Lajmidites.com

Tag: vëmendje

  • Non grata u sponsorizua nga Soros dhe diplomatë të korruptuar’/ Berisha: Personi që e firmosi është sot vetë non grata brenda SHBA-ve

    Non grata u sponsorizua nga Soros dhe diplomatë të korruptuar’/ Berisha: Personi që e firmosi është sot vetë non grata brenda SHBA-ve

    Në një interviste në ‘Çim Peka Live’, lideri i opozitës shqiptare ka lëshuar akuza të forta në lidhje me shpalljen e tij “non grata”, duke e cilësuar atë si një sulm personal të orkestruar nga “diplomatë të korruptuar” nën ndikimin e miliarderit të ekstremit të majtë, George Soros.

    Berisha akuzoi drejtpërdrejt ish-ambasadoren Yuri Kim dhe diplomatin Donald Lu si pjesë të një grupi që mori vendimin, të cilin ai e përshkroi si një hakmarrje personale, pasi më herët i kishte akuzuar ata për korrupsion.

    Më tej Berisha risolli në vëmendje të publikut se vetë njeriu që firmosi non grata-n për të nën ndikimin e Soros, ish-sekretari Blinken, është sot vetën non grata brenda SHBA-ve, duke risjellë në vëmendje vendimin e presidentit Trump për Blinkenin.

    “Personi që më shpalli non-grata është non-grata në vendin e tij dhe ky është shpërblimi më i madh për mua,” deklaroi ai.

    Moderatori Peka solli në vëmendje një deklaratë të fundit të ish-ambasadorit të SHBA-së në Tiranë, Christopher Hill, i cili në një intervistë të mëparshme i ishte përgjigjur në mënyrë diplomatike pyetjes për përfshirjen e Soros, duke mos e mohuar një gjë të tillë.

    Gjatë intervistës Berisha i kushtoi vëmendje të veçantë edhe krijimit të “narkoshtetit” nga Edi Rama.

    Ai foli gjithashtu për situatën ekonomike të vendit, ku përmendi rënien e euros ndaj lekut, uljen e eksporteve dhe çmimet stratosferike si pasoja direkte të këtij fenomeni, duke argumentuar se rritja ekonomike e vendit është fiktive dhe e bazuar vetëm tek taksat e rritura dhe jo tek prodhimi.

    Kreu i PD përmendi gjithashtu kritikat për përfshirjen në reformën zgjedhore duke theksuar dimensionin ndërkombëtar të procesit dhe domosdoshmërinë e zbatimit të rekomandimeve të OSBE/ODIHR, duke pohuar se do të ishte një “gabim shumë i madh” që opozita të mos përfshihej.

    Berisha: Tani, merrni pak non-gratën time. Personi që më shpalli non-grata është non-grata në vendin e tij dhe ky është shpërblimi më i madh për mua mbi tokë, të them të vërtetën. Unë qëndrova ndaj një njeriu…

    Peka: se ka një, ka një lajm për këtë se është shumë interesante. Inserti i pestë, Chris Hill për non-gratën tuaj.

    Deklarata e Hill: “Shiko, kam mendime personale për këtë se a janë këto lloj sanksionesh të dobishme apo jo. Si rregull i përgjithshëm, për mua, unë jam një person që nuk zgjedh sanksionet si mjetin e parë. Zgjedh dialogun, që do të thotë të përpiqesh të zgjidhësh gjërat. Por nuk jam në pozicion të komentoj ndonjë deklaratë për sanksione. Mendoj se do të ishte një gabim për një ish-diplomat amerikan të vinte të bënte shumë komente për këtë. Nuk mendoj se ndihmon askënd.”

    Peka: Shiko sa interesante! Pyetja është konkrete, a ndikoi George Soros apo ka dosje?

    Berisha: Nuk e mohon.

    Peka: Nuk e mohon. E para dhe e dyta thotë, unë nuk jam për sanksione.

