Lajmidites.com

Tag: vendime

  • “Binjakët, Luani dhe Akrepi…”/ 3 shenjat më me fat dhe 3 që duhet të bëjnë kujdes sot

    “Binjakët, Luani dhe Akrepi…”/ 3 shenjat më me fat dhe 3 që duhet të bëjnë kujdes sot

    Kjo e diel sjell për disa shenja mundësi të mëdha për përparim dhe sukses, ndërsa për disa të tjera kërkon më shumë kujdes dhe durim.
    Binjakët, Luani dhe Akrepi gëzojnë energji pozitive, takime të rëndësishme dhe hapa të suksesshëm si në dashuri ashtu edhe në punë.
    Nga ana tjetër, Gaforrja, Peshqit dhe Ujori përballen me sfida emocionale, luhatje humori dhe vendime që duhen menduar mirë para se të ndërmerren.
    3 Shenjat më me fat:
    1. Binjakët
    Këtë të diel je në qendër të vëmendjes dhe çdo gjë duket se të ecën mbarë. Mendja jote e shpejtë dhe aftësia për të lidhur idetë bëjnë që të përfitosh maksimalisht nga çdo mundësi. Në dashuri, je më karizmatik se zakonisht dhe mund të marrësh lajme të këndshme ose kontakte të papritura nga persona që kanë qenë pjesë e së kaluarës tënde. Në punë, çdo propozim apo ide kreative mund të të hapë rrugë të reja. Mjafton të mos e shpërndash energjinë në shumë drejtime dhe suksesi është i sigurt.
    2. Luani
    Energjia jote është në kulm dhe kjo ndjehet në çdo fushë të jetës. Në dashuri, mund të fitojë terren një romancë e re ose të ringjallet një lidhje që e mendoje të mbyllur. Në punë, një mundësi e artë mund të të paraqitet papritur – mbaj sytë hapur dhe vepro shpejt. Vendosmëria dhe besimi në vetvete të japin një avantazh të madh për të arritur atë që do. Çdo gjë që nis sot ka potencial të japë rezultate të mira në afat të gjatë.
    3. Akrepi
    Intuita jote këtë të diel duket se është arma më e fortë. Në dashuri, tërheqja jote është magnetike dhe mund të krijosh lidhje të reja të rëndësishme ose të përforcosh ato ekzistuese. Në punë, je në gjendje të kuptosh shpejt prapaskenat dhe të shmangësh situata që mund të bëhen problematike për të tjerët. Kjo të lejon të marrësh vendime të zgjuara dhe të përfitosh nga rrethanat. Sot është një ditë ku mund të marrësh avantazh të qartë ndaj konkurrentëve.
    3 shenjat më pak me fat:
    1. Gaforrja
    Mund të ndihesh pak i rënduar emocionalisht në fillim të ditës. Melankolia ose kujtime nga e kaluara mund të të pengojnë të përqendrohesh në të tashmen. Në dashuri, çiftet kanë nevojë të rihapin komunikimin për të shmangur keqkuptimet, ndërsa beqarët mund të ndihen të pasigurt për hapin e radhës. Në punë, mungesa e durimit mund të të shtyjë të marrësh vendime të nxituara, prandaj më mirë shtyji çështjet e rëndësishme për një moment më të qetë.
    2. Peshqit
    Ndjeshmëria e lartë mund të të bëhet barrë, duke të bërë të idealizosh situata ose persona përtej realitetit. Në dashuri, kjo mund të të zhgënjejë nëse pritshmëritë nuk përputhen me të vërtetën. Në punë, një ide që duket e shkëlqyer për ty mund të mos marrë mbështetjen e duhur nga të tjerët, gjë që mund të të ulë moralin. Kujdes me vendimet impulsive të bazuara vetëm te emocionet.
    3. Ujori
    Dita sjell shumë luhatje humori dhe situata të papritura që mund të të nxjerrin nga rruga që ke planifikuar. Në dashuri, dëshira për diçka të re mund të shkaktojë tension nëse partneri nuk është në të njëjtën linjë. Në punë, idetë kreative janë të mira, por rreziku është që të mos kesh mjaftueshëm durim për t’i zbatuar deri në fund. Rekomandohet të mos marrësh vendime të mëdha sot.

