Lajmidites.com

Tag: veçanta

  • Fenomenet e veçanta të natyrës shqiptare/ Ekploruesi tregon zonat që nuk duhen humbur

    Fenomenet e veçanta të natyrës shqiptare/ Ekploruesi tregon zonat që nuk duhen humbur

    Përkthyesi dhe eksploruesi Anri Pashaj ju ka bërë thirrje të gjithë turisvëve vendas dhe të huaj që gjatë udhëtimeve të tyre në Shqipëri të viztiojnë vendet që ofrojnë fenomene të veçanta të natyrës shqiptare.

    I ftuar në Quo Vadis të moderatores Pranvera Borakaj në Vizion Plus, eksploruesi zbuloi vendet ne Shqipëri që ofrojnë pamje të fenomeneve të veçanta natyrore.
    Pjesë nga biseda:

    Anri Pashaj: Ne duhet të dalim të shijojmë vendin tonë. Përveç natyrës shumë të bukur, në mrekullitë tona të shtresëzuara në gjithëfarë shtresezimesh historike, ne kemi dhe fenomene të ndryshme. Paraidolia është një fenomen interesant, kur shikojmë lart retë, pra kur syri shikon diçka. Sa prej nesh e kanë përjetuar paraidolinë te “Guri i Capit”.
    Borakaj: Ku ndodhet?
    Anri Pashaj: Në Moravë, sipër në Korçë. Pasi ti e shikon dhe tjetër gjë percepton truri. Tjetër është Brerorja e akullit, e cila është kur perceptohet hija jote sikur po ecën në re. Është e rrallë dhe e papërsëristëshme.
    Borakaj: Një bloger do pyeste i bëhet foto?
    Anri Pashaj: Po foto dhe video. Është diçka për ta kërkuar. Këndi i diellit që është kur je në kreshtë, sidomos kur je në dimër, dhe nga krahu ku ke re, hija jote mund të projektohet në një lloj ylberi, dhe duket sikur je duke ecur në re.

  • Ankimohet tenderi 7.7 mln euro për mirëmbajtjen e fiskalizimit, shkak kriteret e veçanta

    Ankimohet tenderi 7.7 mln euro për mirëmbajtjen e fiskalizimit, shkak kriteret e veçanta

    Thuajse dy javë nga hapja e procedurës së prokurimit me objekt “Mirëmbajtje e Modulit të Menaxhimit të Kontrollit të Faturimit për Drejtorinë e Përgjithshme të Tatimeve” kjo e fundit është ankimuar në Komisionin e Prokurimit Publik.
    Referuar ankesës së depozituar pranë këtij institucioni duket se shkak janë bërë kriteret e veçanta që janë përfshirë në dokumentet e procedurës që ka një fond limit mbi 770 milionë lekë apo 7.7 milionë euro për 24 muaj. Ankimuesi ka përmbledhur një seri ankesash në dokumentin drejtuar KPP të cilat sipas tij lidhen me kritere të veçanta kualifikimi.
    Agjencia Kombëtare e Shoqërisë së Informacionit ka njoftuar se data e mbylljes së procedurës është 29 maji teksa do të jetë KPP që do të vendosë se çfarë do të ndodhë me ankimimin.
    Tenderi për fiskalizimin
    Procedura u hap në datë 29 prill dhe dokumentet që shoqërojnë argumentohet se qëllimi kryesor i këtij projekti është mirëmbajtja e sistemit te Menaxhimit te Kontrollit te Faturimit (sistemi i Fiskalizimit) për Drejtorinë e Përgjithshme të Tatimeve.
    “Duke garantuar funksionimin e plotë të sistemit elektronik, në të gjithë komponentet e tij: software dhe hardware.
    Ky sistem është i hostuar ne Datacenter-in Qeveritar, pranë Agjencisë Kombëtare te Shoqërisë se Informacionit (AKSHI) dhe ofron shërbimet për rreth 125 mije tatimpagues si dhe për vetë administratën tatimore.
    Disponueshmeria e sistemit të fiskalizmit është shume e rëndësishme. Shërbimi i fiskalizmit si dhe Portali i tatimpaguesve (SelfCare) nuk mund te pësojnë ndërprerje te shërbimeve për me tepër se disa minuta, ai nuk mund të tolerojë ndërprerje të planifikuar të shërbimeve për upgrade, update apo modifikime të ndryshme.
    Shërbimet e ofruara ndaj tatimpaguesve (fiskalizmi, verifikimi i faturave, pranimi/refuzimi i faturave, etj) si dhe ndaj administratës tatimore duhet te jene funksionale 24ore/ne 7 dite” thuhet në dokumente.
    Aktualisht ky sistem përdoret nga bizneset, qytetarët ndërkohë që në përdorim të brendshëm nga administrata tatimore dhe institucione të tjera publike të autorizuara./Monitor

