Lajmidites.com

Tag: vijim

  • Del video e arrestimit të 29-vjeçarit në Tiranë/ Si tentoi t’i shpëtonte efektivëve, rezulton i përfshirë në ngjarjen e Astirit

    Del video e arrestimit të 29-vjeçarit në Tiranë/ Si tentoi t’i shpëtonte efektivëve, rezulton i përfshirë në ngjarjen e Astirit

    Në vijim të informacion të dhënë pasditen e djeshme, mbi vënien në pranga të shtetasit S. S., informojmë se në vijim të veprimeve, për këtë shtetas, specialistët për Hetimin e Krimeve të Rënda:-ekzekutuan vendimin e Gjykatës, për dënimin me 4 muaj burgim të tij, për plagosje të rëndë, në kapërcim të kufijve të mbrojtjes së nevojshme;-ekzekutuan urdhrin e Prokurorisë, për ndalimin e këtij shtetasi, për veprat penale “Heqja e paligjshme e lirisë” dhe “Mbajta pa leje dhe prodhimi i armëve, armëve shpërthyese dhe municionit”.Më tej, në vijim të veprimeve hetimore në lidhje me rastin e djeshëm, u gjet në automjetin e sekuestruar, dhe u sekuestrua me cilësinë e provës materiale, një sasi lënde e dyshuar narkotike Cannabis Sativa.Vijojnë kontrollet për drejtuesin e automjetit, me të cilin lëvizte shtetasi S. S., të identifikuar nga Policia, menjëherë pas rastit.Gjithashtu, në drejtimin e Prokurorisë, vijojnë hetimet për të sqaruar të gjitha rrethanat e këtij rasti.

    Top Channel

  • Asgjësohen 3000 rrënjë kanabis në Shkodër! Nuk kapen autorët, por roja i pyllit dhe kryepleqtë

    Asgjësohen 3000 rrënjë kanabis në Shkodër! Nuk kapen autorët, por roja i pyllit dhe kryepleqtë

    Një tjetër operacion për asgjësimin e parcelave me kanabis është zhvilluar gjatë kësaj jave në qarkun e Shkodrës.
    Si rezultat i kontrolleve, në vijim të operacionit policor të koduar “Koordinata”, shërbimet e Drejtorisë Vendore të Policisë Shkodër dhe të komisariateve në varësi të saj, kanë gjetur të kultivuara dhe kanë asgjësuar 2936 bimë të dyshuara narkotike kanabis sativa.
    Bimët narkotike u gjetën të mbjella në parcela të ndryshme në Shalë, Shosh, Shkrel, Kastrat dhe Qafë Mali.
    Në vijim të veprimeve për këto raste, u referuan materialet në Prokurori ku nisi procedimi në gjendje të lirë për inxhinierin e pyjeve, shtetasin A. M., për shpërdorim detyre dhe për moskallëzim krimi; rojën e zonave të mbrojtura, shtetasin L. A., kryeplakun e fshatit Lotaj, shtetasin L. M dhe kryeplakun e fshatit Abat, shtetasin M. M.
    Vijon puna për identifikimin, kapjen dhe nxjerrjen përpara përgjegjësisë penale të autorëve të këtyre rasteve të kultivimit.

  • AKMC-qytetarëve:Tregoni kujdes! Ditët në vijim temperaturat arrijnë deri në 40 gradë

    AKMC-qytetarëve:Tregoni kujdes! Ditët në vijim temperaturat arrijnë deri në 40 gradë

    Agjencia Kombëtare e Mbrojtjes Civile ka paralajmëruar qytetarët për temperaturat ekstreme deri në 40°C që do të shfaqen në ditët në vijim.
    Përmes një njofimi zyrtar, AKMC thotë se këto temperatura shtojnë rrezikun për zjarre në pyje dhe zona rurale.
    AKMC i ka bërë thirrje qytetarëve të tregojnë kujdes të shtuar, veçanërisht të moshuarit dhe personat me probleme shëndetësore.
    “Agjencia Kombëtare e Mbrojtjes Civile, bazuar në parashikimet e IGJEO dhe ERCC paralajmëron se në ditët në vijim temperaturat do të arrijnë deri në 40°C, duke rritur ndjeshëm rrezikun për zjarre në pyje dhe zona rurale.
    U bëhet thirrje qytetarëve të tregojnë kujdes të shtuar, veçanërisht të moshuarit dhe personat me probleme shëndetësore.
    Shmangni qëndrimin në diell gjatë orëve të nxehta dhe tregoni kujdes me përdorimin e zjarrit në ambiente të hapura.
    Raportoni çdo zjarr apo tym në numrin 128 ose 112!
    Respektimi i masave parandaluese shpëton jetë, pronë dhe natyrën! Bashkëpunimi juaj është jetik për një verë të sigurt”, thuhet në njoftim.