    Berisha: Një grup diplomatësh të korruptuar, siç ishte Donald Lu dhe Yuri Kim, të akuzuar nga unë për korrupsion, dhe kjo është e shkuara. Natyrisht me ndikimin direkt të George Soros-it tek ai. Kaq. Ky është një proces në vazhdim, por ky proces të garantoj që ne, domethënë, Partia Demokratike ka marrëdhënie normale me administratën e sotme të Shteteve të Bashkuara dhe vazhdon t’i ketë këto, t’i intensifikojnë. Por për ne gjëja më e rëndësishme për mua është qëndrimi i tyre i ri ndaj narkoshtetit shqiptar. Është ndihma më e jashtëzakonshme, unë merrem çdo ditë, dhe ju vetëm në ekonomi po të ndalni një moment të lexoni. Pasojat më shkatërrimtare të narkoshtetit janë në ekonomi…

  • Çfarë mund të mësojmë ne nga njerëzit e mençur?

    Çfarë mund të mësojmë ne nga njerëzit e mençur?

    Nga Simon Kuper

    E kam kuptuar që herët në jetë, edhe në familje, se kishte njerëz shumë më të zgjuar se unë. (Komentuesve ju lutem ti vendosin shakatë e tyre këtu.) Por njëkohësisht kuptova se inteligjenca nuk ishte diçka statike. Kur njerëzit thonë “X është i shkëlqyeshëm”, bazuar në gradën e tij universitare të moshës 21 vjeç, është një thënie e pakuptimtë – sepse X mund të mos ketë mësuar më që atëherë. Çdokush mund ta bëjë veten më inteligjent. Një mënyrë është të studiosh njerëzit më të mençur. Po rendis disa nga zakonet e tyre:

    Ata e trajtojnë çdo situatë si mundësi për të mësuar. Nëse bie në bisedë me njërin prej tyre, pavarësisht nga statusi më i ulët apo niveli i budallallëkut që ti ke, ata e dëgjojnë me vëmendje atë që thua. Ata nuk përpiqen të “fitojnë” takimin duke të goditur me shprehje, figura, batuta apo recitime që i kanë mësuar vite më parë. Njëherë bisedova në një dasëm me një burrë më të vjetër se unë të quajtur Bob. Diskutuam në lidhje me kujdesin shëndetësor në SHBA. Më vonë, motra e nuses më pyeti çfarë mendimi kisha për Bobin. “Ai nuk ishte memec,” i thashë bujarisht. “Jo”, pranoi ajo, “ai ka fituar Nobelin në ekonomi”. Cili është specializmi i tij? e pyeta. “Shëndetësia,” më tha ajo. E megjithatë Robert Fogel më kishte dëgjuar mua me më shumë vëmendje sesa kisha treguar unë për të.

    Ata e drejtojnë mendjen për të parë personin përballë. Njerëzit që e kanë dhuratën për të parë botën e jashtme zakonisht i mbajnë kamerat e tyre të drejtuara nga jashtë. Neurotikët dhe narcistët nuk e bëjnë këtë gjë, pavarësisht se ata mund të jenë artistë të shkëlqyer në brendësinë e tyre (mendoni Woody Allen).

    Ata shpesh e anashkalojnë mërzinë dhe ankthin që shkakton jeta sociale. Ata mendojnë se ka shumë gjëra për të mësuar dhe se nuk ka kohë për të humbur me biseda në rrugë, rinovimin e kuzhinës, çmimet e pasurive të patundshme, thashethemet në lidhje me shkollat ​​lokale, ose bisedat që mbarojnë me shprehjet “Interesante!” apo “Qesharake!”.