  • Rama: Për të gjithë fëmijët me aftësi të veçanta do të dyfishohet mbështetja për nënat e tyre

    Rama: Për të gjithë fëmijët me aftësi të veçanta do të dyfishohet mbështetja për nënat e tyre

    Në takimin elektoral të zhvilluar në Gjirokastër, kryeministri Edi Rama prezantoi arritjen e qeverisë krahasuar me situatën e gjetur kur morën detyrën. Gjithashtu shpalosi edhe projekte që pritet të realizohen edhe më tej.
    “Në Shqipërinë 2030 kemi shumë besim që do të ketë fluturime nga aeroporti i Gjirokastrës”, tha kryeministri.
    Ndër temat kryesore që spikatën ishte procesi europian, situata ekonomike, pensionet, pagat duke mos lënë pas edhe infrastrukturën dhe aeroportet.
    “Kjo është fushata e parë që flas për pensionet. E kam thënë që do duhet të rritemi ekonomikisht. Pikërisht pse ekonomia ka filluar të japë rezultate, kemi më shumë të ardhura. Na u krijua mundësia të rrisnim bonuse, pastaj me dy bonuse.  Pensioni mesatar do shkojë 400 euro në Shqipërinë e vitit 2030 dhe për të arritur të mos ketë në Shqipëri pension nën 200 euro”, tha ai.
    Rama gjithashtu tha se për të gjithë fëmijët autikë ose me aftësi të tjera të veçanta do të dyfishohet mbështetja për nënat e tyre që nga buxheti i vitit të ardhshëm.
    “Tek programet për mbrojtjen sociale. Janë një sërë programesh që ne i kemi hapur rishtaz. Për të gjithë fëmijët autikë, ose me aftësi të tjera të veçanta ne do të dyfishojmë që në buxhetin e vitit të ardhshëm mbështetjen për nënat e tyre”, tha Rama.

  • Rama premton ndihmë për autizmin, por e përdor si ofendim në fushatë

    Rama premton ndihmë për autizmin, por e përdor si ofendim në fushatë

    Kryeministri Edi Rama ka tërhequr kritika pas deklaratave të tij në një takim elektoral në Gjirokastër, ku përdori termin “autik” në kontekst negativ për të sulmuar kundërshtarët politikë. Kjo deklaratë vjen në një kohë kur qeveria ka premtuar mbështetje të posaçme për fëmijët me aftësi ndryshe, përfshirë ata me autizëm.
    “Paguajtën lekët e dynjasë për të paguar Latifin. Më hidhen mua pse them gjysma e burrave janë çyrykë… Po ça të them, e them si metaforë, nuk është raport klinik. Për mua kush shkon në kënetë është gjysmak. Të zgjedhësh midis BE dhe kënetës, kënetën dmth nuk je mirë, politikisht je autik, s’e mirë”, deklaroi Rama.
    Përdorimi i termit “autik” në këtë kontekst ka ngjallur reagime, duke u konsideruar si ofendues dhe në kundërshtim me qëndrimet zyrtare të qeverisë për të drejtat e personave me aftësi të veçanta.
    Kujtojmë se Rezoluta e OKB-së e vitit 2007 thekson rëndësinë e rritjes së ndërgjegjësimit dhe përfshirjes së personave me autizëm në shoqëri. Konventa ndërkombëtare për të drejtat e fëmijës, e ratifikuar edhe nga Shqipëria, obligon qeveritë të garantojnë mbrojtje dhe përfshirje për fëmijët me aftësi të kufizuara.
    Në mars të këtij viti, Kryeministri Rama premtoi një paketë mbështetjeje që do të hynte në fuqi në janar 2026, me fokus tek fëmijët me nevoja të veçanta. “… duhet dhe deri në mandatin e katërt do t’i japim një mbështetje speciale të gjithë fëmijëve me aftësi të veçanta, duke filluar nga fëmijët që vuajnë nga autizmi…”, deklaroi ai në atë kohë.
    Deklarata e fundit, megjithatë, është interpretuar nga opinioni publik si një shenjë e mungesës së ndjeshmërisë ndaj kësaj kategorie dhe ka ngritur pikëpyetje mbi sinqeritetin e angazhimeve qeveritare në këtë drejtim.