  • BE: Paqja, vetëm me Kievin në tryezë dhe sovran në vendime

    BE: Paqja, vetëm me Kievin në tryezë dhe sovran në vendime

    Bota E Shtunë, 9 Gusht 2025 14:23
    Bashkimi Europian mbështet negociatat për paqe në Ukrainë, por thekson se ato duhen bërë vetëm me Kievin në tryezën e bisedimeve. Po ashtu, Brukseli thotë se Ukraina duhet të marrë vendime të pavarura dhe sovrane.
    “Bashkimi Europian vazhdon të mbështesë negociatat e paqes për t’i dhënë fund luftës së agresionit rus, me Ukrainën në tavolinë dhe ku ajo mund të marrë vendime të pavarura e sovrane, të cilat BE-ja do t’i mbështesë”, tha për agjencinë e lajmeve italiane, ANSA një zëdhënës i Komisionit Europian.

    Reagimi erdhi pas takimit mes Donald Trump dhe Vladimir Putin që pritet të mbahet me 15 gusht. Presidenti hodhi idenë se mund të duhet një shkëmbim territoresh nga ana e Ukrainës për të arritur një marrëveshje. Kjo është hedhur poshtë nga presidenti Volodymyr Zelensky.

  • Kosova e bllokuar pa Kuvend, Qeveria në detyrë mori 64 vendime me impakt 71 milionë euro

    Kosova e bllokuar pa Kuvend, Qeveria në detyrë mori 64 vendime me impakt 71 milionë euro