    Ata janë specialistë, por gjithnjë mundohen të bëhen mjeshtra dhe në fusha tjera. Jam njohur me Walter Mischel, psikologu që ndihmoi në ndryshimin e të kuptuarit të personalitetit, në vitin e tij të fundit të jetës, kur ai ishte 88 vjeç. Ai rrinte atje me kokën ulur, duke dëgjuar me vëmendje gjithçka që thoshin të gjithë. Në muret e apartamentit të tij, vareshin piktura të mrekullueshme që i kishte bërë vetë në vitet tetëdhjetë. Në mënyrë të ngjashme, Edward Said, studiuesi i njohur në fushën e studimeve postkoloniale, ishte një kritik i rëndësishëm i muzikës. Këta njerëz respektojnë ekspertizën, sepse ata e dinë nga përvoja se është shumë e çmuar. Ata nuk janë si biznesmeni që hyn në politikë duke supozuar se me rregulla që do të aplikojë, pasi është më i zgjuar se idiotët që janë aty, ka për të zgjidhur papunësinë. Por ata kërkojnë të fitojnë ekspertizë edhe në një fushë tjetër. Francis Crick zbuloi kodin ADN pjesërisht për shkak se ai kishte ardhur në biologji nga fizika, duke sjellë me vete një palë sy të freskët.

    Ata mbledhin njohuri nga shumë fusha të ndryshme. Libri më i mirë jo-fiction që njoh është ai i Hannah Arendt: Jeruzalem: Një Raport mbi Banalitetin e së Keqes (1963). Është një përzierje e historisë, filozofisë, reportazheve të saj (nga salla e gjyqit në Jeruzalem, në gjyqin e Adolf Eichmann) dhe – megjithëse kjo është e paqartë – edhe përvojë e saj personale si refugjate në Gjermaninë e Hitlerit.

    Ata bëjnë punën që duan të bëjnë, jo ato punë që bota kërkon t’u imponojë, madje edhe nëse ka një kosto për karrierën ose të ardhurat e tyre. Në kushtet e Warren Buffett, ata përdorin një “vlerësim të brendshëm” (një matës i brendshëm i meritës) dhe jo një “vlerësim të jashtëm” (vlerësimi i meritës nga shoqëria). Ata nuk kanë asnjë interes për të spikatur, për t;u bërë të pasur apo të famshëm. Ata kanë tendencë të mos qëndrojnë në hierarkinë e lartë të organizatave publike ose korporatave, ku ata duhet të ndjekin një vijë të caktuar partiake dhe të bëjnë punët që u caktojnë shefat. Në pjesën më të madhe të shekullit të kaluar, të mençurit mblidheshin nëpër akademi, por kjo po ndryshon: gjithnjë e më shumë, akademikët shpërblehen për thellësi të njohurive në disiplinat e tyre vetiake, pasi fushat po bëhen më teknike dhe të specializuara.

    Ata kanë imagjinatën për të prodhuar ide, por edhe përulësinë teknike për t’i provuar për të kundërtën e tyre. Hortense Powder në kujtimet e saj klasike antropologjike “Stranger and Friend” (1966), përshkruan një fundjavë të gjatë të kaluar në New Hampshire në 1932 në shtëpinë verore të antropologut Edward Sapir. “Rrjedha e mrekullueshme e bisedës” midis mikpritësit dhe një tjetër mysafiri të shtëpisë, psikanalisti Harry Stack Sullivan, e befasoi atë. Ajo ia atribuon veprën pjesërisht “personaliteteve të tyre”. “Çdo njeri duket se kombinon brenda vetes diçka prej shkencëtari dhe poeti”, thotë ajo. Poeti ka idetë; shkencëtari i provon ato. Falë këtij testimi, njerëzit e mençur në botën moderne mësojnë se nuk ka asnjë ide të madhe që shpjegon gjithçka. Esther Duflo, i cili ishte bërë fituesi më i ri i Nobelit në ekonomi, më tha në 2015: “Idetë e mëdha janë shumë joshëse. Unë besoj në ide të vogla”. Njerëzit e mençur thonë atë që mendojnë se është e vërtetë – jo atë që është e përshtatshme për shoqërinë, ose që i shërbën mençurisë konvencionale, apo që është e dobishme politikisht. (Ata nuk i përmbahen ortodoksisë). Të gjithë mund të jemi pak më shumë të ngjashëm me ta, nëse e provojmë.

