Lajmidites.com

Tag: vëmendje

  • Horoskopi për ditën e sotme, e diel, 1 qershor 2025. Çfarë parashikojnë yjet për të gjithë shenjat e zodiakut?

    Horoskopi për ditën e sotme, e diel, 1 qershor 2025. Çfarë parashikojnë yjet për të gjithë shenjat e zodiakut?

    DashiKushtojini vëmendje të veçantë çdo dokumenti ose kontrate me të cilën do të keni kontakt sot. Shqyrtojeni me kujdes përpara se t’i përkushtoheni. Kur bëhet fjalë për çdo lloj dokumenti, është në avantazhin tuaj të keni një sy më kritik se zakonisht.
    DemiNdërsa po flisni në telefon me dikë sot, sigurohuni që të gjitha detajet të jenë të qarta. Mund të ngecni me anën e shkurtër nëse nuk i kuptoni plotësisht kufizimet dhe kushtet e plota që lidhen me çështjen në fjalë. Kërkoni këshilla nga dikush nëse është e nevojshme.

    BinjaketDikush po të pengon të punosh sot. Ki kujdes të mos hakmerresh në mënyrë shumë të ashpër. Mund të zbulosh se dora jote do të goditet më rëndë se personi që e nisi të gjithën këtë punë. Ndiq rrugën e duhur dhe do të qëndrosh në krye.
    GaforrjaDikush ka të ngjarë të hapë probleme në një ide të re dhe të shkëlqyer që mund të kesh krijuar. Mos u dorëzo ende. Përdore këtë informacion të ri për të modifikuar planin tënd në vend që ta hedhësh poshtë tërësisht. Je duke menduar për diçka të madhe.
    LuaniJi konservator me fjalët e tua sot. Nëse nuk je i kujdesshëm, ka gjasa të japësh diçka që nuk duhet. Shkurt, ke disa informacione të veçanta që dikush tjetër i dëshiron. Përdore këtë në avantazhin tënd. Sekretet e tua janë të vlefshme.
    VirgjereshaKërkoni që sot të dëgjojë një ndërmjetës ose ndonjë palë e tretë, ndërsa diskutoni çështje të rëndësishme me dikë tjetër në punë. Do të ketë detaje që asnjërit prej jush s’mund t’i ketë shkuar ndërmend t’i marrë në konsideratë. Ftoni dikë që i besoni të bashkohet për të lehtësuar bisedën.
    PeshorjaEnergjia e sotme po punon në favorin tuaj. Suksesi që keni pritur është afër. Çelësi për këtë ka të bëjë me të paturit e një syri më kritik ndaj punës suaj. Mos kini frikë të kondensoheni dhe të konsolidoni. Rezultatet do të jenë fenomenale.
    AkrepiDikush me të cilin punoni është jashtë limiteve. Ai ose ajo i ka tejkaluar kufijtë e tij ose të saj dhe thjesht nuk po vepron në mënyrën e duhur. Mos kini frikë ta trajtoni këtë situatë me një person me autoritet më të lartë. Ju keni të drejtë ta bëni këtë.
    ShigjetariVetëbesimi juaj i përgjithshëm është i fortë. Jeni në një pikë kulmore në lidhje me karrierën tuaj, prandaj përqafojeni forcën tuaj të brendshme. Idetë nga dikush më i vjetër dhe/ose më me përvojë se ju ka të ngjarë të rezultojnë jashtëzakonisht të vlefshme sot, prandaj merrni parasysh këshillat e tij ose të saj.
    BricjapiSot keni një ekuilibër të mirë idesh të vjetra dhe të reja që ju kalojnë nëpër mendje, duke e bërë më të lehtë për ju të merrni një vendim të informuar për hapin tuaj të radhës të madh në karrierë. Mos kini frikë të përqafoni një ide të re, ndërkohë që i kushtoni vëmendje traditave të vjetra.
    UjoriSot është një ditë e mirë për të kontrolluar tavolinën tuaj dhe për t’u organizuar më shumë. Mund të keni oferta dhe dokumente nga javë ose muaj më parë. Ky informacion është i vlefshëm vetëm nëse është i organizuar. Krijoni një sistem arkivimi që funksionon për t’iu përshtatur nevojave tuaja.
    PeshqitPo filloni të shihni dritë mbi një problem me të cilin keni pasur vështirësi në lidhje me karrierën tuaj. Synimet afatgjata që dukeshin të pamundura tani janë brenda mundësive tuaja. Kushtojini vëmendje asaj që thonë të tjerët sot. Përgjigja është aty.