  • Situata në Lindjen e Mesme, presidenti izraelit: Ditët në vijim mund të jenë delikate dhe sfiduese

    Situata në Lindjen e Mesme, presidenti izraelit: Ditët në vijim mund të jenë delikate dhe sfiduese

    «Fushata nuk ka përfunduar: ditët në vijim mund të jenë të ndjeshme, të ndërlikuara dhe sfiduese». Kështu u shpreh presidenti i Izraelit, Isaac Herzog, duke e cilësuar “historik” sulmin e Donald Trump ndaj Iranit, sipas asaj që raporton BBC.
    Herzog shtoi se deklaratat e presidentit amerikan tregojnë aleancën e thellë dhe të guximshme mes Shteteve të Bashkuara dhe Izraelit, dhe u bëri thirrje qytetarëve izraelitë që të vazhdojnë të ndjekin me kujdes udhëzimet për sigurinë të dhëna nga autoritetet.

  • IKMT vijon aksionet në Vlorë, shembje objektesh në Rradhimë dhe Orikum ‘për t’i hapur rrugë’ Lungomares

    IKMT vijon aksionet në Vlorë, shembje objektesh në Rradhimë dhe Orikum ‘për t’i hapur rrugë’ Lungomares

    Inspektorati Kombëtar i Mbrojtjes së Territorit (IKMT) ka vijuar këtë të shtunë ndërhyrjet në zonën e Rradhimës dhe Orikumit, në kuadër të projektit për zgjerimin e Lungomares në Vlorë. Objektet e prishura kanë qenë të pozicionuara në trasenë ku parashikohet zhvillimi i mëtejshëm i projektit, duke penguar vazhdimin e punimeve.
    Kjo ndërhyrje vjen vetëm pak ditë pas shembjeve të tjera të kryera në Dhërmi dhe Jalë, ku IKMT ka ndërhyrë për të liruar hapësira të zëna në mënyrë të paligjshme apo që binin ndesh me projektet infrastrukturore në vijim.
    Sipas burimeve zyrtare, aksioni do të vijojë edhe në ditët në vijim, në funksion të zhvillimit urban dhe turistik të bregdetit jugor.

  • Lufta dështon negociatat për paqe, Irani: Dialogu nuk ka më kuptim! Papa bën thirrje për negociata

    Lufta dështon negociatat për paqe, Irani: Dialogu nuk ka më kuptim! Papa bën thirrje për negociata

    Lufta në vijim Izrael-Iran ka shuar shpresat për bisedimet për paqe.

    Irani ka deklaruar se dialogu me SHBA-në mbi programin bërthamor të Teheranit është i pakuptimtë pas zhvillimeve të fundit, por tha se ende nuk ka vendosur nëse do të marrë pjesë ose jo në bisedime. Takimi i radhës, i gjashti në kuadër të dialogut Uashington-Teheran, ishte planifikuar të mbahej ditën e diel në Muscat, por tashmë është e paqartë nëse do të mbahet.
    Teherani lëshoi akuza ndaj Uashingtonit si bashkëfajtor për sulmet e Izraelit dhe tha se Tel Avivi nuk do të guxonte të vepronte pa lejen e SHBA-së. Në vijim të zhvillimeve të fundit, Irani ka paralajmëruar SHBA-të por edhe Britaninë e Madhe dhe Francën të mos ndihmojnë Izraelin.

    Presidenti i Shteteve të Bashkuara, Donald Trump, paralajmëroi Iranin të bëjë marrëveshje bërthamore para se të jetë tepër vonë, teksa Shtëpia e Bardhë konfirmoi forcat tokësore amerikane kanë ndihmuar Izraelin për të rrëzuar raketat iraniane gjatë dy valëve të para.
    Irani mohon se programi i tij i pasurimit të uraniumit ka për qëllime të tjera përveç atyre civile, duke hedhur poshtë akuzat izraelite se po zhvillon fshehurazi armë bërthamore. Ndërkohë, Franca dhe Arabia Saudite kanë shtyrë konferencën e OKB-së në Nju Jork që ishte planifikuar për javën e ardhshme dhe do të kishte në fokus zgjidhjen me dy shtete dhe njohjen e Palestinës.
    Vendet europiane bënë thirrje një ditë më parë për deeskalim të situatës nga të dyja palët. Këtë të shtunë reagoi edhe Papa Leone, i cili u bëri thirrje autoriteteve të Izraelit dhe Iranit të veprojnë me arsye dhe të ndjekin dialogun.
    /vizionplus.tv

  • Plagosja në Kavajë, gjendet e fshehur në një mur arma e krimit

    Plagosja në Kavajë, gjendet e fshehur në një mur arma e krimit

    Kavajë
    Në vijim të veprimeve për dokumentimin ligjor të ngjarjes së ndodhur në fshatin Gos, shërbimet e Policisë gjetën të fshehur në një mur dhe sekuestruan në cilësinë e provës materiale armën e zjarrit tip pistoletë, me të cilën dyshohet se autori ka plagosur shtetasit S.D, dhe N.D.
    Po në vijim të veprimeve specialistët për Hetimin e Krimeve të Rënda të DVP Durrës, arrestuan në flagrancë shtetsin Sh. O., 56 vjeç, pasi ky shtetas dyshohet se plagosi me armë zjarri dy komshinjtë e tij gjatë një konflikti për motive të dobëta.
    Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