    Instituti Demokratik i Kosovës ka paralajmëruar për pasoja të rënda kushtetuese dhe institucionale si rezultat i bllokadës në Kuvendin e Kosovës, e cila ka hyrë në muajin e katërt pa një zgjidhje funksionale. Gjatë muajve të fundit, Qeveria në detyrë ka vazhduar të marrë vendime me ndikim financiar, ndërkohë që po zvarritet procesi i konstituimit të Kuvendit të Kosovës.Në këtë periudhë janë miratuar 64 vendime me efekt financiar në vlerë prej rreth 71 milionë eurosh, derisa 50 prej tyre kanë karakter kryesisht financiar, u bë e ditur në një konferencë për media të thirru nga Instituti Demokratik i Kosovës ku u publikua raporti “Bllokada në Kuvendin e Kosovës dhe cenimi i integritetit institucional”.Hulumtuesi në Institutin Demokratik i Kosovës, Eugen Cakolli tha se “rrezikojmë të hyjmë në një terren të pashkelur kushtetues” pas ditës së nesërme, në rast se Gjykata Kushtetuese nuk del me ndonjë vendim që i qartëson pasojat juridike të shkeljes së ndërmarrë nga ana e deputetëve me mos respektimit të afatit 30 ditor.“Unë pres që deri nesër, gjykata kushtetuese ose do të del me një vendim që të qartësojë çështjet e ngritura nga PDK-ja dhe LDK-ja. Apo eventualisht nuk përjashtohet mundësia që të ketë zgjatje të masës së përkohshme…e në këtë drejtim vendimi i presidentes për ta tërhequr kërkesën nga Gjykata Kushtetuese përveçse i gabuar për nga natyra dhe mënyra e paraqitjes në publik, besojmë që rrezikon që ta lërë vendin pa një përgjigje të qartë se çka do të ndodhë pas afatit 30 ditor”.Cakolli tha se një nga devijimet më serioze në muajt e fundit ka qenë mbajtja e funksioneve të dyfishta nga zyrtarët publikë, si deputetë të certifikuar dhe njëkohësisht ministra, gjë që sipas tij përbën shkelje të drejtpërdrejtë të parimit kushtetues të ndarjes së pushteteve.“Kuvendi tashmë është shtylla e cila mungon në kuadër të kontrollit dhe balancit në mes të pushteteve dhe në mungesë të tij, qytetarët janë të pa përfaqësuar institucionalisht, mungojnë mekanizmat e kontrollit ndaj qeverisë. Institucionet e pavarura nuk kanë mbikëqyrje funksionale dhe agjenda legjislative është e paralizuar…Rrezikojmë të hyjmë në një terren të pashkelur kushtetues pas ditës së nesërme në rast se gjykata nuk del me ndonjë vendim ose nuk i qartëson pasojat juridike të shkeljes së ndërmarrë nga ana e deputetëve me mos respektimit të afatit 30 ditor. Në këtë periudhë qeveria ka ndërmarrë dhe ka nxjerrë 64 vendime me impakt financiar prej 71 milionë euro. Prej tyre janë 64 akte të përgjithshme, por nëse shihen më detajisht, vërehet se 50 prej tyre janë vendime kryesisht me karakter financiar. Ndërsa, 12 të tjera janë rregullore apo udhëzime administrative dhe rregulla e vendime të tjera”.Ai kujtoi se edhe Gjykata Supreme, me vendimin e 7 korrikut, ka konstatuar se aktet dhe vendimet e tilla janë të paligjshme.Cakolli potencoi se finalizimi i vendimeve me ndikim afatgjatë nga një qeveri në detyrë është jashtëzakonisht problematik dhe hap rrugë për emërime me prapavijë politike.“Një prej devijimeve më serioze në kuadër të muajve të fundit ka qenë fenomeni i zyrtarëve publik që kanë mbajtur njëkohësisht funksione ligjvënëse dhe ekzekutive. Kjo shkelje ka cenuar parimin kushtetues të ndarjes dhe të kontrollit të pushteteve…Gjykata Supreme me vendimin e 7 korrikut e ka përcaktuar se aktet e vendimet e ministrave pas certifikimit të tyre si deputet janë të paligjshme. Por, një qasje e tillë ka vijuar edhe ditëve të fundit. Me ç’rast ka pasur edhe mbledhje të qeverisë ku janë marrë një sërë vendimesh. Gjatë kësaj periudhë ka pasur vendime për themelim të komisioneve, komiteteve, bordeve dhe ka pasur të paktën tetë emërime për pozita të larta publike. Edhe pse një pjesë e këtyre vendimeve e procedurave kanë përmbyllur procedurat që në fakt janë nisur par përfundimit të mandatit të qeverisë fakti që të njëjtat me efete afatgjata në administratën publike janë finalizuar nga një qeveri në detyrë, është jashtëzakonisht problematik dhe shihet si hapësirë për emërime me prapavijë politike”.Në konferencë për media, hulumtuesi në KDI ka treguar se pasojë tjetër serioze e moskonstituimit të kuvendit është edhe pamundësia për ta rishikuar buxhetin për vitin 2025 dhe për ta miratuar buxhetin për vitin 2026.“Pasojë tjetër serioze e moskonstituimit të kuvendit është edhe pamundësia për ta rishikuar buxhetin për vitin 2025 dhe për ta miratuar buxhetin për vitin 2026…Kjo situatë rrezikon drejtpërdrejtë projekte zhvillimore të Kosovës dhe paraqet për fat të keq Kosovën si një parter të pa qëndrueshëm dhe rrjedhimisht dëmton imazhin tonë në raport me BE-në dhe organizatat ndërkombëtare…Rrezikojmë që të kemi një situatë ku mund të ketë ndërhyrje politike, keqpërdorim të fondeve publike dhe emërime jomeritore, apo edhe klienteliste”.Nga muaji prill kur kanë filluar të mbahen seancat konstituive, Cakolli tha se shuma që është shpenzuar vetëm për pagat e deputetëve shkon deri në 700 mijë euro.“Me pagat mesatare që për një deputet shkojnë deri në 2 mijë euro. Kemi pasur afërisht 200 mijë euro të shpenzuara çdo muaj vetëm për pagat e deputetëve e që në periudhën e tërësishme kjo shumë shkon deri në 700 mijë euro vetëm për paga. Pa llogaritur edhe kompensimet shtesë që kanë marrë deputetët”.Kosova vazhdon të mos ketë Kuvend të konsituuar pas zgjedhjeve parlamentare të 9 shkurtit dhe partitë nuk sinjalizojnë se janë të gatshme për kompromis. Në mungesë të një Kuvendi aktiv, plot ligje e marrëveshje ndërkombëtare në vlera milionëshe kanë mbetur në vendnumëro.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • E enjtja me vonesa, diskutime dhe vendime, shenjat e horoskopit që duhet të bëjnë kujdes

    E enjtja me vonesa, diskutime dhe vendime, shenjat e horoskopit që duhet të bëjnë kujdes

    DashiEnergjia e ditës është e lartë, por je i/e prirur të reagosh shpejt. Përpiqu të shmangësh debatet dhe të mos bësh veprime të nxituara. Në punë mund të hapen mundësi të reja.