  • “S’do mund të bëjë kush korrupsion mbi ju”/ Berisha premton: Minimumi jetik për personat me aftësi të veçanta do tejkalohet

    “S’do mund të bëjë kush korrupsion mbi ju”/ Berisha premton: Minimumi jetik për personat me aftësi të veçanta do tejkalohet

    Kreu i Partisë Demokratike, Sali Berisha, ka zhvilluar një takim me persona me aftësi të veçanta.Berisha u premtoi individëve me aftësi të veçanta, të cilët janë kryefamiljarë minimumin jetik dhe tha se qeveria “nuk mund të bëjë korrupsion me ata”.
    “Sot, qëndrimi i shoqërisë ndaj jush në një mënyrë apo një tjetër, është një lloj braktisje. Braktisje është nëse ju për problemet që keni, paguheni me një shumë qesharake. Në qoftë se, shoqëria nuk bën çdo përpjekje për përfshirjen tuaj brenda atyre mundësive që keni në jetën normale, në punë.Po të shohësh sot, nga 17 mijë invalidë të deklaruar në gjendje pune, janë gjithsej të punësuar 300-400 prej tyre. Në administratën shtetërore, që e ka për detyrim, nga 220 mijë punonjës, ka gjithsej 212 invalidë. Kjo është një aktakuzë shumë e rëndë për këtë administratë.
    Unë u garantoj ju të dashur miq se pothuajse 1/3 e rrogave që jepen në administratën shtetërore janë në emigracion dhe nuk janë fare në Shqipëri, por janë emra të regjistruar dhe qeveritarët, zyrtarët ndajnë ato paratë njëri me tjetrin. Kurse ju, ju lënë me pensione absolutisht si aktakuzë e rëndë e kësaj vjedhje që bëhet.
    140 mijë lekë pensioni, në një kohë kur shumë nga ju jeni kryefamiljarë, keni njerëz për të mbajtur, keni detyrime përveç vetes tuaj, do të thotë t’u dënosh ju me mjerim. Dhe ky, është dënimi me mjerim, sepse nëse i jep ti tjetrit 150 mijë lekë të vjetra për të kaluar muajin me të gjithë problemet që ka, ilaçet, etj, ai nuk e përballon dot kurrë jetën.
    Ne e kemi shpallur, në Shqipëri nuk do ketë pension nën 200 euro, por ju garantoj se pensionet për ju, pra ky minimum jetik do tejkalohet sipas shkallës së aftësisë ndryshe, pa asnjë lloj hezitimi.
    U siguroj se për secilin qytetar me aftësi ndryshe, që është kryefamiljar, që mban familjen, familjarët e tij do trajtohen me minimumin jetik. Nuk do mund të bëjë kush korrupsioni mbi ju.
    Shikoni çfarë djallëzie kanë bërë këta, që nuk e ka kërkush. Ligji që parashikon përmbushjen e nevojave tuaja, ai ligj nuk thotë për qytetarët me aftësi ndryshe, por thotë edhe për qytetarët me aftësi ndryshe, domethënë që të lëshohet edhe lukunia tjetër. Por, ne qëllimin duhet ta kemi në radhë të parë për këtë grup të shoqërisë, sepse aty është prova e njerëzisë, prova e humanizmit, prova e bamirësisë. Nuk është bamirësi, është detyrim madhor”, tha Berisha.

  • Më shumë reforma për fëmijët, Rama: Shtojmë mësuesit specialë për 16 mijë të vegjël me aftësi të veçanta

    Më shumë reforma për fëmijët, Rama: Shtojmë mësuesit specialë për 16 mijë të vegjël me aftësi të veçanta

    Në zhvillim të politikave sociale u mbajt sot në Tiranë, Konferenca Rajonale “Përshpejtimi i Reformave të Kujdesit për Fëmijët drejt Anëtarësimit në Bashkimin Europian”.
    Kryeministri Edi Rama tha se Shqipëria ka bërë progres të dukshëm në kujdesin ndaj fëmijëve, ndërsa shtoi se synohet një përkujdesje e shtuar në buxhet dhe mësues për 16 mijë personat me aftësi të veçanta.
    “Një nga pikat ky synojmë të bëjmë një hop sasior dhe cilësor në financim dhe organizim dhe ndërveprimit me partnerët e tjerë është adresimi i situatës së 16 mijë fëmijëve me aftësi të veçanta, të cilët janë përfitues të skemave të reja të mbështetjes, por  të cilët besoj unë në këtë fazë dhe kushtet kur mundësitë tona ekonomike rriten meritojnë rritje të mbështetjes nga ana jonë. Një rritje mbështetjeje e cila nuk është thjesht financiare por edhe institucionale. Për këtë ministria e Shëndetësisë dhe Arsimit po punojnë që të rrisin numrin e mësuesve specialë, sikundër dje kemi hapur një kapitull të ri në sistemin tonë të shërbimit shëndetësor me hapjen e klasave të para për fëmijët në spital, klasa mësimore dhe arti, që iu shërbejnë fëmijëve që të mos humbasin kontaktin me mësimin, por iu shërbejnë përmes një kurrikule speciale që të energjizohen me besim dhe bindjen se do t’ia dalin në betejën e sëmundjeve të tyre”, tha Rama.

