket formimit të tij, Antoine ka marrë një diplomë në HEC Paris (École des HautesÉtudes Commerciales), një nga shkollat më prestigjioze të biznesit në Francë, si dhe një master në administrim biznesi në INSEAD.
Alexandre Arnault
Vetëm 33 vjeç, në shkurtin e kaluar Alexandre u emërua zëvendësdrejtor i përgjithshëm i Moët Hennessy, divizioni i verërave dhe pijeve alkoolike i LVMH-së. Pas diplomimit në Inxhinieri Informatike në Télécom ParisTech dhe marrjes së një Masteri në Kërkim dhe Inovacion në École Polytechnique, nga viti 2015 deri në 2016 ai u mor me investimet e grupit, duke luajtur një rol kyç në blerjen e Rimowa (për 800 milionë euro). Për markën e valixheve ai mbajti postin e drejtorit të përgjithshëm, për të kaluar më pas në vitin 2021 në drejtimin e Tiffany & Co. Megjithëse shumë i ri, me një karrierë të spikatur, Alexandre mund të bëhet së shpejti pjesë e bordit të drejtuesve të Moncler, nëse asambleja e aksionarëve e planifikuar për 16 prill miraton bordin e ri.
Frédéric Arnault
I lindur në vitin 1995, Frédéric u emërua drejtor i përgjithshëm i Loro Piana vetëm disa ditë më parë. Deri tani, djali i katërt i Bernard Arnault ishte përqendruar kryesisht te orët, duke qenë drejtor i përgjithshëm i divizionit të orëve, që përfshin markat Hublot, Zenith dhe TAG Heuer (këtë të fundit e drejtoi si drejtor i përgjithshëm nga viti 2020). Pas diplomimit për Matematikë të Aplikuar dhe të Llogaritshme në École Polytechnique (të cilën e ka ndjekur edhe babai i tij), ai bëri hapat e parë në botën e punës fillimisht te McKinsey, e më pas te Facebook (tani Meta) në departamentin e inteligjencës artificiale. Tani, nga IA-ja, ai ka kaluar te kashmiri.
Jean Arnault
Më i riu mes trashëgimtarëve, Jean (i lindur në vitin 1998), është i vetmi që ende nuk ka një vend në bordin e LVMH. Kjo zgjedhje ka të bëjë thjesht me moshën dhe nuk lidhet me ndonjë mungesë besimi nga ana e babait. Përkundrazi. Që nga viti 2022, ai mban postin e drejtorit të orëve për Louis Vuitton, një markë për të cilën ka punuar edhe si drejtor marketingu dhe zhvillimi për orët, si dhe më parë si asistent shitjesh (një përvojë e shkurtër, e realizuar në vitin 2017, siç tregon profili i tij në LinkedIn).
Sa i përket formimit të tij, Jean Arnault ka marrë një Master në Inxhinieri Mekanike në Imperial College London dhe ka studiuar Matematikë Financiare në Massachusetts Institute ofTechnology (MIT). Një karrierë e ndritur, që është vetëm në fillimet e saj. / Soldout Service – Syri.net
-
Alimehmeti nxjerr blof kandidatin e PS për deputet: Nuk kemi 53 por 43 spitale
Kandidati i Partisë Demokratike për deputet, Ilir Alimehmeti ka nxjerrë blof Etjen Xhafajn kandidatin për deputet të Partisë Socialiste lidhur me numrin e spitaleve në vend.
Gjatë fjalës së tij në një emision televiziv, Xhafaj tha se aktualisht janë 53 spitale në vend, 10 prej tyre të reja fare. Alimehmeti ndërhyri dhe tha se në vend që prej 2021 janë vetëm 43 spitale në vend.Etjen Xhafaj: Janë 53 spitale, nga të cilat 10 janë të reja fare.