    DemiMund të përballesh me paqëndrueshmëri në aspektin emocional ose financiar. Trego kujdes në shpenzime dhe qëndro larg tensioneve me njerëzit e afërt.
    BinjakëtKomunikimi është çelësi i ditës. Kujdes me fjalët që përdor, pasi mund të keqkuptohesh. Një ide e mirë mund të sjellë përparim në punë ose në një projekt personal.

    GaforrjaJe më i/e ndjeshëm/me se zakonisht. Merr kohë për veten dhe mos u përfshi në situata të ngarkuara. Një bisedë me një mik të besuar mund të ndihmojë.
    LuaniDita të sjell frymëzim dhe energji krijuese. Mund të ndihesh i motivuar për të nisur diçka të re. Mos e neglizho shëndetin dhe pushimin.
    VirgjëreshaJe i/e organizuar dhe praktik/e. Sot është një ditë e mirë për të bërë plane afatgjata ose për të zgjidhur një çështje të mbetur pezull.
    PeshorjaRuaj qetësinë dhe ekuilibrin në çdo vendim. Mos lejo që emocionet e të tjerëve të ndikojnë në gjykimin tënd. Marrëdhëniet kanë nevojë për durim.
    AkrepiDita të shtyn drejt reflektimit të thellë. Evito konfliktet dhe përpiqu të kuptosh më mirë nevojat e tua të brendshme. Koha vetëm mund të jetë e vlefshme.
    ShigjetariJe plot entuziazëm, por mund të shpërqendrohesh lehtë. Fokusohu në një qëllim dhe mos merr më shumë detyra sesa mund të përballosh.
    BricjapiEnergjia është në favorin tënd. Sot është një ditë për të marrë vendime të rëndësishme ose për të përmbushur detyrime që kanë vonuar. Shmang ashpërsinë në komunikim.
    UjoriKreativiteti dhe mendimi ndryshe janë të theksuara. Bashkëpunimet e sotme mund të sjellin ide me vlerë. Ji i/e hapur ndaj ndryshimeve.
    PeshqitNdjeshmëria është në kulm. Kujdes me emocionet që mund të ndikojnë në marrëdhëniet personale. Mund të marrësh një mesazh të rëndësishëm nga një person i afërt.
     

  • Berisha: Ministri i Jashtëm kërcënon vëzhguesit duke u thënë se nuk janë përdorur burimet e administratës

    Berisha: Ministri i Jashtëm kërcënon vëzhguesit duke u thënë se nuk janë përdorur burimet e administratës