  • Mos i bëni më këto gabime! Ja si të silleni me një fëmijë që qan

    Mos i bëni më këto gabime! Ja si të silleni me një fëmijë që qan

    Ta mendosh në çfarë situate mund të ndodhet një nënë, fëmija i së cilës qan pa pushim për çdo gjë, në çdo situatë dhe në çdo vend! Ndonjëherë ndihesh aq e pafuqishme, mendon se nuk do të mundesh kurrë ta qetësosh! Ju ka ndodhur edhe juve? Atëherë jeni në vendin e duhur, lexoni se çfarë thonë studiuesit.
    “Shpërthimet në të qara zakonisht vijnë si pasojë e nevojës për vëmendje, dëshirës për të bërë një aktivitet të ndaluar, dëshirës për të anashkaluar një pyetje etj”, shprehet Michael Potegal”, një studiues i fushës së neurologjisë dhe sjelljes në Universitetin “Minesota Mediacal School”.Sipas Patricia Henderson Shimm (këshilluese prindërish), sa më i trishtuar të jetë fëmija, aq më i qetë duhet të tregohet prindi, ndryshe zemërimi i të dyve do të ngatërrohet me njëri-tjetrin dhe situata do të rëndohet edhe më shumë. Në momente të tilla prindërit duhet të përpiqen edhe të vlerësojnë ndjenjat e fëmijës duke thënë: “është normale të qash, por sërish nuk duhet ta bësh…”. Duke e bërë këtë ju i jepni lejën fëmijës të ndihet ashtu, ndërkohë i theksoni edhe njëherë rregullat e shtëpisë tuaj. Sigurisht që të shikosh fëmijën duke qarë nuk është e lehtë, por mbani mend se kjo është diçka e rëndësishme për ta disiplinuar atë.
    Ju nuk duhet t’i jepni fëmijës shumë vëmendje, qoftë ajo pozitive apo negative, në këtë mënyrë ai do të kuptojë se edhe pse të qash është diçka normale, nuk të çon në asnjë zgjidhje të “problemit”. Ju duhet të prisni që “stuhia” të kalojë me sa më shumë qetësi të jetë e mundur. Ndërsa ju përpiqeni ta disiplinoni duhet t’i theksoni se fëmijët e rritur i respektojnë rregullat e familjes. Me rritjen ai do të fillojë të shfaqë edhe më pak kriza të qarash dhe zemërimesh.

  • Alby provokon ndjekësit, vëmendja te gjoksi shpërthyes

    Alby provokon ndjekësit, vëmendja te gjoksi shpërthyes

    Alby The Goat ka ndezur rrjetin me postimin e fundit në Instagram.
    Duke reklamuar pak nga pushimet luksoze nuk kurseu pozat provokuese.
    Ajo solli një “selfie”, duke marrë vëmendje gjoksi i saj shpërthyes.
    Pa dyshim që Alby e di si të rrëmbejë vëmendje në çdo paraqitje dhe çdo lëvizje e saj bëhet lajm.

    Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
    raportoni këtu.

    JOQ Sondazh

  • Profecia për fundin e botës që risolli në vëmendje vdekja e Papës

    Profecia për fundin e botës që risolli në vëmendje vdekja e Papës

    Pas vdekjes së Papa Françeskut, është rikthyer në vëmendje profecia 900-vjeçare e Shën Malakisë, sipas së cilës pasardhësi i tij do të jetë “Pjetri Romaku”, Papa i fundit para Ditës së Gjykimit që parashikohet të ndodhë në vitin 2027.
    Profecia, e shkruar në vitin 1139 dhe publikuar në 1590, përshkruan 112 papë me fraza të shkurtra latine dhe mendohet se Papa Françesku ishte i fundit në listë.

    Disa e konsiderojnë profecinë të saktë për shkak të përputhjeve të habitshme historike, ndërsa të tjerë e shohin si një falsifikim ose manipulim, duke vënë në dyshim vlefshmërinë e saj. Debati mbetet i hapur, por shumë i lidhin ngjarjet me fundin e botës.
    Bibla vetë thotë se atë ditë nuk e di askush, përveç Atij, Zotit.