    Për Ambasadorin e Bashkimit Europian në Shqipëri,  Silvio Gonzato procesi i anëtarësimit nuk do të thotë vetëm miratimi Teknik i legjislacionit, por kërkon shndërrimin e të gjithë shoqërisë.
    “E shikojmë garancinë për fëmijët si një nga programet më kyçe për të ofruar mbështetje për të rinjtë. Në mënyrë që fëmijët të kenë qasje efektive në shëndetësinë falas, në arsimin cilësor dhe të lirë, strehim me dinjitet por edhe ushqimin e duhur. Po të vëmë në prioritet mirëqenien e fëmijëve atëherë do të ketë zhvillim dhe ecuri më të mirë sociale. Nga këndvështrimi ekonomik duhet kontribut edhe për integrimin e tyre në tregun e punës dhe në jetën shoqërore, që tranzicioni nga shkolla në puna ta kalojnë më lehtë dhe duke iu ofruar mundësi më të mira ekonomike”, tha Gonzato.
    Konferenca u organizua me pjesëmarrjen e përfaqësuesve nga vendet e Ballkanit Perëndimor – Shqipëria, Kosova, Maqedonia e Veriut, Mali i Zi dhe Kosova si një platformë e rëndësishme për forcimin e politikave sociale dhe mbrojtjes së fëmijëve në rajon./vizionplus.tv

  • “Janë 16 mijë fëmijë me aftësi të veçanta”/ Rama: Po punohet për shtimin e mësuesve specialë

    “Janë 16 mijë fëmijë me aftësi të veçanta”/ Rama: Po punohet për shtimin e mësuesve specialë

    Kryeministri Edi Rama ka deklaruar ditën e sotme se qeveria po punon për rritjen e mbështetjes për fëmijët me aftësi të veçanta.Në konferencën rajonale “Përshpejtimi i Reformave të Kujdesit për Fëmijët drejt Anëtarësimit në Bashkimin Evropian”, Rama deklaroi se janë 16 fëmijë me aftësi të veçanta që mertitojnë jo vetëm mbështetje financiare, por edhe institucionale.
    Më tej, ai tha se po punohet për shtimin e mësuesve specialë, si edhe për hapjen e klasave të para për fëmijët që janë të shtruar në spitale.“BE ka përcaktuar edhe një financim të veçantë, që i ndihmon vendet anëtare për të ceur në shinat e paracaktuara përmes dokumentit të garancisë europiane dhe për zbatuar masa konkrete në reduktimin e varfërisë së fëmijëve, nga ana tjetër në ngushtimin e hendekut që është tejet shqetësues më të gjithë hapësirën europiane.
    Këtu natyrisht që financimi i posaçëm lidhet me përfshirjen aktive të qeverise kombëtare e vendore, ndërtimin e partneriteteve me organizata qeveritare dhe përmirësimin e infrastrukturës arsimore e shëndetësore. Në të gjitha këto drejtime kemi bërë kemi bërë një progres të dukshëm, duke synuar të përfitojmë nga financimi i BE.
    Një nga pikat ku synojmë të bëjmë është adresimi i situatës së 16 mijë fëmijë me aftësi të veçanta të cilët në këtë fazë dhe kushtet kur mundësitë tona ekonomike rriten, meritojnë një rritje të mbështetjes nga ana jonë, e cila nuk është thjesht e vetëm financiare por edhe institucionale.
    Për këtë po punohet aktivisht që të rritet numri i mësuesve speciale, ashtu sikundër kemi hapur dje një kapitull të ri për hapjen e klasave të para për fëmijët e shtruar në spital, klasa mësimore dhe arti, u shërbejnë të mos humbasin kontaktin me mësimin dhe të energjizohen me besim e bindje se do t’ia dalin në betejën me sëmundjen e tyre”, shprehet Rama.