    Kreu i Partisë Demokratike Sali Berisha tha sot se Ministri i Jashtëm Igli Hasani kërcënoi vëzhguesit duke u thënë se nuk janë përdorur burimet e administratës. Berisha tha se Hasani teksa u drejtohet vëzhguesve ndërkombëtare, procesi e manipulimit të votës së diasporës, sipas tij, e quan të suksesshëm. Ai shon se kryediplomati është një njeri pa nocionet më elementare të zgjedhjeve dhe të drejtave të njeriut.
    Pjesë nga fjala e Berishës:
    Pra, Igli i narkoshtetit shkruan me tërbim se në paragrafin e parë, delegacionet në komunikatën e përbashkët, damkosin farsën elektorale. Dhe ky në vend se t’i falenderojë, u thotë se kemi shqetësime dhe shpreh indirekt kërcënim, pa studiuar asnjë dokument, por vetëm vullnetin patologjik për të mbrojtur farsën që kanë organizuar.
    “Toni, thotë ky ministër, që vetëm ministër nuk mund të quhet, dhe vendosja, pozicionimi, inkuadrimi i këtij seksioni të hapjes, pra i kësaj hapje të raportit, rrezikon të errësojë kontekstin e gjerë të përparimit, përfshi këtu përmirësimet e ndjeshme demokratike, siç është rritja e transparencës dhe avancimi me teknologjinë elektorale dhe konkretisht, dëgjojeni çfarë flet, futja me sukses e votimit jashtë vendit”.
    Pra, procesi ekstrem e manipulimit të votës së diasporës, ai e quan të suksesshëm.
    “Për më tepër, shkruan ministri i narkoshtetit, pohimi se partia në pushtet ka përfituar nga përdorimi i gjerë i burimeve të administratës, i mungon substancimi kësaj, veçanërisht në deklaratën paraprake”.
    Dëgjojeni sa i verbër është ky njeri, se sa… nuk duhet të përdor epitetet që meriton. Janë dhënë në kundërshtim flagrant me ligjin 1 miliard e 25 milionë euro për të blerë votën, të gjitha me vendime qeverie, të gjitha të ndaluara me ligj. Ky është i fshirë nga çdo koncept. Është një njeri pa nocionet më elementare të zgjedhjeve dhe të drejtave të njeriut. Nuk i duket gjë këtij 1 miliard, në një kohë kur tjetri kundërshtar garon me 5 apo 10 milionë. Këtij dhe Dumanit, për këtë dhe Troplinin, këto nuk ekzistojnë. Nuk përbëjnë një pabarazi të tmerrshme që shndërrojnë zgjedhjet në farsë.
    Organizimi i 4500 ngjarjeve kombëtare dhe ndërkombëtare, përfshi Giro d’Italia, nuk përbëjnë për Altin Troplinin dhe Igli Hasanin çështje të pabarazisë në garën elektorale. Duhet të jesh i pacipë, duhet të jesh i verbër të vetëposhtërosh veten në këtë shkallë. Po këto janë vendime qeveritare. Këto të gjitha. Po punësimi i dhjetëra mijëra janë vendime zyrtare. Po 138 licenca për 29 mijë hektarë plantacione kanabisi janë vendime zyrtare. Dhe ky ka paturpësinë e një njeriu që dëshmon se është i zhveshur nga çdo parim qytetarie dhe shkruan në këtë mënyrë.

  • Ja 3 shenjat më me fat dhe ato me më pak fat për ditën e fundit të korrikut 2025