    ObserverKult

    Lexo edhe:

    “BUKËSHKALË?!”, POEZI NGA TEODOR KEKO

  • Video/ Edi dhe Dolce shkëmbejnë puthjen e parë në BBVK

    Video/ Edi dhe Dolce shkëmbejnë puthjen e parë në BBVK

    Edi dhe Dolce, dy prej banorëve që kanë krijuar më shumë zhurmë dhe kuriozitet tek publiku në “Big Brother VIP Kosova 4”, kanë shpërthyer më në fund në një puthje, duke vulosur afrimitetin e tyre që nisi që në ditët e para të qëndrimit në shtëpi.
    Momenti i shumëpritur erdhi pas një jave të mbushur me lëvizje flirtuese, afrime të vazhdueshme, prekje delikate dhe batuta plot nënkuptime. Dinamika e tyre elektrizuese ka qenë e dukshme jo vetëm për banorët e tjerë, por edhe për publikun që i ndjek me vëmendje në rrjete sociale.
    Puthja e parë ka ndezur menjëherë debatet: a është kjo një ndjenjë e sinqertë që po lind mes tyre, apo vetëm një strategji loje për të fituar vëmendje? Duke parë ritmin e shpejtë me të cilin po afrohen, fansat tashmë po pyesin veten nëse ky raport do t’i rezistojë presionit brenda shtëpisë ku çdo emocion është i shtuar apo nëse romanca mund të kthehet në një pengesë serioze për rrugëtimin e tyre drejt çmimit të madh.
    A do të jetë kjo puthje fillimi i një historie të vërtetë dashurie, apo thjesht një kapitull i shkurtër në lojën më të famshme të Kosovës? Publiku mbetet me sytë nga Edi dhe Dolce.

  • Nga kapiten i të rinjve të Serbisë te lojtar i Kosovës, rikthehet në vëmendje vendimi historik i Arton Zekajt për të përfaqësuar “Dardanët”

    Nga kapiten i të rinjve të Serbisë te lojtar i Kosovës, rikthehet në vëmendje vendimi historik i Arton Zekajt për të përfaqësuar “Dardanët”

    Gjashtë vite më parë, Arton Zekaj, kapiteni i ekipit të të rinjve të Serbisë, vendosi të ndryshojë fanellën dhe të luajë për vendin e tij të origjinës, Kosovën.

    Një vendim që u prit me shumë polemika dhe tensione mes federatave, duke shkuar deri në ndërhyrje në nivelin e FIFA-s.
    Në fillim të këtij viti, Zekaj u largua nga klubi i Hisperanges në Luksemburg dhe që atëherë nuk ka qenë pjesë e ndonjë skuadre tjetër.
    Portali serb, Kurir.rs, ka rikthyer në vëmendje këtë rast në prag të ndeshjes Serbi-Shqipëri në 11 tetor.
    Në një intervistë të vitit 2018 dhënë për Kurir, Zekaj shpjegoi se arsyeja kryesore e ndërrimit të kombëtares ishte mungesa e përkrahjes nga Federata Serbe e Futbollit. Ai theksoi se dëshiron të luajë për ekipin që e do më shumë dhe ku ndihet i pranuar.
    “Do të luaj për ata që më duan më shumë,” tha ai, duke reflektuar një histori që përfshin politika, identitet dhe sfida të mëdha personale.
    Nw artikullin e publikuar nga portali serb, Kosova vijon të quhet e “ashtuquajtura”, duke treguar nivel të ulët respekti dhe seriozitet, pavarësisht se Kosova është njohur nga FIFA dhe UEFA, duke marrë pjesë rregullisht në kompeticionet europiane dhe ndërkombëtare prej vitesh.

    Top Channel

  • “Emri im është përdorur si tabelë qitjeje për vëmendje”/ Parashqevi Simaku: Po më ulin dinjitetin për disa klikime

    “Emri im është përdorur si tabelë qitjeje për vëmendje”/ Parashqevi Simaku: Po më ulin dinjitetin për disa klikime