Ilir Alimehmeti: Sa spitale të lutem? Në vitin 2016 42 spitale, në vitin 2017 42 spitale, në vitin 2018 42 spitale, në vitin 2019 42 spitale, në vitin 2020 42 spitale, në vitin 2021 43 spitale. Përfshirë spitali Memorial i Fierit. Në vitin 2022, 2023, 2024 edhe sot po 43 spitale. I keni në të dhënat e INSTAT. Mund t’i kërkoni edhe në Google. -
Turistët shpenzuan 5 mld euro, vitin e kaluar, edhe shqiptarët shpenzuan jashtë shtetit 2.7 miliardë euro
Të huajt që erdhën në Shqipëri gjatë vitit 2024 shpenzuan në vendin tonë afro 5 miliardë euro, një shifër rekord kjo krahasuar me vitin 2023.
Të dhënat e publikuara nga Banka e Shqipërisë tregojnë se tremujori i tretë, që përkon edhe me pikun e sezonit turistik, është periudha me fluksin më të lartë të të ardhurave të shpenzuara nga turistët e huaj në Shqipëri, me 1.9 miliardë euro.
Nga ana tjetër, edhe shqiptarët që udhëtuan jashtë shpenzuan një rekord prej 2.7 miliardë eurosh për vitin që lamë pas.
Po ashtu, Banka e Shqipërisë raporton se emigrantët, nga të cilët politika kërkon votën më 11 maj, sollën në familjet shqiptare afro 1 mld euro, përmes transfertave apo dërgesave cash.Vetëm në tremujorin e katërt të vitit, emigrantët dërguan 273 mln euro remitanca, ose 8% më shumë se e njëjta periudhë e një viti më parë.
-
Të huajt blejnë prona në Shqipëri, vjet u shpenzuan 380 milionë euro. Interes më i lartë për zonat bregdetare
Blerja e pronave në Shqipëri mbetet alternativa më e leverdishme për investim nga të huajt.
Shifrat konfirmojnë se edhe për vitin që lam pas blerja e pasurive të patundshme ka udhëhequr investimet e huaja në vendin tonë.
Sipas statistikave, në 2024 investimi në tregun e shit-blerjes së pasurive arriti në 380 milion euro nga 325 që ishte kjo shifër në vitin 2023, ose 17 % më shumë.Në tre vitet e fundit të huajt janë fokusuar në blerjen e apartamenteve apo vilave, më së shumti në bregdet.
Kjo ka bërë që çmimi i pronave të rritet ndjeshëm në këto zona.
Blerja e pronave më së shumti është një alternativë për t’i lënë ato me qira për sezonin turistik, ku Shqipëria po mirëpret gati 10 milion turistë në vit.
Nëse do tu referohemi të dhënave në vitin që lamë pas, u rregjistruan në agjencinë e kadastrës 31 mijë e 200 kontrata shit-bleje pronash, shifra është 12.5% më pak se vitti 2023.
Por në të vërtetë shumë prej blerjeve mbyllen fillimisht me kontrata porosie, të cilat në një fazë të dytë konkretizohen me shitje.
Në total stoku i investimeve të huaja në tregun e pasurive të patundshme arriti në 2 miliard euro.
Në këto shifra ndikim ka edhe kursi i këmbimit apo dhe rritja e cmimeve në tërësi në ndërtim./vizionplus.tv -
Rritja ekonomike 4%, ndikim pozitiv nga ndërtimi. Me rënie bujqësia dhe industria
Ekonomia shqiptare u rrit me afro 4% gjatë vitit 2024, ose 0.02 përqind më shumë se një vit më pare.
Pozitivisht në rritjen ekonomike edhe në vitin e shkuar vijoi të kontribuojë sektori i ndërtimit, ndërkohë që vend kryesor kishte edhe grupi i administratës publike, falë reformës së pagave e po ashtu edhe tregtia e akomodimi, si rezultat i zhvillimit të mirë turistik.
Nga ana tjetër, rënia e bujqësisë nuk u ndal as në vitin 2024. Referuar shifrave të INSTAT, bujqësia ra me 1.15%, duke mbyllur kështu vitin e katërt me performancë negative.Megjithatë, më e fortë rënia ishte tek industria, me 6.8%, një sektor që po vuan prej zhvlerësimit të euros./vizionplus.tv
-
Shkelje dhe falsifikime në Surrel/ Kalaja denoncon manipulimet me pronën e Linda Ramës: Familja e kryeministrit ka..