    Ja 3 shenjat më me fat dhe ato me më pak fat për ditën e fundit të korrikut 2025

    Ndikimi i yjeve favorizon qartësinë në vendime, ndjeshmërinë në marrëdhënie dhe mundësi të mira për të marrë iniciativë në punë apo në jetën personale. Më poshtë janë 3 shenjat më me fat për ditën e sotme:
    1. Shigjetari
    Pse je me fat sot:
    Kjo ditë është veçanërisht pozitive për ty, sidomos në marrëdhëniet me njerëzit dhe në çdo lloj takimi. Do të ndihesh më energjik, më optimist dhe më i gatshëm për të ndërmarrë hapa të rinj. Ka shumë gjasa që një ide që ke pasur prej kohësh të marrë formë, apo të shfaqet një mundësi që kërkon vetëm një po nga ti. Në marrëdhëniet romantike, është një moment i mirë për të rindezur pasionin ose për të krijuar lidhje të reja, nëse je beqar. Përfitimi real i kësaj dite është se nuk ke frikë nga ndryshimet dhe kjo të çon përpara.
    2. Akrepi
    Pse je me fat sot:
    Kjo është një ditë që sjell kthesa të rëndësishme në mënyrën se si mendon dhe ndihesh. Do ndihesh më i lirë, më i qartë në mendime dhe do marrësh vendime që më parë i ke shtyrë. Në dashuri mund të ndodhin biseda të hapura që sjellin më shumë afërsi. Në punë, do arrish të shprehësh më mirë idetë e tua dhe do kesh mundësinë të tregosh aftësinë për të bërë plane afatgjata. Për sa kohë je i sinqertë me veten dhe të tjerët, dita do të të shpërblejë.
    3. Peshorja
    Pse je me fat sot:
    Për ty, dita vjen me më shumë qetësi dhe kthjelltësi emocionale. Je më i qartë për atë që do, sidomos në marrëdhënie. Është momenti ideal për të ndrequr marrëdhënie të tensionuara ose për të hedhur hapa të rëndësishëm drejt stabilitetit personal. Në punë, mund të të vijë një propozim që duket i thjeshtë por që në të ardhmen do të të sjellë përfitime. Je në një periudhë ku sa më shumë vendos rregull dhe qartësi, aq më shumë hap dyer të reja për veten.
    Më poshtë janë 3 shenjat që duhet të kenë më shumë kujdes në këtë 31 korrik:
    1. Dashi
    Pse duhet të kesh kujdes sot:
    Energjia jote është e lartë, por ke prirje të nxitohesh në vendime, sidomos në marrëdhënie me të tjerët. Mund të lindin keqkuptime apo konflikte në çift apo me kolegët, nëse nuk tregon durim. Është e rëndësishme të mos flasësh me nerva apo të bësh komente të menjëhershme pa reflektuar. Edhe në punë, mos u ngut të marrësh përsipër më shumë se ç’duhet. Një ditë për të ndalur, menduar dhe për të mos vepruar me kokëfortësi.
    2. Demi
    Pse duhet të kesh kujdes sot:
    Ndihesh emocionalisht i ndarë mes asaj që ke dhe asaj që do. Në dashuri mund të mos ndihesh plotësisht i kuptuar, ose ndoshta po mendon për disa vendime të vështira. Edhe në punë, ka një ndjesi ngadalësimi ose mungese të motivimit. Duhet të tregohesh i duruar dhe të mos e marrësh personalisht çdo situatë. Kujdes sidomos nga tendenca për të mbyllur veten – përpiqu të komunikosh qartë dhe të mos bësh supozime.
    3. Gaforrja
    Pse duhet të kesh kujdes sot:
    Dita mund të sjellë një përplasje mes ndjenjave dhe realitetit. Je i ndjeshëm dhe çdo gjë e ndjen më thellë se zakonisht. Në dashuri, je në një periudhë kur ndoshta je i pavendosur ose ndihesh i pasigurt për drejtimin që po merr lidhja. Në punë, ka gjasa të ndihesh i lodhur ose pa entuziazëm. Këshilla është të mos kërkosh përgjigje menjëherë, por të japësh kohë vetes. Kujdes me reagimet emocionale të forta – ndonjëherë heshtja është më e fuqishme se çdo fjalë.

  • Mblidhet qeveria, merren disa vendime: 10 mln lekë për Federatën e Skive!

    Mblidhet qeveria, merren disa vendime: 10 mln lekë për Federatën e Skive!

    Këshilli i Ministrave në mbledhjen e zhvilluar sot më 23 korrik ka marrë disa vendime.
    Qeveria ka vendosur të financojë më 10 milionë lekë Federatën e Skive për mbështetje dhe përgatitje për pjesëmarrje në Lojërat Olimpike Dimërore që do të zhvillohen vitin tjetër në Milano.
    Po ashtu Këshilli i Ministrave ka transferuar në pronësi të Korporatës së Investimeve Shtetërore tokën për realizimin e projektit “Expo Albania”.
    Projekti i ri i “Expo Albania”, do të jetë një qendër shumëfunksionale për organizimin e panaireve, ekspozitave të artit, kulturës, historisë, konferencave dhe takimeve të ndryshme.
    Në vendimet e sotme, qeveria ka vendosur ndër të tjera të ngarkojë Fondin Shqiptar të Zhvillimit si autoritet kontraktor për prokurimin që do të bëhet për krijimin e hapësirave të reja për Arkivin e Kryeministrisë.
    Ministrat vendosën edhe për disa ndryshime dhe shtesa në një vendim të vitit 2015 për rregulloren e zhvillimit të territorit. Shtesë ka edhe në vendimin e Këshillit të Ministrave për mënyrën e organizimit të Agjencisë së Zhvillimit të Territorit.
    Në të njëjtën kohë ka edhe disa shpronësime. Bëhet fjalë për pronat që preken nga ndërtimi i linjës 110 KV Gjiri i Lalëzit-Fushë Kuqe, me një vlerë totale prej 630 mijë e 224 lekësh. Po ashtu është vendosur vlera e shpenzimeve edhe për qendrën multifunksionale në Luginën e Vjosës që do të shërbejë si stacion i informimit.
    Vendimet janë marrë në mungesë të kryeministrit Rama, por me porosi të tij dhe me firmë të zëvendëskryeministres, Belinda Balluku./tvklan