  • Fevziu veçon fushatën më të ‘zjarrtë’ ndër vite në Shqipëri: Gara e 11 majit s’ka një vëmendje të madhe

    Fevziu veçon fushatën më të ‘zjarrtë’ ndër vite në Shqipëri: Gara e 11 majit s’ka një vëmendje të madhe

    Moderatori Blendi Fevziu gjykoi fushatat zgjedhore ndër vite në vend, duke veçuar ato më të zjarrtën. Fevziu në një intervistë me gazetarin Drini Zeqo kujtoi fushatën e vitit 1991-1992, ku çdo gjë përbënte risi dhe entuziazmi në popull ishte i madh. Sipas tij në ato vite populli nuk e dinte si funksiononte fushata.
    “Janë fushata të panjohura, në mes të një entuziazmi, risi absolute. Deri atëherë, s’kishte pasur zgjedhje të lira. Nuk dinim si funksiononte fushata. Nuk kishte asnjë rregullore apo kod zgjedhor. Gjithçka ishte gati gati e improvizuar. Vëmendja publike ishte më e madhja.”
    Ndërsa nga ana profesionale, zgjodhi dy të tjera. Fevziu theksoi se dy fushatat më të mira janë ato të viteve 2005 dhe 2009. Sipas tij fushatat më të mira janë ato kur palët janë afër njëra-tjetrës.
    “Dy fushatat më të mira që Shqipëria ka pasur, më e mira e gjithë historisë së Shqipërisë është fushata e vitit 2005. Ballafaqimi i drejtpërdrejtë i kandidatëve mazhoritarë me programet e partive, debatet më të mira të mundshme në studio televizive. E dyta është fushata e 2009-ës, ka qenë e jashtëzakonshme! Si në mundësi, entuziazëm e angazhim. Fushatat më të mira janë ato kur palët janë afër njëra-tjetrës. Kur fituesi nuk është i ditur pak a shumë, perceptimi publik është i ndarë. Janë fushatat më të vërteta”, tha Fevziu.
    Kur u pyet për fushatën aktuale, Fevziu u shpreh se fushata nuk ka një vëmendje të madhe. Teksa theksoi se kryeministri Edi Rama dhe kreu i PD-së Sali Berisha do vijojnë aktivë në politikë pavarësisht rezultatit zgjedhor, shtoi se nuk ka ndonjë pritshmëri nga partitë e reja.
    “S’ka asgjë! Asgjë! Ka një program të PD-së që ka ngritur disa gjëra, por s’ka asnjë përgjigje nga pala tjetër. Pala tjetër flet për një gjë që do ndodhë në 2030-ën. S’ka një vëmendje të madhe”, deklaroi ai.

  • Abaz Hoxha: Përse prodhohet filmi, për festivalet? U zhduk i gjithë rrjeti i kinemave

    Abaz Hoxha: Përse prodhohet filmi, për festivalet? U zhduk i gjithë rrjeti i kinemave