Kryetarja e Komisionit të Apelimit në PD ka denoncuar parregullsi të rënda lidhur me pronësinë e tokës në Surrel dhe financat e bashkëshortes së kryeministrit, Linda Rama.
Sipas saj, prona prej 4,483.50 m² është kaluar nga statusi “shtet” në truall privat përmes falsifikimeve të dokumenteve dhe manipulimeve ligjore.E ftuar ditën e sotme në një emision televiziv avokatja Kalaja u shpreh se në vitin 2004, Komuna Dajt i konfirmoi pronësinë shtetasit Isuf Isufi bazuar në Ligjin Nr. 7501, por më pas dokumentet u ndryshuan në mënyrë të paligjshme.
Banorët e zonës denoncuan këto shkelje, duke çuar në hetime nga Prefekti i Tiranës në vitin 2011. U zbulua se shtetasi Isufi kishte përfituar në kundërshtim me ligjin rreth 8,800 m² tokë.
Në vitin 2013, prona i kaloi Lindita Ramës për një çmim simbolik prej 193.88 lekë/m², ndonëse ajo figuron si pronë shtetërore.
Kalaja:
Ky është një denoncim që ka filluar që në muajt e parë të vitit 2022. Unë e investigova rastin me detaje dhe është një rast që jo vetëm pasqyron atë që ka ndodhur në Shqipëri këto 12 vite, por, në këndvështrimin tim, edhe në aspektin ligjor, përpos atij politik, është rasti më flagrant sesi Edi Rama, me familjen e tij, me bashkëshorten, me vëllain, në mënyra nga më të ndryshmet, ka abuzuar me pronën publike dhe me paratë publike.
Si ka filluar zanafilla e kësaj çështjeje? Sipas provave – në fakt, janë mbi 50 prova që i kam depozituar në SPAK, në shtator të vitit 2024 – është gjetur një fshatar i zonës i cili ka përfituar një pjesë të pronës nëpërmjet ligjit 7501.
Në momentin që është gjetur ky shtetas shqiptar, ai ka shkuar në komunë dhe ka thënë se i kanë humbur aktet e marrjes së tokës në pronësi.Këtu ka filluar falsifikimi i pronës, sepse kur kanë dalë certifikatat ose aktet e marrjes në pronësi të tokës, që kanë dalë në duplikatë, sipërfaqja e pronës është dyfishuar: nga 8 mijë ka shkuar në 16 mijë metra katrorë.
Banorët e zonës janë vetë në dijeni të këtij fakti dhe e kanë denoncuar në vitet 2011–2012 në prefekturë, sepse në atë kohë ligji e ngarkonte prefekturën që të merrej me ngastrat e tokës të përfituara nga ligji 7501.
Prefekti i qarkut, i kohës, para ndryshimeve të vitit 2013, e vuri në lëvizje administratën. Ata shkuan në terren dhe u vërtetua ankimimi i një banoreje të zonës se personi në fjalë, me mbiemër Isufi, kishte marrë një sipërfaqe të konsiderueshme, më tepër nga ajo që i takonte.
Në momentin që kjo çështje ka shkuar në Gjykatën e Apelit, këtu fillojnë dhe ndizen alarmet, duke përfshirë familjen kryeministrore.
Pas ndërhyrjeve shumë të forta, çështja prishet, por nuk prishet në themelin e saj. Është gjetur një arsye procedurale, sepse edhe gjyqtarët e Apelit e shikonin që çështja ishte shumë e pastër.
E kthyen sërish në Gjykatën e Shkallës së Parë me një tjetër trup gjykues.
Tani këtu fillon edhe problemi më i madh, edhe skandali më i madh, për mënyrën sesi ushtrohet ndikimi i paligjshëm në sistemin gjyqësor, për mënyrën sesi falsifikohen dokumentet dhe për mënyrën sesi i gjithë shteti është në dispozicion të familjes kryeministrore për të grabitur këtë pronë.
Ndërkohë që ne kemi vërtetuar se, përveç se prona është marrë në mënyrë të falsifikuar, ngrihet ish-drejtuesi i Kadastrës, Artan Lame, dhe kërkon pushimin e gjykimit.