  • KPA shpall sot tre vendime/ Shkarkohet ish-gjyqtarja e Gjykatës së Lartë dhe dy prokurorë

    KPA shpall sot tre vendime/ Shkarkohet ish-gjyqtarja e Gjykatës së Lartë dhe dy prokurorë

    Kolegji i Posaçëm i Apelimit ka shpallur sot tri vendime shkarkimi, duke shtuar ndjeshëm ritmin e gjykimeve, ndërkohë që gjendet para detyrimit kushtetues të përfundimit të shqyrtimit të çështjeve para qershorit të vitit të ardhshëm.
    KPA ka vendosur unanimisht lënien në fuqi të vendimit të shkarkimit të Komisionit të Pavarur të Kualifikimit për ish -gjyqtaren e Gjykatës së Lartë Majlinda Andrea, e cila ishte deklaruar fajtore për veprën penale “korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë” dhe ishte dënuar me 4 vjet burgim.
    KPA e vlerësoi të drejtë vendimin e KPK-së që e pati shkarkuar Andrean për shkak të këtij dënimi që sipas shkallës së parë të Vettin-ut, cenonte besimin e publikut te sistemi i drejtësisë. Procesi i zhvilluar në KPA ekspozoi edhe mosveprimin e institucioneve si ILD e KLGJ, të cilat nuk kanë ndërmarrë asnjë procedurë për shkarkimin e saj.
    ‘Në përfundim të gjykimit, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi: Lënien në fuqi të vendimit nr. 660, datë 16.05.2023 të Komisionit të Pavarur të Kualifikimit, që i përket subjektit të rivlerësimit Majlinda Andrea’, thuhet në njoftim.
    KPA vendosi gjithashtu ndryshimin e vendimit të KPK-së për prokuroren e Vlorës Flora Çela, që e pati konfirmuar në detyrë pasi kryerjes së një viti trajnimi në Shkollën e Magjistraturës. Me shumicë votash, trupi gjykues i KPA-së vlerësoi se Çela kishte treguar mangësi serioze në disa raste hetimit gjatë kryerjes së detyrës, të cilat nuk mund të konsideroheshin të korrigjuara nga trajnimi në Shkollën e Magjistraturës.
    Drejtuesi i SPAK, Altin Dumani, gjatë seancave të zhvilluara në KPA kërkoi shkarkimin e prokurores së Vlorës për dështime të përsëritura në hetimin e çështjeve, veçanërisht për mënyrën e hetimit të kryer pas kapjes së 16 tonë cannabis sattiva në vitin 2017.
    Edhe për prokurorin e Fierit Hysen Ajasllari u vendos sot nxjerrja përfundimtare nga sistemi i drejtësisë, pasi KPA vendosi në mënyrë unanime lënien në fuqi të vendimit të shkarkimit të marrë nga KPK, më 3 mars 2023, për shkak të problemeve të tij në kriterin e pasurisë.

  • Trump paralajmëron rregullimin e marrëdhënieve Kosovë-Serbi: Biden mori disa vendime të marra, por unë do i rregulloj

    Trump paralajmëron rregullimin e marrëdhënieve Kosovë-Serbi: Biden mori disa vendime të marra, por unë do i rregulloj