    Nga Julia Vrapi
    Veprimtaria “Një jetë me kinemanë” me rastin e 95-vjetorit të lindjes së inxhinierit dhe historianit të kinemasë Abaz Hoxha mblodhi regjisorë, aktorë, studiues dhe më gjerë. Studiuesi Hoxha foli për të pranishmit lidhur me studimet për kinematografi në Pragë, shprehu dhe keqardhjen për rrënimin e Kinostudios “Shqipëria e re”, ndërsa pjesë e diskutimit që u zhvillua një ditë më parë ishin edhe problemet me kinematografinë sot. Në Akademinë e Shkencave veprimtaria “Një jetë me kinemanë” u organizua nga Qendra e Studimit të Arteve dhe u moderua nga dr. Anxhela Çikopano, ku studiuesi Hoxha u shpreh dhe për problemet që janë me prodhimin e filmave, duke pohuar rëndësinë që ka buxheti për realizimin e tyre, por solli në vëmendje dhe mungesën e kinemave në vend.
    “U zhduk gjithë rrjeti i kinemave”, tha ai. Mungesa e kinemave në vend ka sjellë shumë probleme sa i takon shfaqjes së filmave, por sipas studiuesit Abaz Hoxha filmi duhet që ti shërbejë në radhë të paparë popullit të tij, dhe jo të jetë vetëm në festivale. Sa i takon realizimit të filmave sot, ai gjithashtu solli në vëmendje se përmes tyre nuk duhet të nxirren vetëm anët negative, por vlerat shqiptare. “Ne prodhojmë filma dhe sot sidomos studentët filma të shkurtër, por në përgjithësi ka pasur tendenca negative, duam të nxjerrim anët negative të popullit tonë, por ne kemi vlera të jashtëzakonshme. Por ana tjetër, këto filma përse bëhen, ku shfaqen? Nuk kemi kinema, s’ka rrjet kinemash. Tirana në atë kohë ka pas 9 kinema. Përse prodhohet filmi, për festivalet? Filmi duhet ti shërbejë në radhë të parë popullit të tij, jo vetëm me 6-7 shfaqje në Millennimu”, tha ai. Ndër të tjera, studiuesi Abaz Hoxha solli në vëmendje dhe punën që duhet të jetë për skenarin e filmit, që sipas tij është baza. “Ne kemi probleme të tjera me filmat, që në atë kohë dy komponentë kanë dominuar ka qenë skenari dhe muzika.
    Fatkeqësisht sot me skenarin merren pak njerëz, skenari është baza e filmit, është dramaturgji”, vijoi studiuesi. Duke folur përgjatë kësaj veprimtarie për kinematografinë shqiptare dhe filmat që janë prodhuar papara viteve 1990, studiuesi Abaz Hoxha u dal dhe te pjesa e censurës së filmit. “Në festivalet ndërkombëtare filmat tanë janë nderuar me çmime dhe diploma, kemi pasur vlera të mëdha. A ka pasur politikë? Politikë ka pasur dhe ka e do të ketë gjithmonë. Kjo ishte kinematografi shtetërore dhe nuk mund të vepronte në kundërshtim me ligjet e shtetit, por kjo censurë ka qenë kryesisht me filmin dokumentar dhe të huaj që bënin seleksionimin. Nuk ka pasur ndonjë politizim të jashtëzakonshëm në filmin artistik”, tha ai. Studiuesi Hoxha në veprimtarinë që u zhvillua një ditë më parë ndër të tjera u shpreh dhe për punën që kanë bërë regjisorët dhe aktorët me filmat dikur. Ai tha se burim frymëzimi për librat e tij kanë qenë regjisorët tanë të shquar, aktorët tanë, që sipas tij mund të mburret Shqipëria.
    Rëndësia e arkivit të filmit
    Në këtë veprimtari ku ishin të pranishëm regjisorë, aktorë, studiues dhe më gjerë, dr. Çikopano e falënderoi Abaz Hoxhën për punën si historian i kinematografisë, shkrimet e shumta në shtyp që nga viti 1972 dhe për punën e tij me rreth 400 dosje në Arkivin Qendror Shtetëror të filmit. Vetë studiuesi Hoxha solli në vëmendje se duhet më shumë kujdes dhe vëmendje për AQSHF. “Arkivi nuk shërben vetëm për depo ruajtje, është qendër studimore, ku atje do të marrin material të gjithë studiuesit, gazetarët, studentët… Tani kushtet kanë ndryshuar, sepse është futur arkiva digjitale. Atë arkiv e kanë vlerësuar dhe të huajt”, tha studiuesi Abaz Hoxha. Veprimtarinë e përshëndeti dhe drejtoresha e Arkivit Qendror Shtetëror të Filmit, znj. Marinela Ndria.
    Ajo e vlerësoi z. Hoxha si një nga themeluesit e kinematografisë shqiptare dhe përshkroi disa nga arritjet kryesore në karrierën e tij të gjatë. Ai e nisi fillimisht si teknik i mesëm ndërtimi, më pas inxhinier elektronik dhe pas disa specializimeve për zërin në kinematografi në Pragë, ai punoi si inxhinier në Kinostudion “Shqipëria e re”. Pas shkatërrimit të saj në vitet ‘90, ai iu përkushtua punës si studiues dhe historian i kinematografisë. Abaz Hoxha është autor i 30 librave për kinematografinë shqiptare dhe botërore dhe figurave përfaqësuese të tyre. Ai punon ende si pedagog i Akademisë së Arteve dhe i Akademisë “Marubi” të Filmit dhe Multimedias, ku jep lëndën e Historisë së kinematografisë botërore dhe shqiptare. Abaz Hoxha lindi në Vlorë më 14 prill 1930. Është anëtar i redaksisë së arteve dhe arkitekturës në Akademinë e Shkencave për hartimin e “Fjalorit enciklopedik shqiptar”.

  • Turizmit kroat i kushtohet shumë vëmendje, ndërsa industria po shpërfillet

    Turizmit kroat i kushtohet shumë vëmendje, ndërsa industria po shpërfillet

    Sipas shumë njerëzve, turizmit kroat po i kushtohet shumë vëmendje, ndërsa industria dhe prodhimi me vështirësi po mbajnë kokën mbi ujë.Siç shkruan Glas Slavonije dhe Drazen Katalinic, inflacioni është një nga sfidat më të mëdha për qëndrueshmërinë ekonomike. Ai ul shumë fuqinë blerëse, rrit kostot e biznesit dhe e bën planifikimin afatgjatë më të vështirë.Për të frenuar inflacionin, duhen ndërt…