    Këngëtarja e njohur shqiptare Parashqevi Simaku, e cila prej vitesh jeton në SHBA, në një postim në rrjetet sociale i është përgjigjur disa deklaratave të bëra kundër saj në media.
    Simaku shkruan se prej 10 muajsh emri i saj është përdorur si tabelë qitjeje nga njerëz që kërkojnë të tërheqin vëmendje përmes shpifjeve dhe të pavërtetave.
    “Nëse për disa klikime zgjedh të ulësh dikë tjetër me shpifje, jini të sigurt: në atë moment, e ulni vetëm veten.”, thekson këngëtarja në postimin e saj.
    Më tej Simaku shton se vazhdon rrugën e saj me dinjitet sdhe të vërtetën në krah.
    Postimi i plotë i Parashqevi Simakut:
    Prej 10 muajsh, emri im është përdorur si tabelë qitjeje nga njerëz që përpiqen të tërheqin vëmendje përmes shpifjeve dhe të pavërtetave. Asnjëherë nuk e kam menduar se do të më duhej të reagoja për gjëra kaq të ulëta, që nuk kanë asnjë lidhje me realitetin.
    Por në fakt, kjo nuk është hera e parë që ndodh. Edhe në vitet 1985–1988 flitej për mua – për çmimet që kisha fituar me shumë punë, përkushtim dhe sakrifica – por shumë nga ata flisnin me mllef dhe zili. Edhe atëherë, si sot, zgjodha të mos ndalem.
    Sot dua t’ju them vetëm kaq: Mua nuk më bëni dot asgjë. Publiku im më njeh prej vitesh dhe e di shumë mirë kush jam, çfarë kam dhënë dhe çfarë përfaqësoj.
    Nëse për disa klikime zgjedh të ulësh dikë tjetër me shpifje, jini të sigurt: në atë moment, e ulni vetëm veten.
    Unë vazhdoj rrugën time me dinjitet dhe të vërtetën në krah. Kjo është forca ime.

  • Fati u kthen shpinën, vështirësi në horizont për këto tre shenja të horoskopit

    Fati u kthen shpinën, vështirësi në horizont për këto tre shenja të horoskopit

    Fati u kthen shpinën shenjave të caktuara të zodiakut deri më 4 tetor. Pak para se shtatori të na thotë lamtumirë dhe të mirëpresim tetorin, tre përfaqësues të zodiakut do të përjetojnë situata të vështira.
    Peshorja – Kushtojini vëmendje pasi edhe mosmarrëveshjet më të vogla mund të shndërrohen në grindje epike. Ka paqartësi, lëshime, keqkuptime që çojnë në keqkuptime dhe tensione. Megjithatë, prania e Diellit dhe Merkurit në shenjën tuaj jep disa rreze optimizmi dhe ju kujton të mos e sforconi veten shumë. Është më mirë të lini mënjanë nervat dhe të diskutoni me qetësi.
    Bricjapi – Emocione që ju ngatërrojnë dhe ju ngatërrojnë. Mbajeni të qartë mendimin tuaj si në çështjet profesionale ashtu edhe në ato personale. Ekzagjerimet dhe tensionet nuk mungojnë, prandaj shmangni vendimet e shpejta dhe të nxituara. Kushtojini vëmendje procedurave në dokumente dhe marrëveshje.

    Shigjetari – Mund të ndiheni të izoluar këto ditë, më shumë se njerëzit që normalisht ju mbështesin. Ka më shumë tension në fushën profesionale dhe pavarësisht sukseseve tuaja, lodhja nuk do t’ju lejojë t’i shijoni ato. Kushtojini vëmendje dallimeve të vogla, sepse nëse nuk i zgjidhni, ato do të bëhen të mëdha dhe ndoshta vendimtare për rrugën tuaj, dhe kujdesuni për shëndetin tuaj, pushimi duhet të vijë i pari.