    Presidenti i Shteteve të Bashkuara të Amerikës, Donald Trump ka përmendur ditën e sotme çështjen mes Kosovës dhe Serbisë.
    Në një postim në rrjetet sociale, Trump është shprehur se paraardhësi i tij, Joe Biden, “e ka dëmtuar perspektivën afatgjate” mes dy vendeve, me disa vendime të cilat ai i quajti “shumë të marra”, ndërsa paralajmëroi se “do ta rregullojë” këtë.
    Trump tha më tej se në mandatin e tij të parë, ai ndali luftën mes Kosovës dhe Serbisë, pasi sipas tij, situata mes dy vendeve ishte përshkallëzuar me intensitet të madh.
    “Gjatë mandatit tim të parë, Serbia dhe Kosova ishin duke e përshkallëzuar situatën me intensitet, siç kanë bërë për shumë dekada, dhe ky konflikt i vjetër ishte gati të shpërthente në luftë”, shkroi Trump.
    “Unë e ndala. Biden e ka dëmtuar perspektivën afatgjatë me disa vendime shumë të marra, por unë do ta rregullojë, përsëri!”, tha ai më tej.

  • A duhet të largohet Berisha pas humbjes më 11 maj? Edi Paloka: Të gjithë kemi përgjegjësi, ai jo!

    A duhet të largohet Berisha pas humbjes më 11 maj? Edi Paloka: Të gjithë kemi përgjegjësi, ai jo!

    Zërat brenda Partisë Demokratike që kërkojnë largimin e kreut të PD, pas humbjes së zgjedhjeve parlamentare të 11 majit, po shtohen. Por për deputetin e PD, Edi Paloka, Berisha është i vetmi që nuk ka asnjë përgjegjësi për rezultatin e marrë.
    Sipas tij, edhe sikur të mos ishte ajo farsë politike në 11 maj, Berisha është njeriu që e ngriti PD, duke e nxjerrë nga humnera ku ndodhej.
    “Pak muaj para zgjedhjeve, Berisha ishte në arrest shtëpie, PD nuk kishte financa dhe për 2 muaj ai e mori fushatën. E mbajti PD në krahë. Unë lodhesha duke parë takimet e Berishës, një 80 vjeçar që bënte nga 10 takime. E mori PD në krahë, e patë pritjen që i bënë kudo në Shqipëri. Të gjithë ne kemi përgjegjësi dhe ai jo”, tha Paloka.
    Teksa e ka cilësuar të drejtë, vendimin e Berishës për të mos hequr dorë nga drejtimi i PD, megjithëse e përmban statuti, nëse humb zgjedhjet, Paloka paralajmëroi për një moskandidim të tij në të ardhmen si deputetë. E megjithatë, ai nënvizoi se do të jetë në PD duke pritur të shohë Ramën të rrëzohet nga pushteti.
    “Çdo vendim që unë mund të marr në të ardhmen, ta shpjegoj, sigurisht unë marr vendime personale dhe jeta është e imja. Në politikë s’ka vendime personale. Nesër mund të mos hyj në asnjë kandidim, por nuk do iki nga politika. Do jem përballë Ramës dhe do jem aty kur do të ndodhë ajo që kam thënë më parë në parlament për të cilën dhe u penalizova”, tha Paloka.
    Nisida Tufa: Brenda PD, ka zëra që kërkojnë largimin e Berishës, si mendoni?
    Edi Paloka: As unë nuk dorëzohem kurrë. cfarëdo lloj vendimi të marr personal në një moment të caktuar, do të jem gjithnjë përballë Ramës, si anëtar i thjeshtë apo…kur janë vendime personale apo diçka përtej kësaj.
    Cdo vendim që unë mund të marr në të ardhmen, ta shpjegoj, sigurisht marr vendime personale jeta është e imja në politikë s’ka vendime personale. Nesër mund të mos hyj në asnjë kandidim, por nuk do iki nga politika. Do jem përballë Ramës dhe do jem aty kur do të ndodhë.
    Nëse nuk do të kishte farsë politike. do humbte zgjedhjet, berisha do të ikte është e shkruar në statut.këtu nuk flasim për zgjedhjet.
    Berisha është njeriu që e ngriti PD, e mori në humnerë. Pak muaj para zgjedhjeve ishte në arrest shtëpie, nuk kishim financa, për 2 muaj e mori fushatën, e mbajti pd në krahë, unë lodhesha duke parë takimet e berishës, një 80 vjecar që bënte nga 10 takime. E mori pd në krahë e patë pritjen që i bënë. Të gjithë ne kemi përgjegjësi dhe ai jo.