  • Asgjësohen mbi 600 bimë kanabisi në Shkodër/Nën hetim 2 kryetarë fshatrash dhe një…

    Asgjësohen mbi 600 bimë kanabisi në Shkodër/Nën hetim 2 kryetarë fshatrash dhe një…

    Policia e Shkodrës nga kontrollet e ushtruara ka gjetur dhe asgjësuar 625 bimë të dyshuara narkotike cannabis sativa.
    Uniformat blu bëjnë me dije se kanë proceduar penalisht për moskallëzim krimi dhe shpërdorim të detyrave, 2 kryetarë fshatrash dhe 1 specialist pyjesh.
    “Shërbimet e Komisariatit të Policisë Shkodër në vijim të operacionit policor të koduar “Koordinata”, gjatë kontrolleve të territorit, bazuar dhe në inteligjencën policore, gjetën dhe asgjësuan në territorin e njësive administrative Postribë dhe Rrethina 188 bimë narkotike cannabis sativa.
    Në vijim vijim të veprimeve për këto dy raste nisi procedimi në gjendje të lirë, për shpërdorim të detyrës dhe moskallëzim krimi, për kryeplakun e fshatit Drisht shtetasin V. D., kryeplakun e fshatit Kir,shtetasin S. H., dhe Inspektorin e Pyjeve, shtetasin A. M.
    Ndërkohë shërbimet e Komisariatit të Policisë Malësi e Madhe gjatë kontrolleve gjetën dhe asgjësuan në territorin e njësive administrative Gruemirë dhe Kastrat, 142 bimë cannabisi;
    Ndërsa shërbimet e Komisariatit të Policisë Vau i Dejës gjatë kontrolleve gjetën dhe asgjësuan në territorin e njësisë administrative Shllak, 295 bimë cannabisi;
    Vijon puna për identifikimin, kapjen dhe nxjerrjen përpara përgjegjësisë penale të autorëve të kultivimit të këtyre bimëve narkotike.
    Operacioni antikanabis i koduar “Koordinata”, vijon”, njofton policia.

  • Arrestohen babë e bir në Shkodër, u kapën duke shitur lëndë narkotike të ndarë doza…

    Arrestohen babë e bir në Shkodër, u kapën duke shitur lëndë narkotike të ndarë doza…

    Në vijim të punës për parandalimin, evidentimin dhe goditjen e veprimtarive kriminale në fushën e narkotikëve, specialistët e Seksionit për Hetimin e Narkotikëve të DVP Shkodër, në bashkëpunim me shërbimet e Komisariatit të Policisë Shkodër, kanë goditur një rast të shitjes së lëndëve narkotike në doza.
    Për këtë rast u arrestuan në flagrancë shtetasit: Gj. Z., 59 vjeç dhe P. Z., 20 vjeç (babë e bir), për veprën penale “Prodhimi dhe shitja e narkotikëve”, kryer në bashkëpunim.
    Këta shtetas janë kapur në flagrancë nga shërbimet e Policisë, gjatë natës, në lagjen “Tre Heronjtë”, me një sasi lënde të dyshuar narkotike kanabis, të cilën dyshohet se e posedonin me qëllim shitjen në doza. Në vijim të veprimeve procedurale, gjatë kontrollit në banesën e këtyre shtetasve, u gjet një tjetër sasi lënde e dyshuar narkotike kanabis.

    Mund të udhëtosh me qerre, Fiat ose Ferrari. Zgjedhja është në dorën tuaj! Lidhu me SHKODRAWEB, mjafton të klikoni Kontaktoni për të mësuar më shumë.
    Ju mirëpresim!

  • Fotografuan votën e tyre, arrestohen dy votues në Tiranë (Emrat)

    Fotografuan votën e tyre, arrestohen dy votues në Tiranë (Emrat)

    Dy persona, Hasan Doka dhe Redion Lelo janë arrestuar nga Policia e Tiranës pasi kanë fotografuar votën e tyre në kundërshtim me ligjin.
    “Në vijim të informacionit paraprak të dhënë më parë, se shërbimet e komisariateve të Policisë Nr. 3 dhe Nr. 4 kishin shoqëruar në ambientet e Policisë, 2 shtetas që sipas njoftimeve të kryetarëve të komisioneve të qendrave ku kishin votuar, kishin fotografuan fletët e tyre të votimit, informojmë se:
    Në vijim të veprimeve procedurale në lidhje me këto raste, është bërë arrestimi në flagrancë i këtyre 2 shtetasve, konkretisht H. D., 57 vjeç dhe R. L., 28 vjeç, për veprën penale “Shkelja e fshehtësisë së votimit”. Materialet procedurale do t’i referohen Prokurorisë, për veprime të mëtejshme në lidhje me rastet”, njofton policia.