  • Kryeministri Rama ndan peizazhin magjepsës të Majës së Bukanikut, si një thirrje për të dashur dhe mbrojtur natyrën shqiptare

    Kryeministri Rama ndan peizazhin magjepsës të Majës së Bukanikut, si një thirrje për të dashur dhe mbrojtur natyrën shqiptare

    Kryeministri Edi Rama ka ndarë në mediat sociale një video frymëzuese ku shpërfaqet “Peizazh magjepsës nga maja e Bukanikut, Elbasan”, duke sjellë në vëmendje një nga perlat më të bukura të natyrës shqiptare. Pamjet e publikuara janë një homazh për bukurinë e egër dhe të paprekur të Malit të Shpatit, ku Maja e Bukanikut ngrihet madhështore në lartësinë 1831 metra mbi nivelin e detit.E vendosur në juglindje të Elbasanit, në kufi me Librazhdin, kjo zonë është pjesë e vargmalit të Shpatit dhe shtrihet në një gjatësi prej 20 km.Maja është e përbërë nga shkëmbinj magmatikë ultrabazikë dhe dallohet për format e relievit akullnajor si cirqe dhe lugje. Pyjet e dendura me pisha dhe dushqe, burimet e shumta ujore dhe livadhet alpine krijojnë një habitat të pasur për faunën dhe florën vendase1.Një destinacion i preferuar për alpinizëm, fotografi natyrore dhe eksplorim kulturor, sidomos në dimër kur mali mbulohet nga bora dhe peizazhi merr një pamje përrallore.Për një vështrim të detajuar mbi këtë mrekulli natyrore, videoja Maja e Bukanikut (Mali i Shpatit 1831 m), Gjinar, Shpat … ofron pamje të jashtëzakonshme të relievit, pyjeve dhe atmosferës alpine që karakterizon këtë zonë.Peizazhe si Maja e Bukanikut janë pjesë e trashëgimisë natyrore që formëson identitetin shqiptar. Ato nuk janë thjesht vende, janë kujtesa, frymëzim dhe krenari.Promovimi i këtyre zonave ndihmon në zhvillimin ekonomik lokal pa dëmtuar mjedisin, duke nxitur turizmin ekologjik dhe aventurier.Duke i sjellë këto pamje në vëmendje publike, nxisim respektin dhe përgjegjësinë për ruajtjen e natyrës. Mbrojtja e biodiversitetit dhe e ekosistemeve malore është thelbësore për të ardhmen e gjeneratave të ardhshme.Ky postim i Kryeministrit Rama nuk është thjesht një ndarje vizuale, është një thirrje për të parë, për të ndjerë dhe për të vepruar. Shqipëria ka thesare natyrore që meritojnë jo vetëm vëmendje, por edhe përkushtim për t’i ruajtur. Maja e Bukanikut është një prej tyre.
    Albert Vataj/ Koha Jonë

  • FOTO/ Çfarë nuk u pa nga seanca e parë në Kuvend: Shall me sharje, deputetë me paterica dhe vështrimi i Ramës ndaj Berishës

    FOTO/ Çfarë nuk u pa nga seanca e parë në Kuvend: Shall me sharje, deputetë me paterica dhe vështrimi i Ramës ndaj Berishës

    Starton legjislatura e re në Kuvend: Vëmendje për deputetët debutues dhe tensione në fund të seancës
    Kjo e premte, më 12 shtator, shënoi nisjen e legjislaturës së 11-të të Kuvendit të Shqipërisë, me praninë e plotë të 140 deputetëve të rinj. Ndër ta, 72 ligjvënës u ulën për herë të parë në sallën plenare, të dalë nga zgjedhjet e 11 majit.
    Mes pamjeve të publikuara nga LSA, spikatën disa deputete të reja që morën vëmendjen për stilin e tyre. Sara Mile u shfaq me një shall të veçantë, ku ishin “pikturuar” sharjet që kishte marrë gjatë fushatës, duke e kthyer në simbol qëndrese personale. Marjana Koçeku, një tjetër emër i komentuar, u pa me një model të ri flokësh. Ndërkohë, ndryshe nga shumë kolege që kishin zgjedhur kostume serioze, Iris Luarasi preferoi një veshje më të thjeshtë, me këmishë. Demokrati Bardh Spahia ka mbërritur në Kuvend, por ajo që u vu re ishte dëmtimi i tij në këmbë, po ecte me vështirësi, nën ndihmën e patericave.

    Kjo seancë tërhoqi vëmendje edhe për rikthimin e Kryeministrit Edi Rama, i cili këtë herë nuk qëndroi në vendin e zakonshëm të qeverisë, por u ul mes deputetëve të PS-së. Për koincidencë, ai ndodhej pranë Sali Berishës, dhe kamerat kanë kapur një moment kur Rama e vëzhgonte gjatë.
    Seanca përfundoi mes tensioneve, pasi mazhoranca miratoi ngritjen e komisionit të përkohshëm për verifikimin e mandateve, gjë që u kundërshtua nga opozita.
    /vizionplus.tv

  • “Rusia sulmoi me 415 dronë dhe 42 raketa, 8 prej tyre prekën territorin polak”/ Polonia paralajmëron qytetarët: Vëmendje!

    “Rusia sulmoi me 415 dronë dhe 42 raketa, 8 prej tyre prekën territorin polak”/ Polonia paralajmëron qytetarët: Vëmendje!

    Sulmi rus gjatë natës përfshiu 415 dronë, një balistikë dhe 42 raketa kruiz, tha forca ajrore ukrainase në një deklaratë të mëngjesit.

    Prej tyre, u interceptuan 386 dronë dhe 27 raketa kruiz. “Të paktën tetë UAV armik kaluan kufirin shtetëror të Ukrainës duke fluturuar në drejtim të Polonisë”, shton forca ajrore.
    Ndërkohë, banorët polakë morën më parë njoftimet e mëposhtme me SMS në telefonat e tyre: “Vëmendje! Për shkak të operacionit për neutralizimin e objekteve që kanë shkelur kufirin e Republikës Polake, informoni shërbimet për dronët dhe vendet ku bien. Mos u afroni atyre“.

    Top Channel

  • Berisha-Soros, dashuri dhe urrejtje, Lami: Tenton të shpikë armiq për vëmendje, nuk ka parime!

    Berisha-Soros, dashuri dhe urrejtje, Lami: Tenton të shpikë armiq për vëmendje, nuk ka parime!

    Përplasja e radhës mes Trump dhe George Soros i ka dhënë një mundësi Sali Berishës për të kërkuar heqjen e non gratës që sipas tij e ka dhuratë të pakërkuar nga miliarderi 95 vjeçar amerikan.
    Por në historinë e gjatë të tranzicionit ku Sali Berisha është aktor kryesor, ai ka një raport të dyfishtë me George Soros, të karakterizuar jo vetëm nga fërkimet, por edhe nga stina të gjata dashurie.
    Analisti Roland Lami, i cili ishte i ftuar në “Tirana Live” u shpreh se është vështirë të gjesh parime politike të drejta te figura e ish-kryeministrit të Shqipërisë, Sali Berisha.
    Sipas tij, Berisha nuk i manifeston këto parime dhe në këto rrethana veprimtaria e tij varet nga interesat e momentit. Më tej Lami theksoi kryetari i PD-së po tenton të shpikë armiq për të fituar vëmendje.
    “Është e vështirë të gjesh parime të Berisha, ai e ndërton ligjërimin në formatin e agjendës dhe interesave që i shkon për shtat atij. Po shpik armiq për vëmendje, sepse s’ka parime. Berisha po aktron si populist i djathtë”, tha ai.
    Më tej, Lami theksoi se Partia Demokratike nuk mund të rigjenerohet për sa kohë në krye të saj qëndron Sali Berisha.
    “Rigjenerimi i PD derën e ka të mbyllur. Askush nuk do mund t’i ngrejë krye Sali Berishës”, tha ai.
    Ai analizoi dhe përbërjen e Parlamentit dhe thotë se puna e mazhorancës do vijojë e qetë pasi opozita nuk ka asnjë shans ligjor, që t’i bëjë ballë në Kuvend pasi vetë numrat e konfiguruar nga zgjedhjet e 11 majit e kanë “vulosur” fatin e sesionit të ri parlamentar.
    “Një opozitë me 50 numra, ku përballë ka një mazhorancë me një shumicë, nuk e pengon aspak punën e qeverisë. Do jemi në një “Déjà vu” të legjislaturës së kaluar. Do dalin në dukje më shumë elementët agresivë.”, tha ai.